汉文 ىلە اقپارات تورابىنا حوش كەلدىڭىزدەر!
عىلىم - تەحنيكانىڭ جان تامىرىن ٴوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن،ٴوزىن -ٴوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
2022-07-01 16:16:56     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

شي جينپيڭ حۋبەي ۋحاندا قىزمەت تەكسەرگەندە بىلاي دەپ باسا دارىپتەدى

عىلىم - تەحنيكانىڭ جان تامىرىن ٴوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن،ٴوزىن -ٴوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك

20220629000424_265c9d0ee6296193a77c458e6357383de2136def.JPG

6 - ايدىڭ 28 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ حۋبەي ولكەسىنىڭ ۋحان قالاسىندا قىزمەت تەكسەردى. سۋرەتتە: 6 - ايدىڭ 28 - كۇنى تۇستەن كەيىن شي جينپيڭ دۇڭحۋ جوعارى، جاڭا تەحنيكالىق اشۋ رايونىنىڭ زوليڭ ٴمالىسى جىيۋان الەۋمەتتىك اۋماعىنىڭ ەرىكتى قىزمەت وتەۋ قوناق بولمەسىنە بارىپ، الەۋمەتتىك اۋماق قىزمەتكەرلەرىنەن، تومەنگە تۇسكەن پارتيا مۇشەلەرىنەن، كادرلاردان، ەرىكتىلەردەن نەگىزگى ساتىنىڭ ىندەتتەن بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اينالىم جاعدايىن ۇعىستى. 

                        سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن 


شينحۋا اگەنتتىگىنىڭ 6 - ايدىڭ 29 - كۇنى ۋحاننان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 6 - ايدىڭ 28 - كۇنى حۋبەي ولكەسىنىڭ ۋحان قالاسىندا قىزمەت تەكسەرگەندە بىلاي دەپ باسا دارىپتەدى: عىلىم - تەحنيكادا ٴوز كۇشىنە سۇيەنۋ، ٴوزىن الۋەتتەندىرۋ − مەملەكەتتىڭ قۇدىرەتتەنۋىنىڭ، كوركەيۋىنىڭ نەگىزى، حاۋىپسىزدىگىنىڭ ٴتۇيىنى. ٴبىز جاڭا دامۋ ۇستانىمىن، ٴسوز جوق، تولىق، دالمە - ٴدال، جاپپاي دايەكتىلەندىرىپ، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، عىلىم - تەحنيكانىڭ جان تامىرىن ٴوز قولىمىزدا مىقتاپ ۇستاپ، عىلىم - تەحنيكادا ٴوز كۇشىنە سۇيەنۋ، ٴوزىن الۋەتتەندىرۋ جاعىندا اناعۇرلىم زور ىلگەرىلەۋشىلىككە قول جەتكىزىپ، ەلىمىز دامۋىنىڭ دەربەستىگىن، ٴوزىن - ٴوزى باسقارۋىن، حاۋىپسىزدىگىن ۇزدىكسىز جوعارىلاتىپ، اناعۇرلىم كوپ جاڭا تەحنيكالاردى، جاڭا كاسىپ سالالارىن تۋىنداتىپ، ەكونوميكالىق دامۋدىڭ جاڭا سالالارىن، جاڭا جارىس جولدارىن اشىپ، حالىقارالىق باسەكەدە جاڭا باسىمدىق قالىپتاستىرۋىمىز كەرەك.

6 - ايدىڭ 28 - كۇنى تۇستەن كەيىن شي جينپيڭ حۋبەي ولكەلىك پارتكومنىڭ شۋجيى ۋاڭ مىڭحۇيدىڭ، ولكە باستىعى ۋاڭ جۇڭليننىڭ سەرىك بولۋىندا ۋحاننىڭ كاسىپورىندارىن، الەۋمەتتىك اۋماقتارىن ىشكەرىلەي ارالاپ، تەكسەرۋ - زەرتتەۋ جۇرگىزدى.

شي جينپيڭ الدىمەن ۋحان حۋاگۇڭ لازەر ينجەنەرياسى شەكتى جاۋاپكەرشىلىك سەرىكتەستىگىنە كەلىپ قىزمەت تەكسەردى. كاسىپورىننىڭ زەرتتەۋ - اشۋ جالپىلىق ۇلكەن عيماراتىندا شي جينپيڭ حۋبەي ولكەسىنىڭ فوتو ەلەكترون ينفورماتسياسى كاسىپ سالاسىن دامىتۋ جانە وزەكتى تەحنيكالاردان قامال الۋ جاعدايىنان جاساعان تانىستىرۋىن تىڭداپ، چيپ كاسىپ سالاسىنىڭ جاڭالىق اشۋ جەتىستىگى كورمەسىن زەر سالا كوردى. شي جينپيڭ بىلاي دەپ اتاپ كورسەتتى: فوتو ەلەكترون ينفورماتسياسى كاسىپ سالاسى − كەڭ كولەمدە قولدانىلاتىن ستراتەگيالىق جوعارى تەحنيكالى كاسىپ سالاسى ٴارى ەلىمىزدىڭ الدىمەن قامال الۋدى جۇزەگە اسىرۋ شارتىن ازىرلەگەن جوعارى تەحنيكالى كاسىپ سالاسى. حۋبەي ۋحانداعى دۇڭحۋ جاڭا تەحنيكا اشۋ رايونى فوتو ەلەكترون ينفورماتسياسى كاسىپ سالاسىندا ەلدەن ەرەك ارتىقشىلىققا يە. تەحنيكانى زەرتتەۋ - اشۋدان قامال الۋدى كۇشەيتىپ، دەربەس ٴبىلىم مەنشىگى ۇقىعىنا يە اناعۇرلىم كوپ وزەكتى تەحنيكانى يگەرىپ، جاڭالىق اشۋ تىزبەگىن ۇزدىكسىز ۇزارتىپ، كاسىپ سالاسى تىزبەگىن كەمەلدەندىرىپ، ەلىمىزدىڭ فوتو ەلەكترون كاسىپ سالاسىنىڭ جەدەل دامۋىن ىلگەرىلەتۋ ٴۇشىن اناعۇرلىم زور ۇلەس قوسۋ كەرەك. ەلىمىزدىڭ دامۋىنا، كۇشەيۋىنە ىلەسە، «القىمداعان» شەشۋشى، وزەكتى تەحنيكالاردان قامال الۋ كەزەك كۇتتىرمەيتىن ىسكە اينالدى، ٴسوز جوق، ماسەلەنى باعدار ەتۋدەن جازباي، جاڭاشا بۇكىل مەملەكەتتىك ٴتۇزىلىس ابزالدىلىعىن ساۋلەلەندىرىپ، رۋحتى سەرپىلتىپ، قايراتقا ٴمىنىپ، جىگەرلەنە العا تارتىپ، عىلىم - تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جەدەل جۇزەگە اسىرۋ كەرەك.

شي جينپيڭ ىلگەرىندى - كەيىندى كاسىپورىننىڭ لازەر عىلىم - تەحنيكا سارايىنا، جارتىلاي وتكىزگىش تاقتاي لازەر زەردەلى جابدىق ٴوندىرىس سەحىنا بارىپ، لازەر تەحنيكاسى كاسىپ سالاسىندا قولدانىلاتىن كورمە ونىمدەرىن كوردى. شي جينپيڭ بىلاي دەپ باسا دارىپتەدى: جوعارى ورەلى جاساۋ − ەكونوميكانىڭ جوعارى ساپالى دامۋىنىڭ ماڭىزدى تىرەگى. ەلىمىزدىڭ جاساۋ كاسىبىنىڭ تيبىن جاڭالاپ، دارەجەسىن ٴوسىرۋىن ىلگەرىلەتىپ، جاساۋ كاسىبىندە قۋاتتى ەل قۇرۋدا، ٴسوز جوق، تەحنيكانى زەرتتەۋ - اشۋدى كۇشەيتىپ، وتاندىق ونىمدەردىڭ ورىن باسۋ مولشەرىن جوعارىلاتىپ، عىلىم - تەحنيكانىڭ جان تامىرىن ٴوز قولىمىزدا ۇستايتىن بولساق، مەملەكەت سوندا عانا ناعىز قۇدىرەتتەنەدى.

سەح ۇلكەن عيماراتىنىڭ الدىندا شي جينپيڭ كاسىپورىننىڭ جۇمىسشى - قىزمەتكەرلەرىمەن ىقىلاسپەن اڭگىمەلەستى. شي جينپيڭ بىلاي دەپ اتاپ كورسەتتى: ەلىمىز − دۇنيە جۇزىندەگى 2 - ۇلكەن ەكونوميكالىق تۇلعا، الايدا تاعى كوپتەگەن ولقىلىقتار بار، ٴىشىنارا كاسىپ سالالارىنىڭ نەگىزى ٴالى دە تىم بەكەم ەمەس، ىشكەرىلەي دامۋدا، ٴسوز جوق، جاڭالىق اشۋعا سۇيەنۋگە تۋرا كەلەدى. جاپپاي سوتسياليستىك وسىزاماندانعان مەملەكەت قۇرۋدا، ەكىنشى 100 جىلدىق كۇرەس نىساناسىن جۇزەگە اسىرۋدا جاڭالىق اشۋ شەشۋشى فاكتور سانالادى. 

پارتيا ورتالىق كوميتەتى عىلىم - تەحنيكادا جاڭالىق اشۋعا وسكەلەڭ ٴمان بەرىپ، عىلىم - تەحنيكا، وقۋ -اعارتۋ ارقىلى مەملەكەتتى گۇلدەندىرۋ ستراتەگياسىن جانە دامۋعا جاڭالىق اشۋ ارقىلى دەم بەرۋ ستراتەگياسىن اتقاردى. ەگەر ٴبىزدىڭ ٴاربىر قالامىز، ٴاربىر جوعارى، جاڭا تەحنيكالىق اشۋ رايوندارىمىز، ٴاربىر عىلىم - تەحنيكا كاسىپورىندارىمىز، ٴاربىر عىلمي زەرتتەۋ قىزمەتكەرلەرىمىز تۇگەلدەي مەملەكەت تۇراقتاندىرعان دامۋ بەتالىسىن توڭىرەكتەي وتىرىپ عىلىم - تەحنيكادا جاڭالىق اشۋدى تىڭعىلىقتى ىلگەرىلەتەتىن بولسا، وندا ٴبىز بەلگىلەنگەن نىسانانى، ٴسوزسىز، جۇزەگە اسىراتىن بولامىز. ٴبىزدىڭ وسى ۇرپاق ادامدارىمىز وسى داڭقتى بورىشتى، ٴسوز جوق، ارقالاۋى كەرەك. عىلىم - تەحنيكادا جاڭالىق اشۋ، بىرىنشىدەن، ۇسىنىلىمعا سۇيەنەدى، ەكىنشىدەن، دارىندىلارعا سۇيەنەدى. وسى اراعا ٴبىر قىدىرۋ ەگەي دارىندىلاردىڭ توپتالعاندىعىن، كوپشىلىكتىڭ بارلىعى وتە جاس، ومىرشەڭدىككە تولى ەكەندىگىن كورىپ قاباعات قۋاندىم. پارتيا ورتالىق كوميتەتى عىلىم - تەحنيكا دارىندىلارىنىڭ جەتىلۋىنە ەرەكشە كوڭىل بولەدى، ٴار دارەجەلى پارتكومدار مەن ۇكىمەتتەر مۇمكىندىكتىڭ بارىنشا عىلىم - تەحنيكادا جاڭالىق اشۋعا پايدالى ٴتۇزىلىس - مەحانيزمدى جانە قىزمەت، تۇرمىس ورتاسىن جاراتىپ، عىلىم - تەحنيكا قىزمەتكەرلەرىنىڭ وتان مەن حالىق ٴۇشىن ۇلەس قوسۋىنا مۇمكىندىك جاساۋ كەرەك. كوپشىلىكتىڭ ۇزدىكسىز قۇلشىنىپ، اناعۇرلىم زور ناتيجەگە قول جەتكىزۋىن ٴۇمىت ەتەمىن.

شي جينپيڭ وسىدان سوڭ دۇڭحۋ جوعارى، جاڭا تەحنيكالىق اشۋ رايونىنىڭ زوليڭ ٴمالىسى جىيۋان الەۋمەتتىك اۋماعىنا بارىپ قىزمەت تەكسەردى. بۇل الەۋمەتتىك اۋماق مەملەكەت مەنشىگىندەگى ٴبىر كاسىپورىننىڭ لاشىقتى ٴوڭىردى جاڭالاپ، ٴبىر تۇتاس سالعان شاعىن اۋماعى، جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، 5 دارەجە كوتەرمەگە الىپ، كەپىلدىك ەتۋ ٴتۇزىمىن قاتاڭ تياناقتاندىرىپ، قىزمەت ورنىنا قايتا ورالىپ، جۇمىستى قالپىنا كەلتىرۋ مەن ساقتانۋ - تىزگىندەۋدى، باسقارۋدى ٴوزارا ۇشتاستىرعان الەۋمەتتىك اۋماقتىڭ ورنىقتىلىعىن قامتاماسىز ەتۋ جۇيەسىن قالىپتاستىرىپ، تۇرعىنداردىڭ تۇرمىسىنىڭ، قىزمەتىنىڭ قالىپقا ٴتۇسۋىن ٴتارتىپتى ىلگەرىلەتتى. حۋبەي ولكەسىنىڭ ىندەتتەن ساقتانۋ - تىزگىندەۋدى ۇدايىلاندىرۋ جانە ىندەتتەن كەيىن الەۋمەتتىك اۋماقتى باسقارۋ جاعدايىنان جاساعان تانىستىرۋىن تىڭداعاننان كەيىن، شي جينپيڭ بىلاي دەپ باسا دارىپتەدى: 2020 - جىلى ۋحاندى قورعاۋ شايقاسى جەڭىسكە جەتكەننەن بەرى، ۋحان وسى 2 جىلدا تاعى تالاي رەت توپتالۋ سيپاتىنداعى ىندەتكە جولىققانىمەن، تەز ارادا تىزگىندەدى، زور قايتا بەلەڭ بەرۋ تۋىلمادى. ۋحان قالاسى ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن جاقسى ىستەدى، تاجىريبەسىن قورىتىندىلاۋعا تاتيدى. اماليات پارتيا ورتالىق كوميتەتى بەلگىلەگەن ىندەتتەن ساقتانۋ - تىزگىندەۋ باعىت - ساياساتىنىڭ دۇرىس، ٴونىمدى ەكەندىگىن، ٴسوز جوق، تيتتەي دە بۇلجىماستان تاباندى بولۋ كەرەكتىگىن دالەلدەدى.

شي جينپيڭ ەرىكتى قىزمەت وتەۋ قوناق بولمەسىنە بارىپ، الەۋمەتتىك اۋماق قىزمەتكەرلەرىنەن، تومەنگە تۇسكەن پارتيا مۇشەلەرىنەن، كادرلاردان، ەرىكتىلەردەن نەگىزگى ساتىنىڭ ىندەتتەن بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اينالىم جاعدايىن ۇعىسىپ، ولاردى ساقتانۋ - تىزگىندەۋ ٴبىرىنشى شەبىنىڭ قورشاۋىن بەكەمدەپ، تۇرعىندارعا الاڭسىز، بەرەكەلى تۇرمىس ورتاسىن جاراتۋعا ىنتالاندىردى. شي جينپيڭ الەۋمەتتىك اۋماقتى ارالاپ كورىپ، الەۋمەتتىك اۋماقتىڭ حالىققا قولايلى حىسۋاننان ۇلگى الۋ سياقتى ىندەتتەن ساقتانۋ - تىزگىندەۋدى ۇدايىلاندىرۋ شارالارىن تۇراقتاندىردى. شي جينپيڭ بىلاي دەپ باسا دارىپتەدى: ىندەتكە توتەپ بەرۋ كۇرەسىندە مەيلى شۇعىل جاعدايعا توتەپ بەرۋ بويىنشا ساقتانۋ - تىزگىندەۋ، الدە ىندەتتەن ساقتانۋ - تىزگىندەۋدى ۇدايىلاندىرۋ بولسىن، الەۋمەتتىك اۋماق ەرەكشە ماڭىزدى رول اتقاردى. جالپىلاي العاندا، ەرتە بايقاۋعا، جىلدام ٴبىر جاقتى ەتۋگە سۇيەنۋ، قالىڭ حالىق بۇقاراسىنىڭ ەل بىرلىگى بەرىك قامالىنا سۇيەنۋ، الەۋمەتتىك اۋماق سىندى وسى ماڭىزدى نەگىزگە سۇيەنۋ كەرەك. الەۋمەتتىك اۋماقتىڭ ساقتانۋ - تىزگىندەۋدى ۇدايىلاندىرۋ شاراسىن كەمەلدەندىرىپ، ىندەت بايقالعاننان كەيىن، ٴسوز جوق، باتىل ىسكە كىرىسۋ كەرەك، ەكى ۇداي بولۋعا بولمايدى، عىلمي دا قاتاڭ ساقتانۋ - تىزگىندەۋ شاراسىن قولدانىپ، عىلمي ساقتانۋ - تىزگىندەۋ، دالمە - ٴدال ساقتانۋ - تىزگىندەۋ ورەسىن جوعارىلاتىپ، الەۋمەتتىك اۋماق سىندى وسى قورعانىس شەبىن باتىل ساقتاۋ كەرەك.

جىيۋان الەۋمەتتىك اۋماعى قارتتانۋداعى كورنەكتى ماسەلەلەردى توڭىرەكتەي وتىرىپ، قارتتاردى كۇتۋ قىزمەت وتەۋى ۇلگىسىندە جاڭالىق اشىپ، ۇيدە بولۋدى نەگىز، الەۋمەتتىك اۋماقتى سۇيەنىش، قۇرىلىمدى تولىقتاما ەتكەن، ەمدەۋ - كۇتىمدەۋدى ٴوزارا ۇشتاستىرعان قارتتاردى كۇتۋ قىزمەت وتەۋى ۇلگىسىن ورناتتى. الەۋمەتتىك اۋماقتىڭ پارتيا مۇشەلەرىنە، بۇقاراعا قىزمەت وتەۋ ورتالىعىندا شي جينپيڭ الەۋمەتتىك اۋماق قىزمەتكەرلەرىنەن پارتيا قۇرىلىسى ارقىلى نەگىزگى ساتى الەۋمەتتىك اۋماعىن باسقارۋعا جەتەكشىلىك ەتۋ جانە حالىققا قولايلى قىزمەت وتەۋ سياقتى جاعدايلاردى ۇعىستى ٴارى ٴىس بىتىرۋگە كەلگەن قارتتارمەن ىقىلاسپەن اڭگىمەلەسىپ، ولاردىڭ وتباسى جاعدايىن تاپتەشتەي سۇرادى. شي جينپيڭ بىلاي دەپ اتاپ كورسەتتى: الەۋمەتتىك اۋماق − قالانى باسقارۋ جۇيەسىنىڭ نەگىزگى بىرلىگى. ەلىمىزدىڭ مەملەكەتتى باسقارۋ جۇيەسىنىڭ ٴبىر ابزالدىلىعى قالا، اۋىلداردىڭ الەۋمەتتىك اۋماعى نەگىزىن بەكەمدەۋ بولىپ تابىلادى. الەۋمەتتىك اۋماق پارتيا ۇيىمى قۇرىلىسىن كۇشەيتىپ، پارتيا ۇيىمىنىڭ ساياسي يقۋاتى مەن ۇيىمدىق يقۋاتىن نىعايتىپ، پارتيا ۇيىمىنىڭ الەۋمەتتىك اۋماقتى باسقارۋداعى باسشىلىق رولىن اناعۇرلىم ويداعىداي ساۋلەلەندىرۋ، پارتيا مۇشەلەرىنىڭ اۆانگارد ونەگەلىك رولىن اناعۇرلىم ويداعىداي ساۋلەلەندىرۋ كەرەك. اناعۇرلىم كوپ بايلىقتى الەۋمەتتىك اۋماققا ٴتۇسىرىپ، قىزمەت كۇشىن تولىقتىرىپ، يفورماتسيالاندىرۋ قۇرىلىسىن كۇشەيتىپ، شۇعىل جاعدايعا توتەپ بەرۋ بويىنشا اڭىس قايتارۋ قۋاتى مەن باسقارۋ، قىزمەت وتەۋ ورەسىن جوعارىلاتىپ، قالانىڭ نەگىزگى ساتىنى باسقارۋ نەگىزىن نىعايتۋ كەرەك.

الەۋمەتتىك اۋماقتىڭ شاعىن الاڭىندا كادرلار مەن بۇقارا تۇس - تۇستان قاۋمالاي كەلىپ، باس شۋجيگە الاقايلاي امانداستى. شي جينپيڭ ىقىلاستى تۇردە كوپشىلىككە بىلاي دەدى: مەن ۋحان حالقىن كوكەيىمدە ساقتاپ كەلەمىن، 2 جىل وتكەندە ۋحان سىندى وسى قاھارمان قالاعا كوپشىلىكتى كورگەلى تاعى كەلىپ وتىرمىن. ىندەت تۋىلعاننان بەرى، قالىڭ الەۋمەتتىك اۋماق قىزمەتكەرلەرى ساقتانۋ - تىزگىندەۋ ٴبىرىنشى شەبىن ۇزاق ۋاقىت باتىل ساقتاپ، قىرۋار كۇردەلى دە قىم - قۋىت ناقتى قىزمەتتەردى ۇستىنە الىپ، الەۋمەتتىك اۋماق تۇرعىندارىنا شىن پەيىلدەرىمەن قىزمەت وتەپ، ەرەكشە جاپا شەكتى، ەڭبەگى وشپەيدى. بۇل ارادا مەن كوپشىلىكتەن ٴارى بۇكىل ەلدەگى قالىڭ الەۋمەتتىك اۋماق قىزمەتكەرلەرىنەن شىنايى حال سۇرايمىن.

شي جينپيڭ بىلاي دەپ باسا دارىپتەدى: جاڭا تيپتى ايدارشا ۆيرۋس وكپە قابىنۋ ىندەتى − ٴبىر رەتكى ۇلكەن سىناق. ٴبىز حالىقتى بارىنەن جوعارى قويۋعا، ٴومىردى بارىنەن جوعارى قويۋعا تاباندى بولىپ، سىرتتان كىرۋدەن ساقتانۋعا، ىشتە قايتالاي بەلەڭ بەرۋدەن ساقتانۋعا تاباندى بولىپ، يكەمدى نولگە تۇسىرۋگە تاباندى بولىپ، ساقتانۋ - تىزگىندەۋ شاراسىن ۋاقىتقا، جاعدايعا قاراي ۇزدىكسىز رەتتەپ، حالىقتىڭ ٴومىرىنىڭ حاۋىپسىزدىگى مەن دەنساۋلىعىن ەڭ جوعارى شەكتە قورعادىق. ەلىمىزدىڭ حالىق سانى جيناقتىق سانى ۇلكەن، ەگەردە «توپتىق يممۋنيتەتتەۋ»، «بەيعامدىققا سالىنۋداي» ساقتانۋ - تىزگىندەۋ ساياساتىن جۇرگىزسەك، زاردابىن ويلاۋ قيىنعا سوعادى. ٴبىزدىڭ يكەمدى نولگە ٴتۇسىرۋ ساياساتىن اتقارۋىمىزدى پارتيا ورتالىق كوميتەتى پارتيانىڭ سيپاتىن، باس ماقساتىن نەگىزگە الىپ، ەلىمىزدىڭ مەملەكەت جاعدايىن نەگىزگە الىپ تۇراقتاندىرعان، ەكونوميكالىق دامۋ ۋاقىتشا ٴبىراز ىقپالعا ۇشىراسا دا، حالىق بۇقاراسىنىڭ ٴومىرىنىڭ حاۋىپسىزدىگى مەن دەنساۋلىعىنا زيان جەتكىزۋگە بولمايدى، اسىرەسە، قارتتاردى، بالالاردى ويداعىداي قورعاۋ كەرەك. ەگەردە جالپى ەسەپ سوقساق، ٴبىزدىڭ ساقتانۋ - تىزگىندەۋ شارامىز ەڭ ارزان، ونىمدىلىگى ەڭ جاقسى. بىزدە جۇڭگو كوممۋنيستىك پارتياسىنىڭ باسشىلىعى، الەۋمەتتىك اۋماق سىندى وسى ماڭىزدى نەگىزگى ساتى نەگىزى تۇرعاندا، يكەمدى نولگە ٴتۇسىرۋ ساياساتىن ەڭ سوڭعى جەڭىسكە جەتكەنشە اتقارۋعا بىزدە قابىلەت تە، ناقتى قۋات تا بار.

شي جينپيڭ بىلاي دەپ اتاپ كورسەتتى: كەزەكتە ىندەت ٴالى اياقتاعان جوق، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ قىسىمى ٴالى دە وتە اۋىر. تاباندىلىق − جەڭىس. بەيعامدىققا سالىنۋ يدەياسىن، شايقاستان جالىعۋ كوڭىل كۇيىن، بوساڭسۋ پيعىلىن جويىپ، ىندەتتەن ساقتانۋ - تىزگىندەۋ قىزمەتتەرىن ناقتى، ەگجەي - تەگجەيلى يگەرۋ كەرەك، سونىمەن بىرگە ەكونوميكانىڭ ورنىقتى، اقاۋسىز دامۋىن مۇمكىندىكتىڭ بارىنشا ىلگەرىلەتۋ كەرەك. ٴار دارەجەلى پارتكومدار مەن ۇكىمەتتەر حالىق بۇقاراسىنىڭ ٴىس جۇزىندىك قيىنشىلىعىن شەشۋگە امالدىڭ بارىنشا كومەكتەسىپ، ەكونوميكانىڭ دامۋى مەن حالىق بۇقاراسىنىڭ ٴوندىرىس، تۇرمىسىنىڭ ىقپالعا ۇشىراماۋىنا شىنايى كەپىلدىك ەتۋ كەرەك. بىزدە ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ٴبىر تۇتاس ويداعىداي جوسپارلاپ، بيىل ەلىمىزدىڭ ەكونوميكالىق دامۋدا ٴبىرشاما جاقسى دەڭگەيگە جەتۋىنە قول جەتكىزەتىن سەنىم بار.

ديڭ شۋەشياڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.