نەگىزگى ساتىداعى زاڭ شىعارۋ بايلانىس تۇيىندەرى:

حالىق رايىن زاڭ شىعارۋدىڭ ”توتە جولىمەن“ ۇشتاستىردى

 انار بۇلت \ شينجياڭ گازەتىنىڭ ءتىلشىسى لياڭ ليحۋا، ەرىكتى ءتىلشى ۋي جۋان

”بوگەتسىز ورتا قۇرىلىسىنىڭ قيىن ءتۇيىنى مەن ماڭىزدى ءتۇيىنى قاتىستى ساياساتتاردى، زاڭ ەرەجەلەردى تياناقتاندىرۋدا، باقىلاۋ مەحانيزمىن كۇشەيتۋدى ۇسىنىس ەتەمىز“، ”شارۋاشىلىق ورىندارىندا سوقىرلار جازۋىنداعى جەتەكشى تاقتا جانە دىبىستىق حابار بەرۋ جۇيەسىن ورناتۋ“، ”الەۋمەتتىك ورىنداردا كەدەرگىسىز كولبەۋ جولداردى سالۋدى كۇشەيتۋ“... بۇل ۇسىنىستاردى مۇگەدەكتەر ورتاعا قويعان ەدى.

بيىل 5 - ايدا مەملەكەتتىك حالىق قۇرىلتايى تۇراقتى كوميتەتى اۆتونوميالى رايوندىق مۇگەدەكتەر بىرلەستىگىنىڭ نەگىزگى ساتى زاڭ شىعارۋ بايلانىس تۇيىندەرىنە كەدەرگىسىز ورتا قۇرىلىسى زاڭى جوباسىنىڭ پىكىر الۋ نۇسقاسىن تاراتىپ، پىكىر الۋ قىزمەتىن ويداعىداي ىستەۋگە سايكەسۋ ءۇشىن، وسى بايلانىس جاساۋ ءتۇيىنى ساۋالناما، تەلەفون، اڭگىمە ءماجىلىسى سياقتى تاسىلدەر ارقىلى 500دەن استام مۇگەدەك قايراتكەرلەردەن پىكىر الىپ، بەلسەندى اڭىسقا يە بولدى. ”مۇگەدەكتەردىڭ ات سالىسۋ بەلسەندىلىگى وتە جوعارى بولدى، كوپتەگەن شىنايى دا اتقارىلارلىق ۇسىنىستار ورتاعا قويىلدى“، - دەدى اۆتونوميالى رايوندىق مۇگەدەكتەر بىرلەستىگى نەگىزگى ساتى زاڭ شىعارۋ بايلانىس ءتۇيىنىنىڭ جاۋاپتىسى جۋ ميڭحۇڭ.

پىكىر الۋ نۇسقاسىن العاننان كەيىن، مۇگەدەك لي شين قاتتى قۋاندى، ول بىلاي دەدى: مەملەكەتتىك زاڭ شىعارۋ كەڭەسى مۇگەدەكتەردىڭ پىكىرىن تىڭداپ، حالىقتىڭ ءوز - وزىنە قوجايىن بولۋىنىڭ ءمانىن شىنايى سەزىنۋىمە مۇمكىندىك جاسادى.

نەگىزگى ساتىداعى زاڭ شىعارۋ بايلانىس ءتۇيىنى بەينە دانەكەر سياقتى ءبىر جاعى پارتيا مەن ۇكىمەتكە، ەندى ءبىر جاعى سان مىڭداعان بۇقارامەن جالعاسىپ، بۇقارانى پىكىرىن اناعۇرلىم قولايلى، اشىق بەينەلەۋ مۇمكىندىگىنە يە ەتىپ، دەر كەزىندە حالىقتىڭ جاعدايىن اڭىس ەتىپ، حالىقتىڭ تىلەگىنە قۇلاق اسىپ، حالىقتىڭ اقىل - پاراساتىن شوعىرلاندىردى.

2019 - جىلى 12 - ايدان بەرى اۆتونوميالى رايوندىق حالىق قۇرىلتايى تۇراقتى كوميتەتى بۇكىل رايونداعى جوعارى مەكتەپتەر، ادۆوكاتتار قوعامى، تۇتىنۋشىلار قوعامى، الەۋمەتتىك اۋماق سياقتى جەرلەردە 10 نەگىزگى ساتى زاڭ شىعارۋ بايلانىس ءتۇيىنىن ىركەس - تىركەس قۇردى، اۆتونوميالى رايوندىق حالىق قۇرىلتايى جانە ونىڭ تۇراقتى كوميتەتى زاڭ ەرەجە جوباسىن جوسپارعا الۋ، دايىنداۋ، تەكسەرۋ - زەرتتەۋ سياقتى زاڭ شىعارۋدىڭ جالپى بارىسىندا جانە ءارقايسى بۋىندارىندا نەگىزگى ساتى زاڭ شىعارۋ بايلانىس تۇيىندەرى ارقىلى نەگىزگى ساتىداعى بۇقارانىڭ پىكىر - ۇسىنىستارىن تىڭدادى ءارى بۇقارانىڭ تالابىن قاز - قالپىندا زاڭ شىعارۋ ورگانىنا اڭىس ەتتى.

”ءارقايسى بايلانىس جاساۋ تۇيىندەرىنىڭ وزىندىك ەرەكشەلىگى بار، پىكىر العان كەزدە تۇرلىشە كاسىپتىڭ، تۇرلىشە سالانىڭ، تۇرلىشە توپتىڭ ۇنىنە قۇلاق اسىپ، زاڭ شىعارۋدىڭ اناعۇرلىم دەموكراتيالى، عىلمي بولۋىنا مۇمكىندىك جاسايدى“، - دەدى اۆتونوميالى رايوندىق حالىق قۇرىلتايى تۇراقتى كوميتەتى زاڭ - ءتۇزىم قىزمەتى كوميتەتىنىڭ ورىنباسار مەڭگەرۋشىسى چىن ميڭ.

شينجياڭ ادۆوكاتتار قوعامىنىڭ نەگىزگى ساتى زاڭ شىعارۋ بايلانىس ءتۇيىنى ادۆوكاتتار كاسىبىنىڭ كاسىپتىك باسىمدىعىن، فۋنكتسيالىق باسىمدىعىن، امالياتتىق باسىمدىعىن تولىق ساۋلەلەندىرىپ، ادۆوكاتتاردىڭ زاڭمەن باسقارۋ تانىمى كۇشتى، ارالاسۋ دەڭگەيى كەڭ، جاعدايدى يگەرۋى ناقتى، ۇسىنىسى ءدال بولۋ ەرەكشەلىگىن نەگىزگى ساتى زاڭ شىعارۋ بايلانىس ءتۇيىنى قىزمەتىنىڭ ساپاسىن ءوسىرىپ، ونىمدىلىگىن ارتتىرۋدىڭ قوزعاۋشى كۇشىنە اينالدىردى. قازىرگە دەيىن شينجياڭ ادۆوكاتتار قوعامىنىڭ نەگىزگى ساتى زاڭ شىعارۋ بايلانىس ءتۇيىنى اۆتونوميالى رايوندىق حالىق قۇرىلتايى تۇراقتى كوميتەتى تاپسىرعان 13 زاڭ، زاڭ ەرەجە جوباسىن مۇقيات زەرتتەپ، تالقىلاپ، 36 ۇيلەسىمدى ۇسىنىستى ورتاعا قويدى.

”جاڭا عانا ماقۇلدانعان اۆتونوميالى رايوننىڭ ازامات جاسىنا تولماعانداردى قورعاۋ ەرەجەسىندە ءبىز العا قويعان 3 ءتۇرلى ۇسىنىس قابىلداندى، بۇل ءبىزدى ايرىقشا شابىتتاندىردى“، - دەدى شينجياڭ ادۆوكاتتار قوعامىنىڭ ورىنباسار باستىعى گىڭ باۋجيان.

نەگىزگى ساتى زاڭ شىعارۋ بايلانىس ءتۇيىنى تۇتاس بارىستاعى حالىق دەموكراتياسى ءتۇزىمىنىڭ ابزالدىلىعىن ايگىلەدى. سانجى قالاسى بەيجيڭ وڭتۇستىك جولى ءمالى باسقارماسى زاڭ شىعارۋ ۇسىنىسىن جيناۋ كەڭسەسىن، بايلانىس جاساۋ ءتۇيىنىن جانە زاڭ شىعارۋ ينفورماتسياسىن جيناۋ ورنىن قۇرىپ، حالىق اۋانىن، حالىق رايىن اشىق جينادى.

”ءبىر ءمالى باسقارماسىنىڭ زاڭ شىعارۋ ۇسىنىسىن جيناۋ كەڭسەسى +ءاربىر الەۋمەتتىك اۋماقتىڭ ءبىر زاڭ شىعارۋ ۇسىنىسىن جيناۋ بايلانىس ءتۇيىنى + X زاڭ شىعارۋ ينفورماتسياسىن جيناۋ ورنى“ زاڭ شىعارۋ ۇسىنىسىن جيناۋ شەبى تورىن بىرگە قالىپتاستىردى. ەسىك الدىنداعى جيناۋ بايلانىس تۇيىندەرى، جيناۋ ورىندارى قوعام جاعدايى مەن حالىق رايىن توعىستىراتىن كوپىر سالدى.

70 جاستاعى جۋاڭ لان ساقا پارتيا مۇشەسى ءارى زاڭ شىعارۋ ينفورماتسيا قىزمەتكەرى، ادەتتە كورشىلەرىمەن ۇنەمى اڭگىمەلەسىپ پىكىر الادى. ول بىلاي دەدى: ”زاڭ شىعارۋ ينفورماتسياسىن جيناۋ ورنى بۇقارانىڭ ەسىك الدىنان باستالدى، زاڭ شىعارۋ بارىسىندا بۇقارانىڭ پىكىرى اسا ماڭىزدى بولدى“.