汉文 ىلە اقپارات تورابىنا حوش كەلدىڭىزدەر!
جاڭ سىچيڭ جولداستىڭ سۇيەگى بەيجيڭدە ورتەلدى
2022-06-23 16:27:03     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

شي جينپيڭ، لي جانشۋ، ۋاڭ ياڭ قاتارلىلار باباۋشان توڭكەرىستىك قۇرباندار قابىرىنا بارىپ قوشتاستى، جاڭ سىچيڭ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ٴتۇرلى فورمالارمەن جاڭ سىچيڭ جولداستىڭ قازاسىنا قايعىلى ازا ٴبىلدىردى ٴارى ونىڭ تۋىس - تۋعاندارىنان شىنايى حال سۇرادى


شينحۋا اگەنتتىگىنىڭ 6 - ايدىڭ 21 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق سىننان وتكەن ادال كوممۋنيزم جاۋىنگەرى، ەلىمىزدىڭ ساياسي - زاڭ شەبىنىڭ كورنەكتى باسشىسى، جۇڭگو حالىق ساياسي ٴماسليحات كەڭەسى 9 - كەزەكتى، 10 - كەزەكتى مەملەكەتتىك كوميتەتىنىڭ ورىنباسار ٴتوراعاسى، ەڭ جوعارى حالىق پروكۋراتۋراسىنىڭ بۇرىنعى باس پروكۋرورى جاڭ سىچيڭ جولداستىڭ سۇيەگى 6 - ايدىڭ 21 - كۇنى بەيجيڭ باباۋشان توڭكەرىستىك قۇرباندار قابىرىندا ورتەلدى.

جاڭ سىچيڭ جولداس 2022 - جىلى 6 - ايدىڭ 17 - كۇنى ساعات بىردەن 52 مينۋت وتكەندە بەيجيڭدە 90 جاسىندا ناۋقاستان قايتىس بولدى.

جاڭ سىچيڭ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ٴتۇرلى فورمالارمەن جاڭ سىچيڭ جولداستىڭ قازاسىنا قايعىلى ازا ٴبىلدىردى ٴارى ونىڭ تۋىس - تۋعاندارىنان شىنايى حال سۇرادى.

6 - ايدىڭ 21 - كۇنى تۇستەن بۇرىن باباۋشان توڭكەرىستىك قۇرباندار قابىرىنىڭ زالى قايعىلى جىم - جىلاس كۇيگە شومىپ، قايعىلى مۋزىكا باياۋ تولقىپ تۇردى. زالدىڭ ٴتورىنىڭ جوعارعى جاعىنا «جاڭ سىچيڭ جولداسقا قايعىلى ازا بىلدىرەمىز» دەگەن اق ٴتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا جاڭ سىچيڭ جولداستىڭ سۋرەتى قويىلعان. شالقالاي جاتقىزىلعان جاڭ سىچيڭ جولداستىڭ سۇيەگىنىڭ اينالاسىنا الۋان گۇلدەر مەن ارشالار قويىلىپ، ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلعان.

تۇستەن بۇرىن ساعات 9 دان 40 مينۋت وتكەندە شي جينپيڭ، لي جانشۋ، ۋاڭ ياڭ قاتارلىلار قايعىلى مۋزىكا ٴۇنى ىشىندە جاڭ سىچيڭ جولداستىڭ سۇيەگىنىڭ الدىنا باياۋ كەلىپ، ٴۇنسىز ازا ٴبىلدىرىپ، جاڭ سىچيڭ جولداستىڭ سۇيەگىنە 3 رەت تاعزىم ەتتى ٴارى جاڭ سىچيڭ جولداستىڭ تۋىس - تۋعاندارىنان شىنايى حال سۇرادى.

پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاسۋعا باردى نەمەسە ٴتۇرلى تاسىلدەرمەن ازا ٴبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، جاڭ سىچيڭ جولداستىڭ بەيجيڭدە كوزى تىرىسىندەگى جاقىن دوستارى مەن اۋىلداستارىنىڭ ۋاكىلدەرى دە بارىپ قوشتاستى.