وبلىستىق پارتكوم قىزمەت ٴماجىلىسىنىڭ رۋحى ٴار ۇلت كادر - جۇرتشىلىعى اراسىندا كۇشتى اڭىس قوزعادى

گازەتىمىزدىڭ جيناق حابارى (تىلشىلەرىمىز ما چىڭلۋ، ياڭ جيڭ - ي، جاڭ لياڭ، ەرىكتى ٴتىلشى جوۋ يۇڭحۇي). وبلىستىق پارتكومنىڭ قىزمەت ٴماجىلىسى اشىلعاننان كەيىن وبلىسقا توتە قاراستى اۋدان، قالالار پارتيالى كادرلار مەن بۇقارانى ٴماجىلىستىڭ رۋحىن مۇقيات ۇيرەنۋگە جەدەل ۇيىمداستىرىپ، ٴار ۇلت كادر - جۇرتشىلىعى اراسىندا كۇشتى اڭىس قوزعادى.

6 - ايدىڭ 11 - كۇنى ج ك پ كۇيتۇن قالالىق كوميتەتى تۇراقتى كوميتەتتىڭ (كەڭەيتىلگەن) ٴماجىلىسىن اشىپ، وبلىستىق پارتكوم قىزمەت ٴماجىلىسىنىڭ رۋحىن جەتكىزدى، ۇيرەندى.

ٴماجىلىس مىنالاردى تالاپ ەتتى: قالاداعى ٴار دارەجەلى پارتيا ۇيىمدارى نازاريا ۇيرەنۋ وزەكتى گرۋپپاسى، «ٴۇش جيىن، ٴبىر ساباق» سياقتى كوپ ٴتۇرلى فورمالار ارقىلى وبلىستىق پارتكوم قىزمەت ٴماجىلىسىنىڭ رۋحىن مۇقيات ۇيرەنىپ، ٴتۇسىنىپ، جاپپاي ۇيرەنۋگە، ىشكەرىلەي ۇيرەنۋگە، جۇيەلى ۇيرەنۋگە تاباندى بولىپ، ۇيرەنۋ ناتيجەسىن ٴتۇرلى قىزمەتتەردى ىلگەرىلەتۋدىڭ قۇدىرەتتى قوزعاۋشى كۇشىنە جانە جاندى امالياتىنا شىن مانىندە اينالدىرۋى كەرەك. سونىمەن بىرگە، ۇگىت - لەكسيا ۇيىرمەسىنىڭ، حالىق قۇرىلتايى ۋاكىلدەرىنىڭ جانە ساياسي كەڭەس مۇشەلەرىنىڭ رولىن تولىق ساۋلەلەندىرىپ، ٴماجىلىس رۋحىن ويداعىداي ۇگىتتەپ، لەكسيا جاساپ، قالاداعى ٴار ۇلت كادر - جۇرتشىلىعىنىڭ ىنتىماقتاسا كۇرەس جاساپ، ەرلىكپەن العا باساتىن قۇدىرەتتى كۇشىن تاسقىنداتۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس دايەكتىلەندىرىپ، شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولۋ كەرەك.

كوپشىلىك جابال مىنانى ٴبىلدىردى: ٴماجىلىستىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، يدەيا مەن ارەكەتتى شىن مانىندە بىرلىككە كەلتىرىپ، جاۋاپكەرشىلىك ارقالاۋدى اناعۇرلىم كۇشەيتىپ، تاماشا رۋحاني كۇي جانە اسقاق قىزمەت ىنتاسىمەن ٴتۇرلى قىزمەتتەردىڭ تياناقتانۋىن تىڭعىلىقتى ىلگەرىلەتىپ، ۇيرەنۋ، ٴتۇسىنۋ ارقىلى قىزمەتتى جەبەپ، قىزمەت ناتيجەسى ارقىلى ونىمدىلىككە قول جەتكىزەمىز.

كۇيتۇن قالالىق دامۋ جانە رەفورما كوميتەتىنىڭ مەڭگەرۋشىسى شيا يۋانفىڭ بىلاي دەدى: «وسى رەتكى ۇيرەنۋ ارقىلى كەلەسى قادامداعى قىزمەت وي جەلىسى مەن  قىزمەت باعدارىن ايقىندادىق. ٴبىز قالالىق پارتكوم مەن ۇكىمەتتىڭ وزەكتى قىزمەتىن تىعىز توڭىرەكتەپ، كەلەلى نىسان قۇرىلىستارىن كۇش سالا ىلگەرىلەتىپ، جاسىل، تومەن كومىرتەكتى دامۋدى جەبەپ، تيجارات - ساۋدا ورتاسىن ساپالىلاندىرىپ، قالا ەكونوميكاسىنىڭ ورنىقتى، اقاۋسىز دامۋىن قۇلشىنا جۇزەگە اسىرامىز».

«ٴبىز بيىلعى ۇگىت - يدەيا قىزمەتىن ويداعىداي ىستەۋدىڭ كەلەلى ٴمانىن جەتە تانىپ، ٴماجىلىس رۋحىن كوپ ساتىلى، جان - جاقتى ويداعىداي ۇگىتتەپ، ٴتۇرلى قىزمەتتەردىڭ ناقتى، ەگجەي - تەگجەيلى تياناقتانۋىنا كەپىلدىك ەتىپ، ٴىس جۇزىندىك ارەكەتىمىز ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋىمىز كەرەك» دەدى كۇيتۇن قالالىق پارتكوم ۇگىت ٴبولىمىنىڭ ورىنباسار باستىعى زوۋ لينليڭ.

وبلىستىق پارتكومنىڭ قىزمەت ٴماجىلىسى اشىلعاننان كەيىن، توعىزتاراۋ اۋدانى ٴماجىلىس رۋحىن جاپپاي ۇيرەنىپ، دايەكتىلەندىرىپ، ٴار ۇلت كادر - جۇرتشىلىعىنان تياناقتاندىرۋ بارىسىندا ورىندى تۇراقتاندىرىپ، تەتىكتى مىقتى يگەرىپ، ٴماجىلىس رۋحىن ۇيرەنۋ، ۇعىنۋ ورلەۋىن ۇزدىكسىز كوتەرۋدى تالاپ ەتتى.

توعىزتاراۋ اۋدانىنىڭ ورىنباسار اكىمى، قوعام حاۋىپسىزدىگى مەكەمەسى پارتكومىنىڭ شۋجيى، مەكەمە باستىعى كۇڭ حايدۇڭ بىلاي دەدى: «وبلىستىق پارتكومنىڭ قىزمەت ٴماجىلىسى ٴبىزدىڭ بۇدان بىلايعى قىزمەتىمىزگە العا باسۋ بەتالىسىن كورسەتتى. كەلەسى قادامدا ٴبىز قوعام حاۋىپسىزدىگى قىزمەتىنىڭ ٴىس جۇزىندىك جاعدايىمەن ۇشتاستىرىپ، ٴتۇرلى قىزمەتتەردىڭ ناقتى شارالارىن اشالاپ، ساقشى قوسىنىن ساياسي جاقتان قۇرۋدى، ساقشىلاردى قاتاڭ جونگە سالۋدى ونان ارى كورنەكتىلەندىرىپ، حاۋىپ - قاتەردەن ساقتانۋعا، حاۋىپسىزدىككە كەپىلدىك ەتۋگە، ورنىقتىلىقتى قورعاۋعا، نەگىزدى بەكەمدەۋگە، ولقىلىقتاردى تولىقتاۋعا، ٴالسىز بۋىنداردى كۇشەيتۋگە كۇش سالىپ، ۇزدىكسىز كۇش سالىپ، قاجىماي كۇش سالىپ، ٴىس جۇزىندىك ارەكەتىمىز ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الامىز».

«ٴبىز ٴماجىلىستىڭ رۋحىن مۇقيات ۇيرەنىپ، اقىل - پاراساتىمىز بەن كۇش - قۋاتىمىزدى ماجىلىستە العا قويىلعان ٴتۇيىندى مىندەتتەرگە شوعىرلاندىرىپ، شينجياڭدى زاڭمەن باسقارۋدى ٴورت ٴسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتىندە دايەكتىلەندىرىپ، تياناقتاندىرىپ، ٴورت ٴسوندىرۋ، ورتتەن ساقتانۋ حاۋىپسىزدىگى جاۋاپكەرشىلىگىن اناعۇرلىم ناقتىلاندىرىپ، ٴورت ٴسوندىرۋ، ورتتەن ساقتانۋ جونگە سالۋ نەگىزىن ۇزدىكسىز بەكەمدەپ، ٴورت اپاتىنىڭ كومەسكى قاتەرىن كۇش سالا وڭاپ، جويىپ، قاراستى وڭىرلەردىڭ حاۋىپسىزدىگىنە، ورنىقتىلىعىنا كەپىلدىك ەتۋىمىز كەرەك» دەدى توعىزتاراۋ اۋدانى بىلعارى - ٴجۇن زاۆودى جولى ٴورت ٴسوندىرۋ، ورتتەن ساقتانۋ، قۇتقارۋ - كومەكتەسۋ پۋنكتىنىڭ ٴورت ٴسوندىرۋ، ورتتەن ساقتانۋ قىزمەتكەرى چيچىن باتۇر.

توعىزتاراۋ قالاشىعى سورتتى تۇقىم جەتىلدىرۋ الەۋمەتتىك اۋماعى پارتيا ياچەيكاسىنىڭ ورىنباسار شۋجيى جاڭ لۋ بىلاي دەدى: «وبلىستىق پارتكومنىڭ قىزمەت ٴماجىلىسى اشىلعاننان كەيىن مەن ەرەكشە شابىت الدىم، الەۋمەتتىك اۋماعىمىز پارتيا قۇرىلىسى ارقىلى جەتەكشىلىك ەتۋدى ۇزدىكسىز كۇشەيتىپ، قىزمەت ونىمدىلىگىن جوعارىلاتىپ، بۇقارانى رازى ەتەمىز».