حالىق گازەتى اۆتورلى ماقالا جاريالادى

«جۇڭگو كوممۋنيستىك پارتياسى دەگەن نە؟ نە ىستەيدى دەگەن ٴتۇبىرلى ماسەلەنى ەستە بەرىك ساقتاۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا ىشىندەگى شوعىرلى ۇيرەنۋ تاربيەسىن تىڭعىلىقتى ورىستەتكەندىگى جونىندە شولۋ»

شينحۋا اگەنتتىگىنىڭ 6 - ايدىڭ 26 - كۇنى بەيجيڭنەن بەرگەن حابارى. حالىق گازەتى 6 - ايدىڭ 27 - كۇنى «جۇڭگو كوممۋنيستىك پارتياسى دەگەن نە؟ نە ىستەيدى دەگەن ٴتۇبىرلى ماسەلەنى ەستە بەرىك ساقتاۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا ىشىندەگى شوعىرلى ۇيرەنۋ تاربيەسىن تىڭعىلىقتى ورىستەتكەندىگى جونىندە شولۋ» اتتى اۆتورلى ماقالا جاريالادى.

ماقالادا بىلاي دەلىندى: جۇڭگو كوممۋنيستەرى ۇيرەنۋگە سۇيەنە وتىرىپ بۇگىنگى كۇنگە جەتتى، ۇيرەنۋگە سۇيەنە وتىرىپ كەلەشەككە بەت الاتىنى دا داۋسىز.پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ بۇقارالىق لۋشيان تاربيەسى − امالياتتىق قيمىلى، «ۇشتە قاتاڭ، ۇشتە شىنايى بولۋ» ارناۋلى تاقىرىپتىق تاربيەسى، «ەكىنى ۇيرەنۋ، بىردە تولىمدى بولۋ» ۇيرەنۋ تاربيەسى، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىپتىق تاربيەسى، پارتيا تاريحىن ۇيرەنۋ تاربيەسى سياقتى پارتيا ىشىندەگى 5 رەتكى شوعىرلى ۇيرەنۋ تاربيەسىن ىلگەرىندى - كەيىندى ورنالاستىرىپ، ورىستەتتى، تىعىزدىعى، سەرپىنىنىڭ كۇشتىلىگى، ونىمدىلىگىنىڭ كورنەكتى بولۋى 100 جىلدىق پارتيا تاريحىندا دا كوپ كەزدەسپەيدى.

باس شۋجي شي جينپيڭ بىلاي دەپ اتاپ كورسەتتى: «پارتيا 18 - قۇرىلتايىنان بەرى، ٴبىز ىلگەرىندى - كەيىندى ٴبىر قىدىرۋ شوعىرلى ۇيرەنۋ - تاربيە قيمىلىن ورىستەتتىك، مۇنداعى ماڭىزدى ماقسات − بۇكىل پارتيانى جۇڭگو كوممۋنيستىك پارتياسى دەگەن نە؟ نە ىستەيدى دەگەن ٴتۇبىرلى ماسەلەنى ەستە بەرىك ساقتاۋعا، پارتيانىڭ حالىقپەن ەتەنە بايلانىسىن باستان - اياق ساقتاۋعا تاربيەلەۋ، جەتەكتەۋ».

وسى ٴتۇبىرلى ماسەلەنى مىقتاپ ارقاۋ ەتىپ، جاڭا جاعداي، جاڭا مىندەت، جاڭا سىن - سايىستارعا بەتپە - بەت كەلدى. پارتيا 18 - قۇرىلتايىنان بەرگى 5 رەتكى شوعىرلى ۇيرەنۋ تاربيەسى تامىرلاس بولىپ، رەتىمەن ورىستەتىلىپ، ٴوزارا تىعىز قابىسىپ، ساتىلار بويىنشا تەرەڭدەدى:

− 2013 - جىلى 6 - ايدان باستاپ، حالىق ٴۇشىن ناقتى ىستەر ىستەۋ، پاك - كىرشىكسىز بولۋ باستى مازمۇن ەتىلگەن، پارتيانىڭ بۇقارالىق لۋشيان تاربيەسى − امالياتتىق قيمىلى جوعارىدان تومەنگە قاراي 2 توپقا ٴبولىنىپ ورىستەتىلدى؛

− 2015 - جىلدان باستاپ، «ٴوزىن باۋلۋدا قاتاڭ بولۋ، ۇقىق ىستەتۋدە قاتاڭ بولۋ، تارتىپكە بويسۇنۋدا قاتاڭ بولۋ، ٴىس ىستەۋدە شىنايى بولۋ، ناتيجە شىعارۋدا شىنايى بولۋ، ادام بولۋدا شىنايى بولۋ» تالابىن ارقاۋ ەتىپ، «ۇشتە قاتاڭ، ۇشتە شىنايى بولۋ» ارناۋلى تاقىرىپتىق تاربيەسى اۋدان، باسقارما دارەجەلىدەن جوعارى باسشى كادرلار اراسىندا ورىستەتىلىپ، پارتيانىڭ بۇقارالىق لۋشيان تاربيەسى − امالياتتىق قيمىلىنىڭ ۇزدىكسىز كەڭەيۋىن، تەرەڭدەۋىن ىلگەرىلەتتى؛

− 2016 - جىلدان باستاپ، «پارتيا ۋستاۆىن، پارتيا قاعيداسىن ۇيرەنۋ، جەلىلەس سوزدەردى ۇيرەنۋ، تولىمدى پارتيا مۇشەسى بولۋ» ۇيرەنۋ تاربيەسى جالپى پارتيا مۇشەلەرى اراسىندا ورىستەتىلىپ، پارتيا ىشىندەگى تاربيە «شەشۋشى ازشىلىقتان» قالىڭ پارتيا مۇشەلەرىنە دەيىن كەڭەيىپ، شوعىرلى تاربيەدەن ۇنەمىلىك تاربيەگە قاراي كەڭەيدى؛

− 2019 - جىلى 5 - ايدىڭ سوڭىنان باستاپ، بۇكىل پارتيادا « اۋەلگى ماقساتتان اينىماۋ، بورىش ارقالاۋ، پارىقتاردى تابۋ، تياناقتاندىرۋدى يگەرۋ» باستى تالاپ، اۋدان، باسقارما دارەجەلىدەن جوعارى باسشى كادرلار ٴتۇيىن ەتىلە وتىرىپ، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى ورىستەتىلدى؛

− 2021 - جىلدان باستاپ، پارتيا تاريحىن ۇيرەنۋ تاربيەسى بۇكىل پارتيادا ورىستەتىلىپ، تاريحتى ۇيرەنۋ ارقىلى قاعيدانى ٴتۇسىنۋ، تاريحتى ۇيرەنۋ ارقىلى سەنىمدى ارتتىرۋ، تاريحتى ۇيرەنۋ ارقىلى ٴمورالدى اسقاقتاتۋ، تاريحتى ۇيرەنۋ ارقىلى ۇمتىلا ىستەۋدى ورىنداۋ تالاپ ەتىلىپ، بۇكىل پارتياداعى جولداستاردى پارتيا تاريحىن ۇيرەنۋگە، يدەيانى تۇسىنۋگە، ناقتى ٴىس ىستەۋگە، جاڭا جاعداي اشۋعا تاربيەلەدى، جەتەكتەدى.

5 رەتكى شوعىرلى ۇيرەنۋ تاربيەسىنىڭ ٴار رەتكىسى نازاريامەن قارۋلانۋدىڭ ماڭىزدى ساباقحاناسى، ٴار رەتكىسى وزىنە توڭكەرىس جاساۋدىڭ جاندى امالياتى، ٴار رەتكىسى زەيىن - زەردەنى، كۇش - قۋاتتى شوعىرلاندىرۋدىڭ ەكپىندى دابىلى بولدى.

ماقالادا بىلاي دەپ اتاپ كورسەتىلدى: اۋەلگى ماقسات بولاتتاي بەرىك، سەنىم تاۋداي اسقاق. پارتيانىڭ ٴار دارەجەلى ۇيىمدارى شي جينپيڭ جاڭا ٴداۋىر جۇڭگوشا سوتسياليزم يدەياسى سىندى ماركسيزمنىڭ جۇڭگوشالانۋىنىڭ ەڭ جاڭا جەتىستىكتەرىن ىشكەرىلەي ۇيرەنىپ، قالىڭ پارتيا مۇشەلەرى، كادرلار ۇيرەنۋ ورلەۋىندە جان - جاقتى، تەرەڭ ساياسي تاربيە الىپ، يدەيالىق جاقتان شىڭدالىپ، رۋحاني جاقتان سىننان ٴوتىپ، «ەكىنى تۇراقتاندىرۋدىڭ» شەشۋشى ٴمانىن تەرەڭ ٴتۇسىنىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، بۇكىل پارتيا باستان - اياق ٴبىر تۇتاس يدەيا، بەرىك ەرىك - جىگەردى، سايكەستى ارەكەتتى، قۇدىرەتتى جاۋىنگەرلىك قۋاتتى ساقتاپ، «قۇرىشتاي بەرىك» ىنتىماقتاسىپ، پارتيا مەن حالىق ىستەرىنىڭ بارىنشا دامۋىن، بارىنشا العا باسۋىن ىلگەرىلەتتى.

ماقالا 4 بولىككە بولىنگەن: نازاريامەن قارۋلانۋدى كۇشەيتۋ − «پارتيانىڭ بۇرىنعى كەزەك شوعىرلى تاربيە قيمىلدارىنىڭ بارلىعى يدەيالىق تاربيەنى باستاما ەتىپ، ۇيرەنۋ تەرەڭ بولماۋ، يدەيا بىرلىككە كەلمەۋ، ارەكەت ىلەسە الماۋ ماسەلەلەرىن كۇش سالا شەشىپ، ۇزبەي كۇش سالۋمەن بىرگە، شوعىرلى كۇش سالىپ، بۇكىل پارتيانىڭ يدەيادا بىرلىككە كەلۋىن، ساياسيدا ىنتىماقتى بولۋىن، ارەكەتتە بىركەلكى بولۋىن ىلگەرىلەتتى»؛ ساياسي قابىلەتتى جوعارىلاتۋ − «تۋى ايقىن تۇردە ساياسيدى دارىپتەۋ، پارتيانىڭ ىنتىماعى مەن ورتالىقتانعان ٴبىر تۇتاستىعىنا كەپىلدىك ەتۋ پارتيانىڭ جانى ٴارى پارتيامىزدىڭ 100 جىلدىق ٴىرى پارتياعا اينالۋىنىڭ، عاسىرلىق ۇلى ٴىس جاراتۋىنىڭ شەشۋشى تياناعى»؛ وزىنە توڭكەرىس جاساۋدى ىلگەرىلەتۋ − «جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ سىندى وسى ۇلى قوعامدىق توڭكەرىستى ويداعىداي جۇرگىزۋ ٴۇشىن، پارتيامىز، ٴسوز جوق، وزىنە توڭكەرىس جۇرگىزۋگە باتىل بولىپ، پارتيانى ٴتىپتى دە قۋاتتى، پارمەندى ەتىپ قۇرۋ كەرەك»؛ اۋەلگى ماقسات، بورىشتى ماڭگى ساقتاۋ − «ٴبىزدىڭ كەمەمىز حالىق بۇقاراسى سىندى الىپ تەڭىزدە ٴجۇزىپ كەلەدى، سۋ قايىقتى كوتەرە الاتىنىن، قايىقتى اۋدارا دا الاتىنىن قاي - قاشان دا ەستە بەرىك ساقتاۋ كەرەك، ماڭگى حالىق تىلەگىنەن ايرىلىپ قالۋعا بولمايدى».

ماقالادا مىنالار اتاپ كورسەتىلدى: جاڭا ەمتيحان تاپسىرۋ جولىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيامىز بۇرىن بولماعان تاريحي ىرىقتىلىق رۋح، تاريحي جاسامپازدىق رۋح قاۋلاتىپ، حالىقتى ىنتىماقتاستىرىپ، باستاپ، توتەنشە بەرىك سەنىممەن جاڭا داۋىردەگى جۇڭگونىڭ دامۋىنىڭ ۇلى تاريحىن جازۋدا. ٴبىز تەك جۇڭگو كوممۋنيستىك پارتياسى دەگەن نە؟ نە ىستەيدى دەگەن ٴتۇبىرلى ماسەلەنى باستان - اياق ەستە بەرىك ساقتاپ، پارتيانىڭ حالىقپەن ەتەنە بايلانىسىن باستان - اياق ساقتاپ، پارتيا قۇرۋ ۇلى رۋحىن زور كۇشپەن اسقاقتاتىپ، كەشەگى ازاپتى كۇندەر مەن شۇعىلالى شاقتاردى ەستەن شىعارماي، بۇگىنگى بورىش پەن مىندەتكە ادال بولىپ، ەرتەڭگى ۇلى ارماندى ورىندايتىن بولساق، ٴبىزدىڭ ىستەرىمىز، ٴسوز جوق، بارعان سايىن كوركەيىپ، جولىمىز، ٴسوز جوق، بارعان سايىن كەڭەيە تۇسەدى.