汉文 ىلە اقپارات تورابىنا حوش كەلدىڭىزدەر!
پارتيا مەن حالىققا قالتقىسىز ادال مەملەكەت قاقپاسىن كۇزەتۋشى بولامىن
2022-06-01 12:28:45     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

− قورعاس قالالىق قوعام حاۋىپسىزدىگى مەكەمەسى شارلاۋ - تىزگىندەۋ ۇلكەن اترەتى 3 - ورتا اترەتىنىڭ باستىعى گو ۋانجيە جونىندە

لۋ جۇڭ (ٴوز ٴتىلشىمىز)


قوعام ورنىقتىلىعى مەن باياندى تىنىشتىقتى قورعاۋ ٴۇشىن شينجياڭنىڭ قوعام حاۋىپسىزدىگى سالاسى ۇرپاقتار بويى ۇزدىكسىز كۇرەس جاساپ، «حالىقتىڭ قوعام حاۋىپسىزدىگى حالىق ٴۇشىن ىستەۋ» اۋەلگى ماقساتى مەن بورىشىن امالياتتا ايگىلەپ كەلەدى. قورعاس قالالىق قوعام حاۋىپسىزدىگى مەكەمەسى شارلاۋ - تىزگىندەۋ ۇلكەن اترەتى 3 - ورتا اترەتىنىڭ باستىعى گو ۋانجيە مەملەكەت قاقپاسىن كۇزەتىپ جاتقان ادال جاۋىنگەرلەردىڭ ۇلگىسى. ساقشىلىق قىزمەتپەن شۇعىلدانعالى ول بورىشتى ەستە بەرىك ساقتاپ، بۇقارامەن تىلەكتەس بولىپ، كۇشتى كاسىپشەڭدىك رۋح جانە جاۋاپكەرلىك سەزىممەن قاراستى رايونداعى كاسىپورىندار مەن بۇقارانى ۋايىمنان ارىلتىپ، قيىنشىلىعىن شەشىپ كەلەدى. تاياۋدا قوعام حاۋىپسىزدىگى مينيسترلىگى، كوممۋنيستىك جاستار وداعى ورتالىق كوميتەتى بۇكىل مەملەكەتتەگى قوعام حاۋىپسىزدىگى ورگاندارىنداعى ناتيجەسى كورنەكتى جاستار كوللەكتيۆى مەن ناتيجەسى كورنەكتى جاس حالىق ساقشىلارىن جالپى حابارلاندىرۋ شىعارىپ ماداقتاۋدى ۇيعاردى. 33 جاستاعى گو ۋانجيە «ناتيجەسى كورنەكتى جاس حالىق ساقشىسى» داڭقتى اتاعىنا يە بولدى.

«گو ۋانجيەنىڭ ٴون بويىنان قوعام حاۋىپسىزدىگى حالىق ساقشىلارىنىڭ ەرلىكپەن ۇلەس قوسىپ، باتىلدىقپەن جاۋاپكەرشىلىك ارقالاي الاتىن، پارتيا مەن حالىققا شەكسىز ادال بولۋ سىندى تاماشا قاسيەتى مەنمۇندالايدى» دەدى قورعاس قالاسىنىڭ ورىنباسار قالا باستىعى، قالالىق قوعام حاۋىپىسزدىگى مەكەمەسى پارتكومىنىڭ شۋجيى، مەكەمە باستىعى ۋاڭ جيانفىڭ تىلشىگە.

قيىنشىلىققا جولىققاندا ول قاشان دا اتويلاپ الدا جۇرەدى

گو ۋانجيەمەن بارىس - كەلىس جاساۋ بارىسىندا، ونىڭ كەم ٴسوزدى ادام ەكەنىن بىردەن بايقايسىز، «ول ادەتتە كوپ سويلەمەگەنىمەن، ىشكى جان دۇنيەسى سۇيىسپەنشىلىككە تولى. حاۋىپ - قاتەر بولا قالسا، اتويلاپ العا شىعادى» دەپ باعا بەردى قىزمەتتەستەرى.

2020 - جىلى 4 - ايدا گو ۋانجيە وبلىستىق قوعام حاۋىپسىزدىگى مەكەمەسى ەرەكشە ساقشى تارماق اترەتىنەن قورعاس قالالىق قوعام حاۋىپسىزدىگى مەكەمەسى شارلاۋ - تىزگىندەۋ ۇلكەن اترەتىنە اۋىسىپ كەلىپ 3 - ورتا اترەتتىڭ باستىعى بولىپ تۇرعان كەز − ٴدال جاڭا تيپتى ايدارشا ۆيرۋس وكپە قابىنۋ ىندەتىنىڭ تۇتقيىل شابۋىلىنا ۇشىراعان مەزگىل ەدى. ول ىندەتتەن ساقتانۋ - تىزگىندەۋدى قاتاڭ مىقتى يگەرۋ العى شارتىندا، زات تاسىمالىنىڭ حاۋىپسىز ىركىلىسسىزدىگىنە كەپىلدىك ەتىپ، قورعاس تاس جول وتكەلىن جابىق كۇيدە باسقاردى.  شارلاۋ - تىزگىندەۋ ۇلكەن اترەتى 3 - ورتا اترەتىنىڭ نانجيڭ جولىنداعى قوعام حاۋىپسىزدىگى مىندەت وتەۋ ورنى تاس جول وتكەلىندەگى بىردەن ٴبىر كىرەر اۋىزداعى وتكەلەك بولىپ، وتكەلگە كىرىپ - شىققاندا تىزىمدەلەتىن اۆتوكولىكتەر مەن شوفەرلاردىڭ ينفورماتسياسىنا سالىستىرۋ جانە تەكسەرۋ جۇرگىزەدى. گو ۋانجيە وزىنە ٴتان وسى «شايقاس مايدانىنان» تاپجىلماي ٴوز مىندەتىن ادا ەتتى.

 ىندەتتەن ساقتانۋ - تىزگىندەۋ قىزمەتىنىڭ قاجەتىنە ساي، نانجيڭ جولىنداعى قوعام حاۋىپسىزدىگى مىندەت اتقارۋ تۇيىنىندە جابىق كۇيدەگى باسقارۋدى اتقارۋدان تىس، مىندەت اتقارعان كەزدە حالىق ساقشىلارى قورعانۋ كيىمىن كيۋى قاجەت ەدى. «ەڭ قيىنى جاز ماۋسىمى بولىپ، قورعانۋ كيىمىن كيگەننەن باستاپ بۇكىل دەنەڭدى قالىڭ اۋا وتپەيتىن جىلۋ ساقتاعىش جارعاقپەن وراپ قويعانداي سەزىلەدى. قوزعالماي تۇرساڭ دا تىنىس الا المايسىڭ، كوپ وتپەي كيىمىڭ تەرگە مالشىنىپ شىعا كەلەدى» دەدى گو ۋانجيە.

 تۇستە مىندەت اتقارۋ ەڭ جاپالى. «ٴتىسىڭدى تىسىڭە باسقاندا عانا قورعانۋ كيىمىن كيۋگە باتىلدىق ەتە الاسىڭ، الايدا تۇستە كەزەكشىلىككە ەڭ كوپ تۇراتىن ادام گو ۋانجيە بولاتىن، ول تاعى <مەنىڭ تەرىم ٴبارىبىر قارا، كۇنگە كۇيمەيمىن> دەگەندى سىلتاۋراتاتىن» دەدى حالىق ساقشىسى ما شۋەپىڭ تىلشىگە. 

مىندەت اتقارعان كەزدە الدىڭعى كەزەككە، تاماق ىشكەن كەزدە سوڭعى كەزەككە تالاسادى. «تاماق ىشەردە 3 بان كەزەكتەسىپ ىشەمىز، گو اترەت باستىعى ٴار جولى <مەنىڭ قارنىم اشپادى، سەندەر الدىمەن بارىڭدار> دەيتىن. وعان كەزەك كەلگەندە تاماق سۋىپ قالاتىن» دەدى حالىق ساقشىسى گوۋ جي تىلشىگە.

 كەم ٴسوزدى ونىڭ جالىن اتقان جۇرەگى بار 

شارلاۋ - تىزگىندەۋ ۇلكەن اترەتى 3 - ورتا اترەتتىڭ قاراستىلىعىنداعى اۋماق قورعاس قالاسىنىڭ ونەركاسىپ باقشا رايونى بولىپ، وندا كاسىپورىندار كوپ بولاتىن. 3 - ورتا اترەت كاسىپورىننىڭ قاجەتىمەن بىرلەستىرىپ، زات اينالىمىنىڭ ىركىلىسسىزدىگىنە كەپىلدىك ەتىپ، كاسىپورىننىڭ ٴوندىرىس تىزبەگىنىڭ، قامداۋ تىزبەگىنىڭ ورنىقتى بولۋىنا كەپىلدىك ەتتى.

قورعاس جين - ي حالىقارالىق ساۋدا (توبى) شەكتى سەرىكتەستىگىنىڭ ورىنباسار ديرەكتورى جياڭ سۇڭجيە بۇل جونىندە تەرەڭ اسەرگە يە: «قورعاس قالالىق قوعام حاۋىپسىزدىگى مەكەمەسى اماندىقتى عانا قورعاپ قالماي، كاسىپورىنداردى ۋايىمنان ارىلتىپ، قيىنشىلىعىن شەشتى. ىندەت سەبەبىنەن كاسىپورنىمىزدىڭ اۆتوكولىك ەكسپورت ەتۋى ىقپالعا ۇشىرادى، كاسىپورنىمىزدىڭ قيىنشىلىققا جولىققانىنان حابار تابىسىمەن گو اترەت باستىعى ەڭ الدىمەن بارىپ سايكەستىرىپ، اۆتوكولىكتەردىڭ كەدەننەن ٴساتتى وتۋىنە كەپىلدىك ەتتى. 2021 - جىلى سەرىكتەستىگىمىزدىڭ ساۋدا مولشەرى ۇزدىكسىز ارتتى، مۇنى قوعام حاۋىپسىزدىگى ورگاندارىنىڭ قورعان بولۋىنان بولە قاراۋعا بولمايدى».

سابىرلى دا كەم ٴسوزدى گو ۋانجيە قىزمەتتەستەرىنىڭ نازارىندا سەنىمدى اعالارى ەدى. «گو اترەت باستىعى كەم ٴسوزدى بولعانىمەن، قىزمەتتەستەرى قيىنشىلىققا جولىقسا ٴۇن - ٴتۇنسىز كوڭىل بولەدى جانە كومەكتەسەدى» دەدى گوۋ جي.

ساقشىلىقتاعى ناقتى سوعىس جاتتىعۋىندا گو ۋانجيە قاتال ۇستاز. جاتتىعۋ الاڭىندا ول ٴاربىر اترەت مۇشەسىنىڭ ارەكەتىنە، تەحنيكاسىنا  جىڭىشكەلىكپەن قاتاڭ تالاپ قويادى، ارەكەتتى قايتا - قايتا جاتتىقتىرىپ، ولشەمگە جەتكەنگە دەيىن جالعاستىرادى، قايسى اترەت مۇشەسى جاقسى ىستەي الماسا نەمەسە ارەكەتتى قاتە ىستەسە، ول قاتاڭ سىندايدى، سونداي - اق ٴوزى ۇلگى كورسەتەدى.

 ۇستىمدەگى ساقشى كيىمىمە كىر كەلتىرمەۋىم كەرەك

ساقشى بولعان ون جىلدان بەرى گو ۋانجيە وتباسىنداعىلارعا ارناعانى قىسقا ۋاقىتتىق سەرىك بولۋ جانە تەلەفوندا عانا امانداسۋ بولدى. اكە - شەشەسى ماناس اۋدانىنىڭ شينحۋ ەگىس الاڭىنىكى، ارالىق ونشا الىس بولماسا دا، تالاي جىلدان بەرى ۇيىنە تەك ەكى رەت عانا قايتقان. اكە - شەشەسى وعان امانداسا كەلگەندە دە ولارعا از ۋاقىت عانا سەرىك بولاتىن.

«اكە - شەشەم بۇل جەردىڭ جاعدايىنا قانىق بولماعاندىقتان، كەلگەن سوڭ وزدەرى اقىرىنداپ ورتاعا ۇيىرلەسەتىن. مەنى الاڭداتپاۋ ٴۇشىن ٴار جولى ۇيگە جەتىپ العان سوڭ عانا ماعان حابارلاساتىن». وسىلاردى ايتقاندا گو ۋانجيەنىڭ جانارىنا  جاس ٴۇيىرىلدى. 

جۇبايى تۋرالى ٴسوز بولعاندا گو ۋانجيە ٴتىپتى دە قىنجىلا ٴتۇستى. 2021 - جىلى 10 - ايدىڭ 3 - كۇنى گو ۋانجيە نەكەلەنەتىن قۋانىشتى كۇن ەدى. تويدان ٴبىر كۇن بۇرىن شۇعىل مىندەت تاپسىرىپ العان گو ۋانجيە قىزمەت ورنىنا قايتىپ قىزمەتكە كىرىسىپ كەتەدى. سودان 5 ايدان استام ۋاقىت كەلىنشەگىمەن كەزدەسە المايتىنىن ول ويلاپ تا كورمەگەن ەدى.

پەرزەنت جانە وتاعاسى بولۋ تۇرعىسىنان گو ۋانجيە ولاردان الاڭسىز ەمەس ەدى. كەيدە مىندەت وتەپ جاتقاندا باسقالاردىڭ وتباسىنداعىلارمەن بىرگە مارە - سارە بولىپ جاتقانىن كورگەندە ول قاتتى قىزىعاتىن. الايدا ول: «ٴبىزدىڭ ۇلەس قوسۋىمىز ٴتىپتى دە كوپ وتباسىلاردىڭ الاڭسىز باس قوسۋى ٴۇشىن، اسىرەسە، ٴبىز سياقتى قورعاۋشىلارى بولعاندىقتان ٴار ۇلت بۇقاراسىنىڭ تۇرمىسى الاڭسىز، باقىتتى ٴوتىپ جاتقانىن ويلاعانىمدا، ىستەگەن ەڭبەگىمنىڭ قۇندى ەكەنىن سەزىنەمىن» دەدى. 

«ساقشى كيىمىن كيگەن ەكەنمىن، وعان كىر كەلتىرمەۋىم ، حالىق بۇقاراسىنىڭ ٴومىرى مەن مال - مۇلكىنىڭ اماندىعىن قورعاۋ اۋىر مىندەتىن ۇستىمە الۋىم كەرەك! بۇدان بىلايعى قىزمەتتە مەن ٴتىپتى دە تاسقىنداعان قىزۋ سۇيىسپەنشىلىكپەن، ٴتىپتى دە اسقاق جىگەرمەن، ٴتىپتى دە بەرىك ستيلمەن پارتيا مەن حالىق جۇكتەگەن داڭقتى بورىش پەن مىندەتتى باتىلدىقپەن ورىنداپ، ٴىس جۇزىندىك ارەكەتىم ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الىپ، شينجياڭنىڭ قوعام ورنىقتىلىعى مەن باياندى تىنىشتىعى ٴۇشىن تىڭ ۇلەستەر قوسامىن!» دەدى گو ۋانجيە.