انار بۇلت/شينجياڭ گازەتى حابارى (ءتىلشى سۋ لۋپيڭ). 9 - ايدىڭ 23 - كۇنى كەشتە ىلە قازاق اۆتونوميالى وبلىستىق حالىق ۇكىمەتىنىڭ اقپارات كەڭسەسى ىندەتتەن ساقتانۋ - تىزگىندەۋ جونىندە اقپار جاريالاۋ ءماجىلىسىن اشتى. ماجىلىستە ىلە وبلىستىق حالىق ۇكىمەتىنىڭ ورىنباسار باس حاتشىسى زىڭ جۇنفىڭ ىلە وبلىسىنداعى بۇقارا كوڭىل ءبولىپ وتىرعان اۋىل شارۋاشىلىق وندىرىسىندەگى ماسەلەلەردى شەشۋ جاعدايىن حابارلادى.

وسى رەتكى ىندەت تۋىلعاننان كەيىن ىلە وبلىسىنداعى، اۋداندارداعى اۋىل شارۋاشىلىعى، اۋىل - قىستاق تاراۋلارى تالاپ - تىلەكتەردى قابىلداۋ ارناسىن ىركىلىسسىزدەندىرىپ، دەر كەزىندە قوعامعا ىستىق لەنيالى ارناۋلى تەلەفون ءنومىرىن جاريالاپ، اڭىس ەتىلگەن ماسەلەلەر جونىندە بايلانىس جاساۋدى، تىلدەسۋدى كۇشەيتىپ، دەر كەزىندە ۇيلەسىمدى ءبىر جاقتى ەتتى.

ءبىرىنشى، اۋىل شارۋاشىلىق ماشينالارى، كومبايندار جەتكىلىكسىز بولۋ ماسەلەسىنە قاراتا اۋىل شارۋاشىلىق ماشينا جابدىقتارىن ءبىر تۇتاس سايكەستىرىپ، اۋدان، قالا اتتاپ ورۋ جۇمىسىنا عىلمي جەتەكشىلىك ەتتى، ەگىس داقىلدارى دەر كەزىندە ورىلىپ، ءبىر ميلليون 995 مىڭ مۋ جەردەگى ءبيداي جينالىپ، جوسپارداعى مىندەت %100 ورىندالدى، 945 مىڭ مۋ جەردەگى كۇزگى جيىن - تەرىن ورىندالىپ، ەگىس داقىلدارىن ءتۇيىر ءداندى دە قالدىرماي قامبالاۋعا كەپىلدىك ەتىلدى.

ەكىنشى، قۇلجا قالاسىنىڭ، قۇلجا اۋدانىنىڭ ءىشىنارا اۋىل - قالاشىقتارىنداعى حاۋىپ – قاتەر دارەجەسى جوعارى وڭىرلەردەگى قىستاقتاردىڭ ەگىس داقىلدارىن، كوكونىستەردى دەر كەزىندە جيناي الماۋى ماسەلەسىنە قاراتا اۋىل، قىستاق ەكى دارەجەلى ورىن پارتيا مۇشەلەرى ەكپىندىلەر اترەتى، ەرىكتى قىزمەت وتەۋ اترەتى سياقتى كۇشتەردى ۇيىمداستىرىپ، ەگىنشىلەردىڭ ەگىس داقىلدارى مەن كوكونىس اتىزدارىن باسقارۋ، جيناۋ قىزمەتىن ويداعىداي ىستەۋىنە كومەكتەستى، سونداي - اق ارناۋلى قوسىن قۇرىپ، تيەۋ - ءتۇسىرۋ، تاسۋ ىستەرىن ۇيىمداستىرىپ، ەگىس داقىلدارى مەن كوكونىستەردىڭ دەر كەزىندە جيناپ الىنۋىنا كەپىلدىك ەتتى، كوكونىستىڭ جالپى ءونىم مولشەرى 193 مىڭ تونناعا جەتەتىنى مەجەلەنۋدە.

ءۇشىنشى، ءىشىنارا اۋدان، قالالاردا الدىڭعى مەزگىلدە سىرت جەرلەردەن كەلەتىن ساتىپ الۋشىلار تاپشى بولۋ، كوكونىستىڭ ساتىلۋىنىڭ ىركىلىسسىز بولماۋى ماسەلەسىنە قاراتا وبلىس، اۋدان دارەجەلى اۋىل شارۋاشىلىق، اۋىل - قىستاق تاراۋلارى اۋىل شارۋاشىلىق ونىمدەرىن تاسىمالدايتىن اۆتوكولىكتەردى بەلسەنە سايكەستىرىپ، سىرت جەرلەردەگى ساۋداگەرلەرمەن، توڭىرەكتەگى اۋدان، قالالارمەن جانە جەرگىلىكتى ورىننىڭ زات جەتكىزۋ تۇيىندەرىمەن ۇشتاستىرۋدى كۇشەيتىپ، كاسىپتىك تاراۋلاردىڭ، قاتىستى اۋىل - قالاشىقتاردىڭ ءتۇرلى جولدار ارقىلى ساۋداگەرلەرمەن ۇشتاسىپ ساتۋ ارناسىن كەڭەيتۋىن ءبىر تۇتاس جوسپارلاپ، قازىر شينجياڭنىڭ ءىشى - سىرتىنداعى ساتۋ بازارىن اشتى، مىسالى، چاپچال سىبە اۆتونوميالى اۋدانى جيىنى 6 مىڭ 394.3 توننا پاميدور، تەكەس اۋدانى جيىنى 7 مىڭ 57.5 توننا پاميدور ساتىپ، كۇندەلىك جينالعان ءونىمدى كۇندەلىك ساتۋ جۇزەگە اسىرىلدى.

كەلەسى قادامدا ىلە وبلىسى بۇقارا اڭىس ەتكەن ءار ءتۇرلى اۋىل شارۋاشىلىق ءوندىرىسى ماسەلەسىنە ءۇرتىس قاداعالاي نازار اۋدارىپ، بۇقارانىڭ كوڭىل ءبولىپ وتىرعان ماسەلەلەرىنە بەلسەنە جاۋاپ قايتارادى. جەدەل تۇجىرىم جاساپ، جەدەل شەشىپ، جەدەل جاۋاپ قايتارىپ، بۇقارانىڭ ورىندى تالابىن شىنايى جاقسى شەشەدى، ىلە ءنول ارالىق ءۇنحات تۇعىرى اۋدان، قالالاردىڭ اۋىل شارۋاشىلىق وندىرىسىنە قىزمەت وتەۋ ىستىق لەنيالى ارناۋلى تەلەفون ءنومىرىن جاريالادى. كوپشىلىك ماسەلەگە جانە قيىنشىلىققا جولىقسا، اۋدان، قالالاردىڭ ارناۋلى تەلەفونىنا كەز كەلگەن ۋاقىتتا تەلەفون جالعاۋىنا بولادى؛ ىلە وبلىستىق اۋىل شارۋاشىلىق، اۋىل - قىستاق مەكەمەسى دە 8023049 – 0999، 8024530 – 0999 ءنومىرلى باقىلاۋ تەلەفونىن ورناتتى. اۋدان، قالالاردىڭ قىزمەتىندە سىلبىرلىق، مىندەتىن دۇرىس اتقارماۋ سياقتى ماسەلەلەر ورىن تەپسە، كوپشىلىكتىڭ ىلە وبلىستىق اۋىل شارۋاشىلىق، اۋىل - قىستاق مەكەمەسىنە كەز كەلگەن ۋاقىتتا اڭىس ەتۋىنە بولادى. ىلە وبلىسى جەدەل ءبىر جاقتى ەتىپ، اۋىل شارۋاشىلىق سالاسىنداعىلارعا قاناعاتتانارلىقتاي جاۋاپ قايتارادى.