汉文 ىلە اقپارات تورابىنا حوش كەلدىڭىزدەر!
جۇڭگو كوممۋنيستىك پارتياسى ورتالىق كوميتەتى كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ قىزمەت ەرەجەسىن» باسىپ تاراتتى
2022-06-30 17:14:07     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ قىزمەت ەرەجەسىن» (تومەندە قىسقارتىلىپ «ەرەجە» دەلىنەدى) باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان وسى بويىنشا مۇقيات اتقارۋدى تالاپ ەتتى.

حابارلاندىرۋدا مىنالار اتاپ كورسەتىلدى: «ەرەجە» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ءار رەتكى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، جۇيەلى توپتالعان، سايكەسكەن جوعارى ءونىمدى بولعان وكىلەتتى باقىلاۋ ءتۇزىلىسىن، مەحانيزمىن اقاۋسىزداندىرۋدى كوزدە ۇستاپ، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ ۇيىمدىق ورنالاسۋىنا، باسشىلىق تۇزىلىسىنە، قىزمەت جاۋاپكەرشىلىگىنە، مىندەت اتقارۋ تارتىبىنە، باقىلاۋ - باسقارۋعا جان - جاقتىلى ولشەم جاساپ، وكىلەتتى قۇرىلىم قىزمەتىنىڭ جۇيەلىلەنۋىن، زاڭمەن باسقارىلۋىن، ارناعا ءتۇسىرىلۋىن ىلگەرىلەتۋدە، جاڭا داۋىردەگى وكىلەتتى باقىلاۋ قىزمەتىنىڭ جوعارى ساپالى دامۋىن ىلگەرىلەتۋدە كەلەلى ماڭىزعا يە.

حابارلاندىرۋدا مىنالار تالاپ ەتىلدى: ءار دارەجەلى پارتكومدار ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارى قىزمەتىنە باسشىلىقتى شىن مانىندە كۇشەيتىپ، وكىلەتتى باقىلاۋ مەحانيزمىن ۇزدىكسىز كەمەلدەندىرۋ كەرەك. پارتيا باسشىلىق گرۋپپاسى (پارتكوم) وكىلەتتى قۇرىلىمدار قىزمەتىن قولداپ، سايكەسىپ، وكىلەتتى قۇرىلىمداردىڭ باقىلاۋىن سانالىلىقپەن قابىلداۋ كەرەك. ءار دارەجەلى ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى وكىلەتتى قۇرىلىمداردىڭ نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرۋىن ىلگەرىلەتىپ، ساياسي باقىلاۋ رولىن اناعۇرلىم ويداعىداي ساۋلەلەندىرىپ، وكىلەتتى قۇرىلىمداردى جانە ونىڭ كادرلارىن باسقارۋدى، تەجەۋدى كۇشەيتىپ، ”شام ءتۇبى قاراڭعى بولۋدان“ باتىل ساقتانۋ كەرەك. «ەرەجەنى» اتقارۋ بارىسىنداعى ماڭىزدى احۋالدار مەن ۇسىنىستاردى دەر كەزىندە پارتيا ورتالىق كوميتەتىنە مالىمدەۋ كەرەك.

«ەرەجە» 7 تاراۋ، جيىنى 56 تارماققا بولىنەدى، جاريالانعان كۇننەن باستاپ اتقارىلادى. وسىدان بۇرىن جاريالانعان باسقا دا قاتىستى ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدار قىزمەتىنىڭ ەرەجەسىندە وسى ەرەجەمەن بىردەي بولماعاندارى وسى ەرەجە بويىنشا اتقارىلادى.