汉文 ىلە اقپارات تورابىنا حوش كەلدىڭىزدەر!
تاريح دامۋىنىڭ شەشۋشى ساتىندە العا باسۋ بەتالىسىنا جەتەكشىلىك ەتتى
2022-06-28 11:53:00     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

− ٴتوراعا شي جينپيڭنىڭ بريكس ەلدەرى باسشىلارىنىڭ 14 - رەتكى ديدارلاسۋى جەلىلەس قيمىلدارىنا قاتىناسقاندىعى جونىندە


بريكس ەلدەرىنىڭ سەلبەستىك تاريحى وزگەشە وسى 3 كۇندى ايشىقتى ورنەكپەن كەستەلەيدى.

2022 - جىلى 6 - ايدىڭ 22 - كۇنىنەن 24 - كۇنىنە دەيىن، مەملەكەت ٴتوراعاسى شي جينپيڭ بەيجيڭدە بەينە ەكران تاسىلىمەن بريكس ەلدەرى باسشىلارىنىڭ 14 - رەتكى ديدارلاسۋىن، الەمدىك دامۋ جونىندەگى جوعارى جىكتەگىلەر كەڭەسىن باسقاردى، بريكس ەلدەرى ساۋدا - ونەركاسىپشىلەر تالقى مىنبەرىنىڭ اشىلۋ سالتىنا قاتىناستى ٴارى ارقاۋ ٴسوز سويلەدى.

«بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ۋاكىلى رەتىندە، ٴبىزدىڭ تاريح دامۋىنىڭ شەشۋشى ساتىندە دۇرىس تاڭداۋ جاساپ، جاۋاپكەرشىلىك ارقالايتىن ارەكەت قولدانۋىمىز دۇنيە ٴجۇزى جونىنەن اسا ماڭىزدى».

ٴۇرتىس 3 كۇن، 3 رەتكى ماڭىزدى قيمىل. ٴتوراعا شي جينپيڭنىڭ «بريكس ۋاقىتى» بريكسكە شوعىرلانىپ، اۋەلى، بريكستەن اسىپ ٴتۇسىپ، دۇنيە ٴجۇزىنىڭ سۇراۋىنا، تاريحتىڭ سۇراۋىنا، ٴداۋىردىڭ سۇراۋىنا جاۋاپ قايتارىپ، بريكس ەلدەرى سەلبەستىگىن تەرەڭدەتۋگە، دۇنيە ٴجۇزىنىڭ باياندى بەيبىتشىلىگىن جانە بىرگە دامۋىن جەبەۋگە تۋ ۇستاپ، باعىت بەلگىلەپ، كۇش - قۋات ۇيىستىردى.

«اناعۇرلىم جان - جاقتى، ەتەنە، ناقتى، سيىسىمدى، جوعارى ساپالى سەرىكتەستىك قارىم - قاتىناستى قول ۇستاسا ورناتىپ، بريكس سەلبەستىگىنىڭ جاڭا ساپارىن بىرگە باستاۋىمىز كەرەك»

«بوگدە پىكىر بولماسا، وسى قۇجاتتى ماقۇلداۋدى ۇسىنامىن...».

«جارايدى، ماقۇلداندى»!

بەيجيڭ ۋاقىتى 6 - ايدىڭ 23 - كۇنى ساعات 21دەن 40 مينۋت وتە بەرگەندە ٴتوراعا شي جينپيڭ ماجىلىسكە قاتىناسقان ٴار ەل باسشىلارىنىڭ ٴبىر تۇتاس ماقۇلداۋىن العاننان كەيىن، بالعانى قاعىپ، «بريكس ەلدەرى باسشىلارىنىڭ 14 - رەتكى ديدارلاسۋى بەيجيڭ جارناماسى» ماقۇلدانعاندىعىن جاريالادى.

الەمدىك باسقارۋدى كۇشەيتۋدەن جانە رەفورمالاۋدان ىندەتكە ىنتىماقتاسا سوققى بەرۋگە دەيىن؛ بەيبىتشىلىك پەن حاۋىپسىزدىكتى قورعاۋدان ەكونوميكانىڭ جاندانۋىن جەبەۋگە دەيىن؛ 2030 - جىلعا دەيىنگى باياندى دامۋ كەڭەستىك ٴتارتىبىن جەدەل تياناقتاندىرۋدان گۋمانيتارلىق اۋىس - كۇيىستى تەرەڭدەتۋگە، ودان بريكس مەحانيزم قۇرىلىسىن كەمەلدەندىرۋگە دەيىن...

8 ۇلكەن جاق، 75 ٴتۇر، 10 نەشە مىڭ ارىپتەن قۇرالعان «بەيجيڭ جارناماسىندا» حالىقارالىق ادىلدىكتى، تۋراشىلدىقتى قورعاۋ سىندى بريكس كۇشتى ٴۇنىن كوتەرىپ، بريكس ەلدەرىنىڭ ٴبىر قىدىرۋ كەلەلى ماسەلەلەر جونىندەگى ورتاق تۇرعىسىن ايگىلەدى.

وسى ساتتە وڭتۇستىك افريكادان برازيلياعا دەيىن، رەسەيدەن ٴۇندىستانعا دەيىن 4 ەل باسشىلارى ٴتوراعا شي جينپيڭمەن بىرگە جۇڭگو جاقتىڭ ديدارلاسۋعا ارنايى دايارلاعان ناقىشتى سىرلى ستاكانىن بىرگە كوتەرىپ، ديدارلاسۋدا جەتكەن ماڭىزدى جەتىستىكتى قۇتتىقتادى.

ٴبىر ستاكان شايدىڭ حوش ٴيىسى شار تاراپقا تارادى. قوناقتاردى كۇتۋ ورنالاستىرۋى جاي - جاپسارىنىڭ استارىندا بريكس 5 ەلدىڭ تاۋ مەن تەڭىزدى كەسىپ ٴوتىپ توعىسقان كوڭىلى، قاۋىشقان نيەتى جاتتى.حالىق سارايى شىعىس زالى ىشىندەگى ۇلكەن ەكراندا ٴتوراعا شي جينپيڭنىڭ وڭتۇستىك افريكانىڭ زۇڭتۇڭى رامافوسامەن، برازيليانىڭ زۇڭتۇڭى بولسونارومەن، رەسەيدىڭ زۇڭتۇڭى پۋتينمەن، ٴۇندىستاننىڭ زۇڭليى موديمەن ديدارلاسقان كورىنىسى ٴدال ۋاقىتىندا كورسەتىلىپ تۇردى. ولاردىڭ ارت جاعىندا بەس ەلدىڭ مەملەكەت تۋلارى قاتار قويىلعان. ەكراننىڭ تومەنگى جاعىندا بريكس بەلگىسى ايرىقشا كوز تارتادى.

وسى رەتكى ديدارلاسۋ ادامزات قوعامى قايدا بەتتەۋدىڭ شەشۋشى ساتىندە تۇرعان كەزىندە وتكىزىلدى. دۇنيە جۇزىندە 100 جىلدا بولماعان زور وزگەرىس جەدەل بىرتىندەپ جاڭارۋدا، جاڭا تيپتى ايدارشا ۆيرۋس وكپە قابىنۋ ىندەتى ٴالى دە تارالۋدا، ادامزات قوعامى بۇرىن - سوڭدى بولماعان سايىستارعا ٴدوپ كەلىپ، دۇنيە ٴجۇزىنىڭ دامۋى جاڭا تولقۋ، وزگەرۋ مەزگىلىنە ٴوتتى.

16 جىلدىق شۇعىلالى ساتتەردى باستان وتكەرگەن بريكس ەلدەرى سەلبەستىگى قايتكەندە جاڭا حالىقارالىق اۋقىمعا ۇيلەسىپ، جاڭا التىن ساپارىن باستاي الادى؟

ٴتوراعا شي جينپيڭ بىلاي دەپ اتاپ كورسەتتى: «تاريحتىڭ جول ايىرىعىندا تۇرعان بىزدەر ٴارى كەلگەن جولىمىزعا قايىرىلا قاراپ، بريكس ەلدەرى نە ٴۇشىن اتتاندى دەگەندى ەستە بەرىك ساقتاۋىمىز؛ ٴارى بولاشاققا بىرگە بەت الىپ، اناعۇرلىم جان - جاقتى، ەتەنە، ناقتى، سيىسىمدى جوعارى ساپالى سەرىكتەستىك قارىم - قاتىناستى قول ۇستاسا ورناتىپ، بريكس سەلبەستىگىنىڭ جاڭا ساپارىن بىرگە باستاۋىمىز كەرەك».

«جوعارى ساپالى سەرىكتەستىك قارىم - قاتىناس ورناتىپ، الەمدىك دامۋدىڭ جاڭا ٴداۋىرىن بىرگە جاراتۋ» − وسى رەتكى ديدارلاسۋدىڭ نەگىزگى تاقىرىبىنا ٴتوراعا شي جينپيڭنىڭ بريكس ەلدەرى سەلبەستىگى جونىندەگى تەرەڭ تولعانىسى شوعىرلانعان.

ديدارلاسۋدا ٴتوراعا شي جينپيڭ «جوعارى ساپالى سەرىكتەستىك قارىم - قاتىناس ورناتۋدى» كۇش سالۋ ٴتۇيىنى ەتىپ، جاڭا جاعدايدا بريكس ەلدەرى سەلبەستىگىن ىلگەرىلەتۋدىڭ تاقىرىبىن اشتى −

«ٴبىز قيىندىقتى تىزە قوسا ەڭسەرۋگە تاباندى بولىپ، دۇنيە ٴجۇزىنىڭ بەيبىتشىلىگى مەن تىنىشتىعىن قورعاۋىمىز كەرەك».

«ٴبىز سەلبەسە دامۋعا تاباندى بولىپ، حاۋىپ - قاتەر مەن سىن - سايىسقا بىرگە توتەپ بەرۋىمىز كەرەك».

«ٴبىز ٴورىس اشا جاڭالىق اشۋعا تاباندى بولىپ، سەلبەستىكتىڭ كومەسكى قۋاتى مەن ومىرشەڭدىك كۇشىن قاۋلاتۋىمىز كەرەك».

«ٴبىز اشىق، سيىسىمدى بولۋعا تاباندى بولىپ، كوللەكتيۆتىڭ اقىل - پاراساتى مەن كۇش - قۋاتىن ۇيىستىرۋىمىز كەرەك».

ٴتورت «تاباندى بولۋىمىز كەرەك» كەزەكتەگى دۇنيە جۇزىندەگى ٴبىرقىدىرۋ كەلەلى سايىستارعا تىكە قاراپ، بريكس ەلدەرىنىڭ قول ۇستاسا العا باسۋىنا ايقىن جول جوبالادى.

الەمدىك حاۋىپسىزدىك باستاماسى، الەمدىك دامۋ باستاماسى، بريكس ەلدەرى جاڭا ونەركاسىپ توڭكەرىسى سەرىكتەستىك قارىم - قاتىناسى قۇرىلىسى، «بريكس +» ۇلگىسى... ٴتوراعا شي جينپيڭ سوزىندە ايقىن جۇڭگو بەلگىسى بار ٴاربىر ۇستانىمدى، جوبانى باسا دارىپتەپ، «جوعارى ساپالى بولۋ» تاقىرىبىن كورنەكتىلەندىرىپ، بريكس ەلدەرى سەلبەستىگىنىڭ ٴمانىن تولىقتىردى.

ارمانى ۇقساس جاندار اراسىندا اسقار تاۋ، الىپ تەڭىز جاتسا دا الىس سەزىنبەيدى. ٴتوراعا شي جينپيڭ العا قويعان «جوعارى ساپالى سەرىكتەستىك قارىم - قاتىناس ورناتۋدى» باسقا ٴتورت ەل باسشىلارى ايرىقشا قۇپتادى.

ٴتوراعا شي جينپيڭنىڭ جوسپارلاپ جەتەكشىلىك ەتۋىندە، بريكس ەلدەرىنىڭ «جۇڭگو جىلىنىڭ» تۇتاس جىلىندا مەجەمەن 37 كەلەلى جەتىستىككە قول جەتەدى، مۇندا «بريكس ەلدەرى ۆاكسينا زەرتتەۋ - اشۋ ورتالىعىن» ىسكە قوسۋ، «بريكس ەلدەرىنىڭ تەحنيكالىق وتكەرمەلەۋ ورتالىعى تورابىن» قۇرۋ، تۇڭعىش «بريكس ەلدەرى استىق حاۋىپسىزدىگى سەلبەستىك ستراتەگياسىن» جاساسۋ سياقتى جاقتار قامتىلىپ، سان جانە ساپا جاعىنان بريكس ەلدەرى سەلبەستىگىنىڭ جاڭا بيىگىنە كوتەرىلدى.

دۇرىس ٴىس سىننان وتپەي قويمايدى. «سەرىكتەستىكتىڭ» ٴمانى مەن قۇنى قولايلى جاعدايدا بىرگە گۇلدەنۋدە عانا ەمەس، ۇتىمسىز جاعدايدا قول ۇستاسا العا باسۋدا دا بەينەلەنەدى. ٴتوراعا شي جينپيڭنىڭ ٴار جىلعى «بريكس ۋاقىتىنا» قايىرىلا قاراساق، مەيلى حالىقارالىق جاعداي قالاي وزگەرسە دە،«سەرىكتەستەرىن» قادىرلەۋى باسىنان اياعىنا دەيىن توعىسىپ جاتتى.

«ٴبىز سەرىكتەستىك قارىم - قاتىناسپەن بريكستەگى ٴاربىر ەلدى تىعىز بايلانىستىرۋىمىز كەرەك»، 2013 - جىلى 3 - ايدا ٴتوراعا شي جينپيڭ بريكس ەلدەرى باسشىلارىنىڭ ديدارلاسۋىنا تۇڭعىش رەت قاتىناسقاندا، باستاپقى دامۋ كەزەڭىندە تۇرعان بريكس ەلدەرى سەلبەستىگى مەحانيزمىنە بەتالىس كورسەتتى؛

«ٴبىز كۇش ۇستىنە كۇش قوسىپ، بريكس سەرىكتەستىك قارىم - قاتىناسىن جان - جاقتى تەرەڭدەتۋىمىز كەرەك»، 2017 - جىلى 9 - ايدا داياشى ەل باسشىسى رەتىندە، ٴتوراعا شي جينپيڭ لۋداۋ شيامىندا بريكس ەلدەرى باسشىلارىنىڭ ديدارلاسۋىن باسقارىپ، بريكس سەلبەستىگىنىڭ ەكىنشى «التىن 10 جىلىن» باستادى؛

...

«سەرىكتەستىك قارىم - قاتىناستان» «جوعارى ساپالى سەرىكتەستىك قارىم - قاتىناسقا» دەيىن 9 جىلدان استام ۋاقىتتان بەرى، دۇنيە ٴجۇزى حالقى بريكس ەلدەرىنىڭ باسىپ وتكەن ايرىقشا بەلەسىنە كۋا بولدى، بريكس ەلدەرى سەلبەستىگىندەگى ايقىن جۇڭگو بەلگىسىنە كۋا بولدى.

جۇڭگوعا ۋاكىلدىك ەتكەن قىزىل رەڭ، وڭتۇستىك افريكاعا ۋاكىلدىك ەتكەن سارى رەڭ، برازيلياعا ۋاكىلدىك ەتكەن جاسىل رەڭ، رەسەيگە ۋاكىلدىك ەتكەن كوك رەڭ، ٴۇندىستانعا ۋاكىلدىك ەتكەن قىزىل سارعىش رەڭ، وسى رەتكى باسشىلار ديدارلاسۋىنىڭ ٴماجىلىس بەلگىسى 2017 - جىلى بريكس ەلدەرى باسشىلارىنىڭ شيامىنداعى ديدارلاسۋ ٴماجىلىس بەلگىسىنىڭ جوباسىن جالعاستىردى. اينالىپ تۇرعان جەر شارى، جەلبىرەگەن جەلكەن بەينەسىندە كەلىپ بريكس ەلدەرىنىڭ حالىقارالىق ىستەردەگى اتقارعان ماڭىزدى رولىن ايگىلەۋدە، سونداي - اق بەس ەلدىڭ قيىندىقتى بىلەك بىرىكتىرە جەڭىپ، جەلكەن جايا الىس ساپارعا اتتانعاندىعىن بەينەلەۋدە.

وتكەندى ەسكە العاندا، ٴتوراعا شي جينپيڭ تەرەڭ سەزىممەن: «سۇراپىل تولقىن، جاۋىن - شاشىن الدىندا بريكس سىندى وسى ۇلكەن كەمە تولقىن جارىپ، ەرلىكپەن العا تارتىپ، ٴوزارا جىگەرلەندىرەتىن، سەلبەسىپ تەڭ يگىلىككە كەنەلەتىن دۇنيە دۇرىس جولىمەن ٴجۇردى» دەدى.

بولاشاقتى بەتكە العاندا، ٴتوراعا شي جينپيڭ بەتالىس نۇسقاپ: «ٴبىز ٴبىر نيەتپەن ىنتىماقتاسىپ، كۇش ۇيىستىرىپ، ەرلىكپەن العا ىلگەرىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ادامزاتتىڭ كوركەم بولاشاعىن بىرگە اشايىق!» دەدى.

«حالىقپەن تىلەكتەس، الەممەن مۇددەلەس بولىپ، الەمدىك دامۋدىڭ جاڭا داۋىرگە قادام تاستاۋىن ىلگەرىلەتىپ، ٴار ەل حالقىن باقىتقا كەنەلتۋ كەرەك»

«بريكس +» − ٴتوراعا شي جينپيڭ 5 جىلدىڭ الدىندا بريكس ەلدەرى باسشىلارىنىڭ شيامىنداعى ديدارلاسۋىندا ورتاعا قويعان ۇعىم، ونىڭ ماقساتى بريكس ەلدەرى سەلبەستىگىن نەگىز ەتىپ، اناعۇرلىم كوپ بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردى ىنتىماقتاسىپ، سەلبەستىك جاسايتىن، ٴوزارا پايدا جەتكىزىپ، تەڭ يگىلىكتەنەتىن ىسكە قوسىلۋعا شاقىرىپ، بىرگە دامۋدى، گۇلدەنۋدى جۇزەگە اسىرۋ.

سول جىلعى بريكس ەلدەرى باسشىلارىنىڭ ديدارلاسۋى كەزىندە بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەر كەڭەسى ارنايى وتكىزىلىپ، وعان قاتىناسۋعا تۇرلىشە وڭىردەن ۋاكىلدىك سيپاتقا يە 5 مەملەكەت شاقىرىلدى.

ارادا 5 جىل وتكەن سوڭ، حالىقارالىق جاعدايدا تاعى وراسان زور وزگەرىس بولدى. بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەر ٴبىرتالاي جاڭا ماسەلەگە، جاڭا سىن - سايىسقا ٴدوپ كەلدى، الەمدىك دامۋ ٴۇردىسى دە اۋىر سوققىعا ۇشىراۋدا.

«بريكس +» ۇلگىسىندە جۇڭگو جاق باستاما كوتەرگەن جانە باس بولىپ وتكىزگەن الەمدىك دامۋ جونىندەگى جوعارى جىكتەگىلەر كەڭەسى دامۋ تاقىرىبىنا ايرىقشا نازار اۋداراتىندىعىن كورسەتتى. بريكستىڭ بەس ەلىنەن سىرت، دۇنيە ٴجۇزىنىڭ جەر - جەرىنەن كەلگەن، 13 بازارى جاڭادان گۇلدەنگەن ەل مەن وركەندەپ كەلە جاتقان ەلدەردىڭ باسشىلارى ۇسىنىسپەن كەڭەسكە قاتىناستى.

20 ەل توبىنىڭ كەزەكتى ٴتوراعا ەلى يندونەزيا، ازيا - تىنىق مۇحيت ەكونوميكالىق سەلبەستىك ۇيىمىنىڭ كەزەكتى داياشىسى تايلاند، تاۋەلسىز مەملەكەتتەر دوستاستىعىنىڭ كەزەكتى ٴتوراعا ەلى قازاقستان، شىعىس وڭتۇستىك ازيا ەلدەرى وداعىنىڭ كەزەكتى ٴتوراعا ەلى كامبودجا، تىنىق مۇحيت ارال ەلدەرى تالقى مىنبەرىنىڭ كەزەكتى ٴماجىلىسىنىڭ داياشىسى فيجي، لاتىن امەريكا جانە كارايب ەلدەرى ورتاق تۇلعاسىنىڭ كەزەكتى ٴتوراعا ەلى ارگەنتينا، افريكا وداعىنىڭ كەزەكتى ٴتوراعا ەلى سەنەگال، شاڭحاي سەلبەستىك ۇيىمىنىڭ كەزەكتى ٴتوراعا ەلى وزبەكستان، اراب ەلدەرى وداعىنىڭ كەزەك كۇتكەن ٴتوراعا ەلى الجيريا، ەگيپەت، ەفيوفيا، مالايزيا، يران سياقتى ماڭىزدى بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ باسشىلارىنىڭ ٴبارى ۇسىنىسپەن كەڭەسكە قاتىناستى.

كەڭ ۋاكىلدىك سيپات وسى رەتكى كەڭەستىڭ ايقىن ەرەكشەلىگى بولدى.

6 - ايدىڭ 24 - كۇنى كەشتە حالىق سارايىنىڭ جينسى زالى الۋان شىراقتارمەن جايناپ، ٴار ەلدىڭ مەملەكەت تۋىنان قۇرالعان تۋلار تىزبەگى ايبىنمەن كوز تارتادى. 18 مەملەكەتتىڭ باسشىلارىنىڭ «بۇلتتىق توپتىق سۋرەتى» ۇلكەن ەكراندا شىعا كەلگەندە، الاڭنان قىزۋ قول شاپالاق ٴۇنى كوتەرىلدى.

ٴار ەل باسشىلارى الدىندا ٴتوراعا شي جينپيڭ ٴسوز سويلەپ، ٴوزىنىڭ ٴوسىپ - جەتىلۋدە ٴبىر مەزگىل باستان كەشكەنىن بەتاشار ەتتى −

«وتكەن عاسىردىڭ 60 - جىلدارىنىڭ سوڭىندا مەن جۇڭگونىڭ سارى توپىراقتى ۇستىرتىندەگى ٴبىر شاعىن قىستاقتا ديقان بولىپ، بۇقارانىڭ ەگىنشىلىكپەن اينالىسقانداعى قيىنشىلىعى مەن ىشەر اس، كيەر كيىم تاۋقىمەتىن شىنايى سەزىندىم، تىكە ۇعىندىم، ولاردىڭ تاماشا تۇرمىسقا دەگەن اڭساۋ - تىلەگى مەنىڭ جادىما تەرەڭ ۇيالادى».

«جارتى عاسىردان كەيىن، مەن سول جەرگە قايتا باردىم، اۋىلداستاردىڭ ىشەر استان، كيەر كيىمنەن تارىقپاي، مولشىلىققا كەنەلگەنىن، جۇزدەرىنەن باقىت كۇلكىسى ەسىپ تۇرعانىن كوردىم».

كەشەگى لياڭجياحىنىڭ وزگەرىسى دۇنيە جۇزىندەگى ەڭ ۇلكەن وركەندەپ كەلە جاتقان مەملەكەت جۇڭگوداعى وراسان زور وزگەرىستىڭ شاعىن كورىنىسى ەدى.

«تىنباي دامىعاندا عانا، حالىقتىڭ الاڭسىز تۇرمىس، تىنىش قوعام جونىندەگى ارمانىن جۇزەگە اسىرۋعا بولادى». ٴتوراعا شي جينپيڭنىڭ تەرەڭ اسەرى مەن اڭگىمە بايانى كەڭەسكە قاتىناسقان ٴار ەل باسشىلارىنىڭ كۇشتى ۇندەستىگىن قوزعادى.

بۇگىنگى دۇنيە جۇزىنە كوز جىبەرسەك، جاڭا تيپتى ايدارشا ۆيرۋس وكپە قابىنۋ ىندەتى الەمنىڭ ۇزاق جىلدىق دامۋ جەتىستىگىن جالماپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ٴتارتىبىنىڭ تياناقتانۋ ٴۇردىسى بوگەلىپ، وڭتۇستىك پەن سولتۇستىكتىڭ ارا جىگى ۇزدىكسىز الشاقتاي تۇسكەنىن، 70 كە جۋىق مەملەكەتتەگى ٴبىر ميلليارد 200 ميلليون حالىق ىندەت، استىق، ەنەرگيا، قارىز داعدارىس ماسەلەسىنە تاپ بولعانىن كورەمىز...

حالىقارالىق قوعامدى دامۋ تاقىرىبىنا قايتا نازار شوعىرلاندىرۋعا جەتەكتەۋ كوز الداعى كەزەك كۇتتىرمەيتىن مىندەتكە اينالدى.

مىنە وسىنداي جاعدايدا، ٴتوراعا شي جينپيڭ 2021 - جىلى 9 - ايدا بىرلەسكەن مەملەكەتتەر ۇيىمىنىڭ جينالىسىندا الەمدىك دامۋ باستاماسىن ورتاعا قويىپ، دامۋداعى قيىن تاقىرىپتى شەشۋگە جۇڭگو جوباسىن ۇسىندى؛ تاعى دا وسىنداي جاعدايدا، ٴبىر جىلعا جەتپەيتىن ۋاقىتتا، الەمدىك دامۋ باستاماسى 100 دەن استام مەملەكەت پەن حالىقارالىق ۇيىمنىڭ بەلسەندى اڭىسىنا يە بولىپ، 50 دەن استام مەملەكەت «الەمدىك دامۋ باستاماسىنىڭ دوستار گرۋپپاسىنا» قوسىلدى.

«بۇل سىن - سايىسقا تولى ٴداۋىر ٴارى ۇمىتكە تولى ٴداۋىر». وسى رەتكى الەمدىك دامۋ جونىندەگى جوعارى جىكتەگىلەر كەڭەسىندە ٴتوراعا شي جينپيڭ بىلاي دەپ اتاپ كورسەتتى: «ٴبىز دۇنيە ٴجۇزىنىڭ دامۋ اۋقىمىن جىعا تانىپ، سەنىمدى بەكەمدەپ، ىسكە كىرىسىپ، جۇدىرىقتاي جۇمىلىپ، كۇش - قايرات توپتاپ، الەمدىك دامۋدى ىلگەرىلەتىپ، جالپىعا ٴتيىمدى دە تەپە - تەڭ، سايكەسىمدى دە سيىسىمدى، سەلبەسىپ بىرگە يگىلىككە كەنەلەتىن، بىرگە گۇلدەنەتىن دامۋ ارناسىن بىرگە قالىپتاستىرۋىمىز كەرەك».

«دامۋدى جەبەيتىن حالىقارالىق ورتاق تانىمدى بىرگە ۇيىستىرۋ»، «دامۋعا پايدالى حالىقارالىق ورتانى بىرگە قالىپتاستىرۋ»، «الەمدىك دامۋدىڭ جاڭا قوزعاۋشى قۋاتتارىن بىرگە جەتىلدىرۋ»، «الەمدىك دامۋ سەرىكتەستىك قارىم - قاتىناسىن بىرگە ورناتۋ» − كورەگەندىككە باي دارىپتەمەلەر الەمدىك دامۋدى ىلگەرىلەتۋگە كەڭ بولاشاق كەسكىندەدى؛

«الەمدىك دامۋ جانە وڭتۇستىك − وڭتۇستىك سەلبەستىگى قورىن» قۇرۋ، جۇڭگو − بىرلەسكەن مەملەكەتتەر ۇيىمى بەيبىتشىلىك جانە دامۋ قورىنا ۇسىنىلىمدى ارتتىرۋ، الەمدىك دامۋدى جەبەۋ ورتالىعىن قۇرۋ، «الەمدىك دامۋ بايانداماسىن» جاريالاۋ، الەمدىك دامۋدىڭ ٴبىلىم تورىن ورناتۋ... سىندارلى، ناقتى ٴونىمدى شارالار الەمدىك دامۋدى ىلگەرىلەتۋگە قۋاتتى قوزعاۋشى كۇش ۇستەدى.

«ٴارقانداي ٴبىر ەلدى، ٴارقانداي ٴبىر ادامدى قاتاردان قالدىرماۋ كەرەك»، ٴتوراعا شي جينپيڭنىڭ شۋاقتى سوزدەرىنەن جۇرت الەمدىك دەڭگەيدەگى كوسەمنىڭ جالپاق جاھانشىلدىق سۇيىسپەنشىلىگىن شىنايى سەزىندى.

ەگيپەتتىڭ زۇڭتۇڭى سيسي سوزىندە ٴتوراعا شي جينپيڭدى «اعا» دەپ اتادى. ول ٴتوراعا شي جينپيڭ العا قويعان الەمدىك دامۋ باستاماسىن ايرىقشا القاپ، بريكس ەلدەرىنىڭ وركەندەپ كەلە جاتقان ەلدەر ورتاق كوڭىل ٴبولىپ وتىرعان ساياسي جانە ەكونوميكالىق ماسەلەلەردە قولدانعان ٴبىر اۋىزدى تۇرعىسىنا العىس ايتتى؛

سەنەگالدىڭ زۇڭتۇڭى سالل افريكا وداعى اتىنان ٴسوز سويلەدى. ول ٴتوراعا شي جينپيڭ سىندى «سۇيىكتى دوسىنا» جانە كەڭەسكە قاتىناسقان ٴار ەل باسشىلارىنا افريكا ەلدەرىنىڭ اناعۇرلىم سيىسىمدى، اناعۇرلىم ۇيلەسىمدى حالىقارالىق ٴتارتىپتى اڭسايتىندىعىن ايتىپ، بريكس ەلدەرى كورسەتكەن اشىقتىق رۋحىنا شىن جۇرەكتەن القاۋ ٴبىلدىردى؛

ارگەنتينانىڭ زۇڭتۇڭى فەرناندەز جۇڭگونىڭ ٴتوراعا شي جينپيڭنىڭ باسشىلىعىندا كەدەيلىكتى ازايتۋ نىساناسىن جۇزەگە اسىرعاندىعىنا قۇتتىقتاۋ ٴبىلدىردى. ول بىلاي دەدى: «وركەندەپ كەلە جاتقان ەلدەر كوپتەگەن ورتاق سىن - سايىستارعا ٴدوپ كەلۋدە، بۇل رەتكى كەڭەس ٴار ەلگە وراي ۇسىنىپ، كوپشىلىكتىڭ دامۋعا ٴجىتى نازار اۋداراتىندىعىن انىق بەينەلەدى»؛

قازاقستان زۇڭتۇڭى توقايەۆ: «<ٴبىر بەلدەۋ، ٴبىر جول> باستاماسى ٴار جاقتىڭ سەلبەستىك ورىستەتۋىنە تاماشا تۇعىر ازىرلەدى» دەدى، ول ٴتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعا ۇستانىمىن، الەمدىك حاۋىپسىزدىك باستاماسىن، الەمدىك دامۋ باستاماسىن قۇپتادى؛

فيجيدىڭ زۇڭليى مۇباينيماراما ەۆروپاعا ساپارى كەزىندە ارناۋلى ۋاقىت ورنالاستىرىپ كەڭەسكە قاتىناستى. ول بىلاي دەدى: «ٴىرى ەلدەردىڭ اناعۇرلىم زور رول اتقارۋى شاعىن ارال مەملەكەتتەردىڭ 2030 - جىلعا دەيىنگى باياندى دامۋ كەڭەستىك ٴتارتىبىن جۇزەگە اسىرۋىنا كومەكتەسەدى»؛

...

وركەندەپ كەلە جاتقان ەلدەردى دامۋدا جولىققان تىعىرىقتان شىعارۋعا كۇش سالۋدى، وركەندەپ كەلە جاتقان ەلدەردىڭ دامۋ ۇقىق - مۇددەسى مەن كەڭىستىگىن قامتاماسىز ەتۋدى ٴتوراعا شي جينپيڭ ٴوزى باستاماشىلدىقپەن ورىنداپ، باستان - اياق دايەكتىلەندىردى.

2015 - جىلى 9 - ايدا بىرلەسكەن مەملەكەتتەر ۇيىمى قۇرىلعاندىعىنىڭ 70 جىلدىعىنىڭ جەلىلەس باسشىلار باس قوسۋىنا قاتىناسىپ، «جۇڭگونىڭ بىرلەسكەن مەملەكەتتەر ۇيىمىنداعى ٴبىر داۋىسى ماڭگى وركەندەپ كەلە جاتقان ەلدەرگە ٴتان» دەپ جاريالادى؛ 2016 - جىلى 9 - ايدا 20 ەل توبى باسشىلارىنىڭ حاڭجوۋداعى باس قوسۋىن باسقارعاندا، دامۋ ماسەلەسىن الەمدىك ماكرو ساياسات جۇلگەسىندەگى وزەكتى ورىنعا قويۋدى ىلگەرىلەتتى؛ 2021 - جىلى 10 - ايدا بەينە ەكران تاسىلىمەن 20 ەل توبى باسشىلارىنىڭ 16 - رەتكى باس قوسۋىنا قاتىناسقاندا، «وركەندەپ كەلە جاتقان ەلدەردىڭ باياندى دامۋىن جەبەۋ قاتىستى مەملەكەتتەر حالقىن باقىتقا كەنەلتەدى ٴارى ول جالپى ادامزات پەن جەر شارىنىڭ بولاشاعى مەن تاعدىرىنا سايادى»... دەپ اتاپ كورسەتتى.

ون مىڭ شاقىرىم جول باسسا دا، اۋەلگى ماقساتتى ۇمىتپادى.

«ٴبىز حالىقپەن تىلەكتەس، الەممەن مۇددەلەس بولۋعا تاباندى بولىپ، الەمدىك دامۋدىڭ جاڭا داۋىرگە قادام تاستاۋىن ىلگەرىلەتىپ، ٴار ەل حالقىن باقىتقا كەنەلتۋىمىز كەرەك». ٴتوراعا شي جينپيڭ الەمدىك دامۋ جونىندەگى جوعارى جىكتەگىلەر كەڭەسىن وتكىزۋدىڭ ماڭىزدى ٴمانىن وسىلاي بايىمدادى.

كەڭەس 32 ٴتۇرلى شارانى قامتىعان جەتىستىك ٴتىزىمىن جاريالادى، ول كەدەيلىكتى ازايتۋ، استىق حاۋىپسىزدىگى، ىندەتكە قارسى اتتانۋ جانە ۆاكسينا، دامۋعا قارجى توپتاۋ، كليمات وزگەرىسى جانە جاسىل دامۋ، ونەركاسىپتەندىرۋ، سيفرلى ەكونوميكا، سيفرلى داۋىردەگى ۇلاستىرۋ - تۇتاستىرۋ سياقتى الەمدىك دامۋ باستاماسىنىڭ 8 ٴىرى ٴتۇيىندى سەلبەستىك سالاسىن قامتيدى.

جەر اۋدانى دۇنيە ٴجۇزىنىڭ %26 ىن، جان سانى %42 ىن ۇستايدى، ەكونوميكاسىنىڭ جالپى مولشەرى %25 ىن ۇستايدى... بريكس ەلدەرى وركەندەپ كەلە جاتقان ٴىرى ەل شوعىرىنىڭ توپتىق كوركەيۋىندەگى تاريحي اۋقىمعا ۋاكىلدىك ەتۋدە. بريكس ەلدەرىن اناعۇرلىم كوپ وركەندەپ كەلە جاتقان ەلدەردى قۇشاعىنا الۋعا باستاۋدا جۇڭگو تيەسىلى جاۋاپكەرشىلىگىن ايگىلەدى.

«تاريح وزەنى كەيدە تىنىش كىلكىپ اعادى، كەيدە تولقىندانىپ وركەشتەنە اعادى، الايدا ٴبارىبىر جوڭكىلىپ العا ىلگەرىلەيدى»

6 - ايدىڭ 22 - كۇنى جاڭبىردان كەيىنگى بەيجيڭ سالقىن جازعى كەشتى قارسى الدى.

سول كۇنى كەشتە بريكس ەلدەرى ونەركاسىپ - ساۋدا تالقى مىنبەرى دياۋيۇيتاي مەملەكەتتىك قوناق ٴۇيىنىڭ فاڭحۋايۋانىندا وتكىزىلدى. ٴتوراعا شي جينپيڭ بەينە ەكران تاسىلىمەن اشىلۋ سالتىنا قاتىناستى ٴارى ارقاۋ ٴسوز سويلەدى. زۇڭتۇڭ رامافوسا، زۇڭتۇڭ بولسونارو، زۇڭتۇڭ پۋتين، زۇڭلي مودي اشىلۋ سالتىنا قاتىناستى.

ٴار ەلدىڭ ونەركاسىپ - ساۋدا سالاسىنداعى قايراتكەرلەرىمەن پىكىر اۋىسۋ − ٴتوراعا شي جينپيڭنىڭ «بريكس ۋاقىتىنداعى» ۇيرەنشىكتى داعدىسى. تالاي جىلدان بەرى ٴار ەلدىڭ كاسىپورىنشىلارى قاتارلى ٴار سالا قايراتكەرلەرىنە باعىتتاي وتىرىپ، ٴتوراعا شي جينپيڭ بريكس سەلبەستىگىنىڭ ٴوزىن تىلگە تيەك ەتىپ قالماستان، دۇنيە ٴجۇزىن تىلگە تيەك ەتتى، جۇڭگونى تىلگە تيەك ەتتى... ٴوزىنىڭ كەيبىر كەلەلى ماسەلەلەر جونىندەگى كوزقاراسىن كوپشىلىكپەن ٴبولىستى.

ٴتوراعا شي جينپيڭ نازارىن «ٴداۋىر سۇراۋىنا» شوعىرلاندىرىپ، بۇكىل ادامزات ٴدوپ كەلىپ وتىرعان كوكەيتەستى داۋىرلىك تاقىرىپتى العا قويدى −

«دۇنيە ٴجۇزى قالاي بەتتەيدى؟ بەيبىتشىلىك پە، الدە سوعىس پا؟ دامۋ ما، الدە قۇلدىراۋ ما؟ اشىقتىق پا، الدە توماعا تۇيىقتىق پا؟ سەلبەسۋ مە، الدە قارسىلاسۋ ما؟»

بۇل ونىڭ تەرەڭ تولعانىسى مەن ايقىن جاۋابى −

«تاريح وزەنى كەيدە تىنىش كىلكىپ اعادى، كەيدە تولقىندانىپ وركەشتەنە اعادى، الايدا ٴبارىبىر جوڭكىلىپ العا ىلگەرىلەيدى. حالىقارالىق جاعدايدا الماعايىپ وزگەرىستەر بولسا دا، اشىق بولۋ، دامۋ سىندى تاريحي ۇلكەن اۋقىم وزگەرمەيدى، قول ۇستاسا سەلبەسۋ، سىن - سايىستاردى بىرگە قارسى الۋ سىندى تىلەك تە وزگەرمەيدى».

«ٴبىز كوشپەلى بۇلت كوز الدىمدى توسار دەپ قورىقپاي، تاريحتىڭ دامۋ زاڭدىلىعىن ٴدال تانىپ، ٴبىر مەزەتكە، ٴبىر ىسكە الجاسپاي، حاۋىپ - قاتەردەن قورىقپاي، سىن - سايىستارعا باتىلدىقپەن بەتپە - بەت كەلىپ، ادامزاتتىڭ تاعدىرلاس ورتاق تۇلعاسىن قۇرۋ نىساناسىنا قاراي ەرلىكپەن العا تارتۋىمىز كەرەك».

ٴتوراعا شي جينپيڭ كەزىندە بىلاي دەگەن ەدى: «ٴبىز ۋاقىتتى 100 جىلمەن، 1000 جىلمەن ەسەپتەلەدى دەپ تۇسىنەمىز». قات - قابات قويۋ تۇمان ىشىندە تەك تاريحتىڭ ٴدۇربىسىن كوتەرگەندە عانا، 100 جىلدا بولماعان زور وزگەرىس بارىسىندا ۋاقىت پەن اۋقىمعا ٴدال تۇجىرىم جاساپ، تاريحتىڭ زاڭدىلىعىن باعامداپ، تاريح سەنىمىن بەكەمدەپ، تاريحي ىرىقتىلىقتى يگەرە الامىز.

سويلەگەن سوزىندە ٴتوراعا شي جينپيڭ ٴارقايسى جاق بىرگە نازار اۋدارعان ٴبىر قىدىرۋ قولامتالى، قيىن، وزەكتى ماسەلەلەرگە تىكە قاراپ، جۇڭگو كوزقاراسىن، جۇڭگو تۇرعىسىن ايقىن كورسەتتى −

تاريحي تاجىريبەلەردى قورىتىندىلاعان ول مىنانى تەرەڭدەي اتاپ كورسەتتى: «وكتەمدىك، توپشىلدىق ساياسي، توپقا ٴبولىنىپ قارسىلاسۋ بەيبىتشىلىك، حاۋىپسىزدىك اكەلمەيدى، تەك سوعىس، قاقتىعىس تۋدىرادى».

قازىرگى حالىقاراداعى بىلىققان جايتتەردى تىلگە العاندا، ول مىنانى بايىپپەن ەسكەرتتى: «جازالاۋ <ايلانبالى اتقى>، <قوس ٴدۇزدى قانجار>، دۇنيە ٴجۇزى ەكونوميكاسىن ساياسيلاندىرىپ، قۇرالداندىرىپ، قارۋلاندىرىپ، حالىقارالىق فينانس، اقشا جۇيەسىندەگى جەتەكشىلىك ورنىنان پايدالانىپ قيسىنسىز جازالاۋ قولدانۋ ەڭ سوڭىندا وزگەگە كەسىرىن تيگىزىپ، ٴوزىن دە زيانداپ، دۇنيە ٴجۇزى حالقىن زوبالاڭعا ۇشىراتادى».

كەيبىر ەلدەردىڭ «بايلانىستى، تىزبەكتى ٴۇزۋى»، «شاعىن اۋلاسىنا داۋال» جاساۋى جونىندەگى ونىڭ تۇجىرىمى وي سالدى: «ەكونوميكانىڭ جاھاندانۋى − وندىرگىش كۇش دامۋىنىڭ وبيەكتيۆتىك تالابى جانە بوگەۋ بەرمەس تاريحي اعىم. تاريحتى كەرى شەگىندىرىپ، وزگەنىڭ جولىن بوگەۋگە ۇرىنۋ، ەڭ سوڭىندا، تەك ٴوز جولىن تۇيىقتاپ تاستايدى».

...

ماجىلىسكە قاتىناسقان سيلى قوناقتارعا ٴتوراعا شي جينپيڭنىڭ سوزىندە ورتاعا قويعان 4 ٴتۇرلى ماڭىزدى دارىپتەمەسى ايرىقشا اسەر قالدىردى، تۇگەلدەي «ٴبىز» دەپ باستاپ، «بىرگە» دەگەندى كىندىك ٴسوز ەتىپ، كۇشتى تاعدىرلاس ورتاق تۇلعا تانىمىن ايگىلەدى −

«بىز ىنتىماقتاسا سەلبەسىپ، دۇنيە ٴجۇزىنىڭ بەيبىتشىلىگىن، ورنىقتىلىعىن بىرگە قورعاۋىمىز كەرەك». «ٴبىز ٴبىر - بىرىمىزگە قارايلاسىپ، الەمدىك باياندى دامۋدى بىرگە جەبەۋىمىز كەرەك». «ٴبىز قيىندىقتى بىلەك بىرىكتىرە جەڭىپ، سەلبەسىپ تەڭ يگىلىككە كەنەلۋدى بىرگە جۇزەگە اسىرۋىمىز كەرەك». «ٴبىز سيىسىمدىلىقپەن ٴبارىن قامتىپ، اشىق بولۋدى، توعىسۋدى بىرگە كەڭەيتۋىمىز كەرەك».

تالقى مىنبەرىنىڭ اشىلۋ سالتىندا ٴتوراعا شي جينپيڭنىڭ ارقاۋ ٴسوزىن دەن قويا تىڭداعان الجيريانىڭ جۇڭگودا تۇراتىن باس ەلشىسى قاسان رابەشى اسەرلەنىپ: «جۇڭگو جاقتىڭ ويلاعانى ٴبىر مەملەكەتتىڭ مۇددەسى ەمەس، قايتا بارلىق مەملەكەتتىڭ ورتاق مۇددەسى» دەدى.

تايشان ٴار ٴتۇيىر توپىراقتى بويىنا جيعاندىقتان، بيىككە بوي سوزىپ تۇر؛ كول - تەڭىزدەر بولماشى بۇلاقتاردى قوينىنا تارتقاندىقتان، تەرەڭ اعىپ جاتىر.

جۇڭگونىڭ دامۋى ەجەلدەن دۇنيە جۇزىمەن تىعىز بايلانىسىپ، حالىقارالىق قوعامنىڭ ٴار سالاسى ٴجيى نازار اۋدارىپ كەلەدى. وسى رەتكى بريكس ەلدەرى باسشىلارىنىڭ ديدارلاسۋى پارتيا 20 - قۇرىلتايىنىڭ الدىندا جۇڭگونىڭ نەگىزگى جيىن الاڭىندا وتكىزگەن ەڭ ماڭىزدى ديپلوماتيالىق قيمىل.

بريكس ەلدەرى ونەركاسىپ - ساۋدا تالقى مىنبەرى تۇعىرىندا ٴتوراعا شي جينپيڭ كوپشىلىكپەن بىرگە جۇڭگونىڭ دامۋىن اڭگىمەلەپ، جۇڭگونىڭ بۇگىنى مەن ەرتەڭىن تىلگە تيەك ەتتى −

«كۇردەلى دە قاتاڭ ەل ٴىشى - سىرتىنىڭ دامۋ ورتاسى الدىندا جۇڭگو ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاۋعا تاباندى بولىپ، ٴتۇرلى سايىستارعا پارمەندى تۇردە توتەپ بەردى».

«جۇڭگو جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن بەلسەنە قالىپتاستىرىپ، جوعارى ساپالى دامۋدى قۇلشىنا جۇزەگە اسىرادى».

«جۇڭگو سىرتقا ەسىك اشۋ ورەسىن ۇزدىكسىز جوعارىلاتىپ، اناعۇرلىم جوعارى ورەدەگى اشىق ەكونوميكا جاڭا ٴتۇزىلىسىن قۇرىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن ۇزدىكسىز تۇلعالايدى».

...

بۇرىنعىداي اشىق، بۇرىنعىداي بۇكپەسىز، بۇرىنعىداي تاباندى بولدى.

پرينسيپشىل بولىپ، دوستىق سۇيىسپەنشىلىككە ٴمان بەرىپ، ادامگەرشىلىكتى دارىپتەپ، ادىلدىكتى كوزدەپ، بىرگە يگىلىكتەنۋگە تالپىندى. ٴتوراعا شي جينپيڭنىڭ «بريكس ۋاقىتىنان» دۇنيە حالقى گۇلدەنۋ ساپارىندا قايراتتانا العا ۇمتىلىپ، كۇن سايىن جاڭارىپ، اي سايىن تۇلەجىگەن جۇڭگونى كوردى، حالىقارالىق ىستەردە بەيبىتشىلىككە، دامۋعا، سەلبەستىككە، تەڭ يگىلىككە كەنەلۋگە تاباندىلىق كورسەتكەن جۇڭگونى كوردى، داۋىل سوعىپ، تولقىن تۇرسا دا، قاي - قاشان دا تاريحتىڭ دۇرىس جاعىندا، ادامزاتتىڭ العا باسۋ جاعىندا تۇرعان جۇڭگونى كوردى...

«مەن تەك ٴبىز ٴوزارا پايدا جەتكىزىپ، تەڭ يگىلىككە كەنەلۋدىڭ جەلكەنىن بيىك جايىپ، ىنتىماقتاسا سەلبەسۋدىڭ رولىن مىقتاپ ۇستاساق، بريكس ەلدەرى سىندى وسى الىپ كەمەنىڭ، ٴسوز جوق، تولقىن جارا العا ىلگەرىلەپ، اناعۇرلىم نۇرلى كوركەم بولاشاقتىڭ جاعالاۋىنا قاراي اتتاناتىنىنا كامىل سەنەمىن»! ٴتوراعا شي جينپيڭنىڭ ٴسوزى بريكس سەلبەستىگىنىڭ نۇرلى بولاشاعىنا جەتەكشىلىك ەتۋدە.


شينحۋا اگەنتتىگىنىڭ 6 - ايدىڭ 26 - كۇنى بەيجيڭنەن بەرگەن حابارى (تىلشىلەر ليۋ حۋا، ياڭ يجۇن، كۇڭ شياڭشين، جۋ چاۋ)