− باس شۋجي شي جينپيڭنىڭ وسپىرىمدەر مەن بالالاردىڭ ەسەيىپ - ەرجەتۋىنە، دارىندى بولۋىنا كوڭىل بولگەندىگى جونىندە ەستەلىك
شينحۋا اگەنتتىگىنىڭ تىلشىلەرى حۋاڭ يۋە، گاۋ لەي، جاڭ يان
وسپىرىمدەر كۇشەيسە، مەملەكەت كۇشەيەدى، وسپىرىمدەر العا باسسا، مەملەكەت العا باسادى.
پارتيا 18 - قۇرىلتايىنان بەرى باس شۋجي شي جينپيڭ قىزىل بيلىكتىڭ ءىزباسارلارى بولۋدىڭ، جۇڭگوشا سوتسياليزم ىستەرىنىڭ وتىن وشىرمەي جالعاستىرۋدىڭ ستراتەگيالىق بيىگىندە تۇرىپ، وسپىرىمدەر مەن بالالاردىڭ ەسەيىپ - ەرجەتۋىنە، دارىندى بولۋىنا كوڭىل ءبولىپ، وسپىرىمدەر مەن بالالار قىزمەتىنىڭ دامۋىن، العا باسۋىن جوسپارلاپ، جاڭا داۋىردەگى وسپىرىمدەر مەن بالالاردى قايراتتانا ەكپىندەي ۇمتىلىپ ىسكەرلىك كورسەتۋگە، نۇر - شۇعىلاعا ۇمتىلىپ ەسەيىپ - ەرجەتۋگە ىنتالاندىردى.
”سوتسياليزمنىڭ قۇرىلىسشىلارى مەن ءىزباسارلارى بولىپ ەسەيۋگە قۇلشىنىڭدار“
وسپىرىمدەر مەن بالالار − وتاننىڭ ءۇمىتى، ۇلتتىڭ بولاشاعى.
2014 - جىلى 5 - ايدىڭ 30 - كۇنى باس شۋجي شي جينپيڭ بەيجيڭ قالاسى حايديان رايونى ۇلتتىق باستاۋىش مەكتەبىنىڭ پيونەرلەر وتريادىنا قابىلداۋ سالتىنا قاتىناسقاندا ءوزىنىڭ كەزىندە وتريادقا قابىلدانعان ءساتىن ەسكە الدى.
باس شۋجي: ”وتريادقا قابىلدانعان كەزدە جۇرەگىم اتتاي تۋلاپ، ايرىقشا تەبىرەنگەنىم ەسىمدە. سەندەر سونداي سەزىمدە بولدىڭدار ما، جوق پا“؟ - دەدى، بالالار ”بولدىق“ دەپ جاۋاپ بەردى.
”نە ءۇشىن بۇلاي بولادى؟ سەبەبى بۇل − داڭق“، - دەدى باس شۋجي، - ”مەن سەندەردىڭ جۇزدەرىڭنەن ءۇمىتتى كوردىم، بۇل وتان مەن حالىقتىڭ ءۇمىتى. سەرتتە ايتىلعانىنداي، كەلەشەكتە ءىز باسۋعا ءارقاشان دايىن بولۋ كەرەك“.
تەرەڭ تولعاعان بۇل سوزدەر قالىڭ وسپىرىمدەر مەن بالالاردى اسقاق مۇرات ورناتۋعا، جۇڭگو ارمانىن جۇزەگە اسىرۋدىڭ جارقىن بولاشاعى ءۇشىن جالعاستىرا كۇرەس جۇرگىزۋگە دايىن بولۋعا جەتەلەدى.
”ومىردەگى ەڭ ماڭىزدى مۇرات وتانمەن جانە حالىقپەن بايلانىسىپ جاتۋى ءتيىس“ دەپ ءۇمىت ارتتى؛ ”سەندەردەي وسى بۋىننىڭ ۇلتتىق ماقتانىش سەزىمى، داڭق سەزىمى ەڭ كۇشتى دەۋگە بولادى“ دەپ باسا دارىپتەدى؛ ”ەلىمىزدىڭ سوتسياليستىك وسىزاماندانۋى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى كەلەشەكتە سەندەردىڭ قولدارىڭدا جۇزەگە اسادى“ دەپ تاپسىردى...
باس شۋجي شي جينپيڭنىڭ تەرەڭ سۇيىسپەنشىلىككە تولى تاپسىرماسى، ىجداعاتتى ءتالىمى جاڭا داۋىردەگى وسپىرىمدەر مەن بالالاردى ”سوتسياليزمنىڭ قۇرىلىسشىلارى مەن ءىزباسارلارى بولىپ ەسەيۋگە قۇلشىنۋعا“ جەتەكتەدى.
ءار جىلعى ”1 - ماۋسىم“ حالىقارالىق بالالار مەرەكەسىندە بالالار ءاردايىم ”ەرەسەك دوسى“ باس شۋجي شي جينپيڭنەن قامقورلىق پەن ىزگى تىلەك تاپسىرىپ الادى.
2013 - جىلى 5 - ايدىڭ 29 - كۇنى پارتيا 18 - قۇرىلتايىنان كەيىنگى العاشقى بالالار مەرەكەسى قارساڭىندا، باس شۋجي شي جينپيڭ بەيجيڭ قالاسى وسپىرىمدەر سارايىنا كەلىپ، بۇكىل ەلدەگى 56 ۇلتتىڭ وسپىرىمدەرى مەن بالالارىنىڭ، توڭكەرىستىك بايىرعى رايونداردان، اپات بولعان رايونداردان كەلگەن وسپىرىمدەرى مەن بالالاردىڭ، تۋما جۇرەك سىرقاتى بار وسپىرىمدەر مەن بالالاردىڭ جانە شارۋا جۇمىسكەرلەردىڭ پەرزەنتتەرىنىڭ، استاناداعى قالا - اۋىل وسپىرىمدەرى مەن بالالارىنىڭ ۋاكىلدەرىمەن بىرگە مەرەكە وتكىزدى.
قيمىل ورنىندا ءبىر تىلەك اعاشىنا بالالاردىڭ تىلەك كارتچكالارى تولتىرا ءىلىنىپتى، توڭكەرىستىك بايىرعى رايوننان كەلگەن وسپىرىمدەر مەن بالالار، اۋىل - قىستاقتاعى ۇيدە قالعان بالالار قاتارلىلار باس شۋجيگە ارمان - تىلەكتەرىن ايتىپ جاتتى. باس شۋجي ءالسىن - ءالى باسىن يزەپ: مەنىڭ ءدال وسى ساتتەگى ارمانىم سەندەردىڭ ارمان - تىلەكتەرىڭنىڭ تۇگەل ورىندالۋى، - دەدى.
اعاشتىڭ بالعىن بۇرشىگى كۇن ساۋلەسى مەن جاڭبىر سۋىنىڭ قۋاتىمەن بۇتاق بولىپ قاۋلاپ، جاپىراق بولىپ جايقالدى، وتانىمىزدىڭ بايشەشەكتەرى باس شۋجيدىڭ كوڭىل ءبولۋى مەن قامقورلىعىندا تولىقسىپ، شىمىرلانا ءوسىپ جەتىلدى.
2014 - جىلى 1 - ايدا باس شۋجي ىشكى موڭعۇلدىڭ كوكحوت قالاسى بالالار ۇيىنە بارىپ جەتىم، مۇگەدەك بالالارعا امانداسىپ، ىستىق ىقىلاسپەن تاپسىرما بەردى، ”بۇكىل قوعامدا مەيىرىمدى كوڭىل، قامقور سۇيىسپەنشىلىك بولۋى، بىرگە قۇلشىنىپ، ولاردىڭ اقاۋسىز ەسەيىپ - ەرجەتۋىنە، سوتسياليزم ۇلى شاڭىراعىنىڭ جىلۋىن سەزىنۋىنە مۇمكىندىك جاساۋ كەرەك“.
2014 - جىلى 4 - ايدا شينجياڭ كونەشار اۋدانى توققۇزاق قالاشىعى سەنترلى باستاۋىش مەكتەبىندە باس شۋجي بالالاردىڭ قوس ءتىل وقۋ - اعارتۋىنا كوڭىل ءبولدى، ”از ۇلت بالالارىنىڭ قوس ءتىل وقۋ - اعارتۋىن ويداعىداي يگەرۋ كەرەك، حانزۋ ءتىلىن جاقسى ۇيرەنسە، كەلەشەكتە قىزمەت تابۋعا قولايلىراق بولادى، مۇنان دا ماڭىزدىسى، ۇلتتار ىنتىماعىن جەبەۋگە اناعۇرلىم كوپ ۇلەس قوسۋعا بولادى“.
2019 - جىلى 5 - ايدا اۋمىن حاۋجياڭ ورتا مەكتەبىنە قاراستى دارىندى بالالار مەكتەبىنىڭ باستاۋىش كلاس وقۋشىلارىنا جازعان جاۋاپ حاتىندا باس شۋجي ىقىلاستى ءۇمىت ارتتى: ”وتاندى سۇيەتىن، اۋمىندى سۇيەتىن تاڭداۋلى ءداستۇردى ويداعىداي جالعاستىرىپ، ۋاقىتتى قادىرلەپ، قۇلشىنا ۇيرەنىپ، اقاۋسىز ءوسىپ - جەتىلىپ، ەسەيگەندە اۋمىندى كوركەيتۋ، جۇڭحۋانى گۇلدەندىرۋ ءۇشىن كوبىرەك ۇلەس قوسىڭدار“...
قىزىل گەندى جالعاستىرۋدان يدەيالىق جەتەكشىلىكتى كۇشەيتۋگە دەيىن، دۇرىس قۇن كوزقاراسىن ورناتۋدان جان - جاقتى دامۋدى جەبەۋگە دەيىن... باس شۋجي شي جينپيڭ ىجداعاتتى، جان - جاقتى قامقورلىعىمەن وسپىرىمدەر مەن بالالاردى ءومىر ساپارىندا جولدى دۇرىس تاڭداۋعا، قادامدى جاقسى باسۋعا جەتەكتەدى.
”4 − 5 جاسىمدا شەشەم سۋرەتتى كىتاپشا ساتىپ اپەرىپ، ماعان’ ادالدىقپەن وتاننىڭ ءۇمىتىن اقتاۋ، يۋەفيدىڭ شەشەسىنىڭ جازۋ شەگۋى‘ جونىندەگى حيكايانى ايتىپ بەردى. مەن ’جازۋ شەككەندە اۋىرماي ما؟‘ دەسەم، شەشەم: اۋىرادى، ءبىراق يۋەفي جۇرەگىنە وشپەستەي ساقتادى، - دەدى. مەن بۇگىنگە دەيىن جادىمدا ساقتاپ كەلەمىن. ادالدىقپەن وتاننىڭ ءۇمىتىن اقتاۋ مەنىڭ ومىرلىك تالپىنىس نىسانام بولدى“.
سوزبەن دە ءتالىم بەرىپ، ارەكەتىمەن دە ونەگە كورسەتتى. باس شۋجي شي جينپيڭنىڭ سوزدەرىندە بالالارعا دەگەن ىقىلاستى ءۇمىتى قامتىلىپ جاتتى.
”احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامۋ كەرەك، بۇنىڭ ءار ءسوزى التىن“
2022 - جىلى 3 - ايدىڭ 30 - كۇنى كوكتەم لەبى قويۋلاي تۇسكەن شاق. باس شۋجي شي جينپيڭ بەيجيڭ قالاسى داشيڭ رايونىنداعى اعاش ەگۋ تۇيىنىنە كەلىپ، جىلىنا ءبىر رەت وتەتىن استانانىڭ مىندەتتى اعاش ەگۋ قيمىلىنا قاتىناستى.
باس شۋجي ءوسپىرىم − بالالارمەن بىرگە كوشەت ۇستاپ، توپىراق قومداپ، شەلەك كوتەرىپ، اعاش سۋاردى ءارى ولارمەن سىرلاستى.
”ءالى ەسىمدە، بىردە كوكتەم مەرەكەسىن وتكىزگەندە، مەنىڭ اكەم قىزىما ءبىر قىزىل تۇيىنشەك بەرىپتى، اشىپ قاراسا، ءتىس شۇقىعىش ەكەن. سويتسەك، بۇل قاريانىڭ جايشىلىقتا جيناپ العان، ۇيدە اسىپ قالعان ءتىس شۇقىعىشتارى ەكەن، ول نەمەرە قىزىنا ’بۇلاردىڭ بارلىعى باعالى اعاش ماتەريالدارى، مەن سەندەرگە كومەكتەسىپ ساقتاپ قويدىم‘ دەپتى. ەكىنشى جىلى تاعى ءبىر قىزىل تۇيىنشەك بەرىپتى، اشسا، قاعاز ورامال ەكەن، بۇل دا ول كىسى جيناعان، ىستەتىلمەي قالعان قاعاز ورامالدار ەكەن“.
”قاراماققا قوراش كورىنگەنىمەن، انىعىندا بۇل ۇلكەن وزىقتىق. بولىمسىز بولسا دا جاقسىلىق ىستەۋدەن قاشپاي، كىشكەنتاي ىستەردەن باستاپ ىستەۋ كەرەك“.
باس شۋجي شەشىلە سويلەپ، بالالار ىقىلاس قويا تىڭدادى.
2021 - جىلى مەملەكەتتىك ەكى ماجىلىستەگى ساياسي كەڭەستىڭ بىرىككەن گرۋپپا جيىنىندا وقۋ - اعارتۋ جونىندەگى ءبىر رەتكى پىكىر - تالقى اسا قىزۋ دۋمانمەن ءوتتى.
باستاۋىش مەكتەپ تاربيەسىمەن ۇزاق جىل شۇعىلدانعان مۇشە ۋاڭ حۋان باس شۋجيگە اشىعىن ايتتى: ”مەكتەپ سىرتىنداعى كۋرستار جارناماسى اياق الىپ جۇرگىسىز، ’ۋايىمدى قولدان جاساپ، ساتىپ ءجۇر‘“...
باس شۋجي شي جينپيڭ زەيىن سالا ءۇنسىز تىڭدادى. ول تەرەڭ اسەرمەن: ”وقۋ - اعارتۋدا مەيلى مەكتەپ تاربيەسى، الدە وتباسى تاربيەسى بولسىن، نومىرگە ەرەكشە ءمان بەرىپ كەتۋگە بولمايدى. ءنومىر تەك ءبىر مەزەتتىك ناتيجە عانا، ومىرلىك جەتىلۋ نىساناسىنان قاراۋ كەرەك. سوڭىندا اقاۋسىز، تولىسقان ادامگەرشىلىك قاسيەت قالىپتاستىرا الماسا، ول تولىمدى سانالمايدى“، - دەدى.
وقۋ - اعارتۋ ۇستانىمىنان توركىنىن تۇزەپ، قاينارىن تازارتقان باس شۋجي شي جينپيڭ مىندەتتى وقۋ - اعارتۋدى ”ونەگە كورسەتىپ ادام تاربيەلەۋ“ اۋەلگى ماقساتىنا قايتا ورالۋعا جەتەكتەدى.
”قازىر بالالارىمىز جاپپاي كوزىلدىرىك تاعاتىن بولىپ بارا جاتىر، بۇل ءبىر كىنارات“. ”كىشكەنتاي كوزىلدىرىكتەردىڭ“ بارعان سايىن كوبەيۋى باس شۋجيدى الاڭداتتى.
2020 - جىلى 4 - ايدىڭ 21 - كۇنى باس شۋجي شي جينپيڭ شانشي ولكەسى پيڭلي اۋدانى لاۋشيان قالاشىعى سەنترلى باستاۋىش مەكتەبى 5 - جىلدىق 1 - كلاسىنا كىردى. ول سۇيىنىشپەن: ”قازىر مىنا بالالاردىڭ بەت - بەينەسى وتە جاقسى ەكەن. ونىڭ ۇستىنە كوزىلدىرىك تاققاندار كوپ ەمەس ەكەن عوي، بۇل وتە ماڭىزدى“، - دەدى.
باس شۋجي كوپ رەت ماڭىزدى نۇسقاۋ بەرىپ، ”بۇكىل قوعام ارەكەتكە كەلىپ، بالالاردىڭ كوزىن بىرگە قورعاپ، ولاردىڭ جارقىن بولاشاققا يە بولۋىنا مۇمكىندىك جاساۋ كەرەكتىگىن“ تالاپ ەتتى.
اۋىل - قىستاق بالالارىنىڭ ”ءنارلى تاعامىن“ باس شۋجي كوڭىلگە ءتۇيىپ، كوكەيدەن شىعارمادى.
2019 - جىلى 4 - ايدا ءيىر - ءيىر تاۋ جولىمەن باس شۋجي شي جينپيڭ 3 ساعاتتان اسا ۋاقىت اينالىپ ءجۇرىپ، چۇڭچيڭداعى ۇلى تاۋدىڭ تەرەڭ قويناۋىنداعى جۇڭي اۋىلدىق باستاۋىش مەكتەپكە كەلىپ، وقىتۋشى - وقۋشىلار اسحاناسىنىڭ تاماقتانۋ زالىن، اس ءۇيىن مۇقيات تەكسەرىپ كورىپ، كەدەي وقۋشىلاردىڭ تاماق قاراجاتىنا بەرىلەتىن جاردەماقى جانە ازىق - تۇلىكتىڭ حاۋىپسىزدىك، تازالىق جاعدايىن ۇعىستى.
تۇسكى اسقا 4 قۋىرماش، ءبىر سورپا بەرىلگەنىن، قۋات - ءنارىنىڭ تەڭگەرىمدى ەكەندىگىن كورىپ باس شۋجي تولقىپ: مەنىڭ ەسىمە ءبىز العاش كەدەيلەردى سۇيەمەلدەي باستاعان ءسات كەلدى، ءار بالاعا كۇنىنە ءبىر ستاكان ءسۇت، ءبىر جۇمىرتقا بەرۋگە كەپىلدىك ەتۋدى جولعا قويدىق. قازىر ءار ۋاق تاماقتىڭ ولشەمى 6 يۋانعا ءوسىپ، اۋەلگىدەن الدەقايدا مول بولىپتى، - دەدى.
”كىشكەنتاي كوزىلدىرىك“، ”ءنارلى تاعام“، ”كىشكەنتاي بورداقتار“... وسپىرىمدەر مەن بالالاردىڭ اقاۋسىز ءوسىپ - جەتىلۋىنە ساياتىن ”ۇساق ىستەردىڭ“ بارلىعى باس شۋجيدىڭ كوڭىلگە ءتۇيىپ، شەشۋگە بەل بايلاعان ۇلكەن ىستەرى بولدى.
13 جاستاعى پۋرىنسىرىن شي جينپيڭ اتايمەن كەزدەسكەن سول ءساتتى ەشقاشان ۇمىتا المايدى.
2021 - جىلى 7 - ايدا شيزاڭدا قىزمەت تەكسەرىپ جۇرگەن باس شۋجي شي جينپيڭ لينجى قالاسى بايي رايونى لينجى قالاشىعى گالا قىستاعىنا كەلىپ، پۋرىنسىرىننىڭ ۇيىنە كىرىپ، وتباسىنىڭ ءوندىرىس - تۇرمىس جاعدايىن ۇعىستى.
”سەنىڭ 7 - ءنومىرلى دوپ كيىمىڭ قايسى قۇرامانىكى“؟ پۋرىنسىرىننىڭ جاتىن بولمەسىندە باس شۋجي شي جينپيڭنىڭ نازارى ونىڭ دوپ كيىمىنە ءتۇستى.
”كەلەشەكتە قانداي ارمانىڭ بار“؟ - دەپ سۇرادى باس شۋجي.
”قىسقا ارالىققا جۇگىرەتىن سپورتشى بولامىن“، - دەپ جاۋاپ بەردى پۋرىنسىرىن.
”تالاپتى ەكەنسىڭ“! جىلى شۋاقتى، جىگەرلى سوزدەر ءوسپىرىمنىڭ ارمان قۋۋ جولىندا جۇگىرەتىن كۇش - قايراتىنا شابىت بەردى.
”بالالاردى جۇگىرتۋ كەرەك“، ”بويى سىرىقتاي بيىك، دەنەسى سوقتالداي شىمىر بولىپ ءوسسىن“، ”احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامۋ كەرەك، بۇنىڭ ءار ءسوزى التىن، بارلىعى تالاي جىل قورىتىندىلاۋدان، ىزدەنىستەن تۇيىندەلگەن“...
باس شۋجي شي جينپيڭ تەرەڭ سۇيىسپەنشىلىككە تولى قامقورلىعىندا، بىرتىندەپ اقاۋسىزدانعان تۇزىمدەر، ۇزدىكسىز كەمەلدەنگەن ساياساتتار وسپىرىمدەر مەن بالالار ءۇشىن اناعۇرلىم جاقسى ءوسىپ - جەتىلۋ، دارىندى بولۋ ورتاسىن ازىرلەپ، وسپىرىمدەر مەن بالالاردىڭ جان - جاقتى دامۋدى جۇزەگە اسىرۋىن ىلگەرىلەتتى.
”كورىكتى جۇڭگو ارمانى سەندەرگە ءتان“
لوشياۋشان تاۋ سىلەمىندەگى بايجاڭليڭ شوقىسىنىڭ ەتەگىنە ورنالاسقان حۋنان ولكەسى چىنجوۋ قالاسى رۋچىڭ اۋدانى ۋىنميڭ ياۋزۋ اۋىلىندا بالاقاي ”ءتۇسىندىرۋشى“ جۋ رۇي ساباقتان سىرت ۋاقىتىنان پايدالانىپ، ”قۇلپىتاس“، ”جارتى كورپە“ سياقتى قىزىل اڭگىمەلەردى كوپشىلىككە بايانداپ بەرەدى.
ساعات ءتىلىن ءبىر جىلدان استام ۋاقىت الدىنا شەگەرەيىك. 2020 - جىلى 9 - ايدىڭ 16 - كۇنى حۋناندا قىزمەت تەكسەرىپ جۇرگەن باس شۋجي شي جينپيڭ ۋىنميڭ ياۋزۋ اۋىلى 1 - اۋماعى باستاۋىش مەكتەبىنە كەلدى، سول كەزدە 4 - جىلدىقتا وقيتىن جۋ رۇي مەن ونىڭ ساباقتاستارى كلاس جەتەكشىسىنىڭ جەتەكشىلىگىندە قىزىل ارميانىڭ ۇزاق جورىقتاعى حيكايالارىن قايتا ەسكە الىپ جاتىر ەدى.
”قۇلپىتاس قانداي اڭگىمە“؟ - دەپ سۇرادى باس شۋجي. جۋ رۇي ورنىنان تۇرىپ، ۇزاق جورىقتا اسكەري كەرەك - جاراق ءبولىمىنىڭ باستىعى ماقتالى كيىمىن جاۋىنگەر سەرىگىنە بەرىپ، ءوزى قاقاعان ايازدا قۇربان بولعانى جايلى اڭگىمەنى بايانداي جونەلدى.
”وتە جاقسى ايتتىڭ! وتە جاقسى“! - دەدى باس شۋجي اۋىز جاپپاي ماقتاپ. ”قىزىل گەن سەندەردىڭ بويلارىڭدا ايگىلەنىپتى. توڭكەرىس ىستەرىن ۇرپاقتان - ۇرپاققا جالعاستىرا بەرۋ كەرەك“.
باس شۋجيدىڭ تاپسىرماسىن ەستە بەرىك ساقتاعان جۋ رۇي مەن ونىڭ ساباقتاستارى ادال جۇرەكپەن پارتياعا ىنتىعىپ، قىزىل اڭگىمەلەردى تاراتۋشىلارعا اينالدى.
باس شۋجيدىڭ تاپسىرماسىن ۇمىتپاعان شانشي جاۋجين بەيلياڭ قىزىل ارميا باستاۋىش مەكتەبىنىڭ وقۋشىلارى ”بۇگىنگى باقىتتى تۇرمىستىڭ وڭاي - وسپاق قولعا كەلمەگەندىگىن“ تەرەڭ سەزىنىپ، ”كىشكەنتاي قىزىل جۇلدىزدار حور ۇيىرمەسىنە“ قوسىلىپ، قىزىل رۋحتى جالعاستىردى، ساۋلەلەندىردى.
باس شۋجي ىنتالاندىرعان جياڭسۋ ولكەسى حۋاي - ان قالاسى شين - ان باستاۋىش مەكتەبىنىڭ پيونەرلەرى ”پارتيانىڭ سوزىنە قۇلاق اسىپ، پارتياعا ىلەسىپ“، وتباسىلاردى، الەۋمەتتىك اۋماقتاردى، اۋىل - قىستاقتاردى ارالاپ، توڭكەرىستىك حيكايالاردى تاراتتى؛
باس شۋجيدىڭ جاۋاپ حاتىن العان داچىن ارالى تىڭ اشۋ اترەتىنىڭ قارت مۇشەلەرىنىڭ كەيىنگى ۇرپاقتارى ”پارتيانى قىزۋ ءسۇيۋدى، وتاندى قىزۋ ءسۇيۋدى، حالىقتى قىزۋ ءسۇيۋدى“ ۇزدىكسىز امالياتتا ايگىلەپ، قوعامدىق امالياتقا، ەرىكتىلەر قىزمەت وتەۋىنە بەلسەنە ارالاسىپ، مەكەندەرىن كوركەيتتى؛
...
سەنىمدى نىعايتىپ، نىق قادام باستى، قىزىل گەننىڭ تۇقىمى بالالاردىڭ كوڭىل اتىزىندا تامىر تارتىپ، وركەن جايدى.
حالىق داشۋەسىنە قاراستى ورتا مەكتەپتىڭ شيشان مەكتەبىندەگى ورتالاۋ 2 - جىلدىق وقۋشىسى گۋان زىجاۋدىڭ مۇز دوپقا جاتتىققانىنا 9 جىلعا تاياپتى، 5 جىلدىڭ الدىندا باس شۋجي شي جينپيڭمەن ”يىق سوعىستىرعان“ ءسات ونىڭ ءالى ەسىندە.
2017 - جىلى 2 - ايدا باس شۋجي شي جينپيڭ بەيجيڭ ۋكىسۇڭ دەنە تاربيە ورتالىعىنا كەلىپ، مۇز دوپ سپورتشىلارىنا ءتان سالەمدەسۋ ءتاسىلى بويىنشا گۋان زىجاۋمەن ”يىق سوعىستىرىپ“، بالا جىگىتتىڭ تۇلعاسى ءالى دە ءوسۋى كەرەك دەدى قالجىڭداپ.
”شي جينپيڭ اتاي سول جەردە ايتقان ءوزىنىڭ ىنىسىنە جول بەرىپ، كونكي ۇسىنعانى جايلى اڭگىمە ماعان ءىس ىستەگەندە سەلبەستىك رۋح بولۋ، ۇلكەن اۋقىم تانىمى بولۋ كەرەكتىگىن ۇعىندىردى. مەن مۇز دوپقا جاقسى جاتتىعىپ، تاباندىلىقپەن جالعاستىرىپ، كىشكەنتاي سەرىكتەرىممەن بىرگە اناعۇرلىم كوپ تاماشا ناتيجە جاراتامىن“، - دەيدى گۋان زىجاۋ.
ءاربىر ءسوزى تەرەڭ سۇيىسپەنشىلىككە، شىن ىقىلاسقا تولى بولدى.
2012 - جىلى فۋپيڭدە باس شۋجيمەن ءبىر سۇپىدا وتىرعان تاڭ شياۋ - ي قازىر چىڭشياڭ ورتا مەكتەبىندە ورتالاۋ مەكتەپتە وقيدى، ونىڭ تەزىرەك ەسەيىپ، ءتىپتى دە كوپ ءبىلىم ۇيرەنگىسى كەلەدى، كەدەيلەردى سۇيەمەلدەۋدە الدىمەن جىگەرىن جانۋ ۇستانىمىنىڭ جەتەكشىلىگىندە، زاتتىق ماتەريال جاقتان كەدەيلىكتەن ارىلدى، اسىرەسە، رۋحاني جاقتان بايۋعا بەتتەدى؛
2014 - جىلى باس شۋجيمەن كەزدەسۋ ساڭىراۋ، مىلقاۋ قىز ۋاڭ يا - نيگە شەكسىز قوزعاۋشى كۇش سيلادى، ول كوححوت قالالىق ەرەكشە وقۋ - اعارتۋ مەكتەبىنىڭ ءسوز مىنبەرىنە شىعىپ، ءتىپتى دە كوپ مۇگەدەك بالانىڭ تاعدىرىن وزگەرتۋىنە كومەكتەسە باستادى؛
2017 - جىلى شياڭگاڭدا باس شۋجيگە گۋاڭدۇڭ تەاترىن ورىنداعاننان كەيىن، لي ۋىنجى شي جينپيڭ اتايدىڭ ”جۇڭگونىڭ تاڭداۋلى ءداستۇرلى مادەنيەتىن جالعاستىرا بەرۋ كەرەك“ دەگەن شابىتتاندىرۋىن كوڭىل تورىنە قويىپ، گۋاڭدۇڭ تەاترى ورىنداۋشىلىعىن ءتىپتى دە قىزۋ ءسۇيىپ، ءتىپتى دە بار ىنتاسىمەن ورىنداۋعا جاتتىعىپ، نەگىزگى ونەرگە جاتىلىپ كەلەدى؛
...
2016 - جىلى 12 - ايدا بەيجيڭ قالالىق 1 - تامىز مەكتەبىندەگى بالالار زەرتتەپ اشقان عىلىم جالپىلاستىرۋ شاعىن جاساندى سەرىگى ءساتتى ۇشىرىلىپ، وربيتاعا ءدال كىرىپ، بەلگى سيگنالىن قايتاردى. ۇشىرۋدىڭ الدىندا ولار ۋادە بويىنشا باس شۋجي شي جينپيڭگە حات جازىپ، شاعىن جاساندى سەرىكتىڭ ۇشىرىلۋ الدىندا تۇرعان حابارىن مالىمدەدى.
باس شۋجي جاۋاپ حات جازىپ ولارعا: ”بىلىمگە ىنتىعۋدى ساقتاپ، ىزدەنۋگە قىزىعۋدى ساقتاپ، عىلىم رۋحىن جەتىلدىرىپ، قاجىرلىلىقپەن ۇيرەنىپ، قۇلشىنا امالياتتان وتكىزىڭدەر“ دەپ تاپسىردى.
”ءبىزدىڭ كوز ايامىز تەك ساباقحانا اياسىندا شەكتەلىپ قالماي، دۇنيە جۇزىنە كەڭەيدى، شەكسىز جۇلدىزدار الەمىنە بەت الدى“، - دەدى شاعىن جاساندى سەرىكتىڭ قىزىقتىرۋىمەن زەرتتەپ جاساۋ ۇجىمىنا كىرگەن جاڭ شيڭشين عارىشتى بارلاۋداعى كوڭىل بەلەستەرىن بولىسكەندە، - ”باس شۋجي ايتقانداي، ’شولپان جۇلدىزىنداي رول اتقاردىق‘، ءبىز ۇزدىكسىز قۇلشىنۋ ارقىلى ءوزىمىزدىڭ جاڭا ءداۋىردىڭ ءۇمىتى ەكەندىگىمىزدى دالەلدەيمىز“.
وسپىرىمدەردە مۇرات بولسا، مەملەكەتتە ءۇمىت بولادى.
2014 - جىلى 5 - ايدىڭ 30 - كۇنى بەيجيڭ قالاسى حايديان رايونى ۇلتتىق باستاۋىش مەكتەپتىڭ كوركەم جازۋ ساباقحاناسىندا كوركەم جازۋ مۇعالىمى باس شۋجي شي جينپيڭدى ”جۇڭگو ارمانى“ دەگەن ءسوزدىڭ ەڭ سوڭعى جازۋىن جازۋعا ۇسىنىس ەتتى. باس شۋجي بالالارعا: جۇڭگو ارمانى سەندەرمەن جۇزەگە اسادى. ”قوس 100 جىلدىق“ سەندەردىڭ جالعاستىرا كۇرەسۋلەرىڭە سۇيەنەدى، سوندىقتان بۇل جازۋدى سەندەر جازىڭدار، - دەدى.
”بۇگىن وتاننىڭ اقىلدى بالاسى بولساڭدار، ەرتەڭ وتاننىڭ قۇرىلىسشىلارى بولاسىڭدار، تاماشا تۇرمىس سەندەرگە ءتان، كورىكتى جۇڭگو ارمانى سەندەرگە ءتان“. بۇل باس شۋجي شي جينپيڭنىڭ جاڭا داۋىردەگى وسپىرىمدەر مەن بالالاردان كۇتكەن ىقىلاستى ءۇمىتى ءارى جۇڭحۋا ۇلتىنىڭ بولجاۋعا بولاتىن تاماشا بولاشاعى.
(شينحۋا اگەنتتىگىنىڭ 5 - ايدىڭ 31 - كۇنى بەيجيڭنەن بەرگەن حابارى)