جىڭ شانجيە، ما شيڭرۇي، ەركىن تۇنياز، حى جۇڭيوۋ قاتىستى قيمىلدارعا قاتىناستى

شينجياڭ گازەتىنىڭ حابارى (تىلشىلەر ياۋ تۇڭ، ۋاڭ شيڭرۇي). 6 - ايدىڭ 22 - كۇنىنەن 24 - كۇنىنە دەيىن، انحۇي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى جىڭ شانجيە انحۇي ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتىستى قيمىلدارعا قاتىناستى.

شينجياڭداعى كەزدەرىندە انحۇي ولكەسىنىڭ پارتيا، ۇكىمەت ۋاكىلدەر ۇيىرمەسى ٴۇرىمجى قالاسىنا جانە حوتان ايماعىنىڭ گۇما اۋدانىنا بارىپ، حالىقارالىق قۇرلىقتىق پورت رايونى، كاسىپورىن باقشا رايونى، اۋىل، قالاشىق، اۋىل - قىستاق، مەكتەپ، شيپاحانا، مادەنيەت - ساياحات كورىنىس ٴوڭىرى، مادەنيەت الاڭ، سارايلارى، شينجياڭعا كومەكتەسۋ قولباسشىلىق شتابى سياقتى جەرلەرگە بارىپ، شينجياڭعا كومەكتەسۋ نىسانىنىڭ دامۋ اياق الىسى جاعدايىن ناقتى تەكسەردى، نەگىزگى ساتىداعى بۇقارادان جاعداي ۇعىسىپ، حال سۇراپ، شينجياڭعا كومەككە كەلگەن كادر - دارىندىلارعا امانداسا بارىپ، جىلۋ اتاۋ قيمىلىن وتكىزدى.

6 - ايدىڭ 22 - كۇنى تۇستەن كەيىن، اۆتونوميالى رايونمەن انحۇي ولكەسىنىڭ پارتيا، ۇكىمەت ۋاكىلدەر ۇيىرمەسى ۇرىمجىدە قىزمەتتىك كەڭەس وتكىزدى. ما شيڭرۇي اۆتونوميالى رايوندىق پارتكوم مەن ۇكىمەت، سونداي - اق تۇتاس شينجياڭداعى ٴار ۇلت حالقى اتىنان انحۇي ولكەسىنىڭ پارتيا، ۇكىمەت ۋاكىلدەر ۇيىرمەسىنىڭ شينجياڭعا كەلىپ قىزمەت تەكسەرگەندىگىن قىزۋ قارسى الاتىندىعىن ٴبىلدىرىپ، انحۇي ولكەسىنىڭ ۇزاق ۋاقىتتان بەرى شينجياڭعا زور كۇشپەن قولداۋ كورسەتكەندىگىنە جانە قالتقىسىز كومەكتەسكەندىگىنە شىن جۇرەكتەن العىس ايتتى. ول بىلاي دەدى: انحۇي ولكەلىك پارتكوم، ولكەلىك ۇكىمەت شينجياڭعا باعىتتامالى كومەكتەسۋدى كەلەلى ساياسي مىندەت ساناپ، كاسىپ سالاسى جاعىنان شينجياڭعا كومەكتەسۋ، اقىل - پاراسات جاعىنان شينجياڭعا كومەكتەسۋ، حالىق تۇرمىسى جاعىنان شينجياڭعا كومەكتەسۋ، شينجياڭدى مادەنيەتپەن نارلەندىرۋ سياقتى ماڭىزدى تۇيىندەردى ارقاۋ ەتە وتىرىپ، جالپى 4 ميلليارد 100 ميلليون يۋاننان استام قارجى قوسىپ، 400 گە جۋىق نىساندى اتقارىپ، اقىل - پاراسات جاعىنان سۇيەمەلدەۋ، حالىقتى بايىتۋ، بەيقۇت ٴۇي، تىلەك توعىستىرۋ، نەگىزدى بەكەمدەۋ سىندى «بەس ٴىرى ينجەنەريانى» تىڭعىلىقتى ورىستەتىپ، شينجياڭنىڭ رەفورما، دامۋ، ورنىقتىلىعى ٴۇشىن ماڭىزدى ۇلەس قوستى. ەكى جەردىڭ «ٴبىر بەلدەۋ، ٴبىر جولدى» بىرگە قۇرۋ جانە جاڭا ەنەرگيا، جاڭا ماتەريال، جاسىل قۇرىلىس ماتەريالدارى، جابدىق، جاساۋ، مادەنيەت - ساياحات، وسى زامانعى اۋىل شارۋاشىلىعى، اۋىل - قىستاقتى گۇلدەندىرۋ سياقتى جاقتارداعى سەلبەستىكتى اناعۇرلىم تەرەڭدەتىپ، ساۋداگەر شاقىرىپ، قارجى ەنگىزۋ جانە حالىق تۇرمىسى قۇرىلىسى تەبىنىن كۇشەيتىپ، مادەنيەت اۋىس - كۇيىسى مەن ادامداردىڭ بارىس - كەلىسىن جيىلەتىپ، شينجياڭعا كومەكتەسۋ قىزمەتىن دامۋدى ىلگەرىلەتۋ ينجەنەرياسى، ۇلتتار ىنتىماعى ينجەنەرياسى، جۇرت تىلەگىن ۇيىستىرۋ ينجەنەرياسى ەتىپ ۇزدىكسىز تۇلعالاپ شىعۋدى ٴۇمىت ەتەمىن.

ما شيڭرۇي بىلاي دەپ اتاپ كورسەتتى: شينجياڭ «ٴتورت تانىمدى» اناعۇرلىم كۇشەيتىپ، «ٴتورت سەنىمدى» اناعۇرلىم بەكەمدەپ، «ەكىنى قورعاۋدى» اناعۇرلىم ويداعىداي ورىنداپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ جانە 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، دامۋ مەن حاۋىپسىزدىكتى ٴبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاپ، شينجياڭعا كومەكتەسۋ بايلىعىنان ويداعىداي پايدالانىپ، قىزمەتتى ۇشتاستىرۋدى كۇشەيتىپ، بەلسەندى ىسكەرلىك كورسەتىپ، شينجياڭعا كومەكتەسۋدىڭ ٴتۇرلى مىندەتتەرىنىڭ تياناقتانۋىنا، ناقتىلانۋىنا شىنايى كەپىلدىك ەتىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدە ۇزدىكسىز جاڭا ناتيجەلەرگە قول جەتكىزىپ، ٴار ۇلت حالقىنا اناعۇرلىم ويداعىداي باقىت جاراتىپ، پارتيا 20 - قۇرىلتايىنىڭ جەڭىسپەن اشىلۋىن ٴىس جۇزىندىك ارەكەتىمەن قارسى الادى.

جىڭ شانجيە انحۇي ولكەلىك پارتكوم، ولكەلىك ۇكىمەت اتىنان اۆتونوميالى رايوندىق پارتكومنىڭ، ۇكىمەتتىڭ ۇزاق ۋاقىتتان بەرى انحۇيعا زور كۇشپەن قولداۋ كورسەتكەندىگىنە جانە كومەكتەسكەندىگىنە العىس ايتتى. ول بىلاي دەدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم، ۇكىمەت تۇتاس رايونداعى ٴار ۇلت كادرلارىن، بۇقارانى بىرگە كۇرەس جاساۋعا ىنتىماقتاستىرىپ، باستاپ، ەكونوميكالىق، قوعامدىق دامۋدى ىلگەرىلەتۋدە كەلەلى تابىسقا قول جەتكىزدى، ٴبىز بۇعان ەرەكشە سۇيسىنەمىز، شىن جۇرەكتەن قۇتتىقتايمىز. انحۇي باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، شينجياڭعا باعىتتامالى كومەكتەسۋ ساياسي جاۋاپكەرشىلىگىن ارقالاپ، ٴبىر توپ ٴتۇيىندى حالىق تۇرمىسى ينجەنەرياسىن اتقارىپ، ٴبىر توپ كاسىپ سالاسى نىساندارىن جەبەپ، ٴبىر توپ كادر، دارىندىلاردى جىبەرىپ، «ۋانمەي جياڭگو» سىندى تۇتىنۋ ارقىلى شينجياڭعا كومەكتەسۋ ماركاسىن تۇلعالاپ، زەردەلى وقۋ - اعارتۋ گۇما ۇلگىسىن قاراستىرىپ شىعىپ، حوتان ايماعىنىڭ جانە گۇما اۋدانىنىڭ دامۋىن ىلگەرىلەتۋدە جەبەۋشىلىك رول اتقاردى.

جىڭ شانجيە بىلاي دەپ اتاپ كورسەتتى: كەلەسى قادامدا انحۇي جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، «14 - بەسجىلدىقتاعى» شينجياڭعا كومەكتەسۋ جوباسىنىڭ تياناقتانۋىن ويداعىداي يگەرىپ، اقىل - پاراسات جاعىنان سۇيەمەلدەۋ، حالىقتى بايىتۋ، بەيقۇت ٴۇي، تىلەك توعىستىرۋ، نەگىزدى بەكەمدەۋ ينجەنەرياسىن جاپپاي اتقارىپ، كادر، دارىندىلاردى تاڭداپ جىبەرۋ تەبىنىن ارتتىرىپ، كومەك قابىلداعان جەردىڭ وقۋ - اعارتۋ، ەمدەۋ، تۇرعىن ٴۇي سياقتى ٴوندىرىس، تۇرمىس شارت - جاعدايىن جاقسارتۋىنا ۇزدىكسىز كومەكتەسىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن جوعارىلاتادى. شينجياڭدى مادەنيەتپەن نارلەندىرۋدى تەرەڭدەتىپ، زەردەلى وقۋ - اعارتۋدىڭ قولدانىلۋىن بايىتىپ، كەڭەيتىپ، گۋمانيتارلىق اۋىس - كۇيىستى جەبەپ، مادەنيەت، ساياحاتتى توعىستىرىپ، مادەنيەتتى شىنايى مويىنداۋدى نىعايتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ىلگەرىلەتەدى. كاسىپ سالاسى جاعىنان شينجياڭعا كومەكتەسۋدى بار كۇشپەن ىلگەرىلەتىپ، ۇكىمەتتىڭ «كورنەۋ ٴتاسىلى» مەن بازاردىڭ «كومەسكى ٴتاسىلى» رولىن ساۋلەلەندىرىپ، جۇمىستانۋ ارناسىن كەڭەيتىپ، ٴتىپتى دە كوپ جەرگىلىكتى بۇقارانى كىرىستى ارتتىرۋعا باستايدى. ەكى جاقتىڭ ٴىس جۇزىندىك جاعدايىن تياناق ەتىپ، باسىمدىقتارمەن ٴوزارا تولىقتاۋدى ىلگەرىلەتىپ، زات اينالىمى، ەنەرگيا، كاسىپ سالاسى، زەردەلى وقۋ - اعارتۋ، اۋىل - قىستاقتى گۇلدەندىرۋ سياقتى سالالارداعى سەلبەستىكتى اناعۇرلىم تەرەڭدەتىپ، انحۇي − شينجياڭ سەلبەستىگىنىڭ ٴتىپتى دە جوعارى دەڭگەي مەن ورەگە قادام تاستاۋىن ىلگەرىلەتەدى.

انحۇي ولكەسى باسشىلارىنان جاڭ شيميڭ، ليۋ حۇي، ۋاڭ يگۋاڭ، اۆتونوميالى رايون باسشىلارىنان چىن ۋيجۇن، ٴزۇمىرات وبۇل، ياڭ فاسىن، قادەن كابەن ۇلى قاتارلىلار جوعارىداعى قيمىلدارعا قاتىناستى.