汉文 ىلە اقپارات تورابىنا حوش كەلدىڭىزدەر!
جاڭا داۋىردە ەسە قوسىپ، كۇرەس جاساپ، جاستىق كوكتەمنىڭ بايشەشەگىن جايناتتى
2022-10-11 11:51:20     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

− رايونىمىزداعى قالىڭ جاستار اسقاق جىگەرمەن قايراتتانا ۇمتىلىپ، پارتيا 20 - قۇرىلتايىنىڭ جەڭىسپەن اشىلۋىن قارسى الدى

□ انار بۇلت \ شينجياڭ گازەتىنىڭ تىلشىلەرى

جاقسى پەرزەنت اسقاق مۇرات ورناتادى، جىگەرلىلەر ءوز كۇرەسىنە وكىنبەيدى. رايونىمىزداعى قالىڭ جاستار قىزمەت ورىندارىن تياناق ەتىپ، قىزمەتىن ءسۇيىپ، كاسىپتەرىن قادىرلەپ، قاجىرلىلىقپەن ناقتى ىستەپ، جاستىق كوكتەمنىڭ بايشەشەگىن وتان ەڭ قاجەت ەتىپ وتىرعان جەرلەردە جايناتىپ، جالىندى دا جىگەرلى رۋحاني بەينەمەن پارتيا 20 - قۇرىلتايىنىڭ جەڭىسپەن اشىلۋىن قارسى الۋدا.

شينجياڭ گۋجيان عىلىم - تەحنيكا ساۋدا شەكتى سەرىكتەستىگىنىڭ جاۋاپتىسى قادىردان وسمان 2020 - جىلى شىحىزى كاسىپتىك تەحنيكالىق شۋەيۋانىنان وقۋ تاۋىسقاننان كەيىن اۋىلى شايار اۋدانىنا قايتىپ، اۋىل - قىستاق ەلەكتروندى ساۋدا قىزمەت وتەۋى جانە جىلجىمالى تولەۋ جابدىعى كاسىبىن كوزدەپ، ءوز سەرىكتەستىگىن قۇردى. ”ۇلتتىڭ گۇلدەنۋى ءۇشىن، اۋىل - قىستاق، ءسوز جوق، گۇلدەنۋى كەرەك. پارتيا 20 - قۇرىلتايى اشىلۋ الدىندا تۇر، مەن ايرىقشا جىگەرلەنىپ، كۇش - قايراتىم تاسقىندادى“. قادىردان بىلاي دەدى: الدا سەرىكتەستىگىمىزدىڭ كاسىبىن كەڭەيتىپ، اناعۇرلىم كوپ جۇمىستانۋ ورنىن ازىرلەپ، اۋىل - قىستاقتىڭ گۇلدەنۋىنە جاستىق كۇش - قۋاتىمدى ارناۋعا قۇلشىنامىن.

ايگۇل ابدۇكەرىم داشۋەدەن وقۋ تاۋىسقاننان كەيىن سانجىداعى ءبىر مال شارۋاشىلىعى كاسىپورنىنا قىزمەتكە ورنالاستى. ول عىلىم - تەحنيكادا قامال الۋ، تەحنيكانى جالپىلاستىرۋ ارقىلى ەگىنىشى - مالشىلاردىڭ مال شارۋاشىلىعى باعىمشىلىعىنداعى كوپتەگەن ماسەلەلەرىن شەشتى. 2010 - جىلى ايگۇل سەرىكتەستىكتى تىركەۋگە الدىرىپ، زەرتتەۋ - اشۋ ۇجىمىن قۇرىپ، تۇرلىشە مالدىڭ تۇرلىشە ءوسۋ كەزەڭىنە قاجەتتى تولىقتىرعىش الدىن الا ارالاستىرىلعان جەم - ءشوپ ءونىمىن زەرتتەپ اشىپ، بازاردىڭ مويىنداۋىنا يە بولدى. ”ۇجىممەن بىرگە عىلمي زەرتتەۋدەگى قيىن ماسەلەلەردەن ۇزدىكسىز قامال الىپ، تيانشان الابىنداعى باعىمشىلىقپەن شۇعىلداناتىن اناعۇرلىم كوپ وتباسىن زەرتتەۋ جەتىستىكتەرىنەن يگىلىكتەندىرىپ، ءىس جۇزىندىك ارەكەتىممەن پارتيا 20 - قۇرىلتايىنىڭ جەڭىسپەن اشىلۋىن قارسى الامىن“، - دەدى ايگۇل.

وتانعا دەگەن قىزۋ سۇيىسپەنشىلىك پەن تالىقپاس مۇراتتى كوكەيىنە ساقتاعان توپ - توپ جىگەرلى جاس سوناۋ شالعايدان شينجياڭعا كەلىپ، نەگىزگى ساتىنىڭ الدىڭعى شەبىنە تامىر تارتىپ، وزدەرىنىڭ اسقاق سەزىمگە جانە كۇرەسكە تولى ءومىرىن كەستەلەدى.

2020 - جىلى اسكەري مىندەتتەن بوساپ حىنانداعى مەكەنىنە قايتقان دۇڭ شياڭ شينجياڭعا قايتىپ كەلۋدى تاڭداپ، حوتان قالاسى تۇساللا قالاشىعى سەنترلى باستاۋىش مەكتەبىنىڭ اعىلشىن ءتىلى وقىتۋشىسى بولدى. ول اۋىل - قىستاق باستاۋىش مەكتەبىنە بارىپ وقۋ - اعارتۋعا كومەكتەسۋدى ىرىقتىلىقپەن تالاپ ەتتى، اسكەري ءبولىمنىڭ باتىلدىقپەن شايقاس جاسايتىن، جاپا - ماشاقاتتان قورىقپايتىن ستيلىن مەكتەپ اۋلاسىنا اكەلىپ، بالالار ەرەكشە جاقسى كورەتىن وقىتۋشىعا اينالدى. ”جاڭا داۋىردەگى جاستاردىڭ ارمانى جانە مۇراتى بولۋ كەرەك، مەنىڭ ارمانىم اۋىل - قىستاق وقۋ - اعارتۋ ىستەرىنە ات سالىسىپ، ونەگە كورسەتىپ ادام تاربيەلەۋ. مەن قۇلشىنا قىزمەت ىستەپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الامىن“، - دەدى دۇڭ شياڭ.

تيانشان الابىندا دەرلىك ءىزىن قالدىرۋدى مۇرات ەتىپ، 23 مىڭ كيلومەتردەن ارتىق جول باسىپ، اۋىل - قىستاقتاعى 30 نەشە مىڭ بالاعا مەيىر سيلادى جانە قامقورلىق جاسادى... اقتاۋ اۋدانى توعىسپالى مەديا ورتالىعىنىڭ قىزمەتكەرى ساۋ يۇڭچي كەزىندە باتىس بولىك جوسپارىنىڭ ءبىر ەرىكتىسى ەدى. 2015 - جىلى قىزمەت وتەۋ مەرزىمى اياقتاعاننان كەيىن، ول ءوزى سياقتى باتىس بولىك جوسپارىنىڭ ەرىكتىسى بولعان قالىڭدىعىمەن بىرگە پامير ۇستىرتىندەگى اقتاۋ اۋدانىنا تامىر تارتۋ تالعامىن جاسادى. ول جىلى لەپ ەرىكتى قىزمەت وتەۋ ۇجىمىن قۇرىپ، اۋىل - قىستاقتاعى باستاۋىش مەكتەپتەردى ارالاپ، بالالاردى مەيىرگە بولەيتىن ءتۇرلى زاتتاردى جەتكىزىپ بەردى. ”نەگىزگى ساتىدا جاستىق ارمانىمدى جۇزەگە اسىرۋ مەنىڭ وكىنىشسىز تالعامىم. مەن الەۋمەتتىك يگىلىك ىستەرىن ۇزدىكسىز ويداعىداي ىستەپ، شينجياڭنىڭ دامۋىنا، قۇرىلىسىنا ۇلەس قوسىپ، ءوز ارەكەتىممەن جاستىق ۋادەمدى امالياتتا ايگىلەيمىن“، - دەدى ساۋ يۇڭچي.

جاستار رايونىمىزدىڭ ىندەتتەن ساقتانۋ - تىزگىندەۋ الدىڭعى شەبىنىڭ بارلىق جەرىنەن تابىلادى. ولار اتويلاپ الدا ءجۇرىپ، ىندەتتى جەڭۋگە جاستىق كۇش - قۋاتىن ارناپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتتەرىمەن قارسى الدى.

”بۇل جەر ءۇرىمجى قالالىق انا - بالالار دەنساۋلىعىن ساقتاۋ شيپاحاناسى، سىزگە قانداي كومەك قاجەت“؟ وسى كەزەكتى ىندەت تۋىلعاننان بەرى، ءۇرىمجى قالالىق انا - بالالار دەنساۋلىعىن ساقتاۋ شيپاحاناسىنىڭ شيپاگەرى جاۋ شياۋچين ءار كۇنى تەلەفوننىڭ الدىنان تاپجىلماي، جۇكتى ايەلدەر مەن بوسانعان ايەلدەردىڭ سۇراۋلارىنا جاۋاپ بەرىپ، كۇدىك - كۇماننان ارىلتتى؛ سونىمەن بىرگە، جۇكتى ايەلدەر مەن بوسانعان ايەلدەر تۇرعان ءوڭىردىڭ حاۋىپتىلىك دارەجەسىنە قاراي، دەرەۋ جالپىلىق باعالاۋ جاساپ، ولاردىڭ شيپاگەرگە كورىنۋىنە ەڭ قولايلى ارنا ورنالاستىردى. ”ءاربىر قىزمەتتى تىڭعىلىقتى ىستەپ، اتا - انا بولۋ الدىندا تۇرعانداردى الاڭسىز ەتۋ مەنىڭ جاۋاپكەرشىلىگىم“، - دەدى جاۋ شياۋچين.

عيماراتقا قايتا - قايتا شىعىپ، تۇرعىنداردىڭ حىسۋان سىناماسىن الدى، تۇرعىنداردىڭ تۇرمىستاعى قيىنشىلىعىن شەشۋىنە كومەكتەستى... بىرنەشە كۇننەن بەرى ءۇرىمجى قالاسى شۇيموگوۋ رايونى چيداۋۋان ءمالىسى شينفىڭ الەۋمەتتىك اۋماعىنىڭ كادرى اينۇر تۇرۇپ ىندەتكە قارسى اتتانۋدىڭ الدىڭعى شەبىندە شايقاس جاساۋدا. ”مەن پارتيا مۇشەسىمىن، پارتيا 20 - قۇرىلتايى اشىلاتىن ساتتە، ءوز جۇمىس ورنىمنان تاپجىلماي، ونەگەلىلىك، باستاماشىلدىق رولىمدى ساۋلەلەندىرىپ، تۇرعىندارعا قىزمەت وتەۋ، قامتاماسىز ەتۋ قىزمەتىن بۇكىل ىنتا - پەيىلىممەن ويداعىداي ىستەپ، كوپشىلىكتى ىندەتتى تىزە قوسا وتىرىپ جەڭۋگە ۇندەۋ مەنىڭ بۇلتارتپاس جاۋاپكەرشىلىگىم“، - دەدى اينۇر.

(ءتىلشى رىن حۋا، قاتىناسقان تىلشىلەر يۇي شي، جاۋ شييا، يە شياۋمين، ۋي حۇڭپيڭ، ەرىكتى ءتىلشى گاۋ شياۋياڭ)