汉文 ىلە اقپارات تورابىنا حوش كەلدىڭىزدەر!
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
2022-09-24 12:59:41     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

شي جينپيڭ مەملەكەت قورعانىسى جانە ارميا رەفورماسى جونىندەگى زەرتتەۋ - تالقى ماجىلىسىنە ماڭىزدى نۇسقاۋ بەرىپ، بىلاي دەپ باسا دارىپتەدى

رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك


شينحۋا اگەنتتىگىنىڭ 9 - ايدىڭ 21 - كۇنى بەيجيڭنەن بەرگەن حابارى (ٴتىلشى مەي چاڭۋي). مەملەكەت قورعانىسى جانە ارميا رەفورماسى جونىندەگى زەرتتەۋ - تالقى ٴماجىلىسى 9 - ايدىڭ 21 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماڭىزدى نۇسقاۋ بەردى. ول بىلاي دەپ باسا دارىپتەدى: پارتيا 18 - قۇرىلتايىنان بەرى، پارتيا ورتالىق كوميتەتى مەن ورتالىق اسكەري ىستەر كوميتەتى بۇرىن بولماعان بەكىممەن جانە سەرپىنمەن ارميانى رەفورما ارقىلى قۇدىرەتتەندىرۋ ستراتەگياسىن جالپى بەتتىك اتقارىپ، مەملەكەت قورعانىسى مەن ارميا قۇرىلىسىنا ۇزاق ۋاقىت تۇساۋ بولىپ كەلگەن تۇزىلىستىك كەدەرگىلەردى، قۇرىلىمدىق قايشىلىقتاردى، ساياساتتىق ماسەلەلەردى ىشكەرىلەي شەشىپ، مەملەكەت قورعانىسى مەن ارميا رەفورماسىن تەرەڭدەتۋدە تاريحي سيپاتتى تابىستارعا قول جەتكىزىپ، حالىق ارمياسىنىڭ ٴتۇزىلىسىن جاڭارتتى، قۇرىلىمىن جاڭارتتى، ارناسىن جاڭارتتى، بەت - بەينەسىن جاڭارتتى. رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، جاڭا جاعدايدى جانە مىندەت - تالاپتاردى يگەرىپ، نازاردى سوعىسقا دايىندالىپ، شايقاس جۇرگىزۋگە شوعىرلاندىرىپ، باتىلدىقپەن ٴورىس اشا جاڭالىق جاساپ، بەلگىلەنگەن رەفورما مىندەتتەرىن تياناقتاندىرۋدى تىڭعىلىقتى تۇردە ويداعىداي يگەرىپ، الداعى رەفورمانى جوبالاۋدى كۇشەيتىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشىپ، ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋعا قۇدىرەتتى قوزعاۋشى كۇش ازىرلەۋ كەرەك.

ٴماجىلىس ٴتوراعا شي جينپيڭنىڭ ماڭىزدى نۇسقاۋىن جەتكىزدى، ۇيرەندى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ٴتوراعاسى شۇي چيلياڭ وسى كەزەكتى مەملەكەت قورعانىسى مەن ارميا رەفورماسى قول جەتكىزگەن كەلەلى ونىمدىلىكتەر مەن تاجىريبەلەردى قورىتىندىلاپ، الداعى رەفورمانى جوبالاۋ قىزمەتىن ورنالاستىردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ٴتوراعاسى جاڭ يوۋشيا ارميانى رەفورما ارقىلى قۇدىرەتتەندىرۋ ستراتەگياسىن ىشكەرىلەي ٴتۇسىنۋدى، رەفورما مىندەتتەرىنىڭ ناقتى ونىمدىلىككە قول جەتكىزۋىنە شىنايى كەپىلدىك ەتۋدى توڭىرەكتەي وتىرىپ تالاپتار قويدى.

ماجىلىستە 12 ورىن قىزمەت ٴىس جۇزىندىگىمەن بىرلەستىرىپ، وسى كەزەكتى مەملەكەت قورعانىسى مەن ارميا رەفورماسىنا قاتىستى جاعدايلار جونىندە پىكىر اۋىستىرىپ، ٴسوز سويلەدى.

ورتالىق اسكەري ىستەر كوميتەتىنىڭ مۇشەلەرى لي زوچىڭ، مياۋ حۋا، جاڭ شىڭمين، اسكەري ىستەر كوميتەتى ورگانىنىڭ ٴارقايسى تاراۋلارىنداعى، اسكەري ىستەر كوميتەتىنىڭ بىرلەسكەن قولباسشىلىق ورتالىعىنداعى، ٴارقايسى سوعىس رايوندارىنداعى، ٴارقايسى ارميا، اسكەر تۇرلەرىندەگى، اسكەري ىستەر عىلىم اكادەمياسىنداعى، مەملەكەت قورعانىسى داشۋەسىندەگى، مەملەكەت قورعانىسى عىلىم - تەحنيكا داشۋەسىندەگى، قارۋلى ساقشى بولىمدەرىندەگى قاتىستى جاۋاپتى جولداستار، ت. ب ماجىلىسكە قاتىناستى.