حالىق گازەتى اۆتورلى ماقالا جاريالايدى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ <ٴبىر ەل، ەكى ٴتۇزىمنىڭ> شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى. حالىق گازەتى 6 - ايدىڭ 29 - كۇنى «شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ <ٴبىر ەل، ەكى ٴتۇزىمنىڭ> شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى» اتتى اۆتورلى ماقالا جاريالايدى.
ماقالادا بىلاي دەلىنگەن: ۋاقىت ايالسىز سىرعىپ، زامان بىلىنبەي زىمىراپ ٴوتىپ جاتىر. شياڭگاڭنىڭ وتان قۇشاعىنا ورالعانىنا 25 جىل بولدى. 25 جىلدان بەرى شياڭگاڭ وتانعا سۇيەنىپ، دۇنيە جۇزىنە بەت الىپ، ونان ارى جاڭالىق اشىپ، ٴوزىنىڭ وسىزاماندانعان كەلبەتىن ۇزدىكسىز سومدادى. كوپتەگەن بوران - شاشىن، سىن - سايىستاردى باستان كەشىرگەنىمەن، «ٴبىر ەل، ەكى ٴتۇزىمنىڭ» شياڭگاڭداعى امالياتى دۇيىم جۇرت مويىنداعان تابىسقا قول جەتكىزدى.
«شياڭگاڭنىڭ وتان قۇشاعىنا ورالعان 20 نەشە جىلدىق وزگەشە بارىسى مىنانى تولىق دالەلدەدى: ’ٴبىر ەل، ەكى ٴتۇزىمدى‘ اتقارۋ مەملەكەتتىڭ ٴتۇبىرلى مۇددەسىن قورعاۋعا ٴتيىمدى، شياڭگاڭنىڭ ٴتۇبىرلى مۇددەسىن قورعاۋعا ٴتيىمدى، قالىڭ شياڭگاڭدىق باۋىرلاستاردىڭ ٴتۇبىرلى مۇددەسىن قورعاۋعا ٴتيىمدى».
«شياڭگاڭ، اۋمىن جونىنەن’ٴبىر ەل، ەكى ٴتۇزىم‘ − ەڭ ۇلكەن ابزالدىلىق، مەملەكەتتىڭ رەفورما جاساۋى، ەسىك اشۋى ەڭ ۇلكەن ساحنا، ’ٴبىر بەلدەۋ، ٴبىر جولدى‘ بىرگە قۇرۋ، گۋاڭدۇڭ − شياڭگاڭ − اۋمىن ۇلكەن شىعاناق رايونى قۇرىلىسى سياقتى مەملەكەتتىك ستراتەگيالاردىڭ اتقارىلۋى جاڭا كەلەلى وراي بولىپ تابىلادى».
«وتانىمىز شياڭگاڭنىڭ، اۋمىننىڭ گۇلدەنىپ - كوركەيۋىن، ورنىقتىلىعىن ٴارقاشان كوكەيدەن شىعارعان ەمەس. تەك ٴبىر نيەتپەن كۇش بىرىكتىرىپ، بىرگە قۇلشىنعاندا عانا، ’ٴبىر ەل، ەكى ٴتۇزىم‘ نىق قاداممەن الىسقا جەتە الادى».
ماقالادا مىنالار اتاپ كورسەتىلدى: پارتيا 18 - قۇرىلتايىنان بەرى باس شۋجي شي جينپيڭ ستراتەگيالىق جانە جالپى جاعداي بيىگىندە تۇرىپ، شياڭگاڭ قىزمەتى جونىندە ٴبىرسىپىرا ماڭىزدى ٴسوز سويلەپ، ٴبىرسىپىرا ماڭىزدى نۇسقاۋ بەرىپ، بەكىتۋ جاساپ، «ٴبىر ەل، ەكى ٴتۇزىمنىڭ» شياڭگاڭداعى امالياتىنىڭ ورنىقتى قاداممەن الىسقا جەتۋىنە ايقىن العا باسۋ بەتالىسىن كورسەتىپ، ٴتۇبىرلى بويسۇنۋ ولشەمىن ازىرلەدى.
بۇگىنگى شياڭگاڭدا «وتانشىلدار شياڭگاڭدى باسقارۋ» جاعدايى ونان ارى بەكەمدەلدى، زاڭمەن باسقارۋ جانە شارۋاشىلىق - ساۋدا ورتاسى ونان ارى ساپالىلاندى، قوعامدىق راي ونان ارى جاراسىمدى بولدى، شياڭگاڭدى ۇزاق ۋاقىت مازالاعان ٴار ٴتۇرلى تەرەڭ قاتپارلى قايشىلىقتار مەن ماسەلەلەردى ٴونىمدى شەشۋگە ٴتىپتى دە شارت - جاعداي ازىرلەندى.
ماقالا 4 بولىككە بولىنگەن: «شياڭگاڭنىڭ وتان قۇشاعىنا ورالۋى جۇڭحۋا ۇلتى تاريحىنان وشپەس ورىن العان بولاشاقتىق ۇلى ٴىس، شياڭگاڭ سودان باستاپ وتانمەن بىرگە داميتىن، ماڭگى بولىنبەيتىن داڭعىل جولعا ٴتۇستى»؛ «’ٴبىر ەل‘ − تامىر، تامىر تەرەڭ بولعاندا عانا، جاپىراق قاۋلاپ وسە الادى؛ ’ٴبىر ەل‘ − ٴتۇپ نەگىز، ٴتۇپ نەگىز بەكەم بولعاندا عانا، بۇتاق كوكتەپ گۇلدەنەدى»؛ «’ٴبىر ەل، ەكى ٴتۇزىم‘ امالياتىنىڭ ورنىقتى قاداممەن الىسقا جەتۋىنە شىنايى كەپىلدىك ەتۋ ٴۇشىن، ٴسوز جوق، ’وتانشىلدار شياڭگاڭدى باسقارۋعا‘ باستان - اياق تاباندى بولۋ كەرەك»؛ «شياڭگاڭنىڭ، اۋمىننىڭ مەملەكەت دامۋىنىڭ كەلەلى جاعدايىمەن توعىسۋى − ’ٴبىر ەل، ەكى ٴتۇزىمنىڭ‘ تيەسىلى ٴمانى، رەفورما جاساۋدىڭ، ەسىك اشۋدىڭ داۋىرلىك تالابى، سونداي - اق شياڭگاڭنىڭ، اۋمىننىڭ دامۋدىڭ جاڭا جولىنا ىزدەنىس جاساۋىنىڭ، دامۋدىڭ جاڭا ٴورىسىن اشۋىنىڭ، دامۋدىڭ جاڭا قوزعاۋشى قۋاتىن ۇستەۋىنىڭ وبيەكتيۆتىك تالابى».
ماقالادا مىنالار اتاپ كورسەتىلدى: بۇگىنگى تاڭدا، شياڭگاڭ تاعى دا جاڭا تاريحي باستامادا تۇر. ٴبىز تەك اۋەلگى ماقساتتى ۇمىتپاي، «ٴبىر ەل، ەكى ٴتۇزىمنىڭ» ٴتۇبىرلى باس ماقساتىن باستاي - اياق ەستە بەرىك ساقتاپ، «ٴبىر ەل، ەكى ٴتۇزىمنىڭ» دۇرىس بەتالىسىنا باستان - اياق تاباندى بولىپ، ناقتى ٴىس تىندىرىپ، ىسكەرلىك كورسەتىپ، ٴورىس اشا العا ىلگەرىلەسەك، «ٴبىر ەل، ەكى ٴتۇزىمنىڭ» شياڭگاڭ ەرەكشە اكىمشىلىك رايونىنداعى امالياتى، ٴسوز جوق، ۇزدىكسىز اناعۇرلىم زور تابىسقا قول جەتكىزىپ، شياڭگاڭ سىندى جارقىراعان مەرۋەرت، ٴسوز جوق، اناعۇرلىم كوز تارتارلىق نۇر شاشاتىن بولادى!