汉文 ىلە اقپارات تورابىنا حوش كەلدىڭىزدەر!
جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشى
2022-10-02 14:10:30     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشى

شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى. 10 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 19 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشى» اتتى ماڭىزدى ماقالاسىن جاريالايدى.

ماقالادا مىنالار باسا دارىپتەلدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى. جۇڭگو كوممۋنيستىك پارتياسى قۇرىلا سالىسىمەن كوممۋنيزمدى جۇزەگە اسىرۋدى پارتيانىڭ ەڭ جوعارى مۇراتى جانە ەڭ سوڭعى نىساناسى ەتىپ، ادىلەت جولىندا ەشتەڭەدەن تايىنباي جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ تاريحي بورىشىن ارقالاپ، حالىقتى ىنتىماقتاستىرىپ، باستاپ، توتەنشە ماشاقاتتى كۇرەس جۇرگىزىپ، جەر - كوكتى ءدۇر سىلكىندىرگەن ايبىندى تاريحي داستان جازدى.

ماقالادا مىنالار اتاپ كورسەتىلدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ تاريحي بورىشى ءۇشىن، مەيلى ءالسىز، الدە قۋاتتى بولسىن، مەيلى ءتيىمدى جاعدايدا، الدە ءتيىمسىز جاعدايدا بولسىن، پارتيامىز بارلىعىندا اۋەلگى ماقساتىن وزگەرتپەي، مۇراتىنان جازباي، حالىقتى ىنتىماقتاستىرىپ، باستاپ، سان ساناقسىز حاۋىپ - قاتەرلەردى باستان كەشىرىپ، اسا زور قۇرباندىقتار بەرىپ، بۇراڭدىقتارعا باتىل توتەپ بەرىپ، قاتەلىكتى باتىل تۇزەتىپ، جەڭۋ مۇمكىن ەمەس سياقتى كورىنگەن تالاي - تالاي قيىن وتكەلدەردى جەڭىپ، تاريح پاراعىندا جارقىراپ تۇراتىن تالاي - تالاي دۇنيە كەرەمەتتەرىن جاراتتى.

ماقالادا مىنالار اتاپ كورسەتىلدى: بۇگىن ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن اناعۇرلىم جاقىنداي تۇستىك، بۇل نىسانانى جۇزەگە اسىرۋعا تاريحتاعى ءارقانداي كەزدەگىدەن دە سەنىمىمىز كامىل جانە قابىلەتىمىز دە قاپتال جەتەدى، ءجۇز شاقىرىمدىق جولدىڭ توقسان شاقىرىمىن باسساڭ دا ءالى جولدامىن دەپ ءبىل. جۇڭحۋا ۇلتىنىڭ ۇل گۇلدەنۋى استە جەڭىل - جەلپى، قۇر ايعاي - سۇرەنمەن جۇزەگە اسا سالاتىن ءىس ەمەس. بۇكىل پارتيا، ءسوز جوق، اناعۇرلىم جاپالى، اناعۇرلىم ماشاقاتتى قۇلشىنىس جاساۋعا دايىن بولۋى كەرەك.

ماقالادا مىنالار اتاپ كورسەتىلدى: ۇلى ارماندى جۇزەگە اسىرۋ ءۇشىن، ءسوز جوق، ۇلى كۇرەس جۇرگىزۋ كەرەك. پارتيامىز حالىقتى ىنتىماقتاستىرىپ، باستاپ، كەلەلى سىن - سايىستارعا ءونىمدى توتەپ بەرىپ، كەلەلى حاۋىپ - قاتەرلەرگە توتەپ بەرىپ، كەلەلى كەدەرگىلەردى جەڭىپ، كەلەلى قايشىلىقتاردى شەشۋدە، ءسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋ كەرەك. بۇكىل پارتيا وسى ۇلى كۇرەستەردىڭ ۇزاق ۋاقىتتىلىعىن، كۇردەلىلىگىن، ماشاقاتتىلىعىن تولىق تانىپ، كۇرەس رۋحىن اسقاقتاتىپ، كۇرەس قابىلەتىن جوعارىلاتىپ، ۇلى كۇرەستەردىڭ جاڭا جەڭىستەرىنە ۇزدىكسىز قول جەتكىزۋى كەرەك.

ماقالادا مىنالار اتاپ كورسەتىلدى: ۇلى ارماندى جۇزەگە اسىرۋ ءۇشىن، ءسوز جوق، ۇلى ينجەنەريا قۇرۋ كەرەك. وسى ۇلى ينجەنەريا − پارتيامىزدىڭ ىشكەرىلەي ىلگەرىلەتىپ جاتقان پارتيا قۇرىلىسىنىڭ جاڭا ۇلى ينجەنەرياسى. بۇكىل پارتيا اناعۇرلىم سانالىلىقپەن پارتيالىلىق پرينسيپتى بەكەمدەپ، ماسەلەلەرگە باتىلدىقپەن بەتپە - بەت كەلىپ، باتىلدىقپەن سۇيەكتى قىرا وتىرىپ ۋىتتى ايداپ، پارتيانىڭ العاباسارلىعى مەن كىرشىكسىزدىگىنە نۇقسان كەلتىرەتىن بارلىق فاكتورلاردى الاستاپ، پارتيانىڭ سالامات تۇلعاسىن جەمىرەتىن بارلىق ۆيرۋستى جويىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدى جۇمىلدىرۋ قابىلەتىن ۇزدىكسىز كۇشەيتىپ، پارتيامىزدىڭ قاۋلاعان ومىرشەڭدىك كۇشى مەن قۋاتتى جاۋىنگەرلىك كۇشىن ماڭگى ساقتاۋىنا شىنايى كەپىلدىك ەتۋى كەرەك.

ماقالادا مىنالار اتاپ كورسەتىلدى: ۇلى ارماندى جۇزەگە اسىرۋ ءۇشىن، ءسوز جوق، ۇلى ىستەردى ىلگەرىلەتۋ كەرەك. جۇڭگوشا سوتسياليزم − رەفورما جاساعاننان، ەسىك اشقاننان بەرگى پارتيانىڭ بارلىق نازاريالارى مەن امالياتتارىنىڭ نەگىزگى تاقىرىبى، پارتيا مەن حالىقتىڭ نەبىر ماشاقات - ميحىناتتى باستان وتكەرىپ، وراسان زور بوداۋ بەرىپ قول جەتكىزگەن ءتۇبىرلى تابىسى. بۇكىل پارتيا اناعۇرلىم سانالى تۇردە جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، تۇيىقتالعان، قاتىپ - سەمگەن كونە سۇردەكپەن دە، تۋ وزگەرتىپ، جالاۋ اۋىستىراتىن تەرىس جولمەن دە جۇرمەي، ساياسي تاباندىلىقتى ساقتاپ، ناقتى ىستەر تىندىرىپ، مەملەكەتتى گۇلدەندىرۋگە تاباندى بولىپ، باستان - اياق جۇڭگوشا سوتسياليزمگە تاباندى بولۋ جانە ونى دامىتۋ كەرەك.

ماقالادا مىنالار اتاپ كورسەتىلدى: ۇلى كۇرەس، ۇلى ينجەنەريا، ۇلى ءىس، ۇلى ارمان ءبىر - بىرىمەن تىعىز بايلانىسىپ، ءبىر - بىرىمەن ساباقتاسىپ، ءبىر - بىرىنە اسەر ەتەدى، مۇنىڭ ىشىندە شەشۋشى رول اتقاراتىنى پارتيا قۇرىلىسىنىڭ جاڭا ۇلى ينجەنەرياسى. ۇلى ينجەنەريانى ىلگەرىلەتۋدە ونى ۇلى كۇرەستىڭ، ۇلى ءىستىڭ، ۇلى ارماننىڭ امالياتىمەن ۇشتاستىرا وتىرىپ جۇرگىزۋ، پارتيانىڭ دۇنيە ءجۇزىنىڭ جاعدايىندا تەرەڭ وزگەرىستەر تۋىلىپ جاتقان تاريحي ۇردىسىندە باستان - اياق زامانانىڭ الدىڭعى لەگىندە بولۋىنا، ىشكى - سىرتقى الۋان ءتۇرلى حاۋىپ - قاتەرلەر مەن سىندارعا توتەپ بەرۋدىڭ تاريحي ۇردىسىندە باستان - اياق بۇكىل ەل حالقىنىڭ تىرەگى بولۋىنا، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تاريحي ۇردىسىندە باستان - اياق قۇدىرەتتى باسشىلىق ۇيتقى بولۋىنا شىنايى كەپىلدىك ەتىپ، ءبىر نيەتپەن جۇڭگو ارمانىن ورتاق سومداۋدىڭ تەلەگەي كۇشىن ۇيىستىرۋ كەرەك!