汉文 ىلە اقپارات تورابىنا حوش كەلدىڭىزدەر!
قورعاس قالالىق ونەركاسىپ باقشا رايونىنداعى 5 مىڭنان استام جۇمىسشى «ۇلاسپالى جەلىدە» جۇمىس ىستەيتىن بولدى
2022-10-15 11:55:38     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

جۇمىسشى ىستەتۋدىڭ ٴبىر تۇتاس ورنالاستىرۋ، بىرگە پايدالانۋ ۇلگىسىن ىسكە قوستى

قورعاس قالالىق ونەركاسىپ باقشا رايونىنداعى 5 مىڭنان استام جۇمىسشى «ۇلاسپالى جەلىدە» جۇمىس ىستەيتىن بولدى

ٴتىلشىمىز مىڭ شيا، شۇي جيەجى، ەرىكتى ٴتىلشى ليۋ يۇلۇڭ حابارلايدى.  نىسان قۇرىلىسىنىڭ اياق الىسىن جەدەل ىلگەرىلەتۋ ٴۇشىن، قورعاس قالاسى ونەركاسىپ باقشا رايونى ٴمالى باسقارماسى ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاپ ورنالاستىرىپ، وڭىرلەندىرىپ، تور كوزدەندىرىپ قىزمەت وتەۋ ارقىلى قاراستىلىعىنداعى سالىنۋ ۇستىندەگى 26 قۇرىلىس نىسانىنىڭ جۇمىسىن قالپىنا كەلتىرىپ، جۇمىسشىلاردى ٴبىر تۇتاس باسقارىپ ورنالاستىردى، ونەركاسىپ باقشا رايونىنداعى 5 مىڭنان استام جۇمىسشى «ۇلاسپالى جەلىدە» جۇمىس ىستەپ، قۇرىلىس ورىندارىنىڭ بارلىعىندا قۇرىلىس جۇرگىزەتىن جۇمىسشى بولۋعا، قۇرىلىس ينجەنەرياسىن توقتاتپاۋعا كەپىلدىك ەتتى. 

  تاياۋدا، قورعاس قالاسى باقىت تۇرعىندار رايونىنداعى قامتاماسىزداندىرۋ سيپاتتى تۇرعىن ۇيلەردىڭ 1 - مەرزىمدىك نىسانىنىڭ جۇمىس باسىندا، بيىك - بيىك كراندار قاتار - قاتار بوي كوتەرىپ، ماشينالار گۇرىلدەپ، جۇمىسشىلار قاربالاس جۇمىس جۇرگىزىپ جاتتى... قۇرىلىس ورنىنان دابىرالى جۇمىس ناۋقانىنىڭ كورىنىسى مەنمۇندالادى. 

   باقىت تۇرعىندار رايونى 1 - مەرزىمدىك نىسانىنىڭ جالپى قۇرىلىس اۋماعى 34 مىڭ 350 شارشى مەتر، 432 باسپانامەن قامدايدى، جالپى 115 ميلليون يۋان قارجى قوسىلعان، قازىر تۇلعالىق ينجەنەريادا قاۋىرت قۇرىلىس جۇرگىزىلىپ، بولات شىبىق جۇمىسكەرلەرى، اعاششى، قۇرىلىس جۇمىسكەرلەرى، ەلەكترشى سياقتى ٴار تۇردەگى تەحنيك جۇمىسشىلارعا كوپتەپ ٴزارۋ بولاتىن. قورعاس قالاسى ونەركاسىپ باقشا رايونى ٴمالى باسقارماسى كاسىپورىننىڭ جۇمىسشى ىستەتۋ جاعىنداعى قيىنشىلىعى مەن تالاپ - تىلەگىن بىلگەننەن كەيىن، دەرەۋ ونەركاسىپ باقشا رايونىنداعى باسقا دا نىسان قۇرىلىسى كاسىپورىندارىمەن بايلانىس جاساپ، ٴبىر تۇتاس جوسپارلاپ، سايكەستىرۋ ارقىلى تەز ارادا 62 تەحنيك جۇمىسشىنى ورنالاستىرىپ، باقىت تۇرعىندار رايونى 1 - مەرزىمدىك نىسان قۇرىلىسىنىڭ ورنىقتى ىلگەرىلەتىلۋىنە كەپىلدىك ەتتى.

سىچۋاندىق جۇمىسكەر ۋان جىحۇي − بولات شىبىق جۇمىسشىسى، جىلدار بويى قۇرىلىس جۇمىسىمەن شۇعىلدانعان ول بەرىك تەحنيكالىق نەگىزىنىڭ ارقاسىندا نىسان قۇرىلىس ورىندارىنىڭ بارىندە «ٴوتىمدى» تەحنيككە اينالعان. ونەركاسىپ باقشا رايونى توركوزدەندىرىپ قىزمەت وتەگەننەن بەرى ول ٴار كۇنى ايىرىقشا قاربالاستىققا ٴتۇستى، كۇندىك ورتاشا كىرىسى 200 يۋاننان اسادى. «باقىت تۇرعىندار رايونىنىڭ ٴبىرىنشى مەرزىمدىك نىسان قۇرىلىس ورنى مەن ىستەگەن 3 - قۇرىلىس ورنى. ىستەيتىن جۇمىس بولماي قالار ما دەپ الاڭدامايمىن، ويتكەنى الەۋمەتتىك اۋماق كادرى مىنا جاقتاعى جۇمىسىمدى بىتىرگەن سوڭ تاعى دا ٴبىر قۇرىلىس ورنىنا ورنالاستىراتىندىقتارىن ايتتى» دەدى ۋان جىحۇي.

  «جۇمىسشى ىستەتۋدىڭ ٴبىر تۇتاس ورنالاستىرۋ، بىرگە پايدالانۋ ۇلگىسىندە جۇمىسشىلار مەن كاسىپورىندار اراسىنداعى جۇمىسشى ىستەتۋ ينفورماتسياسىن ۇشتاستىرۋدى جۇزەگە اسىرىپ، قۇرىلىس ورنى جۇمىسشى تابا المايتىن، جۇمىسشىلار ىستەرگە جۇمىس تاپپايتىن ىڭعايسىز جاعدايلاردان ساقتانۋعا بولادى. ٴبىز نەگىزگى ساتىنىڭ تىڭعىلىقتى باسقارۋ ابزالدىلىعىن ۇزدىكسىز ساۋلەلەندىرىپ، جۇمىسشىلار قوسىنىن ورنالاستىرۋ جوباسىن كەمەلدەندىرىپ، كاسىپورىنداردىڭ جۇمىسشى ىستەتۋ سۇرانىسىمەن دالمە - ٴدال ٴتۇيىلىستىرىپ، ٴارقايسى جۇمىس ٴتۇرىن تياناقتى ورنالاستىرىپ، نىسان قۇرىلىستارىنىڭ ورنىقتى ىلگەرىلەتىلۋىن قامتاماسىزداندىرامىز» دەدى قورعاس قالاسى ونەركاسىپ باقشا رايونى ٴمالى باسقارماسى پارتيا قىزمەت كوميتەتىنىڭ ورىنباسار شۋجيى، مەڭگەرۋشىسى چىن لي.

تاياۋ جىلداردان بەرى قورعاس قالاسى ونەركاسىپ باقشا رايونى ٴمالى باسقارماسى نەگىزگى ساتىنىڭ باسقارۋىن وسىزامانداندىرۋدى جاپپاي ىلگەرىلەتىپ، «ينتەرنەت+» ٴتاسىلىنىڭ رولىن تولىق ساۋلەلەندىرىپ، نەگىزگى ساتى پارتيا قۇرىلىسى، جاپپاي جونگە سالۋ، حالىق ىستەرى، قالا باسقارۋ، ارىز - ارمان، بازار باقىلاۋ، دەنساۋلىق ساقتاۋ - سالاماتتىق، شۇعىل جاعدايعا توتەپ بەرۋدى باسقارۋ سياقتى ٴتۇرلى قىزمەتتەردى «ٴبىر توراپقا» بىرىكتىرىپ، قاراستىلىعىنداعى سالىنىپ جاتقان نىساندارعا اناعۇرلىم دالمە - ٴدال، شيراقى قىزمەت وتەپ، قيىنشىلىقتارى مەن تالاپ - تىلەكتەرىن دەر كەزىندە شەشتى. قازىرگە دەيىن، وسى  ٴمالى باسقارماسى ٴارقايسى قۇرىلىس ورىندارىنا مىڭداعان جۇمىسشىنى سايكەستىرىپ بەردى.