ٴراھيما اۋۇت:
شينجياڭدىق وقۋشىلاردىڭ سىرت جەردەگى جاقىن جان اشىرى
شينجياڭ گازەتىنىڭ ٴتىلشىسى جاۋ شييا
وسى ۋاقىتتاردا ٴراھيما اۋۇت ٴوزىن ەرەكشە باقىتتى سەزىندى، ونىڭ 84 «قىزى» − جينان قالالىق چاڭچيڭ 1 - ورتا مەكتەبى شينجياڭ تولىق ورتا كلاسىنداعى وقۋشىلاردىڭ ٴبارى داشۋەگە ٴوتتى. حۋانان جاراتىلىستىق عىلىمدار داشۋەسى، شاڭحاي داشۋەسى، شاندۇڭ داشۋەسى... ۋيچات توپتارىندا وقۋشىلاردىڭ داشۋەگە بارىپ تىزىمگە الدىرعان فوتوسۋرەتتەرى توقتاۋسىز تاراپ جاتتى. فوتوسۋرەتتەردەگى وزىنە تانىس كۇلىمسىرەگەن جۇزدەرگە ٴراھيما قايتا - قايتا قاراي بەردى. «بالالارىمنىڭ بولاشاعىنىڭ جارقىن بولاتىندىعىنا سەنەمىن!» - دەدى ول قۋانا.
ٴراھيما قۇلجا قالالىق 23 - ورتا مەكتەپتىڭ ادەبيەت وقىتۋشىسى. 2020 - جىلى 9 - ايدا ول چاڭچيڭ 1 - ورتا مەكتەبىنە شينجياڭ تولىق ورتا كلاسىنداعى وقۋشىلارعا قىزمەت وتەۋ، باسقارۋ قىزمەتىمەن شۇعىلدانۋعا تاڭداپ جىبەرىلدى ٴارى شينجياڭنىڭ شاندۇڭدا تۇراتىن وقۋ - اعارتۋدى سايكەستىرۋ گرۋپپاسى پارتيا ياچەيكاسى چاڭچيڭ 1 - ورتا مەكتەپ پارتيا گرۋپپاسىنىڭ باستىعى بولدى. بيىل ول پارتيا 20 - قۇرىلتايىنىڭ ۋاكىلى بولىپ سايلاندى.
جينانعا بارعاننان كەيىن ٴراھيما چاڭچيڭ 1 - ورتا مەكتەپ 2019 - جىلدىعىنداعى 84 شينجياڭدىق قىز وقۋشىعا قىزمەت وتەۋ، باسقارۋ قىزمەتىن ۇستىنە الىپ، 84 «قىزى» بار جاڭا ۇلكەن شاڭىراققا يە بولدى.
«بالالار جاڭا ورتاعا كەلگەن سوڭ، ٴتىل وتكەلى، كليمات وتكەلى سياقتى سىناقتاردان وتۋىنە تۋرا كەلەدى، وقۋىن ٴساتتى اياقتاتا الۋ - الماۋ ولاردىڭ بولاشاعىنا سايادى». وقىتۋشىلىقتىڭ سىرتىندا، ٴراھيما ولاردىڭ اتا - اناسى جانە سىرلاس دوسى بولدى. ويتكەنى ولار دا ٴوزى سياقتى ۇيدەگىلەرىنەن نەشە مىڭ كيلومەتر شالعايدا، جيناندا وقىپ، تۇرمىس كەشىرىپ جاتىر ەدى.
ٴراھيما وقۋشىلارمەن ٴبىر عيماراتتا جاتادى، ونىڭ جاتاعىندا ٴار كۇنى ىستىق سۋ، جاڭا جەمىس - جيدەكتەر دايىن تۇرادى... وقۋشىلارعا قاجەتتى نارسەلەردى ول الدىن الا ويلاپ، ىڭعايلاپ قوياتىن. تاڭەرتەڭ وياتىپ تۇرعىزۋدان ساباق وتەتىن وقىتۋشىلارمەن حابارلاسىپ، ٴار كۇنگى ۇيرەنۋدە، تۇرمىستا جولىققان ماسەلەلەردى ٴبىر جاقتى ەتۋگە، ودان كەشتە ۋاقىت شىعارىپ اڭگىمەلەسىپ، سىرلاسۋعا دەيىن ٴراھيما وقۋشىلاردىڭ تاماشا ۇستازى بولۋمەن بىرگە، بالالاردىڭ «جاقسى شەشەسى» بولا ٴبىلدى.
وقۋشىلاردىڭ يدەيالىق تاربيە، جەتەكتەۋ قىزمەتىن قايتكەندە ويداعىداي ىستەۋگە بولادى؟ ٴراھيما وسى جونىندە ٴاردايىم وي جۇگىرتىپ تولعانىپ جۇرەدى. ول ۇنەمى كىتاپتان ۇيرەنىپ، قىزمەتتەستەرىنەن كەڭەس سۇرادى، 10 نەشە جىلدىق كلاس جەتەكشىسى قىزمەت تاجىريبەسىمەن ۇشتاستىرىپ، ول وقۋشىلارعا دەگەن قامقورلىقتىڭ ٴجون - جوسىقتى ٴتۇسىندىرىپ، قۇرعاق اقىل ايتۋ ەمەس، قايتا تۇرمىستاعى كىشى - گىرىم ىستەردەن كەلەتىندىگىن تەرەڭ تانىپ جەتتى.
چاڭچيڭ 1 - ورتا مەكتەبىنە العاش بارعاندا ٴراھيما الدىمەن ٴاربىر وقۋشىنىڭ وتباسى جاعدايىن انىقتاپ الدى. ەرەكشە جاعدايى بار وقۋشىلاردى ٴبىر - بىرلەپ تىزىمگە الىپ، ولارعا كوبىرەك كوڭىل ٴبولىپ، قامقورلىق جاسادى. وقۋشى شياۋ ايدىڭ (بۇركەنشىك ات) شەشەسى ناۋقاستان قايتىس بولعان، اپەكەسى مەن باۋىرى ەكەۋى دە مەكتەپتە وقيدى، وتباسىندا قيىنشىلىق بار بولاتىن. شياۋ ايدىڭ مىنەزى تۇيىق، كوبىندە جابىرقاپ جۇرەدى. ٴراھيما كوبىرەك ۋاقىت ٴبولىپ، ونىمەن اڭگىمەلەسىپ، اپتا سوڭىندا ونى جاتاعىنا كەلىپ بىرگە تاماق ىستەۋگە شاقىرادى. وقۋشىلار سىرتقا زات الۋعا شىققاندا، ٴراھيما شياۋ ايعا ازىن - اۋلاق اقشا ۇستاتىپ قويادى... انانىڭ مەيىرىنە بولەنگەندەي بولعان شياۋ ايدىڭ جۇرەگى جىلىنىپ، جۇزىنەن كۇلكى ەسەتىن بولدى، وقۋ ناتيجەسى دە جوعارىلادى. بيىل شياۋ اي داشۋەگە ٴساتتى ٴوتتى.
«ول ٴبارىمىزدىڭ تۋعان كۇنىمىزدى بىلەدى، ٴراھيما مۇعالىم قاسىمىزدا بولعاندا جۇرەگىمىز مەيىرگە شومادى» - دەدى وتكەن ىستەر ەسىنە ورالعاندا شياۋ اي ەرەكشە العىسقا تولى قيماستىق سەزىممەن.
مۇنداي ىستەر بارىپ قىزمەت ىستەۋگە جىبەرىلگەن مەزگىلدە ٴراھيمانىڭ باسىنان كوپ ٴوتتى، ول وقۋشىلاردىڭ يدەيالىق جاعدايىن، ۇيرەنۋ، تۇرمىس جاعىنداعى ماسەلەلەرىن ٴبىلىپ، وقۋشىلاردىڭ بار زەيىنىمەن ۇيرەنۋگە كىرىسۋىنە دەر كەزىندە كومەك بەرىپ، كوڭىلىن اۋلاپ، شابىتتاندىردى. ول ٴار وقۋ ماۋسىمىندا 1000 رەتتىڭ ۇستىندە وقۋشىلارمەن، ولاردىڭ اتا - انالارىمەن سىرلاسىپ، اڭگىمەلەستى.
پارتيا گرۋپپاسىنىڭ باستىعى رەتىندە، ٴراھيما پارتيا مۇشەلەرىنىڭ اۆانگاردتىق، ۇلگىلىك رولىن بەلسەنە ساۋلەلەندىرىپ، شينجياڭنان جىبەرىلگەن پارتيالى وقىتۋشىلاردى پارتيا مۇشەسى ەمەس وقىتۋشىلارمەن جۇپ قۇراۋعا ۇيىمداستىرىپ، اپتا سايىن قيمىل ورىستەتىپ، تۇرۋعا جىبەرىلگەن وقىتۋشىلار ارا ۇيرەنۋدى، اۋىس - كۇيىستى كۇشەيتىپ، تۇرۋعا جىبەرىلگەن وقىتۋشىلاردىڭ تاربيەلەۋ، باسقارۋ، قىزمەت وتەۋ قىزمەتىندە جاڭا بەينە جارىققا شىقتى. ٴار رەتكى مەرەكە جانە دەمالىس كەزدەرىندە تۇرۋعا جىبەرىلگەن وقىتۋشىلار وقۋشىلاردى باي مازمۇندى قيمىلدار وتكىزۋگە ۇيىمداستىرىپ، بالالارعا سەرىك بولىپ سول جەردەگى قىزىل كورىنىس تۇيىندەرىنە بارىپ زەرتتەۋ - ۇيرەنۋ قيمىلىن ورىستەتىپ، وقۋشىلاردىڭ «بەستى شىنايى مويىنداۋىن» ۇزدىكسىز ارتتىرىپ، ولاردى پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە بەلسەنە جەتەكتەدى. ٴراھيما «2021 - جىلعى شاندۇڭداعى ەڭ ارداقتى وقىتۋشى» بولىپ باعالاندى.
جاڭا وقۋ ماۋسىمىندا ٴراھيما جاڭا كەزەكتى شينجياڭ تولىق ورتا كلاسىنداعى وقۋشىلاردى قارسى الدى. ول قىزمەت ەستەلىگىنە: «بۇگىنگى ازعانتاي قامقورلىعىمىزدىڭ بالالاردىڭ بولاشاقتاعى العا باسۋ جولىنداعى اتويدا قالقان - ساۋىت بولارى داۋسىز» - دەپ بايىپتىلىقپەن جازدى.