− پارتيا 18 - قۇرىلتايىنان بەرى جوعارى ساپالى دامۋدى ىلگەرىلەتكەندىگى جونىندە شولۋ

دامۋ − پارتيانىڭ بيلىك جۇرگىزىپ، مەملەكەتتى گۇلدەندىرۋىندەگى ماڭداي الدى كەلەلى ٴىس، جاڭا ٴداۋىردىڭ جاڭا كەزەڭىندەگى دامۋ، ٴسوز جوق، جوعارى ساپالى دامۋ بولۋ كەرەك.

پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى حالىقارانىڭ، ەل ٴىشىنىڭ كەلەلى جاعدايىن، زور اۋقىمىن باعامداپ، بيىكتە تۇرىپ الىسقا كوز جىبەرىپ، جوسپار جاساپ، جاڭا دامۋ كەزەڭىن دالمە - ٴدال يگەرىپ، جاڭا دامۋ ۇستانىمىن جالپى بەتتىك دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جۇڭگو ەكونوميكاسىنىڭ جوعارى ساپالى دامۋ ارناسىن بويلاپ اناعۇرلىم جارقىن بولاشاققا قادام تاستاۋىنا جەتەكشىلىك ەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم مىعىم ماتەريالدىق نەگىز ازىرلەدى.

جۇڭگو ەكونوميكاسى جوعارى ساپالى دامۋ كەزەڭىنە بۇرىلىس جاسادى

9 - ايدا 2022 - جىلعى دۇنيە جۇزىلىك جاساندى زەردە جينالىسى، 2022 - جىلعى مەملەكەتتىك ارنايىلانعان، كەمەلدەنگەن، ەرەكشە، جاڭا ورتا، شاعىن كاسىپورىندار دامۋ جينالىسى، 22 - كەزەكتى جۇڭگو حالىقارالىق قارجى قوسۋ، ساۋدا كەڭەسى... سىندى ٴبىر قىدىرۋ ماڭىزدى قيمىلدار شوعىرلى وتكىزىلىپ، دۇنيە ٴجۇزىنىڭ جۇڭگو ەكونوميكاسىنىڭ جوعارى ساپالى دامۋىن باقىلايتىن تەرەزەسىنە اينالدى.

پارتيا 19 - قۇرىلتايىندا ەلىمىز ەكونوميكاسى جوعارى قارقىندى ارتۋ كەزەڭىنەن جوعارى ساپالى دامۋ كەزەڭىنە بۇرىلىس جاسادى دەپ ايقىن ورتاعا قويىلدى. بۇل كەلەلى تۇجىرىم جاڭا داۋىردەگى ەلىمىز ەكونوميكاسى دامۋىنىڭ نەگىزگى ەرەكشەلىگىن ايقىن كورسەتتى.

باس شۋجي شي جينپيڭ كوپتەگەن ماڭىزدى ورىنداردا، جوعارى ساپالى دامۋدىڭ نە ەكەندىگىنە، قايتكەندە جوعارى ساپالى دامۋدى جۇزەگە اسىرۋعا بولاتىندىعى جونىندە تەرەڭ تۇسىندىرۋلەر جاسادى:

«جوعارى ساپالى دامۋ دەگەنىمىز حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن وتە جاقسى قاناعاتتاندىرا الاتىن دامۋ»، «جوعارى ساپالى دامۋ دەگەنىمىز <بار ما، جوق پا> دەگەننەن <جاقسى ما، ەمەس پە> دەگەنگە قاراي بۇرىلىس جاساۋ»، «جوعارى ساپالى دامۋ تەك ەكونوميكالىق تالاپ قانا ەمەس، قايتا ەكونوميكالىق، قوعامدىق دامۋدىڭ ٴار جاعىنىڭ جالپى تالابى».

بۇل جۇڭگو ەكونوميكاسىن قايتالاي سومداعان ۇلى باستاما − جوعارى ساپالى دامۋدى ىلگەرىلەتۋ ەكونوميكانىڭ ۇزدىكسىز اقاۋسىز دامۋىن ساقتاۋدىڭ قاجەتتى تالابى، ەلىمىز قوعامىنداعى باستى قايشىلىقتىڭ وزگەرىسىنە جانە جاپپاي دوڭگەلەك داۋلەتتى قوعام ورناتۋعا، جاپپاي سوتسياليستىك وسىزاماندانعان مەملەكەت قۇرۋعا ۇيلەسۋدىڭ قاجەتتى تالابى، ەكونوميكالىق زاڭدىلىققا بويسۇنىپ دامۋدىڭ قاجەتتى تالابى.

ۋاقىت تەگەرشىگىن 2012 - جىلعا قايتارايىق. ول كەزدەگى جۇڭگو ٴبىر جاڭا تاريحي وتكەلگە جەتىپ، ۇتىمسىز دامۋ ٴتاسىلى جالعاسۋعا امالسىز قالۋ، دامۋ ٴالى دە بىركەلكى بولماۋ، تولىق بولماۋ سياقتى كوپتەگەن «دامۋدان كەيىنگى ماسەلەلەر» شەشۋدى كۇتىپ تۇرعان بولاتىن.

باس شۋجي شي جينپيڭ تەرەڭدەي وي جۇگىرتتى ٴارى ٴبىر قىدىرۋ ماڭىزدى تۇجىرىمداردى ورتاعا قويىپ، ماڭىزدى نۇسقاۋلار بەردى:

حالىقتى وزەك ەتكەن دامۋ يدەياسىنا تاباندى بولۋدان جاي عانا ىشكى ٴوندىرىس جالپى ٴونىم قۇنىنىڭ ارتۋىمەن كۇپيمەۋدى ايقىن ورتاعا قويۋعا دەيىن، ەلىمىزدىڭ ەكونوميكالىق دامۋىنىڭ «ٴۇش مەزگىل قاباتتاسقان» مەزگىلدە تۇرعاندىعىنا تۇجىرىم جاساۋدان ەلىمىزدىڭ ەكونوميكالىق دامۋى «جاڭا تۇراقتى كۇيگە» وتكەندىگىن اتاپ كورسەتۋگە دەيىن، بازارعا بايلىقتى جايعاستىرۋدا شەشۋشى رول اتقارتۋدان قامداۋ جاعىنداعى قۇرىلىمدىق رەفورمانى كۇش سالا كۇشەيتۋدى باسا دارىپتەۋگە دەيىن... بۇل ٴبىر قىدىرۋ تەرەڭ جوسپارلار ەكونوميكالىق قۇرىلىستىڭ جوعارى ساپالى دامۋ ارقىلى تىڭ شارىقتاۋدى جۇزەگە اسىرۋىنا جەتەكشىلىك ەتتى.

10 جىلدان بەرى، ەلىمىز ەكونوميكاسى اناعۇرلىم جوعارى ساپالى، اناعۇرلىم ٴونىمدى، اناعۇرلىم ٴادىل، اناعۇرلىم باياندى، اناعۇرلىم حاۋىپسىز دامۋ جولىنا قادام تاستادى −

ەكونوميكالىق جالپى شامانىڭ الەمدىك ەكونوميكادان يەلەگەن ۇلەسى %11.4 تەن %18 تەن استامعا جوعارىلاپ، دۇنيە ٴجۇزى ەكونوميكاسىنىڭ ارتۋىنا قوسقان ۇلەسى جالپى تۇلعالىق جاقتان %30 توڭىرەگىندە ساقتالدى؛ جاساۋ كاسىبىنىڭ ارتقان قۇنىنىڭ بۇكىل الەمدە يەلەگەن ۇلەسى %22.5 تەن %30 كە جوعارىلاپ، بىرلىك GDP دىڭ كومىر قىشقىل گازىن شىعارۋ شاماسى جيىنى %34 تومەندەدى؛ دۇنيە جۇزىندەگى كولەمى ەڭ زور قوعامدىق قامتاماسىزداندىرۋ جۇيەسى قۇرىلىپ، جاپپاي دوڭگەلەك داۋلەتتى قوعام ورناتىلىپ، مۇلدەم كەدەيلىك ماسەلەسى تاريحي سيپاتتى شەشىلدى.

«14 - بەسجىلدىققا» وتكەندە، ەلىمىز جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىنا تاعى دا قادام قويدى.

باس شۋجي شي جينپيڭ بىلاي دەپ اتاپ كورسەتتى: «جوعارى ساپالى دامۋ <14 - بەسجىلدىقتا>، ٴتىپتى، ونان دا ۇزاق مەزگىلدە ەلىمىزدىڭ ەكونوميكالىق، قوعامدىق دامۋىنىڭ نەگىزگى تاقىرىبى بولادى»، «جاڭا ٴداۋىردىڭ جاڭا كەزەڭىندەگى دامۋدا، ٴسوز جوق، جاڭا دامۋ ۇستانىمىن دايەكتىلەندىرۋ، ٴسوز جوق، جوعارى ساپالى دامۋ بولۋ كەرەك».

جاڭا جورىقتا، ٴتىپتى دە كوپ ٴتيىمسىز سىرتقى ورتا الدىندا، تەك جوعارى ساپالى دامۋ نەگىزگى تاقىرىبىن ەكونوميكالىق، قوعامدىق دامۋدىڭ ٴار سالاسىمەن جانە تۇتاس بارىسىمەن ساباقتاستىرىپ، شىنايى يگەرىپ، ناقتى ىستەپ، ۇزاق ۋاقىت ەڭبەك ەتكەندە عانا، ٴتۇرلى حاۋىپ - قاتەرلەرگە، سىن - سايىستارعا اناعۇرلىم ويداعىداي قارسى تۇرىپ، جوعارى ساپالى دامۋ مەن جوعارى ورەدەگى حاۋىپسىزدىكتىڭ ٴتيىمدى ىقپالداستىعىن جۇزەگە اسىرۋعا بولادى.

جاڭا دامۋ ۇستانىمى دامۋدىڭ جالپى جاعدايىنا ساياتىن تەرەڭ وزگەرىستەردى باستادى

2022 - جىلى 9 - ايدىڭ 6 - كۇنى، ورتالىق رەفورمانى جاپپاي تەرەڭدەتۋ كوميتەتىنىڭ 27 - رەتكى ٴماجىلىسى «سوتسياليستىك بازار شارۋاشىلىعى شارت - جاعدايىندا شەشۋشى، وزەكتى تەحنيكادان قامال الۋدىڭ جاڭاشا بۇكىل مەملەكەتتىك ٴتۇزىلىسىن اقاۋسىزداندىرۋ جونىندەگى پىكىر» قاتارلى 5 ماڭىزدى قۇجاتتى قاراپ ماقۇلدادى، بۇل قۇجاتتاردىڭ بارلىعى جاڭا دامۋ ۇستانىمىن ايگىلەپ، جوعارى ساپالى دامۋعا سايدى.

«جاڭا دامۋ ۇستانىمىن تولىق، دالمە - ٴدال، جاپپاي دايەكتىلەندىرۋ كەرەك»، - دەپ باسا دارىپتەدى باس شۋجي شي جينپيڭ ٴماجىلىستى باسقارعاندا.

ۇستانىم − ارەكەتتىڭ جەتەكشىسى. دامۋ ۇستانىمىنىڭ دۇرىس بولۋ - بولماۋى دامۋدىڭ ونىمدىلىگىن، ٴتىپتى، ٴساتتى - ٴساتسىز بولۋىن تۇبىرىنەن بەلگىلەيدى.

2015 - جىلى 10 - ايدا، پارتيا 18 - كەزەكتى ورتالىق كوميتەتىنىڭ بەسىنشى جالپى ٴماجىلىسى جاڭالىق اشا، سايكەستى، جاسىل، اشىق، بىرگە يگىلىكتەنۋ سىندى جاڭا دامۋ ۇستانىمىن ورتاعا قويىپ، پارتيامىزدىڭ ەكونوميكالىق، قوعامدىق دامۋدىڭ زاڭدىلىعى جونىندەگى تانىمىنىڭ تەرەڭدىگىن شوعىرلى بەينەلەدى.

2021 - جىلى 1 - ايدىڭ 11 - كۇنى، باس شۋجي شي جينپيڭ ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى بەسىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ زەرتتەۋ - تالقى كۋرسىندا بىلاي دەپ اتاپ كورسەتتى: «پارتيا 18 - قۇرىلتايىنان بەرى ٴبىز ەكونوميكالىق، قوعامدىق دامۋ جونىندە كوپتەگەن ماڭىزدى نازاريالار مەن ۇستانىمداردى ورتاعا قويدىق، ولاردىڭ ىشىندە جاڭا دامۋ ۇستانىمى ەڭ ماڭىزدى، ەڭ باستى ورىندا تۇرادى»، «بۇكىل پارتيا، ٴسوز جوق، جاڭا دامۋ ۇستانىمىن تولىق، دالمە - ٴدال، جاپپاي دايەكتىلەندىرۋ كەرەك».

جاڭا دامۋ ۇستانىمىن جەتەكشى ەتكەن ەلىمىز دامۋىنىڭ جالپى جاعدايىنا ساياتىن تەرەڭ وزگەرىس جالپى بەتتىك باستالدى −

جاڭالىق اشۋ ارقىلى دەم بەرۋمەن جوعارى ساپالى دامۋدىڭ جاڭا قوزعاۋشى كۇشىن جوعارىلاتتى.

2022 - جىلى 8 - ايدىڭ 17 - كۇنى، لياۋنيڭدا قىزمەت تەكسەرىپ جۇرگەن باس شۋجي شي جينپيڭ شىن - ياڭ شينسۇڭ ماشينا ادام اۆتوماتتاندىرۋ جارنا شەكتى سەرىكتەستىگىنە بارىپ، كاسىپورىننىڭ ٴوز كۇشىنە سۇيەنىپ جاڭالىق اشۋ جاعدايىن ٴتۇيىندى تۇردە تەكسەردى.

باس شۋجي بىلاي دەپ اتاپ كورسەتتى: «جاپپاي سوتسياليستىك وسىزاماندانعان قۇدىرەتتى مەملەكەت قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋدا، ٴسوز جوق، ٴوز كۇشىنە سۇيەنىپ جاڭالىق اشۋ جولىمەن ٴجۇرۋ كەرەك. ۋاقىت كۇتىپ تۇرمايدى دەگەن يدەيامەن عىلىم - تەحنيكادا ٴوز كۇشىمىزگە سۇيەنىپ، ٴوزىمىزدى الۋەتتەندىرىپ، <القىمداعان> ماسەلەلەردى ۋاقىتتى ۇتا وتىرىپ شەشىپ، شەشۋشى، وزەكتى تەحنيكالار مەن جابدىق جاساۋ كاسىبىن ٴوز قولىمىزدا قۇلشىنا يگەرۋىمىز كەرەك».

عىلىم - تەحنيكادا قۋاتتى ەل قۇرۋ كەلەلى شەشىمىن جاساپ، عىلىم - تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى مەملەكەت دامۋىنىڭ ستراتەگيالىق تىرەگى ەتتى... پارتيا 18 - قۇرىلتايىنان بەرى، باس شۋجي شي جينپيڭنىڭ جەتەكشىلىك ەتۋىندە، ەلىمىزدە تۇتاس قوعامدىق زەرتتەۋ - اشۋعا بەرىلگەن ۇسىنىلىمنىڭ ىشكى ٴوندىرىس جالپى ٴونىم قۇنىنان ۇستاعان ۇلەسى %1.91 تەن %2.44 كە جوعارىلاپ، الەمدىك جاڭالىق اشۋ كورسەتكىشىندەگى قاتارى 34 - ورىننان 12 - ورىنعا جوعارىلاپ، تيانگۇڭ، جياۋلۇڭ، بەيدوۋ قاتارلى ٴبىر توپ كەلەلى جاڭالىق اشۋ جەتىستىكتەرى جارىسا جارىققا شىعىپ، جوعارى ساپالى دامۋدى ىلگەرىلەتۋگە ٴتۇبىرلى تىرەك ازىرلەندى.

جاسىل دامۋمەن جوعارى ساپالى دامۋدىڭ نەگىزىن نىعايتتى.

كەزىندە، چينليڭنىڭ سولتۇستىك باۋرايىنداعى بەلگىلەمەگە قايشى تۇردە سالىنعان ساياجايلار بولىك - بولىك جاراقات ورىندارى سياقتى ادامنىڭ كوڭىلىن اۋىرتىپ تۇراتىن. چينليڭنىڭ ەكولوگيالىق ورتاسىن ويداعىداي قورعاۋ ٴۇشىن، باس شۋجي شي جينپيڭ ىلگەرىندى - كەيىندى 6 رەت ماڭىزدى نۇسقاۋ، بەكىتۋ جاساپ، ماسەلەنى رەتتەۋدى، وزگەرتۋدى، شەشۋدى ىلگەرىلەتتى.

«ماسەلەنى» ٴوزى ورتاعا قويىپ، ٴوزى «تەكسەرىپ وتكىزىپ الدى». پارتيا 18 - قۇرىلتايىنان بەرى، باس شۋجي شي جينپيڭ ەكولوگيالىق ورتانى اۋىر زيانداعان كەيبىر وقيعالار جونىندە ماڭىزدى نۇسقاۋ، بەكىتۋ جاساپ، قاتاڭ تەكسەرىپ ٴبىر جاقتى ەتۋدى، مىقتاپ ۇستاۋدى، تۇبەگەيلى يگەرۋدى، تۇبەگەيلى شەشپەيىنشە استە تاستاپ قويماۋدى تالاپ ەتتى.

2019 - جىلى 8 - ايدا، باس شۋجي شي جينپيڭ گانسۋدا قىزمەت تەكسەرگەندە: جاڭا دامۋ ۇستانىمىن دايەكتىلەندىرسەك بولعانى، تۇنىق سۋ، جاسىل تاۋ باعالى بايلىققا اينالادى، - دەپ باسا دارىپتەدى.

جاڭالىق اشۋ − دامۋعا جەتەكشىلىك ەتەتىن ٴبىرىنشى قوزعاۋشى كۇش، سايكەستى بولۋ − ۇزدىكسىز اقاۋسىز دامۋدىڭ ىشكى تالابى، جاسىل بولۋ − ماڭگى دامۋدىڭ قاجەتتى شارتى جانە حالىقتىڭ تاماشا تۇرمىسقا دەگەن تالپىنىسىنىڭ ماڭىزدى بەينەسى، اشىق بولۋ − مەملەكەتتىڭ گۇلدەنۋىنىڭ، دامۋىنىڭ ٴسوزسىز باسىپ وتەتىن جولى، بىرگە يگىلىكتەنۋ − جۇڭگوشا سوتسياليزمنىڭ ماندىك تالابى. جاڭا دامۋ ۇستانىمى دامۋدىڭ ماقساتى، قوزعاۋشى كۇشى، ٴتاسىلى، جولى سياقتى ٴبىر قىدىرۋ نازاريالىق جانە امالياتتىق ماسەلەلەرگە جاۋاپ بەردى.

باس شۋجي شي جينپيڭ بىلاي دەپ تەرەڭ اتاپ كورسەتتى: «جاڭا دامۋ ۇستانىمى مەن جوعارى ساپالى دامۋ ىشكى ٴبىر تۇتاستىققا يە، جوعارى ساپالى دامۋ دەگەنىمىز جاڭا دامۋ ۇستانىمىن ايگىلەيتىن دامۋ سانالادى».

جاڭا جورىققا اتتانعاندا، جاڭا دامۋ ۇستانىمى جۇڭگو ەكونوميكاسىنىڭ جوعارى ساپالى دامۋدىڭ داڭعىل جولىندا تاباندىلىقپەن العا ىلگەرىلەۋىنە جەتەكشىلىك ەتۋدە.

جاڭا دامۋ ارناسىن قالىپتاستىرۋ بارىسىندا تىڭ ىسكەرلىك كورسەتتى

«باعاسى ەداۋىر جوعارى لاما ويىنشىعىنىڭ مۇنداي قارسى الۋعا بولەنەتىنىن ويلاماعان ەكەنمىن»، «بارلىق التى ٴتۇرلى دامدەگى شريلانكا قىزىل شايى تۇگەل ساتىلىپ كەتتى»، «كەلەر جىلى ٴتىپتى دە ۇلكەن كورمە ورنىنا ٴوتىنىش ەتەمىز»...

جاقىندا عانا اياقتالعان 2022 - جىلعى قىزمەت وتەۋ ساۋداسى جينالىسىندا، كورمەگە قاتىناسقان كوپتەگەن شەتەلدىك ساۋداگەرلەردىڭ جۇرەك ٴۇنى جۇڭگونىڭ ەرەكشە كولەمدى بازارىنىڭ باۋرامدىلىعىن ايگىلەدى. جاڭا دامۋ ارناسىن قالىپتاستىرۋدىڭ تىڭعىلىقتى ىلگەرىلەۋىنە ىلەسە، جۇڭگو بازارىنىڭ الۋەتى ۇزدىكسىز جاندانىپ، دۇنيە جۇزىندەگى ٴار ەلمەن ٴوزارا تيىمدىلىك جەتكىزىپ، تەڭ يگىلىككە كەنەلۋدە.

بۇل، دامۋدىڭ ىرىقتىلىق ۇقىعىن يگەرۋدىڭ اتويشىسى. عاسىرلىق ىندەت توسىننان تۋىلىپ، الەمدىك ەكونوميكا اۋىر سوققىعا ۇشىرادى. 2020 - جىلى 3 - ايدىڭ اياعىندا، باس شۋجي شي جينپيڭ جىجياڭعا بارىپ، جۇمىستى، ٴوندىرىستى قالپىنا كەلتىرۋ جاعدايىن تەكسەردى.

باس شۋجي جول بويى كورە ٴجۇرىپ تولعاندى: «مەنىڭشە، قازىرگى جاعداي باسقاشا، مولىنان كىرگىزىپ، مولىنان شىعاراتىن ورتا شارت - جاعدايى وزگەردى، ٴسوز جوق، جاڭا جاعدايعا نەگىزدەلىپ، دامۋعا جەتەكشىلىك ەتەتىن جاڭا وي جەلىسىن ورتاعا قويۋ كەرەك».

2020 - جىلى 4 - ايدىڭ 10 - كۇنى، ورتالىق قازىنا كوميتەتىنىڭ 7 - رەتكى ماجىلىسىندە، باس شۋجي شي جينپيڭ جاڭا دامۋ ارناسىن قالىپتاستىرۋدى العاش رەت ورتاعا قويدى.

وسىدان كەيىن، پارتيا 19 - كەزەكتى ورتالىق كوميتەتىنىڭ بەسىنشى جالپى ٴماجىلىسى جاڭا دامۋ ارناسىن قالىپتاستىرۋعا جالپى بەتتىك ورنالاستىرۋ جاسادى. «14 - بەسجىلدىق» جوبا مەن 2035 - جىلعا دەيىنگى ۇزاق بولاشاقتىق نىسانا باعدارلاماسى «قۋاتتى ەل ٴىشى بازارىن تۇلعالاپ، جاڭا دامۋ ارناسىن قالىپتاستىرۋعا» ارناۋلى تاراۋ بويىنشا تۇسىندىرمە جاسادى.

كەلەلى جاعدايدى كوزدە ۇستاپ، اۋقىمعا ۇيلەستى، باس شۋجي شي جينپيڭ ەلىمىزدىڭ ورتا، ۇزاق مەزگىلدىك دامۋىنا ستراتەگيالىق جوبا جاسادى −

«جوعارى ساپالى دامۋدى ىلگەرىلەتۋدە تىڭ جول سالىپ، جاڭا دامۋ ارناسىن قالىپتاستىرۋ بارىسىندا تىڭ ىسكەرلىك كورسەتۋ كەرەك»، «ىشكى سۇرانىستى كەڭەيتۋ سىندى ستراتەگيالىق نەگىزگى ٴتۇيىندى مىقتاپ يگەرىپ، جاڭا دامۋ ارناسىن قالىپتاستىرۋدىڭ ٴونىمدى جولىنا قۇلشىنا ىزدەنىس جاساۋ كەرەك»، «ٴبىزدىڭ جاڭا دامۋ ارناسىن قالىپتاستىرۋدى باسا دارىپتەۋىمىز ەسىكتى جاۋىپ الىپ قۇرىلىس جۇرگىزۋ ەمەس، قايتا ەسىك اشۋدى ۇزدىكسىز كەڭەيتۋ بولىپ تابىلادى»...

مەيلى ەل ىشىندەگى قىزمەت تەكسەرۋدە، اڭگىمە ماجىلىستە بولسىن، الدە حالىقارالىق ماجىلىستەرگە قاتىناسقاندا بولسىن، باس شۋجي شي جينپيڭ جاڭا دامۋ ارناسىن قالىپتاستىرۋعا تالاي رەت تۇسىنىك جانە ورنالاستىرۋ جاسادى.

كەمەلدى ىشكى سۇرانىس جۇيەسىن جەدەل جەتىلدىرۋ، عىلىم - تەحنيكادا ٴوزىن الۋەتتەندىرۋدى، ٴوزىن كۇشەيتۋدى جەدەلدەتۋ، كاسىپ تىزبەگىنىڭ، قامداۋ تىزبەگىنىڭ جاقسارۋىن، دارەجەسىنىڭ جوعارىلاۋىن ىلگەرىلەتۋ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن ىلگەرىلەتۋ، حالىقتىڭ تۇرمىس ساپاسىن جوعارىلاتۋ، حاۋىپسىز دامۋ سىندى تومەنگى شەكتى مىقتاپ ساقتاۋ... ماڭىزدى كۇش سالۋ تۇيىندەرىن ويداعىداي يگەرىپ، جاڭا دامۋ ارناسىن قالىپتاستىرۋدى جەدەل تياناقتاندىردى.

«جوعارى ولشەمدى بازار جۇيەسىن قۇرۋ ارەكەتى جوباسىن» باسىپ تاراتىپ، «جاڭا دامۋ ارناسىن قالىپتاستىرۋدى جەدەلدەتۋ جونىندەگى جەتەكشى پىكىردى» ماقۇلداپ، گۋاڭجوۋ جارمەڭكەسى، تۇتىنۋ بۇيىمدارى كورمەسى، قىزمەت وتەۋ ساۋداسى جينالىسى، يمپورت بۇيىمدار كورمەسى سياقتى ٴبىر قىدىرۋ حالىقارالىق ەكونوميكا - ساۋدا سالتاناتتى جينالىستارىن وتكىزىپ، 21 ەركىن ساۋدا سىناق رايونىن ٴبىر تۇتاس جوسپارلاپ ىلگەرىلەتىپ، وڭىرلىك جان - جاقتى ەكونوميكالىق سەرىك قارىم - قاتىناسى كەلىسىمىن رەسمي كۇشكە يە ەتىپ، «ٴبىر بەلدەۋ، ٴبىر جولدى» بىرگە قۇرۋدىڭ دوستار شەڭبەرىن 149 مەملەكەتكە، 32 حالىقارالىق ۇيىمعا كەڭەيتتى... رەفورما جاساۋ، ەسىك اشۋدان قوزعاۋشى كۇش العان ەلىمىزدىڭ جوعارى ساپالى دامۋىنىڭ باسەكەلىك قۋاتى ۇزدىكسىز كۇشەيدى.

باس شۋجي شي جينپيڭ بىلاي دەپ باسا دارىپتەدى: «جاڭا دامۋ ارناسىن جەدەل قالىپتاستىرۋدا، ٴار ٴتۇرلى الدىن الا بايقاۋعا بولاتىن جانە الدىن الا بايقاۋ قيىن دولى داۋىل، سۇراپىل نوسەر، اساۋ تولقىنداردا ٴوزىمىزدىڭ ٴومىر ٴسۇرۋ قابىلەتىمىزدى، باسەكەلىك قابىلەتىمىزدى، دامۋ قابىلەتىمىزدى، جالعاستىرۋ قابىلەتىمىزدى كۇشەيتىپ، جۇڭحۋا ۇلتىنىڭ ۇلى گۇلدەنۋ ٴۇردىسىنىڭ كەنجەلەمەۋىنە، ٴتىپتى، ٴۇزىلىپ قالماۋىنا شىنايى كەپىلدىك ەتۋىمىز كەرەك».

تولقىن جارا العا ىلگەرىلەپ، رول ۇستاپ، باعدار بەلگىلەدى.

شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، وراي مەن اۋقىمدى ٴداپ باسىپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى تاباندىلىقپەن ىلگەرىلەتسەك، ەلىمىزدىڭ وسىزاماندانعان قۇدىرەتتى مەملەكەتكە قادام تاستاۋ جولى اناعۇرلىم ايقىن، قادامى اناعۇرلىم بەرىك بولا بەرمەك.

شينحۋا اگەنتتىگىنىڭ 9 - ايدىڭ 11 - كۇنى بەيجيڭنەن بەرگەن حابارى (تىلشىلەر شيە شيياۋ، پان جيە، ليۋ شياسۇن)