انار بۇلتى/شينجياڭ گازەتى حابارى (ءتىلشى سۋ لۋپيڭ). 9 - ايدىڭ 25 - كۇنى كەشتە ىلە قازاق اۆتونوميالى وبلىستىق حالىق ۇكىمەتىنىڭ اقپارات كەڭسەسى ىندەتتەن ساقتانۋ - تىزگىندەۋ جونىندە اقپار جاريالاۋ ءماجىلىسىن اشتى. ماجىلىستە ىلە وبلىستىق حالىق ۇكىمەتىنىڭ ورىنباسار باس حاتشىسى زىڭ جۇنفىڭ اۋىل شارۋاشىلىق بانكەسى ىلە بولىمشە بانكەسىنىڭ كاسىپورىنداردىڭ قيىنشىلىعىن شەشۋگە كومەكتەسۋ جاعدايىن حابارلادى.

ىندەت تۋىلعاننان بەرى اۋىل شارۋاشىلىق بانكەسىنىڭ ىلە بولىمشە بانكەسى ءتۇرلى بازار تۇلعالارىنىڭ جانە قاريدارلاردىڭ فينانس قاجەتىمەن دالمە - ءدال ۇشتاستىرىپ، ءتۇرلى فينانس ساياساتتارىنان تولىق، جاندى، ويداعىداي پايدالانىپ، بايلىقتى بەيىمدەۋ، جۇمىس ءتارتىبىن ساپالىلاندىرۋ، امانات - قارىز جاسىل ارناسىن اشۋ سياقتى ءبىرقىدىرۋ فينانستىق قىزمەت وتەۋ شارالارىن قولدانىپ، ىندەتتىڭ ىقپالىنا ۇشىراعان قاتىستى كاسىپتەردى جانە حالىق تۇرمىسىن قامتاماسىزداندىرۋداعى ءتۇيىندى كاسىپورىنداردى، سونداي - اق قالىڭ شارۋا وتباسىلارىن فينانس جاعىنان سۇيەمەلدەۋ تەبىنىن ارتتىرىپ، ىندەتتەن ساقتانۋ - تىزگىندەۋدى، كاسىپورىنداردىڭ قيىنشىلىعىن شەشۋدى ءبىر تۇتاس ىلگەرىلەتتى. قازىر ءونىمدى ورنىقتىرۋ، قامداۋ، ەمدەۋ، دەنساۋلىق ساقتاۋ سياقتى ىندەتتەن ساقتانۋ - تىزگىندەۋگە قاتىستى كاسىپتەر مەن استىق، ماي، مال، سىرتقى ساۋدا سياقتى ءتۇيىندى كاسىپ سالالارىنا، ءتۇيىندى قاريدارلارعا جيىنى 680 ميلليون يۋان قارىز اقشا بەرىلدى؛ جيىنى 30 ميلليون يۋان مەرزىمى تولعان قارىز اقشانىڭ ۋاقىتى ۇزارتىلدى، مۇنىڭ ىشىندە شارۋالاردىڭ قارىز اقشا سوماسى 10 ميلليون يۋان بولدى. قاتىستى جاعدايلاردى تومەندەگىدەي حابارلايمىز:

ءبىرىنشى، ءتۇيىندى سالالارعا نازار اۋدارىپ، امانات - قارىزدى ورنالاستىرۋدى ساپالىلاندىردىق. ىندەتتەن ساقتانۋ - تىزگىندەۋ امانات - قارىز كاسىبىنىڭ جاسىل ارناسىن اشىپ، ىندەتتەن ساقتانۋ - تىزگىندەۋگە ساياتىن امانات - قارىز كاسىبىنىڭ ەرەكشە ىستەرىن ەرەكشە ىستەپ، دەرەۋ تەكسەرىپ، قاراپايىمداسىرىلعان جۇمىس ۇلگىسىن اتقارىپ، كاسىپتىك اينالىم ۋاقىتىن قىسقارتىپ، كاسىپتىك تەكسەرىپ - بەكىتۋ ونىمدىلىگىن ونان ارى جوعارىلاتتىق. شيپاحانالار مەن ىندەتتەن ساقتانۋ بۇيىمدارىن وندىرەتىن كاسىپورىندارعا قاراتا، قاريدارلاردى تۇرگە ايىرۋ، كەپىلدىك ءتاسىلى، تەكسەرىپ بەكىتۋ ۇقىق شەگى سياقتى جاقتاردا رەسمياتتەردى قاراپايىمداستىرىپ، جۇمىس ءتارتىبىن ساپالىلاندىردىق. ىندەت تۋىلعاننان بەرى ىلە وبلىسىنداعى ءبىر شيپاحاناعا جاسىل ارنا اشىپ، مەرزىمى ۇزارتىلعان 5 ميلليون يۋان قارىز اقشا بەردىك، سونىمەن بىرگە 11 ميلليون يۋان اينالمالى قارجى قارىز اقشا تاراتتىق.

ەكىنشى، نازاردى شاعىن، ۇساق كاسىپورىندارعا شوعىرلاندىرىپ، كاسىپورىنداردىڭ قيىنشىلىقتى شەشۋىنە دالمە - ءدال كومەكتەستىك. ىندەتتىڭ ىقپالىنا ۇشىرۋى ءبىرشاما اۋىر تولايىم ساتۋ، بولشەك ساتۋ، جاتاق، اس - سۋ، زات اينالىمى، تاسىمال، مادەنيەت، ساياحات سياقتى كاسىپتەرگە قاراتا، «قارىزدى مەرزىمىنەن بۇرىن قايتارىپ الماۋ، قارىزدى ءۇزىپ تاستاماۋ، قارىزعا بەرىلەتىن اقشانى باسىپ قويماۋ» ساياساتىن قاتاڭ تياناقتاندىرىپ، امانات - قارىزدى قايتا ۇيىمداستىرۋ، قارىز اقشانىڭ مەرزىمىن ۇزارتۋ، قارىز اقشانىڭ ءوسىم مولشەرى مەن قارىز قايتارۋ جوسپارىن رەتتەۋ، امانات - قارىز اقشا مەن ورتا، ۇزاق مەرزىمدى قارىز اقشا بەرۋ سياقتى تاسىلدەر ارقىلى ءوندىرىس - تيجاراتتى قالپىنا كەلتىرۋدى بار كۇشپەن قولداپ، قيىنشىلىق قىسپاعىندا قالعان كاسىپورىنداردىڭ قيىنشىلىقتى شەشۋىنە كومەكتەستىك. جابىق مەڭگەرۋ مەزگىلىندە قارىز قايتارۋ ۋاقىتى ءوتىپ كەتكەن قاريدارلارعا قاراتا سەنىمدىلىگىن قورعاۋ شاراسىن اتقارىپ، شاعىن، ۇساق كاسىپورىنداردىڭ سەنىمدى قارىزىنىڭ ۇزىلمەۋىنە فينانس جاعىنان قولداۋ كورسەتتىك. 8 - ايدىڭ 3 - كۇنىنەن قازىرگە دەيىن ءار تۇردەگى 30 زاڭدىق يەگە 625 ميلليون يۋان قارىز اقشا بەردىك. سونىمەن بىرگە، قاريدارلاردىڭ قارجى قۇراۋ وزىندىك قۇنىن جاپپاي تومەندەتىپ، بارلىق قاريداردان كەپىلگە قويۋدى تىزىمدەۋ اقىسىن، باعالاۋ اقىسىن جانە قامسىزداندىرۋ اقىسىن المادىق. قازىرگە دەيىن ءتۇرلى بازار تۇلعالارىنان 573 مىڭ يۋان اقىنى از جيناپ، 2 مىڭنان استام بازار تۇلعاسىنا پايدا جەتكىزدىك.

ءۇشىنشى، نازاردى اۋىل شارۋاشىلىعىنا، اۋىل - قىستاققا، شارۋالارعا شوعىرلاندىرىپ، اۋىل شارۋاشىلىق ءوندىرىسىنىڭ قارجى قاجەتىن بار كۇشپەن قامتاماسىز ەتتىك. اۋىل شارۋاشىلىعى، اۋىل - قىستاق، شارۋالار امانات - قارىزىن تاراتۋدى ورنىقتىرۋدى ەڭ ماڭىزدى ورىنعا قويىپ، اۋىل شارۋاشىلىعىنا ءتيىمدى قىزمەت وتەۋ شارالارىن ءونىمدى تياناقتاندىردىق. اۆتوماتتى تەكسەرىپ بەكىتۋ ءتاسىلى ارقىلى «اۋىل شارۋاشىلىعىنا تيىمدىلىك جاساۋ قارىز اقشاسىن» ءونىمدى تاراتۋدى كۇشەيتىپ، شارۋالاردىڭ ءوندىرىس - تيجارات قاجەتىن دەر كەزىندە قاناعاتتاندىرىپ، شارۋالاردى توراپتا قارىز اقشا الۋعا، اقشا جۇمساۋعا جەتەكتەدىك؛ «التىن ماساق شارۋالارعا تيىمدىلىك جاساۋ» قىزمەت وتەۋ تۇيىندەرىنىڭ رولىن تولىق ساۋلەلەندىرىپ، قالىڭ شارۋالاردىڭ ەسەپ اۋدارۋ، شاعىن سومالى اقشا الۋ سياقتى نەگىزدىك فينانستىق قىزمەت وتەۋ قاجەتىن قاناعاتتاندىردىق. ىندەت تۋىلعاننان بەرى ەگىنشى وتباسىلارىنا 132 رەت قارىز اقشا تاراتتىق، سوماسى 13 ميلليون 10 مىڭ يۋان بولدى، 26 ەگىنشى وتباسىنىڭ قارىز اقشاسىنىڭ ۋاقىتىن ۇزارتتىق، سوماسى 4 ميلليون 610 مىڭ يۋان بولدى.

ءتورتىنشى، نازاردى جەلىدە قىزمەت وتەۋگە شوعىرلاندىرىپ، جالپىعا ءتيىمدى فينانس ساياساتتارىن تياناقتاندىردىق. مەرزىمىن ۇزارتۋ، جالعاپ قارىز بەرۋ سياقتى ءبىرقىدىرۋ شارالار ارقىلى قارىز اقشا بەرۋدى شىنايى كۇشەيتىپ، شاعىن، ۇساق كاسىپورىندار سياقتى قيىنشىلىق قىسپاعىندا قالعان بازار تۇلعالارىنىڭ ىندەتتىڭ ىقپالىنا توتەپ بەرۋىنە بەلسەنە قولداۋ كورسەتتىك. پارىقتى باعا بەلگىلەۋ تاكتيكاسىن تياناقتاندىرىپ، قيىنشىلىق قىسپاعىندا قالعان ادامدارعا قاراتا قارىز قايتارۋ ۋاقىتىن ۇيلەسىمدى ۇزارتۋ، قارىز اقشانىڭ مەرزىم شەگىن ۇزارتۋ، قارىز اقشانىڭ باسىن قايتارۋ ۋاقىتىن كەشىكتىرۋ، ايىپ اقشانى ازايتۋ، كەشىرىم ەتۋ سياقتى تاسىلدەردى يكەمدى قولدانىپ، جەكەلەردىڭ تۇرعىن ءۇي قارىز اقشاسى سياقتى جەكە قارىز اقشا كاسىبىنىڭ پارىقتى ساياساتىن تياناقتاندىرىپ، قيىنشىلىق قىسپاعىندا قالعان ادامداردىڭ قيىن وتكەلدەن وتۋىنە قولداۋ كورسەتتىك. ىندەت كەزىندە 497 وتباسىنا (ساۋداگەر) قارىز اقشا تاراتتىق، سوماسى 51 ميلليون 240 مىڭ يۋان بولدى، جەكەلەرگە 203 رەت مەرزىمى ۇزارتىلعان قارىز اقشا تاراتتىق، سوماسى 69 ميلليون 910 مىڭ يۋان بولدى. 247 رەت كەپىلدىكسىز قارىز اقشا تاراتتىق، سوماسى 10 ميلليون 460 مىڭ يۋان بولدى. جالپىعا ءتيىمدى شاعىن، ۇساق كاسىپورىنداردىڭ قارىز اقشا ءوسىمىن تومەندەتتىك، ىندەت كەزىندە جاڭادان تاراتىلعان شاعىن، ۇساق كاسىپورىنداردىڭ قارىز اقشاسىنىڭ ءوسىمى جىل باسىنداعىدان 0.11 پايىز تومەندەدى.

كەلەسى قادامدا اۋىل شارۋاشىلىق بانكەسىنىڭ ىلە بولىمشە بانكەسى اۆتونوميالى رايوننىڭ، اۆتونوميالى وبلىستىڭ ورتا، شاعىن، ۇساق كاسىپورىندار مەن جەكەشە ونەركاسىپشىلەردىڭ، ساۋداگەرلەردىڭ قيىنشىلىقتى شەشۋىنە كومەكتەسۋ تەبىنىن ونان ارى كۇشەيتۋ جونىندەگى ءبىرقانشا ساياساتتىق شارالارىن ۇزدىكسىز ىشكەرىلەي دايەكتى تياناقتاندىرىپ، قوعام، حالىق تۇرمىسى، «اۋىل شارۋاشىلىعىنا، اۋىل - قىستاققا، شارۋالارعا» قىزمەت وتەۋ، جالپىعا ءتيىمدى فينانس سياقتى ءتۇيىندى سالالاردى كورنەكتىلەندىرىپ، فينانستىق قىزمەت وتەۋدىڭ ءۇزىلىسسىز بولۋىن، شەكتەن تۇسپەۋىن بار كۇشپەن قامتاماسىز ەتىپ، فينانس كاسىپورىندارىنىڭ جاۋاپكەرشىلىگى مەن مىندەت ارقالاۋىن ءىس جۇزىندىك ارەكەت ارقىلى امالياتتا ايگىلەيدى.