انار بۇلت \ شينجياڭ گازەتىنىڭ ءتىلشىسى جاڭ يۇنمەي 6 - ايدىڭ 20 - كۇنى ۇرىمجىدەن حابارلايدى. 6 - ايدىڭ 20 - كۇنى 19 - كەزەكتى شينجياڭ قوعامدىق عىلىمدار سالاسىنىڭ جىلدىق ءىلمي ءماجىلىسى اشىلدى. اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ماجىلىسكە قاتىناستى ءارى ءسوز سويلەدى.

ءماجىلىس بىلاي دەپ اتاپ كورسەتتى: ساياسي دەڭگەيدى ونان ارى جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جاڭا ءداۋىر جۇڭگوشا سوتسياليزم يدەياسىن زەرتتەۋ جانە وقىتۋ جالپى بارىسىمەن سانالى تۇردە ساباقتاستىرىپ، سەرگەك نازاريالىق سانالىلىققا، بەرىك ساياسي سەنىمگە، عىلمي ويلاۋ ادىسىنە اينالدىرۋ كەرەك. شينجياڭنىڭ ەكونوميكالىق، قوعامدىق دامۋىن جانە وڭىرلىك مادەنيەت ەرەكشەلىگىن تياناق ەتىپ، فيلوسوفيا - قوعامدىق عىلىمدار پاندەرىنىڭ ورنالاسىمىن بىرتىندەپ كەمەلدەندىرىپ، ءتۇيىندى پاندەردىڭ ۇلگىلىك رولىن ساۋلەلەندىرىپ، فيلوسوفيا - قوعامدىق عىلىمدار پاندەرىنىڭ دامۋىنا جەتەكشىلىك ەتىپ، قوزعاۋشىلىق ەتىپ، جۇڭگوشا ەرەكشەلىككە يە، شينجياڭ ەرەكشەلىگىنە يە فيلوسوفيا - قوعامدىق عىلىمدار پاندەر جۇيەسىن قۇرۋ؛ عىلمي ءتول جاسامپازدىق قۋاتى مەن دەڭگەيىن جوعارىلاتىپ، نازاريالىق جاسامپازىق قۇنىنا جانە شەشىم جاساۋدا پايدالانۋ قۇنىنا يە ءبىر قىدىرۋ زەرتتەۋ جەتىستىكتەرىن ۇزدىكسىز جارىققا شىعارۋ؛ شينجياڭنىڭ فيلوسوفيا - قوعامدىق عىلىمدار ءسوز جۇيەسى قۇرىلىسىن جانە جاسامپازدىعىن جەدەلدەتىپ، شينجياڭ حيكاياسىن ويداعىداي بايانداۋعا، شينجياڭنىڭ امالياتتىق تاجىريبەلەرىن جاقسى قورىتىندىلاۋعا، شينجياڭنىڭ تاماشا وبرازىن سومداۋعا ۇلەس قوسۋ كەرەك.

ءماجىلىس بىلاي دەپ باسا دارىپتەدى: قالىڭ فيلوسوفيا - قوعامدىق عىلىمدار قىزمەتكەرلەرى جاڭا داۋىردەگى پارتيانىڭ شينجياڭدى جونگە سالۋ جالپى جوباسى، جۇڭحۋا ۇلتى ورتاق تۇلعا تانىمىن مىقتاپ ورناتۋ، شينجياڭدى مادەنيەتپەن نارلەندىرۋ، شينجياڭ تاريحى، شينجياڭدا ءىسلام ءدىنىن جۇڭگوشالاندىرۋ، ادامدىق ۇقىق نازارياسى، جىبەك جولى ەكونوميكالىق بەلدەۋى وزەكتى رايون قۇرىلىسى سياقتى كەلەلى تاقىرىپتىق زەرتتەۋلەردى شىن مانىندە كۇشەيتىپ، دامۋ تاسىلدەرىن كوپتەپ قاراستىرىپ، كەمەڭگەرلىكپەن كوپتەپ اقىل قوسىپ، كوپتەپ ناقتى شارا ۇسىنىپ، ”يدەيا قامباسى“، ”اقىلماندار ۇجىمى“ رولىن اناعۇرلىم جاقسى ساۋلەلەندىرىپ، بىلىمدەرىن شينجياڭنىڭ كەڭ - بايتاق دالاسىنا قولدانىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا اقىل - پاراسات جانە كۇش - قۋات قوسۋ كەرەك.

ءماجىلىس مىنالاردى تالاپ ەتتى: پارتيانىڭ فيلوسوفيا - قوعامدىق عىلىمدار قىزمەتىنە باسشىلىعىن كۇشەيتۋگە تاباندى بولۋ، ءار دارەجەلى پارتكومدار فيلوسوفيا - قوعامدىق عىلىمدار قۇرىلىمدارى پارتكومىنىڭ باسشىلىق القا قۇرىلىسىن كۇشەيتىپ، دارىندىلاردى پارتيا باسقارۋ پرينسيبىنە تاباندى بولىپ، شينجياڭنىڭ ەكونوميكالىق، قوعامدىق دامۋى توتەنشە ءزارۋ بولىپ وتىرعان ءبىر توپ جاسامپاز، بەساسپاپ فيلوسوفيا - قوعامدىق عىلىمدار زەرتتەۋ دارىندىلارىن ءتۇيىندى تۇردە تاربيەلەۋ كەرەك. ءارقايسى ءپان زەرتتەۋ قۇرىلىمدارى، جوعارى مەكتەپتەر، عىلمي توپتار ىرىقتىلىقپەن ىسكەرلىك كورسەتىپ، ىنتىماقتاسۋ، بايلانىس جاساۋ قيمىلدارىن كەڭىنەن ورىستەتىپ، تاربيەلەۋ، جەتەكتەۋ جانە قىزمەت وتەۋ، باسقارۋ قىزمەتىن جاقسى ىستەپ، تاماشا رۋحاني بەينەمەن فيلوسوفيا - قوعامدىق عىلىمدار قىزمەتكەرلەرىنە قىزمەت وتەۋ كەرەك. فيلوسوفيا - قوعامدىق عىلىمدار قىزمەتكەرلەرى تۋراشىلدىقتان اينىماي، جاڭالىق اشىپ، قايراتتانا ىسكەرلىك كورسەتىپ، شينجياڭنىڭ رەفورما، دامۋ، ورنىقتىلىق كەلەلى جاعدايىنا ءتىپتى جاقسى قىزمەت وتەپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمەن قارسى الۋ كەرەك.

وسى كەزەكتى ءىلمي جىلدىق ءماجىلىسى ”جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى“ تاقىرىپ ەتىپ، ” شينجياڭدى زاڭمەن باسقارۋ“، ”شينجياڭدى ىنتىماقتاسا ورنىقتىرۋ“، ”شينجياڭدى مادەنيەتپەن نارلەندىرۋ“، ”حالىقتى بايىتىپ شينجياڭدى گۇلدەندىرۋ“، ”شينجياڭدى باياندى كوركەيتۋ“ سىندى 5 رەت عىلمي ارناۋلى نازاريالىق زەرتتەۋ - تالقىلاۋ ءماجىلىسىن وتكىزدى.