اۆتونوميالى رايوننان پارتيا 20 - قۇرىلتايىنا قاتىناساتىن ۋاكىلدەردى سايلاپ شىقتى

پارتيا ورتالىق كوميتەتى كورسەتكەن ۋاكىل كانديداتى ياڭ شياۋدۋ، ەركىن يمىرباقى جولداستار سايلاندى

اۆتونوميالى رايوندىق پارتكومنىڭ تۇراقتى كوميتەتى ٴماجىلىستى باسقاردى، ما شيڭرۇي ٴسوز سويلەدى

 6 - ايدىڭ 25 - كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق ۋاكىلدەر ٴماجىلىسى ۇرىمجىدە اشىلدى.  سۋرەتتى شينجياڭ گازەتىنىڭ ٴتىلشىسى سۇي جىجيان تۇسىرگەن 

شينجياڭ گازەتىنىڭ حابارى (تىلشىلەر ياۋ تۇڭ، ۋاڭ شيڭرۇي). جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق ۋاكىلدەر ٴماجىلىسى 6 - ايدىڭ 25 - كۇنى ۇرىمجىدە اشىلدى. ٴماجىلىس باس شۋجي شي جينپيڭنىڭ پارتيا 20 - قۇرىلتايىنىڭ ۋاكىلدەرىن سايلاۋ قىزمەتى جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ ورنالاستىرۋى بويىنشا، رايونىمىزدان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن 43 ۋاكىلدى سايلاپ شىقتى، پارتيا ورتالىق كوميتەتى كورسەتكەن ۋاكىل كانديداتى ياڭ شياۋدۋ جولداس، ەركىن يمىرباقى جولداس سايلاندى. ٴماجىلىستى اۆتونوميالى رايوندىق پارتكومنىڭ تۇراقتى كوميتەتى باسقاردى. اۆتونوميالى رايوندىق پارتكومنىڭ شۋجيى ما شيڭرۇي ٴسوز سويلەدى.

ماجىلىسكە قاتىناسۋعا ٴتيىستى ۋاكىل 720 ادام، قاتىناسقانى 662 ادام، بەلگىلەنگەن ادام سانىنا ۇيلەسەدى.

اۆتونوميالى رايوندىق پارتكوم تۇراقتى كوميتەتىنىڭ تاپسىرۋىمەن اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوننان پارتيا 20 - قۇرىلتايىنا قاتىناساتىن ۋاكىل كانديداتتىعىنا دايىندالعان كانديداتتار جوباسى جونىندە تۇسىنىك جاسادى. ماجىلىسكە قاتىناسقان ۋاكىلدەر كانديدات ۇسىنىستىق ەسىمدىگى سياقتىلاردى تولىق تالقىلاپ، اقىلداستى. ٴماجىلىس جاسىرىن داۋىس بەرۋ ٴتاسىلى ارقىلى رايونىمىزدان پارتيا 20 - قۇرىلتايىنا قاتىناساتىن ۋاكىلدەردى سايلاپ شىقتى. سايلاۋ ناتيجەسى جاريالانعاندا ٴماجىلىس الاڭىندا دۋ قول شاپالاق ٴۇنى كوتەرىلدى.

ٴماجىلىس مىنالاردى باسا دارىپتەدى: اۆتونوميالى رايوندىق پارتيا ۋاكىلدەر ٴماجىلىسى ٴتۇرلى مىندەتتەرىن تابىسپەن ورىنداپ، پارتيا ورتالىق كوميتەتىنىڭ تالابىنا ۇيلەسەتىن، قالىڭ پارتيا مۇشەلەرى قولدايتىن اۆتونوميالى رايونىمىزدان پارتيا 20 - قۇرىلتايىنا قاتىناساتىن ۋاكىلدەردى سايلاپ شىقتى. بۇكىل رايونىمىزداعى ٴار دارەجەلى پارتيا ۇيىمدارى مەن قالىڭ پارتيا مۇشەلەرى وسى رەتكى ٴماجىلىستى وراي ەتىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، شىندىققا جۇگىنىپ، ناقتى ٴىس ىستەپ، شىنايى يگەرىپ، ناقتى ٴىس تىندىرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭ ٴۇشىن كەسكىندەگەن ايبىندى جوباسىن تاماشا رەالدىققا نىق قاداممەن اينالدىرۋ كەرەك. ساياسي دەڭگەيدى جوعارىلاتىپ، «ەكىنى تۇراقتاندىرۋدىڭ» شەشۋشى ماڭىزىن جەتە ٴتۇسىنىپ، «ەكىنى قورعاۋدى» تاباندىلىقپەن، باتىلدىقپەن ورىنداپ، يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاۋ كەرەك. پارتيانىڭ جاسامپاز نازارياسىمەن قارۋلانۋدى كۇشەيتىپ، قاي - قاشان دا باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىنىڭ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تالاپ - ولشەمدەرىنە تۋرالانىپ، شينجياڭ قىزمەتىنىڭ باستان - اياق باس شۋجي، پارتيا ورتالىق كوميتەتى كورسەتكەن دۇرىس بەتالىسپەن العا ىلگەرىلەۋىنە شىنايى كەپىلدىك ەتۋ كەرەك. جاڭا دامۋ ۇستانىمىن تولىق، دالمە - ٴدال، جاپپاي دايەكتىلەندىرىپ، دامۋ مەن حاۋىپسىزدىكتى ٴبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاپ، مەملەكەت پەن اۆتونوميالى رايوننىڭ ٴبىرسىپىرا ساياساتتارىنان تولىق، ويداعىداي پايدالانىپ، وسى زامانعى كاسىپ جۇيەسىن اقاۋسىزداندىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، ورنىقتى، اقاۋسىز ەكونوميكالىق ورتانى قۇلشىنا ساقتاپ، دامۋدى شىنىمەن حالىق تۇرمىسىن جاقسارتۋدا، جەرگىلىكتى ورىنعا تيىمدىلىك جەتكىزۋدە، ىنتىماقتى نىعايتۋدا تياناقتاندىرۋ كەرەك.                  سوتسياليستىك زاڭمەن باسقارۋ تۋىن بيىك ۇستاپ، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، زاڭمەن باسقارۋ رۋحىن اسقاقتاتىپ، زاڭمەن باسقارۋ وي جەلىسىن بەرىك ورناتىپ، شينجياڭدى زاڭمەن باسقارۋعا تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن، ارنايىلانۋىن ىلگەرىلەتىپ، قوعامدىق كەلەلى جاعدايدىڭ باياندى ورنىقتىلىعىن، ۇزاق ۋاقىتتىق ورنىقتىلىعىن باتىل قورعاپ، ٴتۇرلى قوعامدىق قايشىلىقتاردى زاڭ بويىنشا، ەرەجە بويىنشا ٴبىر جاقتى ەتىپ، ەل امان، جۇرت تىنىش قوعامدىق ورتانى قۇلشىنا ساقتاۋ كەرەك. پارتيانى جاپپاي قاتاڭ باسقارۋدى تەرەڭدەي ىلگەرىلەتىپ، جاڭا داۋىردەگى پارتيا قۇرىلىسىنىڭ جالپى تالابىن جان - جاقتى تياناقتاندىرىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان ٴار ۇلت كادر دارىندىلارى قوسىنىن كۇش سالا شىڭداپ، نەگىزگى ساتى ۇيىمدىق قۇرىلىسىن كۇشەيتىپ، بەرىك جاۋىنگەرلىك قامال تۇرعىزىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، ستيلى پاك، سالتى دۇرىس ساياسي ورتانى قۇلشىنا ساقتاۋ كەرەك.

ٴماجىلىس مىناعان ۇندەدى: بۇكىل رايونىمىزداعى ٴار دارەجەلى پارتيا ۇيىمدارى مەن قالىڭ پارتيا مۇشەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، تاپسىرمانى ەستە بەرىك ساقتاپ، ەرلىكپەن شايقاسىپ، رەفورما، دامۋ، ورنىقتىلىق قىزمەتتەرىن تىڭعىلىقتى ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.

ٴماجىلىس ايبىندى «ينتەرناتسيونال ٴانى» ىشىندە جەڭىسپەن جابىلدى.