汉文 ىلە اقپارات تورابىنا حوش كەلدىڭىزدەر!
جۇڭگو مەن گۆيانانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى بايلانىسىمەن شي جينپيڭ گۆيانانىڭ زۇڭتۇڭى اليمەن ٴوزارا قۇتتىقتاۋ تەلەگرامماسىن جولدادى
2022-06-29 16:16:49     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

شينحۋا اگەنتتىگىنىڭ 6 - ايدىڭ 27 - كۇنى بەيجيڭنەن بەرگەن حابارى. مەملەكەت ٴتوراعاسى شي جينپيڭ 6 - ايدىڭ 27 - كۇنى گۆيانا سەلبەستىك رەسپۋبليكاسىنىڭ زۇڭتۇڭى اليمەن ٴوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قۇتتىقتادى.

شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 50 جىلدان بەرى جۇڭگو - گۆيانا قارىم - قاتىناسى باياندى دامىپ، ەكى جاقتىڭ ساياسي ٴوزارا سەنىمدىلىگى كۇن سايىن تەرەڭدەپ، ناقتى ىستەر سەلبەستىگىنىڭ ناتيجەسى كورنەكتى بولدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى ەكى ەل حالقى قيىندىقتى بىلەك بىرىكتىرە جەڭىپ، ٴبىر - بىرىنە قارايلاسىپ، جۇڭگو - گۆيانا دوستىعىنىڭ جاڭا تاراۋىن جازدى.

مەن جۇڭگو- گۆيانا قارىم - قاتىناسىنىڭ دامۋىنا ايرىقشا ٴمان بەرەمىن، الي زۇڭتۇڭمەن بىرگە قۇلشىنىپ، ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، جۇڭگو − گۆيانا قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.

الي مىنالاردى ٴبىلدىردى: گۆيانا كارايب وڭىرىندەگى اعىلشىن ٴتىلىن قولداناتىن ەلدەردە جۇڭگومەن ەڭ الدىمەن ديپلوماتيالىق قارىم - قاتىناس ورناتقان، ٴبىر جۇڭگو ساياساتىن باتىل اتقارادى. 50 جىلدان بەرى ەكى ەل باستان - اياق ٴوزارا قۇرمەت ەتىپ، تەڭ تۇرعىدا تيىمدىلىك جاساپ، ٴداستۇرلى دوستىق قارىم - قاتىناسى ۋاقىتتىڭ سىنىنان ٴوتتى. گۆيانا گۆيانا مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، ەكى ەل دوستىعىن ۇزدىكسىز تەرەڭدەتۋدى قالايدى.