汉文 ىلە اقپارات تورابىنا حوش كەلدىڭىزدەر!
«ۇلكەن شىعاناق رايونىنا كەلىپ كۇرەس جۇرگىزىپ، ارمان قۋعان شياڭگاڭدىق جاستار بارعان سايىن كوبەيدى»
2022-06-27 10:42:18     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

2018 - جىلى 10 - ايدىڭ 24 - كۇنى باس شۋجي شي جينپيڭ گۋاڭدۇڭدا قىزمەت تەكسەرگەن كەزدە گۋاڭدۇڭ ەركىن ساۋدا سىناق رايونىنىڭ شىنجىن چيانحاي شىكوۋ شاعىن رايونىنا كەلىپ، چيانحايدى قۇرۋشىلاردىڭ ۋاكىلدەرىمەن وراسان زور وزگەرىستەر جايىندا اڭگىمەلەستى، چيانحايدا شارۋاشىلىق قۇرعان شياڭگاڭدىق جاستاردىڭ ۋاكىلى گو ۋيچياڭ دا سولاردىڭ اراسىندا بولدى. جۋىقتا شينحۋا اگەنتتىگىنىڭ ٴتىلشىسى گو ۋيچياڭمەن سۇحپات وتكىزدى، باس شۋجيدىڭ شابىتتاندىرۋىنا يە بولعاننان كەيىنگى شارۋاشىلىق قۇرۋ بارىسىن ونىڭ ٴوز اۋزىنان تىڭداپ كورەلىك:

چيانحايدىڭ دامۋ بارىسىنا كۋا بولعان بەلگى «چيانحاي تاسىنىڭ» ٴدال جانىندا تۇرىپ، باس شۋجي شي جينپيڭمەن جۇزدەستىم. ول كەزدە مەن ٴبىراز ساسقالاقتادىم، پۇتۇڭحۋام دا تىم شىركىن - اي ەمەس ەدى، تۇتىعا سويلەپ ٴجۇرىپ ٴوزىمدى تانىستىردىم. باس شۋجي ىقىلاسپەن مەنىڭ قولىمنان ۇستاپ، مەنىڭ تولىق جاعدايىمدى سۇراستىردى. بۇدان مەن باس شۋجيدىڭ باۋرام قۋاتىن سەزىندىم، ونان دا ماڭىزدىسى، باس شۋجيدىڭ ٴبىزدىڭ شياڭگاڭدىق جاستارعا دەگەن ەرەكشە قامقورلىعىن سەزىندىم.باس شۋجي شي جينپيڭ سول ارادا تۇرعاندارعا: «شىنجىن − شياڭگاڭ سەلبەستىگىن تەرەڭدەتۋ كەرەك»، «گۋاڭدۇڭ − شياڭگاڭ − اۋمىن ۇلكەن شىعاناق رايونى قۇرىلىسىن ىلگەرىلەتۋ كەرەك» دەدى. چيانحايدا شارۋاشىلىق قۇرعان شياڭگاڭدىق جاس رەتىندە مەن قاتتى اسەرلەندىم، ۇلكەن شىعاناق رايونىنىڭ دامۋ بولاشاعى توتەنشە زور، ٴوزىمنىڭ وسى ارادا شارۋاشىلىق قۇرۋدى تاڭداعانىم وتە دۇرىس بولعان ەدى.

مەن «90 - جىلداردىڭ تۇلەگىمىن»، جاستايىمنان جاڭالىق اشۋعا، شارۋاشىلىق قۇرۋعا اۋەس بولدىم. شياڭگاڭ جۇڭۋىن داشۋەسىندە وقىپ جۇرگەن كەزىمدە مەن «جوعالتىپ الۋدان ساقتانۋ جۇيەسىن» زەرتتەپ - اشۋعا ات سالىسىپ، تومەن قۋات شىعىندىق لان - يا سياقتى تەحنيكالاردان پايدالانىپ، زاتتاردىڭ حاۋىپسىزدىگىن باسقارۋدى ٴۇمىت ەتتىم. جاڭالىق اشۋ ويىمدى تياناقتاندىرىپ، ناتيجە جاراتۋ ٴۇشىن 2016 - جىلى مەن شىنجىننىڭ چيانحايىنا كەلىپ شارۋاشىلىق قۇرۋدى تاڭداپ، شىنجىن − شياڭگاڭ جاستارىنىڭ ارمان زاۆودىنا ورنالاستىم. مەنىڭ «جاڭالىق اشۋ ارمانىم» وسى ارادان باستالدى.

چيانحايدا تەبىندەپ تۇرعان تاۋەكەلدىك قارجىلاندىرۋ ورتاسى بولدى، ٴبىز العاشقى كەزەكتە 3 ميلليون يۋاندىق قارجى قۇراۋعا يە بولدىق ٴارى دارىندىلارعا بەرىلەتىن تۇرعىن ٴۇي، قوسىمشا قاراجات سياقتى قولداۋلاردان يگىلىكتەندىك، سەرىكتەستىكتىڭ دامۋى بىرتىندەپ كەمەلدەنە ٴتۇستى.

بۇرىن ٴبىزدىڭ قۇلشىنا جاڭالىق اشىپ، شارۋاشىلىق قۇرۋىمىز ٴوزىمىزدىڭ نىسانامىزدى جۇزەگە اسىرۋ ٴۇشىن ەدى. باس شۋجيدىڭ ٴتالىمىن بەتپە - بەت تۇرىپ ەستىگەننەن كەيىن مەندە بورىشتىلىق سەزىم پايدا بولىپ، ٴوزىم ٴۇشىن عانا ەمەس، اناعۇرلىم كوپ شياڭگاڭدىق جاستارعا ۇلگى بولۋ ٴۇشىن قۇلشىندىم، ٴوزىمنىڭ توگىلىپ تۇراتىن ساۋلە، قاۋلاپ تۇرعان وت ۇشقىنى سياقتى بولىپ، ماڭايىمداعى قۇربىلارىمدى گۋاڭدۇڭ − شياڭگاڭ − اۋمىن ۇلكەن شىعاناق رايونىنا كەلىپ جاڭالىق اشىپ، شارۋاشىلىق قۇرۋعا باستاسام دەگەن ۇمىتتە بولدىم.

سودان باستاپ مەنىڭ عىلىم - تەحنيكادا جاڭالىق اشۋ سەنىمىم ٴتىپتى دە بەكەمدەلە ٴتۇستى. مەنىمەن سەرىكتەرىمنىڭ شارۋاشىلىق قۇرۋ نىسانىمىز «الا جۇرەتىن اسىل»، ٴدال الا جۇرەتىن زاتتاردىڭ زەردەلىلەنۋى ەدى. ٴبىز تاسىمالداعان كەزدە ورنىن بەلگىلەۋگە بولاتىن، سونداي - اق ەلەكترلەۋ، جوعالتىپ الۋدان ساقتانۋ، زەردەلى سالماعىن ولشەۋ، بارماق ٴىزى ارقىلى قۇلىپتى اشۋ سياقتى يقۋاتتارى بار، تىك قويىپ اشۋعا كەلەتىن جۇك ساندىقتى زەرتتەپ اشتىق.

ەسەپتەۋ جولىن جازۋ، شارتتى ٴنومىر تاڭبالاۋ، ەلەكتر جولىنىڭ سۋرەتىن كورۋ، دەمو تاقتاسىن جاساۋ دەگەندەردى قايتا - قايتا تاجىريبەدەن وتكىزۋ، تەحنيكالىق دارەجەسىن ٴوسىرۋ ارقىلى ٴبىز اقىرى تابىسقا جەتتىك! قازىر ٴبىز 20 نەشە پاتەنتتى ٴوتىنىش ەتتىك ٴارى مەملەكەتتىك جوعارى، جاڭا تەحنيكالىق كاسىپورىن ساناتىنا يە بولىپ، ۇقسامايتىن 4 ٴتۇرلى ٴونىم شىعاردىق، 2021 - جىلعى ساتىلىم سوماسى 10 ميلليون يۋاننان اسىپ، سەرىكتەستىكتىڭ دامۋى داڭعىل جولعا ٴتۇستى.

مەنىڭ چيانحايعا كەلگەنىمە 6 جىل بولدى، بۇل ارادا كۇندە دەرلىك جاڭا وزگەرىستەر تۋىلىپ جاتادى، مەن «ەرەكشە رايوننىڭ ىشىندەگى ەرەكشە رايوننىڭ» رەفورما جاساۋ، جاڭالىق اشۋ رۋحىن شىن مانىندە سەزىندىم، گۋاڭدۇڭ − شياڭگاڭ − اۋمىن ۇلكەن شىعاناق رايونىنىڭ قارىشتاپ دامىعاندىعىن سەزىندىم. مۇنان دا ماڭىزدىسى، بۇل اراداعى كوپتەگەن ساياساتتار، ياعني ورتاسى تاماشا كەڭسە ورنىمىزدان تارتىپ «سومكەمىزدى كوتەرىپ بارىپ قانا ورنالاساتىن» دارىندىلار ۇيىنە دەيىن، شارۋاشىلىق قۇرۋدى سۇيەمەلدەۋ ساياساتىنان تارتىپ زاڭ ىستەرى، سالىق ىستەرى سياقتىلارعا ساياتىن لەكسيا، پىسىقتاۋلار شياڭگاڭ − اۋمىن جاستارىنا ارناپ جاسالعان، ٴبىرسىپىرا ساياساتتىق قولداۋلار اناعۇرلىم كوپ شارۋاشىلىق قۇرۋشى جاستاردىڭ ارمانىن وسى ارادان قاناتتاندىردى.

مەن باس شۋجيگە ۇلكەن شىعاناق رايونىنا كەلىپ كۇرەس جۇرگىزىپ، ارمان قۋعان شياڭگاڭدىق جاستاردىڭ بارعان سايىن كوبەيگەندىگىن ايتقىم كەلەدى. «كەلگەن بولساڭ شىنجىندىقسىڭ» دەگەننەن تارتىپ «بارلىعىمىز دا ۇلكەن شىعاناق رايونىنىڭ ادامدارىمىز» دەگەنگە دەيىن، كوپشىلىك وسى ارادا شارۋاشىلىق قۇرىپ، جۇمىستانىپ، قونىستانىپ تۇرمىس كەشىرىپ، جەكە باسىنىڭ ارمانىن مەملەكەتتىڭ دامۋ كەلەلى جاعدايىمەن توعىستىرۋ كەرەك.


شينحۋا اگەنتتىگىنىڭ 6 - ايدىڭ 20 - كۇنى شىنجىننان بەرگەن حابارى (ٴتىلشى سۇن في)