汉文 ىلە اقپارات تورابىنا حوش كەلدىڭىزدەر!
باس شۋجي شي جينپيڭنىڭ ماڭىزدى ٴسوزى مەن قۇتتىقتاۋ حاتىنىڭ رۋحىن جەتكىزىپ، دايەكتىلەندىرىپ، اۆتونوميالى وبلىستىڭ قاتىستى قىزمەتتەرىن اقىلداستى، قارادى
2022-06-27 11:23:06     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

اۆتونوميالى وبلىستىق پارتكومنىڭ تۇراقتى كوميتەتى كەڭەيتىلگەن ٴماجىلىس اشتى

باس شۋجي شي جينپيڭنىڭ ماڭىزدى ٴسوزى مەن قۇتتىقتاۋ حاتىنىڭ رۋحىن جەتكىزىپ، دايەكتىلەندىرىپ، اۆتونوميالى

وبلىستىڭ قاتىستى قىزمەتتەرىن اقىلداستى، قارادى


تىلشىلەرىمىز لي شين - ان، لي يافىڭ حابارلايدى. بىرنەشە كۇننىڭ الدىندا اۆتونوميالى وبلىستىق پارتكومنىڭ تۇراقتى كوميتەتى كەڭەيتىلگەن ٴماجىلىس اشىپ، باس شۋجي شي جينپيڭنىڭ سىچۋاندا قىزمەت تەكسەرگەندە سويلەگەن ماڭىزدى ٴسوزىنىڭ رۋحىن جەتكىزدى، دايەكتىلەندىردى، باس شۋجي شي جينپيڭنىڭ «داگۇڭباۋ گازەتى» شىعا باستاعاندىعىنىڭ 120 جىلدىعىنا جولداعان ماڭىزدى قۇتتىقتاۋ حاتىنىڭ رۋحىن جەتكىزدى، دايەكتىلەندىردى، اۆتونوميالى رايوننىڭ قاتىستى ماجىلىستەرى مەن قۇجاتتارىنىڭ رۋحىن جەتكىزدى، دايەكتىلەندىردى، اۆتونوميالى وبلىستىڭ قاتىستى قىزمەتتەرىن اقىلداستى، قارادى. وبلىستىق پارتكومنىڭ شۋجيى پۋ شۋەمەي ٴماجىلىستى باسقاردى.

ٴماجىلىس بىلاي دەپ باسا دارىپتەدى: باس شۋجي شي جينپيڭنىڭ سىچۋاندا قىزمەت تەكسەرگەندە سويلەگەن ماڭىزدى ٴسوزىنىڭ رۋحاني ٴمانىن، باي مازمۇنىن، امالياتتىق تالابىن ىشكەرىلەي ۇيرەنىپ، ٴتۇسىنىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى ارناسىنان جازباي، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاۋ، دامۋ مەن حاۋىپسىزدىكتى ٴبىر تۇتاس جوسپارلاۋ كەرەك. جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، بازار سۋبيەكتىلەرىن ورنىقتىرىپ، جۇمىستانۋدى، حالىق تۇرمىسىن، ەكونوميكانىڭ نەگىزگى اۋقىمىن قامتاماسىزداندىرىپ، ەكونوميكانىڭ ۇيلەسىمدى ارالىقتاعى اينالىمىن بار كۇشپەن ساقتاۋ كەرەك. حالىق تۇرمىسىن قامتاماسىز ەتۋ جانە جاقسارتۋ قىزمەتىن تىڭعىلىقتى ويداعىداي ىستەپ، وقۋ - اعارتۋ، ەمدەۋ، زەينەتكەرلىك، تۇرعىن ٴۇي، قوعامدىق قامتاماسىزداندىرۋ سياقتى حالىق تۇرمىسىنا قاتىستى ناقتى ىستەردى ويداعىداي ىستەۋ، اسىرەسە، جوعارى مەكتەپ بىتىرگەن وقۋشىلاردى جۇمىستاندىرۋ قىزمەتىن ٴتۇرلى ٴادىس - امال ارقىلى بارىنشا جاقسى ىستەۋ كەرەك. ەكولوگيانى الدىمەن ويلاستىراتىن، جاسىل دامۋ جولىمەن بۇلجىماي ٴجۇرىپ، جاسىل، تومەن كومىرتەكتى دامۋدى كۇش سالا ىلگەرىلەتىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ىشكەرىلەي ويداعىداي جۇرگىزىپ، ىلە اڭعارىنداعى اتموسفەرانىڭ لاستانۋ ماسەلەسىن بار كۇشپەن جونگە سالىپ، ىلەنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك. 

جۇڭحۋانىڭ تاڭداۋلى ٴداستۇرلى مادەنيەتىنە بارىنشا مۇراگەرلىك ەتىپ جانە ونى ساۋلەلەندىرىپ، تۇتاس قوعام وتباسى تاربيەسى جانە وتباسى سالتى قۇرىلىسىنا باسا ٴمان بەرۋىن ىلگەرىلەتىپ، سوتسياليستىك وزەكتى قۇن كوزقاراسىن كۇش سالا جەتىلدىرىپ جانە امالياتتا ايگىلەپ، اۆتونوميالى وبلىستىڭ رەفورما، دامۋ، ورنىقتىلىق ىستەرى ٴۇشىن قۋاتتى قۇن جەتەكشى كۇشىن، مادەنيەتتىڭ ۇيىستىرۋ كۇشىن، رۋحاني دەمەۋ كۇشىن ازىرلەۋ كەرەك.

ٴماجىلىس مىنالاردى باسا دارىپتەدى: باس شۋجي شي جينپيڭنىڭ «داگۇڭباۋ گازەتى» شىعا باستاعاندىعىنىڭ 120 جىلدىعى جونىندەگى ماڭىزدى قۇتتىقتاۋ حاتىنىڭ رۋحىن ىشكەرىلەي ۇيرەنىپ، ٴتۇسىنىپ، ۇگىت - يدەيا قىزمەتىنىڭ توتەنشە ماڭىزدىلىعىن جەتە تانىپ، ۇگىتتى پارتيا باسقارۋدا، يدەولوگيانى پارتيا باسقارۋدا، اقپارات قۇرالدارىن پارتيا باسقارۋدا تاباندى بولىپ، مەملەكەتتىڭ ٴىرى ٴىسىن ەستە بەرىك ساقتاپ، تۋ ۇستاۋدا، جۇرت تىلەگىن ۇيىستىرۋدا، جاڭا ادام تاربيەلەۋدە، مادەنيەتتى گۇلدەندىرۋدە، وبرازدى ايگىلەۋدە تاباندى بولىپ، ۇگىت - يدەيا قىزمەتىنىڭ، اسىرەسە، اقپارات قۇرالدارى قىزمەتىنىڭ پارتيانىڭ ەركىن، پارتيانىڭ دارىپتەمەسىن ايگىلەۋىنە كەپىلدىك ەتىپ، پارتيانىڭ ٴۇنىن اناعۇرلىم اشىق، اناعۇرلىم كەڭ، اناعۇرلىم ىشكەرىلەي جەتكىزۋ كەرەك. ٴار دارەجەلى ۇگىت تاراۋلارى مەن اقپارات قۇرالدارى سۋبيەكتتىك جاۋاپكەرشىلىكتى ويداعىداي اتقارىپ، حالىقتى وزەك ەتكەن دامۋ ۇستانىمىندا تاباندى بولىپ، پارتيانىڭ 20 - قۇرىلتايىن قارسى الۋ، ۇگىتتەۋ، دايەكتىلەندىرۋ سىندى نەگىزگى جەلىنى ارقاۋ ەتىپ، ٴبىر توپ كەلەلى تاقىرىپتاردى، ٴتۇيىندى ايدارلاردى، ماڭىزدى نازاريالىق ماقالالاردى جاريالاپ، نەگىزگى اۋەندى اسقاقتاتاتىن، وڭ ەنەرگيانى ساۋلەلەندىرەتىن اقپارات تۋىندىلارىن جاراتۋى كەرەك.

ٴماجىلىس مىنالاردى باسا دارىپتەدى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، اۆتونوميالى رايوندىق پارتكومنىڭ قىزمەت تالابىمەن بىرلىككە كەلتىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە اۆتونوميالى رايوندىق پارتكومنىڭ قىزمەت تالاپتارىن قىزمەتتەردى ىلگەرىلەتۋدىڭ ناقتى وي جەلىسىنە، شاراسىنا جانە ٴىس جۇزىندىك ارەكەتىنە اينالدىرۋ كەرەك. پارتيا ورتالىق كوميتەتىنىڭ شەشىمدەرى مەن ورنالاستىرۋلارىنا جانە اۆتونوميالى رايوندىق پارتكومنىڭ قىزمەت تالاپتارىنىڭ ۇلگىسىنە، ولشەمىنە تۋرالانىپ، قىزمەتتە ورىن تەۋىپ وتىرعان پارىقتاردى تاۋىپ، وزىمەن بايلانىستىرىپ، قىزمەت جاۋاپكەرشىلىگىمەن بايلانىستىرىپ، قىزمەتىمەن بايلانىستىرىپ، ورىن تەپكەن كورنەكتى ماسەلەلەردى كۇش سالا زەرتتەپ، شەشىپ، ٴتۇرلى قىزمەتتەردىڭ قاشان دا ٴداۋىردىڭ اياق الىسىنا تىعىز ىلەسۋىنە كەپىلدىك ەتىپ، قىزمەتتىڭ دەڭگەيىن جوعارىلاتىپ، تىڭ ساتىعا كوتەرىلۋىن ۇزدىكسىز ىلگەرىلەتۋ كەرەك. ٴبىر تۇتاس جوسپارلاپ، تەڭ ٴمان بەرۋدە تاباندى بولىپ، «قاي - قاشان دا قام جەپ تۇراتىن» جاۋاپكەرشىلىك سەزىمىمەن، قاتەر ٴارقاشان تۋىلادى دەيتىن حاۋىپ - قاتەر سەزىمىمەن رەفورما، دامۋ، ورنىقتىلىقتىڭ ٴتۇرلى قىزمەتتەرىن جۇيەلى ويلاۋ، جالپى جاعداي تۇرعىسىنان عىلمي جوبالاۋ، بار كۇشپەن ويداعىداي ىستەۋ كەرەك. ٴار دارەجەلى باسشى كادرلار، اسىرەسە، پارتيا، ۇكىمەت ورىندارىنداعى نەگىزگى باسشىلار ٴبىرىنشى جاۋاپتى ادام جاۋاپكەرشىلىگىن ارقالاپ، سەركەلىك رولىن ويداعىداي ساۋلەلەندىرىپ، جاۋاپكەرشىلىكتى قاتايتىپ، ناقتىلاندىرىپ، عىلمي شەشىم جاساپ، دەموكراتيالىق شەشىم جاساپ، زاڭ بويىنشا شەشىم جاساپ، ٴتۇرلى قىزمەتتەردى ناقتى، ويداعىداي ىستەۋى كەرەك. ٴتارتىپتى، قاعيدانى قاتايتىپ، كەلەلى ىستەردە، ماڭىزدى اۋقىمدا، ماڭىزدى جاعدايلاردا نۇسقاۋ سۇراۋ، مالىمدەۋ ٴتۇزىمىن قاتاڭ تياناقتاندىرۋ، مالىمدەۋدەن جاسىرۋعا، مالىمدەمەي قويۋعا، كەشەۋىلدەتىپ مالىمدەۋگە، جالعان مالىمدەۋگە، استە، جول بەرمەۋ كەرەك.

ٴماجىلىس مىنالاردى باسا دارىپتەدى: اۆتونوميالى رايوندىق 12 - رەتكى ايەلدەر قۇرىلتايى تۇتاس رايونىمىزدىڭ ايەلدەر ىستەرى مەن ايەلدەر قىزمەتىنىڭ دامۋىندا قول جەتكەن تابىستاردى جان - جاقتى قورىتىندىلاپ، الداعى 5 جىلداعى كۇرەس نىسانالارى مەن قىزمەت مىندەتتەرىن ورنالاستىردى. بۇكىل وبلىستاعى ٴار دارەجەلى پارتيا ۇيىمدارى مەن ايەلدەر بىرلەستىگى ۇيىمدارى ٴماجىلىس رۋحىن ىشكەرىلەي ۇيرەنىپ، ٴتۇسىنىپ، ماجىلىستە ورنالاستىرىلعان ٴتۇرلى قىزمەت تالاپتارىن ىشكەرىلەي، ەگجەي - تەگجەيلى، ناقتى ورىنداپ، ٴار ۇلت ايەلدەرىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەۋى كەرەك. ايەلدەر مەن بالالاردىڭ زاڭدى ۇقىق - مۇددەسىن قورعاۋ، وتباسى وركەنيەتى قۇرىلىسىن ىلگەرىلەتۋ، قامقورلىق جاساۋ، سۇيەمەلدەۋ سياقتى قىزمەتتەردى ۇزدىكسىز ويداعىداي ىستەپ، قالىڭ ايەلدەردى اۆتونوميالى وبلىستىڭ رەفورما، دامۋ، ورنىقتىلىق ىستەرىنە جەلەكتىلەردىڭ كۇش - قۋاتىن ارناۋعا جەتەكتەۋ كەرەك.

ٴماجىلىس باسقادا ىستەردى اقىلداستى، اۆتونوميالى وبلىستىڭ قاتىستى قىزمەت جوباسىن قاراپ ماقۇلدادى.

وبلىس باسشىلارىنان ەلشات تۇرسىنباي ۇلى، جياۋ ي - مين، سەرجان ۇعىباي ۇلى، ليۋ شينلي، حاۋ جيانمين، رازبەك قامزا ۇلى، تاۋ چيڭسۇڭ، جياۋ شياۋفان، ٴنابيجان يبىرايىم، چىن شياڭ، ياڭ شينپيڭ، قايرات اشىك ۇلى قاتارلىلار جانە اۆتونوميالى وبلىستىڭ قاتىستى تاراۋلارىنداعى نەگىزگى جاۋاپتى جولداستار ماجىلىسكە قاتىناستى.