汉文 ىلە اقپارات تورابىنا حوش كەلدىڭىزدەر!
تاريح پەريودىنان اتتاپ ٴوتۋدىڭ جاڭا داۋىرلىك جاۋاپناماسى
2022-07-01 16:59:23     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

− باس شۋجي شي جينپيڭنىڭ 100 جىلدىق ۇلى پارتيانىڭ وزىنە - ٴوزى توڭكەرىس جاساۋىن ىلگەرىلەتۋىنە جەتەكشىلىك ەتكەندىگى جونىندە ەستەلىك


«تاريحى وسىنشاما ۇزاق، كولەمى وسىنشاما ۇلكەن، بيلىك جۇرگىزۋ ۋاقىتى وسىنشاما ۇزاق پارتيامىز تىنىشتىق - بىلىقپالىق، گۇلدەنۋ - قۇلدىراۋ سىندى تاريح پەريودىنان قالاي اتتاپ ٴوتتى»؟

پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ 2 - رەتكى جالپى جيىنىندا باس شۋجي شي جينپيڭ بۇعان اسقاق جاۋاپ بەردى −

«ماۋ زىدۇڭ جولداس يان - انداعى جەر تولەدە مۇنىڭ ٴبىرىنشى جاۋابىن بەرگەن بولاتىن، ياعني <تەك حالىق ۇكىمەتتى باقىلاعاندا عانا ۇكىمەت بوساڭسي المايدى>. 100 جىلدىق كۇرەس، اسىرەسە، پارتيا 18 - قۇرىلتايىنان بەرگى جاڭا اماليات ارقىلى پارتيامىز مۇنىڭ تاعى ەكىنشى جاۋابىن بەردى، ياعني وزىنە - ٴوزى توڭكەرىس جاساۋ».

پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى وراسان زور ساياسي باتىلدىقپەن، كۇشتى جاۋاپكەرشىلىك ارقالاۋمەن پارتيانىڭ توڭكەرىستىك شىنىعۋدى ۇزدىكسىز كۇشەيتۋىنە جەتەكشىلىك ەتىپ، 100 جىلدىق ۇلى پارتيانىڭ وزىنە - ٴوزى توڭكەرىس جاسايتىن جاڭا دەڭگەيىن اشتى.

بۇگىنگى تاڭدا «باستان - اياق ٴداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، وزىنە - ٴوزى توڭكەرىس جاساۋعا باتىل، داۋىلدى تولقىنداردىڭ سىنىنان وتە الاتىن، كۇش - قايراتى تاسقىنداعان ماركسيزمدىك بيلىك باسىنداعى پارتيا» بولۋدى مۇرات ەتىپ، ميلليارد جۇڭحۋا پەرزەنتتەرىن باستاپ ۇلى گۇلدەنۋ جورىعىندا ەكپىندەي ىلگەرىلەۋدە.

سەرگەك تاريحي سانالىلىق − «وزىنە - ٴوزى توڭكەرىس جاساۋعا باتىل بولۋ − پارتيامىزدىڭ ەڭ ايقىن قاسيەتى ٴارى پارتيامىزدىڭ ەڭ ۇلكەن ابزالدىلىعى»

2021 - جىلى 9 - ايدا پارتيا قۇرىلعاندىعىنىڭ 100 جىلدىعى تۇسىندا، باس شۋجي شي جينپيڭ شانبەيدەگى سارى توپىراقتى ۇستىرتكە كەلدى.

300 نەشە جىلدىڭ الدىندا، ميڭ پاتشالىعىنىڭ سوڭعى كەزىندە شارۋالار كوتەرىلىسى وسى جەردە بۇرق ەتىپ، العاشىندا جەڭىسكە جەتىپ، سوڭىنان جەڭىلىسپەن تىنعان ەدى. 70 نەشە جىلدىڭ الدىندا ماۋ زىدۇڭ جولداس وسى تاريح تۋرالى قايىرىلا تولعاناتىن «جياشىن جىلدارىنداعى شارۋالار كوتەرىلىسىنىڭ 300 جىلدىعىن ەسكە الۋ» اتتى شىعارمانى يان - انداعى ستيل دۇرىستاۋ قوزعالىسىنىڭ قۇجاتى ەتىپ، بۇكىل پارتياداعى كادرلاردىڭ وقۋىن جانە ودان ساباق الۋىن تالاپ ەتتى.

پارتيانىڭ 100 جىلدىق تاريحىنا قايىرىلا قاراپ، باس شۋجي شي جينپيڭ بىلاي دەپ ايرىقشا تولقىدى: «جيڭگاڭشاننان شانبەيگە دەيىن، شانبەيدەن شيبايپوعا دەيىن، ودان قايتىپ بەيجيڭگە دەيىن جول بويى ەمتيحان تاپسىردى»، «جۇڭگو توڭكەرىسىنىڭ، ٴسوز جوق، جەڭىسكە جەتەتىندىگىنىڭ جاۋابىن وسى ارادان تابۋعا بولادى».

ٴارقاشان «ەمتيحان تاپسىراتىن» نيەتتە بولىپ، وزىنە - ٴوزى توڭكەرىس جاساۋعا باتىل بولۋ − 100 جىلدىق ۇلى پارتيانىڭ قاجىماي - تالماي كۇرەس جۇرگىزۋ ارقىلى شىڭداعان ايقىن قاسيەتى.

«مەن ۇنەمى تاريح پەريودى دەگەن ماسەلەنى ايتىپ كەلەمىن، بۇل، شىنىندا، ەلىمىز تاريحىنداعى فەودالدىق پاتشالىقتار قاشىپ قۇتىلا الماعان تاعدىر جازمىشى بولدى».

پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا، تاريحتاعى ٴارقايسى فەودالدىق پاتشالىقتاردىڭ شارىقتاي گۇلدەنۋدەن قۇلدىراۋعا بەت الۋىنان، ٴار جولعى شارۋالار كوتەرىلىسىنىڭ العاشىندا جەڭىسكە جەتىپ، سوڭىنان جەڭىلىسپەن تىنۋىنا دەيىن، ونان سوۆەت وداعىنىڭ ىدىراپ، سوۆەت وداعى كومپارتياسىنىڭ بيلىك باسىنان قۇلاۋىنا، شىعىس ەۆروپاداعى شۇعىل وزگەرىسكە دەيىن، باس شۋجي شي جينپيڭ ەجەلدەن بۇگىنگە، جۇڭگودان شەتەلگە دەيىنگى تىنىشتىق - بىلىقپالىق، گۇلدەنۋ - قۇلدىراۋ قالدىرعان تاقىرىپقا جىنتىكتەي تالداۋ جاساپ، ونىڭ ٴتۇبىرلى سەبەبىنىڭ «ٴوز ماسەلەسىن شەشە الماۋىندا» ەكەندىگىن تەرەڭىنەن اتاپ كورسەتتى.

تاريحتى اينا ەتكەندە گۇلدەنۋ مەن قۇلدىراۋدىڭ سەبەبىن بىلۋگە بولادى.

وزىندەگى ماسەلەنى شەشىپ، تاريح پەريودىنان اتتاپ ٴوتۋ ٴۇشىن، جۇڭگو كوممۋنيستىك پارتياسى باستان - اياق پارتيا قۇرىلىسىن ۇلى ينجەنەريا ەتىپ ىلگەرىلەتىپ،وزىنە - ٴوزى ۇزدىكسىز توڭكەرىس جۇرگىزدى.ۇلتتى گۇلدەندىرۋدىڭ ۇلى ٴىسى شەشۋشى ساتكە قادام تاستاعان ساتتە، دۇنيە جۇزىندە 100 جىلدا بولماعان وزگەرىس جەدەل قۇبىلىپ، «ٴتورت ۇلكەن سىناق» قاتاڭ دا كۇردەلى، «ٴتورت ٴتۇرلى حاۋىپ» شيەلەنىستى دە تەرەڭ بولىپ، پارتيا مەن مەملەكەت ىستەرى تاعى ٴبىر رەت گۇلدەنۋ مەن قۇلدىراۋدىڭ، تابىسقا جەتۋ مەن ساتسىزدىككە ۇشىراۋدىڭ ماڭىزدى وتكەلىنە ٴدوپ كەلدى.

قاشاندا ۇزاق بولاشاقتى كوزدەپ، امانشىلىقتا جامانشىلىقتىڭ بولارىن ويلادى. تاريح پەريودىنان قالاي اتتاپ ٴوتۋ تۋرالى وي جۇگىرتۋ باستان - اياق باس شۋجي شي جينپيڭنىڭ كوكەيىنەن كەتپەدى.

2015 - جىلى 5 - ايدا ورتالىقتىڭ بىرلىكساپ قىزمەتى ماجىلىسىندە، باس شۋجي شي جينپيڭ ايبىندى ۇنمەن بىلاي دەپ اتاپ كورسەتتى: «سوناۋ جىلدارداعى <جەر تولەدەگى اڭگىمەدە> ايتىلعان ماسەلە تۇبەگەيلى شەشىلدى مە؟ بالكىم، ٴالى شەشىلە قويعان جوق. كەيبىر باسشى كادرلار باقىلاۋدان قورقىپ، باقىلانۋدى قالاماي، ۇنەمى بىرەۋدىڭ باقىلاۋىندا جۇرسە ەركىن بولا المايتىنداي، ٴىس ىستەگەندە قولايسىز بولاتىنداي سەزىنەدى».

  باس شۋجي شي جينپيڭ باتىل ۇنمەن: «جاڭا داۋىردە پارتيانىڭ وزىنە - ٴوزى توڭكەرىس جاساۋىن تەرەڭدەتۋ كەرەك» دەدى.

وزىنە - ٴوزى توڭكەرىس جاساۋعا باتىل بولۋ «پارتيامىزدىڭ ەڭ ايقىن قاسيەتى» ەكەندىگىن ايقىنداۋدان جاڭا داۋىردەگى پارتيا قۇرىلىسىندا «پارتيانىڭ ۇزاق ۋاقىت بيلىك جۇرگىزۋ قابىلەتى قۇرىلىسىن، العاباسارلىق جانە كىرشىكسىزدىك قۇرىلىسىن كۇشەيتۋدى نەگىزگى جەلى ەتۋدى» العا قويۋعا دەيىن؛ «وزىنە - ٴوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋ» سىندى «ەكى توڭكەرىس» ماڭىزدى تۇجىرىمداماسىن العا قويۋدان پارتيا قۇرىلىسىنىڭ جاڭا ۇلى ينجەنەرياسىنىڭ «4 ۇلىداعى» شەشۋشى رولىن كورنەكتىلەندىرە باسا دارىپتەۋگە دەيىن...

باس شۋجي شي جينپيڭ ٴبىرقىدىرۋ ماڭىزدى نازاريالار العا قويىپ، ٴبىرقىدىرۋ ەلەۋلى ورنالاستىرۋلار جاساپ، ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋدىڭ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋدىڭ زاڭدىلىعى جونىندەگى تانىمدى ۇزدىكسىز تەرەڭدەتتى.

تەرەڭ تاريحي سانالىلىق مىعىم تاريحي ىرىقتىلىققا جالعاستى.

جاڭا داۋىردەگى جۇڭگو كوممۋنيستەرى «ۇزاق بارىستا شىڭدالۋ» رۋحىمەن ٴوزىن - ٴوزى كىرشىكسىزدەندىرەتىن «ەلدەن ەرەك ونەرگە» جاتىلىپ، پارتيانىڭ، مەملەكەتتىڭ، اسكەري ٴبولىمنىڭ ىشىندە ورىن تەپكەن اۋىر كومەسكى قاتەرلەردى جويىپ، حالىق بۇقاراسىمەن ەتەنە بايلانىستى ساقتايتىن، حالىق شىن جۇرەكتەن قولدايتىن تاريحي ىرىقتىلىققا قول جەتكىزدى، بۇكىل پارتيا وسكەلەڭ ىنتىماق پەن بىرلىككە كەلگەن، ٴداۋىردىڭ الدىڭعى لەگىندە جۇرەتىن، حالىقتى باستاپ جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن تاريحي ىرىقتىلىققا قول جەتكىزدى.

2022 - جىلى 2 - ايدىڭ 4 - كۇنى بەيجيڭ قىسقى وليمپيادا سپورت جارىسىنىڭ باستالۋ سالتى كۇنى ارگەنتينانىڭ زۇڭتۇڭى فەرناندەز جۇڭگو كوممۋنيستىك پارتياسىنىڭ تاريحى كورمە سارايىنا ارنايى كەلىپ ەكسكۋرسيالادى.

  2 كۇننەن كەيىن باس شۋجي شي جينپيڭمەن ديدارلاسقاندا فەرناندەز ەكسكۋرسيالاعان كەزدە العان اسەرىن سويلەگەندە: «مەن جۇڭگو كوممۋنيستىك پارتياسىنىڭ جۇڭگو حالقى ٴۇشىن ىستەگەن بارلىق ىسىنە جانە قول جەتكىزگەن ۇلى تابىسىنا اسقاق قۇرمەت بىلدىرەمىن» دەدى.

باس شۋجي شي جينپيڭ: «حالىق ٴۇشىن قىزمەت ىستەۋدە ٴبىزدىڭ ٴوز مۇددەمىز بولمايدى» دەپ جاۋاپ قاتتى.

جۇڭحۋا وركەنيەتىنىڭ قۇنارلى توپىراعىنا تامىر تارتقان، عىلمي نازاريامەن قارۋلانعان پرولەتاريات تابىنىڭ ساياسي پارتياسى رەتىندە، ٴوز مۇددەسى بولماۋ جۇرەكتىلىكپەن وزىنە - ٴوزى توڭكەرىس جاساۋدىڭ سەنىمى، مۇرات - سەنىمدى بەكەمدەۋ وزىنە - ٴوزى توڭكەرىس جاساۋدىڭ قىزىل گەنى، عىلمي نازاريامەن قارۋلانۋ وزىنە - ٴوزى شەبەرلىكپەن توڭكەرىس جاساۋدىڭ يدەيالىق جەتەكشىلىگى، بارلىعىندا حالىق ٴۇشىن ىستەۋ وزىنە - ٴوزى توڭكەرىس جاساۋعا باتىل بولۋدىڭ قوزعاۋشى كۇش قاينارى، گۇلدەنۋ ۇلى ٴىسىن ارقالاۋ وزىنە - ٴوزى جالعاستىرا توڭكەرىس جاساۋدىڭ بورىشى مەن جاۋاپكەرشىلىگى سانالادى.

19 - كەزەكتى ورتالىق ٴتارتىپ تەكسەرۋ كوميتەتىنىڭ التىنشى جالپى ماجىلىسىندە، باس شۋجي شي جينپيڭ نىق سەنىممەن ٴۇن قاتتى:

«100 جىلدان بەرى پارتيا سىرتىندا حالىق دەموكراتياسىن دامىتۋعا، حالىقتىڭ باقىلاۋىن قابىلداۋعا سۇيەنىپ، پارتيا ىشىندە پارتيانى جاپپاي قاتاڭ باسقارۋعا، وزىنە - ٴوزى توڭكەرىس جاساۋدى ىلگەرىلەتۋگە سۇيەنىپ، باتىلدىقپەن اقيقاتقا تاباندى بولىپ، قاتەلىكتەردى تۇزەتىپ، باتىلدىقپەن پىشاق ٴدۇزىن ىشكە قاراتىپ، سۇيەكتى قىرا وتىرىپ ۋىتتى ايداپ، پارتيانىڭ باياندى كوركەيۋىنە، ۇزدىكسىز دامۋىنا، زورايۋىنا كەپىلدىك ەتتى».

تۇبەگەيلى توڭكەرىس جاساۋ رۋحى − «پارتيانىڭ ٴوزىن كىرشىكسىزدەندىرۋ، ٴوزىن كەمەلدەندىرۋ، ٴوزىن جاڭالاۋ، ٴوزىن جوعارىلاتۋ قابىلەتىن ۇزدىكسىز كۇشەيتتى»

شيبايپو، «ەكى بولسىننىڭ» العاش العا قويىلعان جەرى، «بەيجيڭگە بارىپ ەمتيحان تاپسىرۋعا» اتتانعان جەر.

2013 - جىلى 7 - ايدا پارتيانىڭ بۇقارالىق لۋشيان تاربيەسى − امالياتتىق قيمىلى باستالىپ كوپ وتپەي، باس شۋجي شي جينپيڭ وسىندا كەلىپ، سوناۋ جىلدارى قىركۇيەك ٴماجىلىسى اشىلعان قاراپايىم تام ۇيدە نەگىزگى ساتى كادرلارىنىڭ، قارت پارتيا مۇشەلەرىنىڭ جانە بۇقارانىڭ ۋاكىلدەرىمەن القا - قوتان وتىرىپ اڭگىمەلەستى.

جەرگىلىكتى ورىنداعى ٴبىر كادر: «بۇقارانىڭ تۇرمىسى بىرتىندەپ جاقسارىپ كەلەدى، نە ٴۇشىن ولاردىڭ بىزبەن ارالىعىن كەرىسىنشە الشاقتاعانداي سەزىنەمىز؟» دەدى.

كوپشىلىكتىڭ ٴسوزىن تىڭداعان سوڭ، باس شۋجي بىلاي دەپ اتاپ كورسەتتى: «60 نەشە جىل ۋاقىت ٴوتتى، ٴبىراق ٴبىز ٴدوپ كەلگەن سىن - سايىستار مەن ماسەلەلەر ٴالى دە قاتاڭ، كۇردەلى بولىپ وتىر، دەمەك، پارتيا ٴدوپ كەلگەن <ەمتيحان تاپسىرۋ> ٴالى اياقتالعان جوق».

ستيل ماسەلەسىنىڭ شەشۋشى سيپاتىن، نەگىزدىك سيپاتىن تەرەڭ يگەرگەن باس شۋجي شي جينپيڭ ستيل قۇرىلىسىن «حالىقتىڭ قالاۋ - قالاماۋىنا ساياتىن، پارتيانىڭ بۇقارالىق نەگىزىن بەلگىلەيتىن» بيىككە قويىپ، جوعارى ارقىلى تومەنگە جەتەكشىلىك ەتىپ، جاقسىلىقتى ماقتاپ، جاماندىقتى داتتادى.

ۇكىمەت اقشاسىمەن ٴىشىپ - جەۋ سياقتى ناقتى ماسەلەلەردەن باستاپ يگەرىپ، ايكۇلشە، قياق كۇرىش سياقتى «ۇساق ىستەردەن» باستاپ تەكسەرىپ، تارتىپكە قايشىلىق جاساعانداردى، ٴسوز جوق، تەكسەرىپ، «داستارقانداعى ىسىراپشىلدىقتى» تەجەپ، «اۆتوكولىككە قاتىستى شىرىكتەسۋدى» رەتتەپ، جونگە سالىپ، «ساۋىقحانالارداعى بۇرىس ستيلدەردى» تۇزەتتى... ورتالىقتىڭ 8 ٴتۇرلى بەلگىلەمەسىنىڭ رۋحىن تياناقتاندىرىپ، قاتاڭ تارتىپپەن ستيلدى رەتكە سالىپ، وزىنە - ٴوزى توڭكەرىس جاساۋدىڭ ٴونىمدى جولدارىن بايىتتى.

«ٴتورت ٴتۇرلى بۇرىس ستيل» الاستالىپ، جاڭا ستيل جارىققا شىقتى.

پارتيا تۋى كەدەيلىكتەن ارىلتۋدان قامال الۋدىڭ ٴبىرىنشى شەبىندە، ىندەتكە قارسى اتتانۋدىڭ شايقاس شەبىندە، جەر سىلكىنىسىنە قارسى اتتانىپ، اپاتتان قۇتقارۋ مايدانىندا اسقاق جەلبىرەدى... بۇقارا قۋانىشپەن: «سوۆەتتىك رايون كادرلارىنىڭ تاماشا ستيلى قايتا ورالدى!» دەدى.

ستيل پارتيانىڭ وبرازىنا سايادى، شىرىكتەسۋ پارتيانىڭ ورگانيزمىن شىرىتەدى.

2012 - جىلى 11 - ايدىڭ 15 - كۇنى حالىق سارايىنىڭ شىعىس زالى. جۇڭگولىق، شەتەلدىك تىلشىلەر الدىندا پارتيا ىشىندە ورىن تەپكەن شىرىكتەسۋ ماسەلەسى جايىندا جاڭا عانا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعان شي جينپيڭ ايقىن پوزيتسيا ٴبىلدىردى: «بۇكىل پارتيا، ٴسوز جوق، ساق، سەرگەك بولۋى كەرەك».

قىسقا عانا 20 نەشە كۇندە 18 - كەزەكتى ورتالىق كوميتەتتىڭ كانديدات مۇشەسى بولىپ سايلانعانىنا ايعا دا تولماعان سىچۋان ولكەلىك پارتكومنىڭ ورىنباسار شۋجيى لي چۇنچىڭ تەكسەرۋگە الىنىپ، پارتيا 18 - قۇرىلتايىنان كەيىن وماقاسقان «العاشقى جولبارىس» بولدى.

شىرىكتەسۋگە قارسى تۇرۋدىڭ سەرپىنى بۇرىن بولماعان كۇرەسى باستالدى.

شىرىكتەسۋ بيلىكتى ەڭ وڭاي اۋدارىپ تاستايدى، شىرىكتەسۋگە قارسى تۇرۋ وزىنە - ٴوزى مەيلىنشە ٴۇزىلدى - كەسىلدى توڭكەرىس جاساۋدى قاجەت ەتەدى.

جوۋ يۇڭكاڭ، بو شيلاي، سۇن جىڭساي، ليڭ جيحۋا قاتارلى ٴبىر توپ «ۇلكەن جولبارىستاردى» تەكسەرىپ، ٴبىر جاقتى ەتىپ، «جەمقور شىبىنداردى»، «وبىر تىشقانداردى»، «جەگى قۇرتتاردى» تازالادى... «جولبارىس» پەن «شىبىندى» قوسا سوقتى، ەشكىم دە قىلمىسىنان قاشىپ قۇتىلاتىن «ولىمنەن كەشىرۋ جارلىعىنا» يە بولا المادى، ەشكىم دە «ەرەكشە ۇقىقتى پاتشا» بولا المادى.

«جاعداي ٴالى دە قاتاڭنان» «ٴالى دە، قاتاڭ، كۇردەلىگە»، ونان «ۇستەم تەگەۋرىن قالىپتاسۋ ۇستىندەگە» دەيىن، ونان ارى «ۇستەم جەڭىسكە قول جەتكىزۋگە» دەيىن، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى نىق قاداممەن العا ىلگەرىلەدى. بوران - شاشىندا اسقار تاۋداي مىزعىماي تۇرىپ، ارقا سۇيەر تىرەك بولدى.

شىرىكتەسۋگە قارسى تۇرۋ سىندى «جەڭىلىستى كوتەرمەيتىن ٴارى، استە، جەڭىلۋگە بولمايتىن كەلەلى ساياسي كۇرەس» الدىندا، باس شۋجي شي جينپيڭ تاريحي اۋىر مىندەتتى ىرىقتىلىقپەن ارقالاپ، تاۋدا جولبارىس بار ەكەنىن بىلە تۇرا، تاۋعا قاراي اتتانعان قايتپاس باتىلدىقپەن پارتيانىڭ بەكىمىنە، ارميانىڭ بەكىمىنە، حالىقتىڭ تىلەگىنە قول جەتكىزدى.

2017 - جىلى 10 - ايدا پارتيا 19 - قۇرىلتايىندا ماقۇلدانعان 18 - كەزەكتى ورتالىق ٴتارتىپ تەكسەرۋ كوميتەتىنىڭ قىزمەت بايانداماسىندا بىلاي دەپ ايقىن اتاپ كورسەتىلدى: «پارتيانىڭ ٴتارتىپ تەكسەرۋ قىزمەتىندە قول جەتكەن ناتيجەلەر، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ايقىن تۋ ۇستاۋىنىڭ، بەرىك تۇرعىسىنىڭ، قايسار ەرىك - جىگەر قاسيەتىنىڭ، باتىل، پارمەندى باسشىلىعىنىڭ ارقاسى».

وسى رەتكى جينالىستا، «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاۋ» پارتيا ۋستاۆىنا جازىلدى. بۇكىل پارتيادا ۇيتقى، پارتيا ورتالىق كوميتەتىندە بەدەل بولدى. «ەكىنى تۇراقتاندىرۋ» وزىنە - ٴوزى توڭكەرىس جاساۋعا پارمەندى ساياسي قامتاماسىزدىق ازىرلەدى.

چينليڭ − ەلىمىزدىڭ ماڭىزدى ەكولوگيالىق حاۋىپسىزدىك قالتقىسى. چينليڭ تاۋىنىڭ سولتۇستىك باۋرايىندا زاڭعا قايشى سالىنعان ساياجايلاردىڭ ۇزدىكسىز جارىققا شىعۋى جونىندە، باس شۋجي شي جينپيڭ 4 جىلدان استام ۋاقىتتا 6 رەت ماڭىزدى نۇسقاۋ بەرىپ، بەكىتۋ جازسا دا، كەيبىر لاۋازىمدىلار «كورىنىستە قولداعانسىپ، كومەسكىدە كەرىسىنشە ىستەپ»، قايتا - قايتا تيىم سالىنسا دا زاڭعا قايشى سالىنعان قۇرىلىستاردىڭ توقتاماۋىنا اپارىپ سوقتى.

بۇل جونىندە باس شۋجي شي جينپيڭ «ەڭ اۋەلى، ساياسي تارتىپتەن باستاپ تەكسەرۋدى» تالاپ ەتىپ، اقىرى بۇل تەرىس ستيل، بۇرىس سالتتى ٴونىمدى تەجەدى.

جاراتىلىستىق ەكولوگياعا قاتىستى ٴبىر ماسەلەدەن ساياسي ەكولوگيا ماسەلەسى اشىققا شىقتى.

شەشۋشى ساتتە الدىعا شىقپاي، ماڭىزدى قىزمەت ورنىندا تىرەك بولماي، پارتيا مۇشەلەرىنىڭ جاي بۇقارادان ايىرماشىلىعى بولمادى؛ پارتيادا بولعانىمەن پارتيانىڭ ٴسوزىن سويلەمەي، پارتيادا بولعانىمەن پارتيانى سۇيمەي، ٴتىپتى، پارتيا مۇشەسى ەكەنىن ايتۋدان ارلاندى؛ پارتيا ىشىندە «ساياسيدى دارىپتەۋ» از ايتىلاتىن بولدى، ساياسي تۇرمىسقا ەلەۋسىز قارالدى، نەمقۇرايدى قارالدى...

باس شۋجي شي جينپيڭ پارتيا ىشىندە ورىن تەپكەن بارلىق ماسەلەلەردىڭ ماندىك جاقتان تۇگەلدەي ساياسي ماسەلە ەكەندىگىن تەرەڭ باعامداپ، پارتيانى جاپپاي قاتاڭ باسقارۋعا، ەڭ الدىمەن ساياسي جاقتان قاراۋدى تالاپ ەتىپ، پارتيانى باسقارۋدىڭ، پارتيانى جونگە سالۋدىڭ كەڭ، بوس، ٴالسىز كۇيدەن قاتاڭ، تىعىز، بەرىك بولۋعا ٴوتۋىن ىلگەرىلەتتى.

پارتيا ورتالىق كوميتەتى ٴار جىلى «بەس ۇلكەن باسشىلىق القانىڭ» قىزمەتىنەن مالىمەت جانە ورتالىق كوميتەت شۋجيچۋىنىڭ قىزمەتىنەن بايانداما تىڭداعاندا، باس شۋجي شي جينپيڭ ورتالىقتاعى ٴبىرقىدىرۋ ەڭ جوعارى قۇرىلىمدارعا ٴوزى تىكەلەي جاۋاپتى بولىپ، پارتيانىڭ رەفورمانى تەرەڭدەتۋ، مەملەكەتتى زاڭمەن باسقارۋ، ەكونوميكا سياقتى كەلەلى قىزمەتتەرىنە باسشىلىعىن جاپپاي كۇشەيتتى... پارتيا ورتالىق كوميتەتى ورتاداعى قولباسشىلىق شاتىرىنداعى «باس قولباسشىعا» اينالىپ، سوعىس ارباسى، ات، زەڭبىرەكتەردىڭ ٴارقايسىسى ٴوز ارتىقشىلىقتارىن ساۋلەلەندىرىپ، ٴبىر شاحمات تاسىنىڭ جالپى جاعدايى ايقىندالدى.

2017 - جىلى 8 - ايدىڭ 30 - كۇنى ورتالىقتىڭ 18 - كەزەكتى شارلاۋى تولىق تابىسپەن اياقتالدى، بۇل ٴبىر كەزەك مىندەت وتەۋ مەرزىمىندە ورتالىقتىڭ شارلاۋىمەن جاپپاي قامتۋدىڭ پارتيا تاريحىندا تۇڭعىش رەت جۇزەگە اسىرىلعاندىعىن كورسەتتى.

جاپپاي قامتۋ شىنداپ كىرىسەتىن، قيىندىقتارمەن ايقاساتىن نيەتتى ايگىلەدى، ونان دا ماڭىزدىسى، پارتيانى تۇزىممەن باسقارۋدىڭ پاراساتىن ايگىلەدى.

ٴار كەزەك شارلاۋ اياقتاعاننان كەيىن، باس شۋجي شي جينپيڭ شارلاۋ مالىمەتىن ەگجەي - تەگجەيلى وقىپ شىعىپ، شارلاۋدا بايقالعان ماسەلەلەرگە باعالاۋ جاساپ، شارلاۋ قىزمەتىنىڭ ۇزدىكسىز تەرەڭدەۋىن ىلگەرىلەتتى.

ورتالىقتىڭ 18 - كەزەكتى شارلاۋ، ىزدەنىس جاساۋى بويىنشا ارناۋلى شارلاۋ ورىستەتۋىنەن، «يكەمدى ۇلگىدەگى» شارلاۋدى سىناق تۇيىنىندە ورىستەتۋدەن، «قايتا قاداعالاۋدى» العاش رەت ورىستەتۋدەن كەيىن، ورتالىقتىڭ 19 - كەزەكتى شارلاۋى «ٴبىرىنشى باسشى» مەن شەشۋشى ازشىلىقتى ٴجىتى قاداعالاپ، حالىق بۇقاراسىنىڭ اڭىسى كۇشتى بولىپ وتىرعان كورنەكتى ماسەلەلەردى ٴجىتى قاداعالاپ، تەگەۋرىندى ايبار كورسەتۋدىڭ، سەسكەندىرۋدى ۇدايى ساقتاۋدىڭ ايقىن سيگنالىن ۇزدىكسىز شىعاردى.

شارلاۋدى، باقىلاۋدى قامتىعان «تورتپەن جاپپاي قامتىعان» ۇقىقتى باقىلاۋ ارناسى بىرتىندەپ قالىپتاسىپ، پارتيانىڭ ٴتارتىپ تەكسەرۋى جانە مەملەكەتتىڭ باقىلاۋ - تەكسەرۋ ٴتۇزىلىسى رەفورماسى ۇزدىكسىز تەرەڭدەپ، پارتيا ىشىندەگى زاڭ ەرەجە، ٴتۇزىم جۇيەسى اناعۇرلىم اقاۋسىزداندى... ۇلى وزىنە - ٴوزى توڭكەرىس جاساۋدى ىلگەرىلەتۋدىڭ «ٴتورت ارقالىق، سەگىز تىرەۋى» ٴتۇزىم ساتىسىندا بەكەمدەلدى.

وزىنە - ٴوزى توڭكەرىس جاساۋدا تۇزىمدىك قامتاماسىزدىققا سۇيەنۋمەن بىرگە، يدەيالىق قۇرىلىسقا دا سۇيەنۋ كەرەك.

پارتيا 19 - قۇرىلتايى جابىلعاننان كەيىن كوپ وتپەي، باس شۋجي شي جينپيڭ جاڭا كەزەك ورتالىق كوميتەت ساياسي بيۋروسىنىڭ تۇراقتى مۇشەلەرىن باستاپ جۇڭگو كوممۋنيستىك پارتياسى 1 - قۇرىلتايىنىڭ جۇرتى مەن جياشيڭ نانحۋ كولىندەگى قىزىل قايىققا ىززەتپەن قاراپ، ارمان باستالعان جەردە بۇكىل پارتياعا «اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى كۇرەسۋ» ۇلى ۇندەۋىن تاستادى.

پارتيا قۇرىلعاندىعىنىڭ 100 جىلدىعى قارساڭىندا، باس شۋجي شي جينپيڭ جۇڭگو كوممۋنيستىك پارتياسى تاريحى كورمە سارايىنىڭ قىزىل زالىنا بارىپ، نارت قىزىل جۇڭگو كوممۋنيستىك پارتياسىنىڭ پارتيا تۋىنا قاراپ تۇرىپ، وڭ جۇدىرىعىن كوتەرىپ، پارتيالى باسشى جولداستاردى باستاپ پارتياعا كىرۋ سەرتىن قايتالاي ەسكە ٴتۇسىردى.

ۋاقىت پەن كەڭىستىك اۋىسىپ، 100 جىلدى كەسىپ ٴوتتى، اۋەلگى ماقساتتى بەكەمدەپ، بورىشتى الاۋلاتتى.

يان - انداعى باۋتاشان تاۋىنىڭ ەتەگىندەگى توڭكەرىستىڭ بايىرعى جۇرتىنان تايحاڭشان تاۋىنىڭ تۇكپىرىندەگى توڭكەرىستىك بازاعا دەيىن؛ يۇيدۋحى وزەنىنىڭ جاعالاۋىنداعى قىزىل ارميانىڭ ۇزاق جورىققا جينالىپ اتتانعان جەرىنەن دابيەشان تاۋىنداعى حۋبەي − حىنان − انحۇي سوۆەت رايونى ورتالىق قالاسىنداعى توڭكەرىستىك مۇراجايعا دەيىن... باس شۋجي شي جينپيڭ «جۇڭگونىڭ توڭكەرىستىك جورىق جولىن بويلاپ اۋەلگى ماقساتتى شىڭداپ»، بۇكىل پارتيانىڭ مۇرات الاۋىن جاعىپ، سەنىم نۇرىن جارقىراتتى.

باس شۋجي شي جينپيڭنىڭ ٴوزى جوسپارلاپ، ٴوزى ورنالاستىرىپ، ٴوزى ىلگەرىلەتۋىندە، پارتيا ىشىندەگى تالاي رەتكى شوعىرلى تاربيەلەر قالىڭ پارتيالى كادرلاردى كالتسي تولىقتاپ الۋەتتەندىرىپ، يدەيالىق قۇرىلىستى پارتيانىڭ نەگىزدىك قۇرىلىسى ەتىپ، وزىنە - ٴوزى توڭكەرىس جاساۋدى شىڭاپ، يدەيا قارۋىن قايرادى.

سالتتى دۇرىستاپ، ٴتارتىپتى قاتايتىپ، ەرەجە جاساپ، ٴتۇزىم ورناتىپ، ٴتۇبىردى بەكەمدەپ، نەگىزدى جەتىلدىردى، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ باسقارۋدىڭ «كەشەندى شاراسىن» شىعارىپ، جاڭا داۋىردەگى پارتيانىڭ وزىنە - ٴوزى توڭكەرىس جاساۋ ۇلى امالياتىن جۇزەگە اسىردى.

اينىماس «ەمتيحان تاپسىرۋ» بەينەسى − «<ەمتيحان تاپسىراتىن> سەرگەكتىكپەن جانە تاباندىلىقپەن جاڭا ٴداۋىر ساۋالناماسىنا ويداعىداي جاۋاپ بەردى»

2021 - جىلدىڭ ەڭ سوڭعى كۇنى، بەيجيڭ جۇڭنانحاي.

كونە جىلدى اتتاندىرىپ، جاڭا جىلدى قارسى العان ساتتە، 100 جىلدىق ۇلى پارتيانىڭ داڭقتى شاقتارىنا قايىرىلا قاراپ، شىت جاڭا سالىنعان كەڭ داڭعىلعا كوز جىبەرگەن، باس شۋجي شي جينپيڭ جاڭا جىلدى قۇتتىقتاۋ سوزىندە: «ٴبىز تەك وزىمىزگە ٴوزىمىز توڭكەرىس جاساۋعا باتىل بولعاندا عانا، تاريحي ىرىقتىلىققا قول جەتكىزە الامىز» دەپ ۇندەۋ تاستادى.

سونان ٴبىر ايدان استام ۋاقىتتىڭ الدىندا پارتيانىڭ ٴۇشىنشى تاريحي قارارى «وزىنە - ٴوزى توڭكەرىس جاساۋعا باتىل بولۋدى» 100 جىلدىق كۇرەستىڭ 10 تاريحي تاجىريبەسىنىڭ بىرەۋى ەتىپ، «ٴسوز جوق، بارىنشا قاستەرلەۋدى، ۇزاق ۋاقىت تاباندى بولۋدى ٴارى جاڭا ٴداۋىر امالياتىندا ۇزدىكسىز بايىتۋدى جانە دامىتۋدى» تالاپ ەتتى.

«ەمتيحان تاپسىرۋ» ماڭگى توقتامايدى، وزىنە - ٴوزى توڭكەرىس جاساۋ ماڭگى جالعاسادى.

الەمگە كوز جىبەرسەك، عاسىرلىق ىندەت جاعدايىندا دۇنيە ٴجۇزىنىڭ دامۋى جاڭا اۋمالى - توكپەلى وزگەرىس مەزگىلىنە ٴوتتى. اناعۇرلىم ورنىقسىز، تۇراقسىز سىرتقى ورتادا «جۇڭگو ٴنومىرلى» الىپ كەمەنىڭ رولىن قالاي ۇستاپ تولقىن جارا ورنىقتى قاداممەن الىسقا جەتۋ كەرەك؟

ەل ىشىنە نازار سالساق، سۇرانىستىڭ كەمەيۋى، قامداۋدىڭ سوققىسى، مەجەنىڭ السىرەۋى سىندى 3 قابات قىسىم الدىندا، جۇڭگو ەكونوميكاسىنىڭ قيىندىقتان ٴوتىپ، بيىكتەن اسىپ، ورنىقتىلىق بارىسىندا ىلگەرىلەۋىنە قالاي جەتەكشىلىك ەتۋ كەرەك؟ جاڭا تيپتى ايدارشا ۆيرۋس وكپە قابىنۋ ىندەتىنىڭ ٴالسىن - ٴالى قايتا تۋىلۋى قانداي جاڭا شارالاردى، ناقتى شارالاردى، باتىل شارالاردى شىعارۋدى قاجەت ەتەدى؟ كەدەيلىكتى ازايتۋ كەرەمەتىن جاراتۋدان كەيىن، اۋىل - قىستاقتى گۇلدەندىرۋدىڭ جاڭا كارتيناسىن قالاي كەستەلەۋ كەرەك؟


ٴوز بويىمىزعا باعامداي قاراساق، پارتيا ىشىندە ورىن تەپكەن يدەيا كىرشىكسىز بولماۋ، ساياسيدا كىرشىكسىز بولماۋ، ۇيىمدىق جاقتا كىرشىكسىز بولماۋ، ستيلدە كىرشىكسىز بولماۋ سياقتى كورنەكتى ماسەلەلەر ٴالى تۇبىرىنەن شەشىلگەن جوق، «ساياسي ميكروبتار» ٴالى دە كومەسكىدە وسۋدە، كەرەناۋ شىرىكتەسۋ مەن ناشار ستيل قايتادان قايىرىلا سوعا ما؟

جاڭا «ەمتيحان تاپسىرۋ» جولىندا باس شۋجي شي جينپيڭ بۇكىل پارتياعا ايقىن بەتالىس كورسەتتى: «پارتيامىز باستان - اياق ٴداۋىر اعىمىنىڭ ەڭ الدىڭعى لەگىندە تۇرسا، قامال الۋدىڭ، قيىندىقتى ەڭسەرۋدىڭ ەڭ الدىڭعى شەبىندە تۇرسا، ەڭ كەڭ حالىق بۇقاراسىنىڭ اراسىندا تۇرسا بولعانى، ماڭگى جەڭىمپاز ورىندا تۇراتىندىعى ٴشۇباسىز».

تاريحتىڭ العا ىلگەرىلەۋ لوگيكاسىندا العا ىلگەرىلەپ، ٴداۋىردىڭ دامۋ اعىمىندا دامۋ، بۇل جۇڭگو كوممۋنيستىك پارتياسىنىڭ ۇزدىكسىز جەڭىستەن - جەڭىسكە جەتىپ، تابىسقا جەتۋىنىڭ سىرى.

«ٴبىز ەگەر قۇلاقتى تىعىنداپ، كوزدى جۇمىپ 3 اي وتىرساق، دۇنيە جۇزىنەن ٴبىرتالاي ارتتا قالۋىمىز مۇمكىن». وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالاسى ماماندارى ۋاكىلدەرىمەن بولعان ٴبىر رەتكى اڭگىمە ماجىلىستە باس شۋجي شي جينپيڭ وسىلاي دەپ ىقىلاسپەن تاپسىردى.

«وزىق ماركسيزمدىك ساياسي پارتيا تۋىلا سالا تولىسپايدى، قايتا ۇزدىكسىز وزىنە - ٴوزى توڭكەرىس جاساۋ بارىسىندا شىڭدالىپ جەتىلەدى. بۇرىن وزىق بولسا، بۇگىن دە وزىق بولادى دەگەندىك ەمەس، بۇگىن وزىق بولسا، ماڭگى وزىق بولادى دەگەندى دە بىلدىرمەيدى.

سوعىس جىلدارىندا يان - انعا ساپارلاعاننان كەيىن حۋاڭ يانپەي تەبىرەنىپ: «مەنىڭ قاراۋىمشا، جۇڭگو كوممۋنيستىك پارتياسىنداعى دوستاردىڭ ەڭ قۇندى رۋحى ۇزدىكسىز جاقسارۋعا، ۇزدىكسىز ىلگەرىلەۋگە تالپىنۋ، وسىنداي رۋح تولىق ساۋلەلەنسە، بولاشاقتاعى ٴۇمىتى شەكسىز» دەگەن بولاتىن.

«ٴبىز ٴدوپ كەلەتىن حاۋىپ - قاتەرلەر، سىن - سايىستار بارعان سايىن كۇردەلىلەسە تۇسەدى، ٴتىپتى، ويعا دا كەلمەيتىن اساۋ تولقىندارعا جولىعامىز. ٴبىز ٴدوپ كەلەتىن ٴار ٴتۇرلى كۇرەس قىسقا ۋاقىتتىق ەمەس، قايتا ۇزاق ۋاقىتقا جالعاسادى، بۇل، كەم دەگەندە، ٴبىزدىڭ ەكىنشى 100 جىلدىق كۇرەس نىساناسىن جۇزەگە اسىرۋىمىزدىڭ جالپى بارىسىمەن بايلانىسىپ جاتادى»، «مىندەت اۋىرلاسقان سايىن، حاۋىپ - قاتەر، سىن - سايىستار زورايعان سايىن، وزىنە - ٴوزى توڭكەرىس جاساۋ رۋحىن سولعۇرلىم ساۋلەلەندىرۋ كەرەك»، باس شۋجي شي جينپيڭ ۇزاق العا ىلگەرىلەۋ جولى جونىندە توتەنشە سەرگەك تانىمعا يە.

جاڭا جورىقتا ٴتۇرلى جاپا - ماشاقات، قيىنشىلىق، حاۋىپ - قاتەر، كەدەرگى، اساۋ اعىن، قاتەرلى قايراڭ الدىندا، بۇكىل پارتيا جوعارى مەن تومەن بولىپ وزىنە - ٴوزى تۇبەگەيلى توڭكەرىس جاساۋ رۋحىن اسقاقتاتىپ، جاسامپازدىق قۋاتتى، ۇيىستىرۋ قۋاتىن، جاۋىنگەرلىك قۋاتتى ۇزدىكسىز كۇشەيتكەندە عانا، ەڭ قيىن ماسەلەگە اۋىز سالاتىن، ەڭ اۋىر جۇكتى كوتەرەتىن، ەڭ كۇردەلى ىستەردى ٴبىر جاقتى ەتەتىن قابىلەتكە يە بولىپ، داعدارىستان جاڭا وراي جەتىلدىرىپ، وزگەرىس بارىسىندا جاڭا جاعداي اشا الادى.

تەك «ەكىنى قورعاۋدى» ۇزدىكسىز پارتيانىڭ ەڭ جوعارى ساياسي پرينسيبى مەن ٴتۇبىرلى ساياسي قاعيداسى ەتىپ، پارتيانىڭ ساياسي قۇرىلىسىن ٴبىر تۇتاس باسشىلىققا الۋعا تاباندى بولىپ، باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسقاندا عانا، بۇكىل پارتيانىڭ، بۇكىل ەلدىڭ كۇشىن اناعۇرلىم ىنتىماقتاستىرىپ، ۇلتتىڭ گۇلدەنۋىنىڭ تەلەگەي ۇلى كۇشىن ۇيىستىرۋعا بولادى.

ٴبىر ساياسي پارتيا ٴۇشىن، ەڭ قيىنى سان وزگەرىستى باستان كەشىرسە دە اۋەلگى ماقساتتى وزگەرتپەۋ، تالاي ىستىق - سۋىقتى باستان وتكىزسە دە اۋەلگى قاسيەتىن باياعىسىنداي ساقتاۋ.

2022 - جىلعى مەملەكەتتىك ەكى ٴماجىلىس كەزىندە جياڭسۋدىڭ جىنجياڭىنان كەلگەن مەملەكەتتىك حالىق قۇرىلتايىنىڭ ۋاكىلى نيە يۇڭپيڭ ٴبىر ەرەكشە تەلەفون قابىلدادى.

تەلەفوننىڭ انا باسىندا 80 نەشە جاستاعى قاريا سۇي رۇڭحاي: «سەن ٴبىزدىڭ جىنجياڭنىڭ ۋاكىلىسىڭ، مەن سەن ارقىلى باس شۋجيگە ٴسىز بۇكىل ەل حالقىنىڭ باقىت جۇلدىزىسىز. وسى جىلداردا كوممۋنيستىك پارتيامىزدىڭ حالىق بۇقاراسىنىڭ اراسىنداعى بەدەلى قايتىپ ورالدى دەگەندى ايتقىم كەلەدى» دەدى.

ادامداردىڭ ٴالى ەسىندە، 2014 - جىلى 12 - ايدىڭ 13 - كۇنى باس شۋجي شي جينپيڭ جىنجياڭدا قىزمەت تەكسەرگەندە سۇي رۇڭحاي كوپتىڭ الدىنا قىسىلا ٴجۇرىپ شىعىپ، باس شۋجيدىڭ قولىن مىقتاپ ۇستاپ: «ٴسىز شىرىكتەسكەن ەلەمەنتتەردىڭ قاس جاۋىسىز، بۇكىل ەل حالقىنىڭ باقىت جۇلدىزىسىز!» دەگەن بولاتىن.

قاريانىڭ شىن ىقىلاستى تەبىرەنىسى ميللياردتاعان جۇڭگو حالقىنىڭ شىنايى قولداۋىنا ۋاكىلدىك ەتتى.

«ٴداۋىر − ەمتيحان الۋشى، ٴبىز − ەمتيحان تاپسىرۋشىمىز، حالىق − ەمتيحان تەكسەرۋشى». ٴبىر پارتيا ۇزاق ۋاقىت بيلىك جۇرگىزە الۋ - الماۋدا، باستىسى، حالىق بۇقاراسىمەن بايلانىسىنا، حالىق بۇقاراسىنىڭ قولداعان - قولداماعاندىعىنا، رازى بولعان - بولماعاندىعىنا قاراۋ كەرەك.

«حالىق بۇقاراسىنىڭ ەڭ كەكتەنەتىنى شىرىكتەسۋ، ٴبىز، ٴسوز جوق، حالىق تىلەگىنە ۇيلەسۋىمىز كەرەك»، ٴسوز جوق، «جولبارىس سوعۋدى»، «شىبىن قاعۋدى»، «تۇلكى اۋلاۋدى» توقتاتپاۋىمىز كەرەك دەگەندى ەستە بەرىك ساقتادى؛ «حالىق بۇقاراسى نەگە قارسى تۇرسا، نەگە كەكتەنسە، ٴبىز سونان باتىل ساقتانۋىمىز جانە وعان سوققى بەرۋىمىز»، ٴسوز جوق، نايزا ۇشىن حالىق جەك كورگەن، حالىقتىڭ مۇددەسىنە زيان سالعان ارەكەت، ستيل اتاۋلىعا كەزەۋىمىز كەرەك دەگەندى امالياتتا ايگىلەدى...

باس شۋجي شي جينپيڭ اتاپ كورسەتكەندەي، «پارتيا مۇشەلەرىنىڭ، كادرلاردىڭ اۋەلگى ماقساتىنىڭ وزگەرگەن - وزگەرمەگەندىگىنە، بورىشىن ەستە بەرىك ساقتاعان - ساقتاماعاندىعىنا بۇقارا باعا بەرەدى، اماليات سىننان وتكىزەدى. ٴبىزدىڭ ەسىكتى جاۋىپ الىپ وزىمىزگە توڭكەرىس جاساۋىمىزعا بولمايدى».

شانبەيدىڭ جەر كەپەسىنەن تۋىلعان «حالىقتىڭ باقىلاۋىنان» ۇزاق ۋاقىت بيلىك جۇرگىزۋدى تياناق ەتىپ ورتاعا قويعان «وزىنە - ٴوزى توڭكەرىس جاساۋعا» دەيىن تاريحتىڭ پەريودىنان اتتاپ ٴوتۋدىڭ ەكى جاۋابى ٴوزارا نۇر - شۇعىلا شاشىپ، «حالىقتىڭ قۇپتاۋ - قۇپتاماۋى − پارتيانىڭ ٴومىر ٴسۇرۋى مەن قۇرىپ - جوعالۋىنا سايادى!» دەگەن بىردەي اقيقاتتى ساۋلە شاشتىردى.

ٴبىز «حالىقتىڭ مۇددەسى ۇشىن جاقسىعا تاباندى بولىپ، حالىقتىڭ مۇددەسى ٴۇشىن قاتەنى تۇزەتسەك» بولعانى، پارتيامىزدىڭ ىستەرى، ٴسوز جوق، ٴتىپتى دە گۇلدەنىپ، ماڭگى وركەندەيدى.

اسىپ كوكتەن كولبەگەن ٴداۋ كۇنلۇن، ەلدىڭ مىزعىماس تىرەگى بولعان وسى شىڭ.

شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو كوممۋنيستىك پارتياسى باستان - اياق حالىقپەن بىرگە ويلاپ، بىرگە ىستەپ، ۇلى وزىنە - ٴوزى توڭكەرىس جاساۋمەن ۇلى قوعامدىق توڭكەرىسكە جەتەكشىلىك ەتىپ، ۇلى قوعامدىق توڭكەرىس ارقىلى ۇلى وزىنە - ٴوزى توڭكەرىس جاساۋدى جەبەپ، ميللياردتاعان جۇڭگو حالقىن ىنتىماقتاستىرىپ، باستاپ، جاڭا داۋىردە، جاڭا جورىقتا ٴتىپتى دە ۇلى جەڭىس پەن داڭققا قول جەتكىزەتىندىگى ٴسوزسىز.


شينحۋا اگەنتتىگىنىڭ 6 - ايدىڭ 29 - كۇنى بەيجيڭنەن بەرگەن حابارى (تىلشىلەر جاڭ شياۋسۇڭ، جۋ جيچاي، ديڭ شياۋشي، حۋاڭ يۋە، گاۋ لەي، سۇن شاۋلۇڭ، جاڭ يان)