汉文 ىلە اقپارات تورابىنا حوش كەلدىڭىزدەر!
ەڭبەك وزاتتارىنىڭ جاڭالىق اشۋ قىزمەت كەڭسەسى كاسىپورىنداردىڭ جوعارى ساپالى دامۋىنا دەم بەردى
2022-06-23 16:49:55     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ياڭگۋاڭ فارفورىنىڭ ۇلتتار ىنتىماعىندا پارتيا تۋىن نۇرلاندىرىپ، دامۋدىڭ جاڭا تاراۋىن جازۋ جونىندەگى جەلىلەس حابار (4)

شى شۋەحۇڭ (ٴوز ٴتىلشىمىز)


«ٴونىمدى زەرتتەۋ ـ اشۋ بارىسىندا، مەن فارفور كەرپىش جوبالاۋدا ۇلتتىق ەرەكشەلىكتى كورنەكتىلەندىرۋدى، فارفور كەرپىشكە ۇلتتار ىنتىماعىنىڭ سيمۆولى بولاتىن ورنەكتەردى باسۋدى ورتاعا قويدىم». ياڭگۋاڭ فارفور ٴوندىرۋ سەحىندا جۇمىسشى، تەكسەرۋ ـ سارالاۋ سەحىنىڭ بانجاڭى، سەح ۋچاستكە باستىعى، سونداي ـ اق جۇمىسشى ۇيىمىنىڭ ورىنباسار ٴتوراعاسى بولعان قايرات ٴومارجان قايرات ەڭبەك وزاتى جاڭالىق اشۋ قىزمەت كەڭسەسىنىڭ جەتەكشىسى بولعاننان كەيىن، قىزمەت كەڭسەسىنە ونىمدەردى زەرتتەپ اشۋ جونىندە سىندارلى پىكىر ايتتى. قىزمەت كەڭسەسى قايراتتىڭ ۇسىنىسىن قابىلداپ، زەرتتەپ جاساعان جاڭاشا فارفور كەرپىش تۇتىنۋشىلاردىڭ قىزۋ قارسى الۋىنا بولەندى.

قايرات ەڭبەك وزاتتارىنىڭ جاڭالىق اشۋ قىزمەت كەڭسەسى 2015 ـ جىلى قۇرىلعاننان بەرى، كاسىپورىن ٴار جىلى زەرتتەۋ ـ اشۋعا 2 ميلليون يۋاننان استام قارجى قوسىپ، جاڭالىق اشۋعا كەپىلدىك ەتتى. قىزمەت كەڭسەسى تەحنيكا جاڭالاۋ ارقىلى جەرگىلىكتى شيكىزاتتى سىرت جەرلەردەن كىرگىزەتىن شيكىزاتتىڭ ورنىنا پايدالاندى، كاسىپورىن تەك وسى ٴبىر ٴتۇردىڭ وزىنەن جىلىنا 2 ميلليون يۋاننان استام قاراجات ۇنەمدەگەن. كاسىپورىننىڭ تەحنولوگيالىق تەحنيكاسىن زەرتتەۋ نىسانىن نەگىز ەتىپ، قىزمەت كەڭسەسى زاۆود - كەن قوقىر - قوقسىقتارىنان فارفورعا قوسىلاتىن قوسپانى زەرتتەپ جاساپ، بايلىقتان جان - جاقتىلى پايدالانىپ، قايتا لاستانۋدى ازايتىپ، كاسىپورىننىڭ ٴار جىلى 6 ميلليون يۋان شاماسىندا قارجىسى ۇنەمدەلسە، قوسپانىڭ ورنىنا پايدالاناتىن ونىمدەر ٴار جىلى كاسىپورىننىڭ وزىندىك قۇنىن 900 مىڭ يۋان تومەندەتكەن. سونىمەن بىرگە، كاسىپورىن بايلىقتان اينالمالى پايدالانۋ ەكونوميكالىق سىناق ٴتۇيىنى بولىپ، زەرتتەپ جاسالعان فارفور كەرپىش جەلىلەس ونىمدەرى شينجياڭنىڭ ەدەن كەرپىش جاعىنداعى بوستىعىن تولتىردى.

زەرتتەۋ - اشۋ تەحنيكاسىنىڭ ۇزدىكسىز جوعارىلاۋىنا ىلەسە، قىزمەت كەڭسەسى كاسىپورىنعا 20 دان استام از ۇلت تەحنيكالىق جاڭالىق اشۋ دارىندىسىن تاربيەلەپ بەرىپ، كاسىپورىن جۇمىسشى - قىزمەتكەرلەرىنىڭ تەحنيكالىق ساپاسىن جەدەل جوعارىلاتتى.

«<قايرات ەڭبەك وزاتى جاڭالىق اشۋ قىزمەت كەڭسەسى> تەحنيكادا جاڭالىق اشۋ ارقىلى زەرتتەپ جاساعان فارفور كەرپىش بازار اعىمىنا ىلەسىپ، تۇتىنۋشىلاردىڭ قارسى الۋىنا يە بولدى» دەدى سەرىكتەستىكتىڭ ورىنباسار باس ديرەكتورى، تەحنولوگيا ٴبولىمىنىڭ باستىعى، قايرات ەڭبەك وزاتى جاڭالىق اشۋ قىزمەت كەڭسەسىنىڭ  جاۋاپتىسى چين حايچۋان. ول تاعى بىلاي دەدى: قىزمەت كەڭسەسى ٴىس جۇزىندىك ارەكەت ارقىلى ۇلتتار ىنتىماعى قىزمەتىن جاقسى ىستەپ، جاڭالىق اشۋ، زەرتتەۋ ـ اشۋ قىزمەتىن ىلگەرىلەتتى. تەحنيكالىق زەرتتەۋ - اشۋ ارقىلى كاسىپورىن قوقىر - قوقسىق، جاراقسىز ماتەريالداردى كادەگە جاراتىپ، وندىرىستەگى قالدىق جىلۋ، قالدىق قىسىمنان پايدالانىپ ەنەرگيانى ۇنەمدەپ، سارىپ بولۋدى تومەندەتىپ، اينالمالى شارۋاشىلىق، تەحنيكادا جاڭالىق اشۋ ارقىلى كاسىپورىندارعا تاماشا ەكونوميكالىق ونىمدىلىك جانە قوعامدىق ونىمدىلىك جاراتتى.

«پارتيا مۇشەسى رەتىندە، مەن ٴونىم ساپاسى وتكەلىن قاتاڭ يگەرىپ، جاڭا ونىمدەردى ۇزدىكسىز زەرتتەپ، ٴىس جۇزىندىك ارەكەتىم ارقىلى كاسىپورىن ٴۇشىن ەنەرگيا ۇنەمدەپ، سارىپ بولۋدى تومەندەتەمىن» دەدى سەرىكتەستىك ٴونىم ساپاسىن باسقارۋ ـ مەڭگەرۋ ٴبولىمىنىڭ ورىنباسار باستىعى ليۋ شۋبين.

كاسىپورىن ەڭبەك وزاتى رۋحىن ساۋلەلەندىرۋدى نەگىزگى جەلى ەتىپ، قايرات ەڭبەك وزاتتارىنىڭ جاڭالىق اشۋ قىزمەت كەڭسەسىنىڭ ۇلگىلىك، جەتەكشىلىك رولىن شىنايى ساۋلەلەندىرىپ، جۇمىسشى ـ قىزمەتكەرلەر اراسىندا «بارلىق ادام ەڭبەك وزاتتارىنان ۇيرەنەتىن، بارلىق ادام وزات بولۋعا تالپىناتىن» تاماشا راي قالىپتاستىرۋعا قۇلشىنىپ، وزىق جاڭالىق اشۋ ۇستانىمىن، تەحنيكاسىن جانە ٴادىسىن ۇزدىكسىز جالپىلاستىرىپ، جۇمىسشى ـ قىزمەتكەرلەردىڭ تەحنيكالىق ساپاسىن جوعارىلاتىپ، تەحنيكالىق كەدەرگىلەردى شەشىپ، تەحنيكالىق جەتىستىكتەردى كادەگە جاراتۋدى جەدەلدەتىپ، سەرىكتەستىكتىڭ جان ـ جاقتى دامۋىن جەبەدى. 

كاسىپورىن ٴبىر قىدىرۋ ساياسات شىعارىپ، عىلىم ـ تەحنيكادا جاڭالىق اشۋدى جانە شاعىن رەفورمانى سيلاۋ ٴادىسىن قولدانۋ، ەڭبەك شەبەرلىگى جارىسى سياقتى كوپ ٴتۇرلى فورمالاردى قولدانىپ، جۇمىسشى ـ قىزمەتكەرلەردى قىزمەت ورنىن تياناق ەتۋگە، كاسىپتىك ساپاسى مەن ونەرىن جوعارىلاتۋعا، كاسىپورىنداردىڭ ٴوندىرىس ـ تيجاراتىنا ۇلەس قوسۋعا شابىتتاندىردى. 

سەرىكتەستىكتىڭ ورىنباسار باس ينجەنەرى، كۇيدىرۋ سەحىنىڭ مەڭگەرۋشىسى، قايرات ەڭبەك وزاتتارى جاڭالىق اشۋ قىزمەت كەڭسەسىنىڭ مۇشەسى ۋاڭ چيڭيىڭ جوبالاپ ورتاعا قويعان جانە اتقارعان كىرەۋكە جەلىسىن جاڭالاپ، ٴونىمدى ارتتىرىپ، ونىمدىلىكتى جوعارىلاتۋ نىسانى تەكسەرىپ وتكىزىپ الىنعاننان كەيىن، ٴونىم مولشەرىن كۇنىنە %10 تەن استام جوعارىلاتقان. ال وسى تەحنيكالىق رەفورماعا 670 يۋان عانا قارجى قوسىلىپ، ۋاڭ چيڭيىڭ تەحنيكالىق قامال الۋ مۇشەلەرىن باستاپ 10 كۇندە - اق مىندەتتى ورىنداپ، كاسىپورىنعا تاماشا ونىمدىلىك جاراتقان، سوندىقتان، وسى عىلىم - تەحنيكالىق جاڭالىق اشۋ توبى ماداقتالىپ - سيلانعان جانە 21 مىڭ يۋان سيلىققا يە بولعان.

مەملەكەتتىك ەڭبەك وزاتى قايرات باستاعان ەڭبەك وزاتتارىنىڭ جاڭالىق اشۋ قىزمەت كەڭسەسى كاسىپورىننىڭ بازار باسەكەسىندە عىلىم ـ تەحنيكادا جاڭالىق اشۋدى قوزعاۋشى كۇش ەتىپ، كاسىپورىنداردىڭ ەنەرگيانى ۇنەمدەپ، سارىپ بولۋدى ازايتۋىن، وزىندىك قۇندى تومەندەتۋىن، ونىمدە جاڭالىق اشۋىن جەبەپ، بىرنەشە جىلدان بەرى كاسىپورىنعا 30 ميلليون يۋاننان استام تىكەلەي ەكونوميكالىق ونىمدىلىك جاراتقان. 

كاسىپورىن زەرتتەپ جاساعان جاڭا گۇلدى فارفور كەرپىش شينجياڭنىڭ جوعارى سورتتى جارقىراۋىق كەرپىش ونىمدەرىنىڭ بوستىعىن تولتىرىپ، ياڭگۋاڭ فارفورىنىڭ اۆتونوميالى رايون دارەجەلى ايگىلى ونىمدەرىن ورتا ازيا سياقتى ەلدەرگە بەيىمدەپ، «ۇلتتىق ەرەكشەلىككە يە ونىمدەردى ٴتۇيىندى وندىرەتىن كاسىپورىننىڭ» عىلمي زەرتتەۋ قابىلەتىن اناعۇرلىم جوعارىلاتتى. 

كاسىپورىننىڭ تەحنيكا جاڭالاۋ نىسانى «كومىر تاسىنىڭ فارفور كەرپىش جاساۋدا پايدالانىلۋى» كاسىپ سالاسىندا تالاي رەت ەرەكشە ماراپاتتارعا يە بولىپ، ىلگەرىندى ـ كەيىندى مەملەكەتتىك قۇرىلىس ماتەريالدارى سالاسىنىڭ تەحنيكا جاڭالاۋ 2 ـ دارەجەلى سيلىعىنا، «12 ـ بەسجىلدىق» كەزىندە مەملەكەتتىك ۇلتتىق ەرەكشەلىككە يە ونىمدەردى ٴتۇيىندى وندىرەتىن كاسىپورىن اتاعىنا، مەملەكەتتىك قۇرىلىس ماتەريالدارى سالاسىندا «قۇرىلىمدى رەتتەۋ، ىشكى قۋاتتى شىڭداۋ، ونىمدىلىكتى ارتتىرۋ» بويىنشا 100 تاڭداۋلى كاسىپورىن اتاعىنا يە بولدى. كاسىپورىن زەرتتەپ جاساعان D 3 سيا بۇرىككىش مىرامور فارفور كەرپىشى بازارعا سالىنعاننان كەيىن جاقسى اڭىس قوزعادى. 

2020 ـ جىلى ەڭبەك وزاتتارىنىڭ جاڭالىق اشۋ قىزمەت كەڭسەسىنە اۆتونوميالى وبلىس جاعىنان «ىلە تەحنيكالىق شەبەرلەر قىزمەت كەڭسەسى»، قۇلجا اۋدانى جاعىنان «تاڭداۋلى ماماندار قىزمەت كەڭسەسى»، «تيانشان شەبەرلەرى»، «ورىك مەكەنى شەبەرلەرى»، «ەڭبەك ٴسىڭىرىپ، شارۋاشىلىق قۇرۋ ۇلگىسى» سياقتى داڭقتى اتاقتار بەرىلەدى. 2021 - جىلى 5 - ايدا جۇڭحۋا مەملەكەتتىك باس جۇمىسشى ۇيىمى جاعىنان «جۇمىسشىلار اتويشىسى» دەگەن داڭقتى ماراپاتقا يە بولعان.