汉文 ىلە اقپارات تورابىنا حوش كەلدىڭىزدەر!
شينجياڭ قوعام حاۋىپسىزدىگى قاھارمان ۇلگىلەرىنىڭ ىزگى ىستەرىنەن بايانداما جاساۋ جينالىسى ۇرىمجىدە وتكىزىلدى
2022-06-24 10:46:51     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ما شيڭرۇي، ەركىن تۇنياز، شاۋكەت يمىن، نۇرلان ٴابىلماجىن ۇلى، لي يفي قاھارمان ۇلگىلەردىڭ ۋاكىلدەرىمەن كەزدەستى

 

شينجياڭ گازەتىنىڭ حابارى (تىلشىلەر ياۋ تۇڭ، ۋاڭ شيڭرۇي، ليۋ شياڭ). شينجياڭ قوعام حاۋىپسىزدىگى قاھارمان ۇلگىلەرىنىڭ ىزگى ىستەرىنەن بايانداما جاساۋ جينالىسى 6 - ايدىڭ 22 - كۇنى تۇستەن بۇرىن ۇرىمجىدە وتكىزىلدى. جينالىستان ىلگەرى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز رايونىمىزدان مەملەكەت بويىنشا ماداقتالىپ - سيلانعان قوعام حاۋىپسىزدىگى جۇيەسىندەگى قاھارمان ۇلگىلەردىڭ جانە ەڭبەك سىڭىرگەن كوللەكتيۆتەردىڭ ۋاكىلدەرىمەن كەزدەستى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن ۇلى، اۆتونوميالى رايوندىق پارتكومنىڭ ورىنباسار شۋجيى، بيڭتۇاننىڭ جىڭۋيى لي يفي كەزدەسۋگە قاتىناستى.

ما شيڭرۇي اۆتونوميالى رايوندىق پارتكوم مەن ۇكىمەت اتىنان ماداقتالىپ - سيلانعان وزات كوللەكتيۆتەر مەن جەكەلەردى قىزۋ قۇتتىقتادى جانە ولارعا وسكەلەڭ قۇرمەت ٴبىلدىردى، بۇكىل رايونداعى قالىڭ قوعام حاۋىپسىزدىگى حالىق ساقشىلارىنا، كومەكشى ساقشىلارعا شىن ىقىلاستى سالەم جولدادى. ول بىلاي دەدى: بۇكىل رايوننىڭ قوعام حاۋىپسىزدىگى جۇيەسى باس شۋجي شي جينپيڭنىڭ جاڭا داۋىردەگى قوعام حاۋىپسىزدىگى قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، مىندەتتى ادالدىقپەن اتقارىپ، باتىلدىقپەن جاۋاپكەرشىلىك ارقالاپ، ۇلەس قوسۋعا پەيىل بولىپ، مەملەكەت حاۋىپسىزدىگىن، قوعام ورنىقتىلىعىن، حالىق مۇددەسىن قورعاۋعا ماڭىزدى ۇلەس قوستى. ماداقتالىپ - سيلانعان كوللەكتيۆتەر مەن جەكەلەردىڭ داڭقتى قاستەرلەپ، كۇش ۇستىنە كۇش قوسىپ، باس شۋجي شي جينپيڭنىڭ قامقورلىعى مەن تاپسىرماسىن شىن مانىندە ٴىس تىندىرىپ، ناتيجە شىعارۋدىڭ قۋاتتى قوزعاۋشى كۇشىنە اينالدىرىپ، رايونىمىزدىڭ حاۋىپ - قاتەردەن ساقتانۋ، حاۋىپسىزدىككە كەپىلدىك ەتۋ، ورنىقتىلىقتى قورعاۋ قىزمەتتەرىن كۇش سالا جاقسى ىستەپ، پارتيانىڭ قالاۋىنان شىعاتىن، حالىقتىڭ قالاۋىنان شىعاتىن تىڭ ناتيجەلەردى قۇلشىنا جاراتۋىن ٴۇمىت ەتەمىن.  

ما شيڭرۇي مىنالاردى باسا دارىپتەدى: تۇتاس رايونداعى قوعام حاۋىپسىزدىگى ورگاندارى «ەكىنى تۇراقتاندىرۋدىڭ» شەشۋشى ٴمانىن تەرەڭ ٴتۇسىنىپ، «ەكىنى قورعاۋدى» باتىل ورىنداپ، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، پارتياعا ادال بولۋ، حالىققا قىزمەت ەتۋ، زاڭدى ٴادىل اتقارۋ، ٴتارتىپتى قاتايتۋ باس تالابىن ادالدىقپەن امالياتتا ايگىلەپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋدى نەگىزگى جەلى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن جونگە سالۋدى جاپپاي ىلگەرىلەتىپ، لاڭكەستىككە قارسى تۇرىپ، ورنىقتىلىقتى قورعادىڭ زاڭمەن جونگە سالىنۋىنىڭ ۇدايىلانۋىن، ارنايىلانۋىن جەدەلدەتىپ، قوعامدى باسقارۋدى كۇشەيتىپ جانە وندا جاڭالىق اشىپ، جاپپاي پارتيانى قاتاڭ باسقارۋ، ساقشىلار قوسىنىن قاتاڭ جونگە سالۋ تالابىن قاتاڭ تياناقتاندىرىپ، ساياسي - زاڭ قوسىندارىن تاربيەلەۋدىڭ رەتكە سالۋدىڭ تابىستارىن ۇزدىكسىز بەكەمدەپ، تەرەڭدەتىپ، قوعامدىق كەلەلى جاعدايدىڭ باياندى ورنىقتىلىعىن، ۇزاق ۋاقىتتىق ورنىقتىلىعىن باتىل ساقتاپ، اناعۇرلىم جوعارى دەڭگەيدەگى تىنىش شينجياڭ، زاڭمەن باسقارىلاتىن شينجياڭ قۇرۋعا قۇلشىنىپ، پارتيا 20 - قۇرىلتايىنىڭ جەڭىسپەن اشىلۋىن ٴىس جۇزىندىك ارەكەتپەن قارسى الۋ كەرەك. ٴار دارەجەلى  پارتكومدار مەن ۇكىمەتتەر قوعام حاۋىپسىزدىگى قىزمەتىن بار كۇشپەن قولداپ، قاھارمان ۇلگىلەردىڭ رۋحىن بار كۇشپەن ساۋلەلەندىرىپ، ساقشىلارعا جاقسى مامىلە جاساۋ شارالارىن تياناقتاندىرىپ، قالىڭ قوعام حاۋىپسىزدىگى حالىق  ساقشىلارىنىڭ مىندەتىن اتقارىپ، جاۋاپكەرشىلىگىن ادا ەتۋىنە تاماشا شارت - جاعداي ازىرلەۋ كەرەك.

بايانداما جاساۋ جينالىسىندا رايونىمىزدىڭ نەگىزگى ساتى ٴبىرىنشى شەبىنەن كەلگەن 10 بايانداما جاساۋشى ۇعىنىقتى ويمەن، جاندى تىلمەن، باي مازمۇندى مىسالدارمەن ياركەن اۋداندىق قوعام حاۋىپسىزدىگى مەكەمەسىنىڭ بەلگىلى ۇلكەن اترەتى، ٴۇرىمجى قالالىق قوعام حاۋىپسىزدىگى مەكەمەسى حۇڭمياۋزى ساقشى بولىمشەسى، قارامايلى قالالىق قوعام حاۋىپسىزدىگى مەكەمەسى جايرانبۇلاق رايوندىق بولىمشە مەكەمەسى، چارقىلىق اۋداندىق قوعام حاۋىپسىزدىگى مەكەمەسى يتىمبۇلاق قوعام حاۋىپسىزدىگى تەكسەرۋ پۋنكتى، قۇمىل شەكارا باسقارۋ تارماق اترەتى باي شەكارا ساقشى بولىمشەسى سياقتى 5 وزات ورىن مەن «حالىق قاھارمانى» ٴعايرات مامۇت، «مەملەكەتتىك تاڭداۋلى حالىق ساقشىسى» ديڭ يۇڭگاڭ، «مەملەكەتتىك ەرەكشە دارەجەلى تاڭداۋلى حالىق ساقشىسى» جاڭ چىنياڭ، «مەملەكەتتىك قوعام حاۋىپسىزدىگى ورگانىنىڭ حالىقتى ٴسۇيۋدىڭ ۇلگىسى» راحمان احات قاتارلى 4 تاڭداۋلى حالىق ساقشىسىنىڭ ىزگى ىستەرى رايونىمىزدىڭ قوعام حاۋىپسىزدىگى ورگاندارى مەن ٴار ۇلت قوعام حاۋىپسىزدىگى حالىق ساقشىلارىنىڭ شينجياڭنىڭ قوعامدىق كەلەلى جاعدايىنىڭ ورنىقتىلىعىن قورعاۋ، حالىقتىڭ حاۋىپسىزدىگىن، باقىتىن قامتاماسىز ەتۋ، باياندى تىنىشتىقتى بار كۇشپەن ىلگەرىلەتۋ امالياتى بارىسىندا ادالدىقپەن جاۋاپكەرشىلىك ارقالاعان، قالتقىسىز ۇلەس قوسقان وسكەلەڭ رۋحى مەن ٴداۋىر كەلبەتىن شىنايى ايگىلەدى.

ۋاڭ ميڭشان، قادەن كابەن ۇلى، چىن ميڭگو قاتارلىلار قاتىستى قيمىلدارعا قاتىناستى.