− اۆتونوميالى رايوننىڭ ساياحاتتى دامىتۋ جينالىسىنىڭ رۋحىن دايەكتىلەندىرۋ، تياناقتاندىرۋ جونىندە

شينجياڭ گازەتىنىڭ شولۋشىسى

ساياحات دامىسا، سان كاسىپ گۇلدەنەدى. اۆتونوميالى رايوننىڭ ساياحاتتى دامىتۋ جينالىسى شينجياڭ ساياحاتىنىڭ «قايتا اتتانۋ» دابىلىن قاقتى، بۇل ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، شينجياڭ ساياحات كاسىبىنىڭ جوعارى ساپالى دامۋىن جەدەل ىلگەرىلەتىپ، رايونىمىزدىڭ ساياحات بايلىعىنداعى ٴىرى رايوننان ساياحات ەكونوميكاسىنداعى قۋاتتى رايونعا قاراي ويىسۋىن ىلگەرىلەتۋدە ماڭىزدى مانگە يە.

جينالىس باس شۋجي شي جينپيڭنىڭ مادەنيەت جانە ساياحات قىزمەتى جونىندەگى ماڭىزدى بايىمداۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، ساياحاتتىڭ دامۋ جاعدايىنا تالداۋ جاساپ، زەرتتەۋ جۇرگىزىپ، كەزەكتەگى جانە الداعى ٴبىر مەزگىلدەگى رايونىمىزدىڭ ساياحات كاسىبىنىڭ جوعارى ساپالى دامۋىن ىلگەرىلەتۋدەگى ماڭىزدى مىندەتتەرى مەن قامتاماسىز ەتۋ شارالارىن ايقىندادى. بۇكىل رايوندا جوعارىدان تومەنگە دەيىن قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى ىلگەرىلەتۋدىڭ ستراتەگيالىق بيىگىندە تۇرىپ، ساياحات كاسىبىن دامىتۋدىڭ ماڭىزدى رولىن ىشكەرىلەي تانىپ، شينجياڭ ساياحات كاسىبىنىڭ جوعارى ساپالى دامۋىن ىلگەرىلەتۋدىڭ جاۋاپكەرشىلىك سەزىمى مەن كوكەي تەستىلىك سەزىمىن شىن مانىندە كۇشەيتۋ كەرەك.

شينجياڭنىڭ جاراتىلىستىق كورىنىسى عاجايىپ تا كوركەم، تاريحي مادەنيەتىنىڭ قاتپارى قالىڭ، ۇلتتىق سالت - سانا بوياۋى قانىق، الۋان ٴتۇرلى، وسىنشاما مول، ساپالى ساياحات بايلىعىنا، سونداي - اق وزگەشە ورىن ابزالدىلىعىنا يە شينجياڭنىڭ ساياحات كاسىبىنىڭ دامۋ بولاشاعى جارقىن. ساياحاتتى دامىتۋ ەكونوميكالىق قۇرىلىمدى ساپالىلاندىرۋدا، كاسىپ سالاسىنىڭ دامۋىنا جەتەكشىلىك ەتۋدە، تۇتىنۋ قاجەتىن جانداندىرۋدا، جۇمىستاندىرىپ كىرىستى ارتتىرۋدى جەبەۋدە، ۇلتتار ىنتىماعىن كۇشەيتۋدە، مادەني تۇرمىستى بايىتۋدا، شينجياڭنىڭ وبرازىن ايگىلەۋدە ماڭىزدى رول اتقارادى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ باس نىساناسىن جۇزەگە اسىرۋدىڭ قاجەتتى تالابى، جاڭا دامۋ ۇستانىمىن دايەكتىلەندىرىپ، تياناقتاندىرىپ، شينجياڭنىڭ جوعارى ساپالى دامۋىن ىلگەرىلەتۋدىڭ ماڭىزدى شاراسى، حالىق تۇرمىسىن جاقسارتۋدىڭ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدىڭ، كەڭەيتۋدىڭ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ٴونىمدى جولى.

جۋىق جىلداردان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، رايونىمىز ساياحات ارقىلى شينجياڭدى گۇلدەندىرۋ ستراتەگياسىن زور كۇشپەن اتقارىپ، ساياحات كاسىبى قارىشتاي دامۋدىڭ داڭعىل جولىنا ٴتۇستى. عاسىرلىق ىندەت الدىندا، ساياحات كاسىبىنىڭ دامۋى بەلگىلى ىقپالعا ۇشىراپ، ساياحاتتايتىن ادامدار سانى ازايعانىمەن، ٴبىراق ىندەتتەن ساقتانۋ - تىزگىندەۋدى ۇدايىلاندىرۋدىڭ اناعۇرلىم دالمە - ٴدال، ٴونىمدى بولۋىنا ىلەسە، ەكونوميكالىق، قوعامدىق دامۋدىڭ پوتينسيال ەنەرگياسىن تاراتىپ، شار تاراپتان كەلگەن ساياحاتشىلاردىڭ كوركەم شينجياڭنان ٴلاززات الۋ تىلەگى توتەنشە كۇشتى بولدى، ساياحات كاسىبىنىڭ قالپىنا كەلىپ جاندانۋ بولاشاعى جاقسى، شينجياڭ ساياحات كاسىبىنىڭ كومەسكى كۇشى زور.

  سونىمەن بىرگە، ٴبىز دە تۋىسقان ولكە، رايون، قالالارمەن، اسىرەسە، ساياحاتى دامىعان ولكەلەرمەن سالىستىرعاندا، دامۋ ۇستانىمى، بايلىق ورنالاستىرۋى، ماركا سومداۋ، ۇگىت جۇرگىزىپ جوسپارلاپ - ساتۋ، قىزمەت وتەۋ ساپاسى، تۇتىنۋدى جەبەۋ، دارىندىلاردى باۋلۋ سياقتى جاقتاردا بىزدە ٴالى دە ٴبىرشاما زور پارىق بار ەكەندىگىن سەرگەكتىكپەن تانۋىمىز كەرەك. مۇنىڭ ناقتى بەينەلەرى دەن قويۋ مەن جوسپارلاۋ جەتكىلىكسىز، بايلىقتى اشۋ جەتكىلىكسىز، تۇتىنۋدى جەبەۋ قابىلەتى ٴبىرشاما ٴالسىز، قىزمەت وتەۋ قابىلەتى ٴالى دە كەمشىن، بازار تۇلعاسى پارمەنسىز، مادەنيەت پەن ساياحاتتى توعىستىرۋ دەڭگەيى جەتەرسىز، دارىندىلار قوسىنى كەمشىل، ت.ب. بۇل ماسەلەلەرگە ٴبىز، ٴسوزسىز، ايرىقشا نازار اۋدارۋىمىز، اناعۇرلىم زور بەكىممەن، اناعۇرلىم پارمەندى شارالار ارقىلى مۇقيات زەرتتەپ شەشۋىمىز كەرەك.

ساياحات توعىسپالى كاسىپ سالاسى بولىپ، ەكونوميكانىڭ ارتۋىن ىلگەرىلەتۋدىڭ ماڭىزدى قوزعاۋشى كۇشى. ٴبىز ساياحاتتىڭ جەتەكتەۋ، ىلگەرىلەتۋ رولىن ٴونىمدى ساۋلەلەندىرىپ، ساياحات كاسىبىنىڭ جوعارى ساپالى دامۋىن نەگىزگى جەلى ەتىپ، قامداۋ جاعىنداعى قۇرىلىمدىق رەفورمانى تۇتقا ەتىپ، ماڭىزدى بۋىنداردى، وي جەلىسىن، شارالاردى جاڭالاۋدى مىقتى يگەرىپ، شينجياڭدى ساياحات ارقىلى گۇلدەندىرۋ ستراتەگياسىن ىشكەرىلەي اتقارۋىمىز كەرەك. جۇيەلى جوسپارلاۋعا، بايلىقتى ويداعىداي اشۋعا تاباندى بولۋ؛ اشىق ۇستاۋ تەبىنىن كۇشەيتىپ، تۇتىنۋ كومەسكى كۇشىن جانداندىرۋ؛ نەگىزدىك قۇرىلعىلاردى كەمەلدەندىرىپ، قىزمەت وتەۋ ساپاسىن جوعارىلاتۋ؛ بازار تۇلعاسىن زورايتىپ، دامۋ ورتاسىن ساپالىلاندىرۋ؛ بازار جوسپارلاۋ - ساتۋدى كەڭەيتىپ، ساياحات ماركالارىن ايشىقتاۋ؛ مادەنيەتتىڭ مازمۇنىن ىشكەرىلەي اشىپ، مادەنيەت پەن ساياحاتتى توعىستىرا دامىتۋدى ىلگەرىلەتۋ؛ ساياحاتتىڭ كومەسكى كۇشىن اشىپ، جاڭا ارتۋ ٴتۇيىنىن جاراتىپ، ساياحات بايلىعى ابزالدىلىعىن دامۋ ابزالدىلىعىنا شىن مانىندە اينالدىرۋ كەرەك.

جاڭا بورىش ۇندەۋ تاستاپ، جاڭا ۇمىتتەر قاۋلادى. جاڭا جاعدايدا، ٴبىز سەنىمدى بەكەمدەپ، قايراتتى تاسقىنداتىپ، جاعدايعا قاراي ىلگەرىلەپ، بەلسەنە ىسكەرلىك كورسەتىپ، ساياحات كاسىبىنىڭ اقاۋسىز دامۋىن، جوعارى ساپالى دامۋىن ىلگەرىلەتىپ، رايونىمىزدىڭ ساياحات كاسىبىن ەكونوميكانىڭ جوعارى ساپالى دامۋىنداعى تەبىندەپ كەلە جاتقان كاسىپ سالاسى جانە ٴار ۇلت بۇقاراسىنىڭ كىرىستى ارتتىرىپ بايۋىنداعى حالىققا ٴتيىمدى كاسىپ سالاسى ەتىپ جانە شينجياڭنىڭ ىنتىماقتى دا ورنىقتى، جاراسىمدى دا باقىتتى، ەكولوگياسى تاماشا ەكەندىگىن ايگىلەيتىن جۇلدىزدى كاسىپ سالاسى ەتىپ سومداپ، پارتيا 20 - قۇرىلتايىنىڭ جەڭىسپەن اشىلۋىن ٴىس جۇزىندىك ارەكەتىمىز ارقىلى قارسى الۋىمىز كەرەك.