وبلىسقا توتە قاراستى ورىنداردىڭ وقۋ - اعارتۋ جۇيەسىندەگىلەر:

قىزمەت ورنىن تياناق ەتىپ جاڭا داۋىردەگى «ٴتورت قۇلىققا يە» جاقسى وقىتۋشى بولۋعا قۇلشىنامىز

ٴتىلشىمىز ياڭ جيڭ - ي حابارلايدى. اۆتونوميالى رايوندىق 10 - كەزەكتى پارتكومنىڭ ٴۇشىنشى جالپى ٴماجىلىسى اشىلعاننان بەرى، وبلىسقا توتە قاراستى ورىنداردىڭ وقۋ - اعارتۋ جۇيەسى دەن قويا ۇيىمداستىرىپ، جەدەل قيمىلداپ، وقۋ - اعارتۋ جۇيەسىندە جالپى ٴماجىلىس رۋحىن ۇيرەنۋ، دايەكتىلەندىرۋ ورلەۋىن كوتەردى. 

ٴار دارەجەلى وقۋ - اعارتۋ تاراۋلارى شوعىرلى ۇيرەنۋدەن تىس، نازاردى جەلىدە ۇيرەنۋگە، ۇگىتتەۋگە شوعىرلاندىرىپ، الەۋمەتتىك ٴنومىر تەكشەسىنەن تولىق پايدالانىپ، جالپى ٴماجىلىس رۋحىن ۇيرەنۋ ماتەريالدارىن ۇزدىكسىز تاراتتى جانە تەكشەگە شىعاردى، سونداي - اق پارتيا قۇرىلىسى ۇگىت ايدارى، مەكتەپ راديوسى سياقتىلار ارقىلى بارىنشا ۇگىت جۇرگىزىپ، جالپى ٴماجىلىس رۋحىنىڭ ساناعا ٴسىڭىپ، كوكەيگە ۇيالاۋىنا كەپىلدىك ەتتى.

قۇلجا قالالىق وقۋ - اعارتۋ مەكەمەسى جالپى ٴماجىلىس رۋحىن ۇيرەنۋ مەن شينجياڭدى مادەنيەتپەن نارلەندىرۋ ينجەنەرياسىن اتقارۋدى «ۇلتتار ىنتىماعىنىڭ بەرەكەلى شاڭىراعى» جانە «ۇشكە جەتكىزۋ، ەكىمەن قارىم - قاتىناس جاساۋ، بىرمەن دوستاسۋ» قيمىلىن ورىستەتۋمەن تىعىز ۇشتاستىردى. قازىر 7 مىڭ 843 وقىتۋشى - جۇمىسشى 34 مىڭ 671 وقۋشىمەن جۇپ قۇراپ، دوستاسىپ، جۇڭحۋا ۇلتى ورتاق تۇلعا تانىمىن بەرىك ورناتۋدى كۇندەلىكتى وقۋ - وقىتۋمەن ۇشتاستىرىپ، ساباقحانانى، وقىتۋشىلاردى، وقۋلىقتى، توردى، مەكتەپ اۋلاسىنداعى يدەيا - مادەنيەت بازاسىن ويداعىداي باسقاردى.

قۇلجا قالالىق وقۋ - اعارتۋ مەكەمەسى پارتكومىنىڭ شۋجيى، ورىنباسار مەكەمە باستىعى ۋاڭ لەي مىنانى ٴبىلدىردى: «ٴبىز جالپى ٴماجىلىس رۋحىن تىعىز توڭىرەكتەپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى تۇردە ويداعىداي ىستەپ، مەملەكەتتە ٴبىر تۇتاس قولدانىلاتىن ٴتىل - جازۋدى وقىتۋ جانە جالپىلاستىرۋدى، قولدانۋدى ۇزدىكسىز ىلگەرىلەتىپ، حالىق ريزا بولاتىن وقۋ - اعارتۋدى جۇرگىزەمىز».

قۇلجا قالاسى جاڭاجەر قالاشىعى ورتا مەكتەبىنىڭ وقىتۋشىسى ٴناديا تايىرجان بىلاي دەدى: «قىزمەت ىستەگەن 9 جىلدان بەرى تۋعان جەرىمدەگى وراسان زور وزگەرىسكە كۋا بولدىم، بۇقارانىڭ تۇرمىسى بارعان سايىن جاقساردى، اۋىل - قىستاقتى گۇلدەندىرۋگە ۇزدىكسىز كۇش سالىنۋدا. ٴبىر پارتيا مۇشەسى، ٴبىر وقىتۋشى رەتىندە بورىشتى ەستە بەرىك ساقتاپ، جاڭا داۋىردەگى <ٴتورت قۇلىققا يە> جاقسى وقىتۋشى بولۋعا قۇلشىنامىن».