«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

جۇڭگونىڭ ادامدىق ۇقىقتى دامىتۋ جولىمەن بۇلجىماي ٴجۇرىپ، ەلىمىزدىڭ ادامدىق ۇقىق ىستەرىنىڭ دامۋىن اناعۇرلىم ويداعىداي ىلگەرىلەتەيىك

شينحۋا اگەنتتىگىنىڭ 6 - ايدىڭ 15 - كۇنى بەيجيڭنەن بەرگەن حابارى. 6 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 12 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «جۇڭگونىڭ ادامدىق ۇقىقتى دامىتۋ جولىمەن بۇلجىماي ٴجۇرىپ، ەلىمىزدىڭ ادامدىق ۇقىق ىستەرىنىڭ دامۋىن اناعۇرلىم ويداعىداي ىلگەرىلەتەيىك» اتتى ماڭىزدى ماقالاسىن جاريالايدى.

ماقالادا مىنالار باسا دارىپتەلدى: ادامنىڭ ٴومىرىن، قۇنىن، ار - نامىسىن ايالاپ، بارلىق ادامنىڭ ادامدىق ۇقىقتان يگىلىكتەنۋىن جۇزەگە اسىرۋ − ادامزات قوعامىنىڭ ورتاق تالپىنىسى. ادامدىق ۇقىققا قۇرمەت ەتۋ جانە ونى قامتاماسىز ەتۋ − جۇڭگو كوممۋنيستەرىنىڭ تالىقپاس تالپىنىسى. پارتيانىڭ 100 جىلدىق كۇرەس تاريحى پارتيانىڭ حالىقتى ىنتىماقتاستىرىپ، باستاپ، ادامدىق ۇقىققا قول جەتكىزۋ، ادامدىق ۇقىققا قۇرمەت ەتۋ، ادامدىق ۇقىقتى قامتاماسىز ەتۋ، ادامدىق ۇقىقتى دامىتۋ جولىندا تىنباي جۇرگىزگەن قۇلشىنىسىمەن ساباقتاسىپ كەلەدى. پارتيا 18 - قۇرىلتايىنان بەرى، ٴبىز ادامدىق ۇقىققا قۇرمەت ەتۋدى جانە ونى قامتاماسىز ەتۋدى ەل باسقارۋداعى ماڭىزدى قىزمەت ەتۋگە تاباندى بولىپ، ەلىمىزدىڭ ادامدىق ۇقىق ىستەرىندە تاريحي تابىستارعا قول جەتكىزۋدى ىلگەرىلەتتىك.

  ماقالادا مىنالار اتاپ كورسەتىلدى: ەلىمىزدىڭ ادامدىق ۇقىق ىستەرىنىڭ دامۋىن ىلگەرىلەتۋ امالياتى بارىسىندا ٴبىز ماركسيزمدىك ادامدىق ۇقىق كوزقاراسىن جۇڭگونىڭ ناقتى ٴىس جۇزىندىگىمەن ۇشتاستىرىپ، جۇڭحۋانىڭ تاڭداۋلى ٴداستۇرلى مادەنيەتىمەن ۇشتاستىرىپ، پارتيامىزدىڭ حالىقتى ىنتىماقتاستىرىپ، باستاپ، ادامدىق ۇقىققا قۇرمەت ەتۋدەگى جانە ونى قامتاماسىز ەتۋدەگى تابىستى تاجىريبەلەرىن قورىتىندىلاپ، ادامزاتتىڭ تاڭداۋلى وركەنيەت جەتىستىكتەرىنەن ۇلگى الىپ، ٴداۋىر اعىمىنا ۇيلەسەتىن، ٴوز ەلىمىزدىڭ مەملەكەت جاعدايىنا ۇيلەسەتىن ادامدىق ۇقىقتى دامىتۋ جولىمەن جۇردىك. بىرىنشى، جۇڭگو كوممۋنيستىك پارتياسىنىڭ باسشىلىعىنا تاباندى بولدىق. جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ٴتۇزىمى ەلىمىزدىڭ ادامدىق ۇقىق ىستەرىنىڭ سوتسياليستىك سيپاتىن بەلگىلەگەن. ەكىنشى، حالىقتىڭ نەگىزگى تۇلعالىق ورنىنا قۇرمەت ەتۋگە تاباندى بولدىق. حالىقشىلدىق − جۇڭگونىڭ ادامدىق ۇقىقتى دامىتۋ جولىنداعى ەڭ كورنەكتى ەرەكشەلىگى. ٴۇشىنشى، ەلىمىزدىڭ ٴىس جۇزىندىگىن شىعار ٴتۇيىن ەتۋگە تاباندى بولدىق. ٴار ەلدىڭ ادامدىق ۇقىقتى دامىتۋ جولى، ٴسوز جوق، ٴوزىنىڭ مەملەكەت جاعدايىنا جانە ٴوز ەلى حالقىنىڭ تىلەگىنە ساي بەلگىلەنۋى كەرەك. ٴتورتىنشى، ٴومىر ٴسۇرۋ ۇقىعىن، دامۋ ۇقىعىن ماڭداي الدى نەگىزگى ادامدىق ۇقىق ەتۋگە تاباندى بولدىق. ٴومىر ٴسۇرۋ بارلىق ادامدىق ۇقىقتان يگىلىكتەنۋدىڭ نەگىزى، حالىقتىڭ باقىتتى تۇرمىسى ەڭ ۇلكەن ادامدىق ۇقىق. بەسىنشى، ادامدىق ۇقىقتى زاڭ بويىنشا قامتاماسىز ەتۋگە تاباندى بولدىق. زاڭمەن باسقارۋ − ادامدىق ۇقىقتىڭ ەڭ ٴونىمدى قامتاماسىزدىعى. التىنشى، الەمدىك ادامدىق ۇقىقتى جونگە سالۋعا بەلسەنە ات سالىسۋعا تاباندى بولدىق. ادامدىق ۇقىقتى دامىتۋ − بۇكىل ادامزاتتىڭ ورتاق ٴىسى. ٴار ەلدىڭ ادامدىق ۇقىقتى دامىتۋ جولىن دەربەس ٴوزى تاڭداۋ ۇقىعى بار، تۇرلىشە وركەنيەتتەر، تۇرلىشە ەلدەر ٴوزارا قۇرمەت ەتۋى، ٴوزارا سيىسىمدى بولۋى، ٴوزارا اۋىس - كۇيىس جاساۋى، ٴوزارا ۇلگى الۋى كەرەك.

  ماقالادا مىنالار باسا دارىپتەلدى: ەل ٴىشى، حالىقارا سىندى ەكى كەلەلى جاعدايدى ٴبىر تۇتاس جوسپارلاپ، ادامدىق ۇقىق قىزمەتىن ويداعىداي ىستەۋدىڭ ماڭىزدىلىعى مەن كوكەي تەستىلىگىن جەتە تانىپ، ادامدىق ۇقىققا قۇرمەت ەتۋگە جانە ونى قامتاماسىز ەتۋگە اناعۇرلىم ٴمان بەرىپ، ەلىمىز ادامدىق ۇقىق ىستەرىنىڭ اقاۋسىز دامۋىن ىلگەرىلەتىپ، مىنا بىرنەشە جاقتاعى قىزمەتتى ٴتۇيىندى تۇردە ويداعىداي يگەرۋ كەرەك. ٴبىرىنشى، ادامدىق ۇقىق ىستەرىنىڭ جان - جاقتى دامۋىن جەبەۋ. ەكىنشى، ادامدىق ۇقىقتى زاڭمەن باسقارۋدى قامتاماسىز ەتۋدى كۇشەيتۋ. ٴۇشىنشى، دۇرىس ادامدىق ۇقىق كوزقاراسىن اسقاقتاتۋ. ٴتورتىنشى، الەمدىك ادامدىق ۇقىقتى جونگە سالۋدى بەلسەنە ىلگەرىلەتۋ. بەسىنشى، حالىقارالىق ادامدىق ۇقىق كۇرەسىن بەلسەنە ورىستەتۋ. ادامدىق ۇقىق − تاريحي، ناقتىلى، رەال بولادى، ۇقساماعان ەلدەردىڭ قوعامدىق، ساياسي شارت - جاعدايى مەن تاريحي مادەنيەت داستۇرىنەن قول ٴۇزىپ، ادامدىق ۇقىقتى قۇر سوزگە اينالدىرۋعا بولمايدى. ٴبىر ەلدە ادامدىق ۇقىقتىڭ بار - جوقتىعىن باعالاۋدا باسقا ەلدىڭ ولشەمى ارقىلى ولشەۋگە بولمايدى، قوس ولشەم قولدانۋعا، اۋەلى، ادامدىق ۇقىقتى باسقا ەلدىڭ ىشكى ىسىنە كيلىگەتىن ساياسي قۇرال ەتۋگە ٴتىپتى بولمايدى.

  ماقالادا مىنالار اتاپ كورسەتىلدى: ٴار دارەجەلى پارتكومدار (پارتيا باسشىلىق گرۋپپالارى) ەلىمىزدىڭ ادامدىق ۇقىق ىستەرىنىڭ دامۋىن ىلگەرىلەتۋدىڭ تاريحي جاۋاپكەرشىلىگىن ارقالاۋى، ٴار دارەجەلى كادرلار، اسىرەسە، باسشى كادرلار ماركسيزمدىك ادامدىق ۇقىق كوزقاراسىن، زامانىمىزداعى جۇڭگونىڭ ادامدىق ۇقىق كوزقاراسىن سانالىلىقپەن ۇيرەنۋى، جەر - جەر، تاراۋلار، ٴارقايسى سالالار ادامدىق ۇقىققا قۇرمەت ەتۋ جانە ونى قامتاماسىز ەتۋ تانىمىن كۇشەيتىپ، ەلىمىزدىڭ ادامدىق ۇقىق ىستەرىنىڭ دامۋىن ىلگەرىلەتۋدىڭ بىرىككەن كۇشىن قالىپتاستىرۋى كەرەك.