− جاڭا داۋىردەگى شينجياڭنىڭ دامۋ تابىستارى جونىندە جالپى شولۋ . ساياسي قۇرىلىس
شينجياڭ گازەتىنىڭ ٴتىلشىسى جاڭ يۇنمەي
«بەستى ٴبىر تۇلعالاندىرۋ» جالپى تۇلعالىق ورنالاستىرۋى جۇڭگوشا سوتسياليزم ىستەرىنىڭ جالپى تۇلعالىق ورنالاستىرۋى. مۇنىڭ ىشىندە ساياسي قۇرىلىس جاعىندا، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، جالپى بارىستىق حالىق دەموكراتياسىن ەڭ كەڭ، ەڭ شىنايى، ەڭ جارامدى سوتسياليستىك دەموكراتياعا اينالدىرۋ باسا دارىپتەلدى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىنتىماقتاستىرۋىندا، باستاۋىندا، شينجياڭ جۇڭگوشا سوتسياليستىك ساياسيدى دامىتۋ جولىمەن بۇلجىماي ٴجۇردى، قازىرگى تاڭدا، تيانشان الابىندا ساياساتى تابىستى، حالقى بەرەكەلى، تىنىش تا ٴتارتىپتى جاڭا بەينە جارىققا شىقتى.
پارتيانىڭ باستان - اياق پارمەندى باسشىلىق ۇيتقى بولۋىنا شىنايى كەپىلدىك ەتتى
اقتاۋ اۋدانى پىلال اۋىلى جايىلعان قىستاعى بىرنەشە جىلدىڭ الدىندا اۋىل - قالاشىق كادرلارىنىڭ باسى قاتقان «كەنجە قالعان قىستاق» بولاتىن: قىستاق تۇرعىندارىنىڭ %60 ىنىڭ تۇرمىسى كەدەيلىك شەگىنەن تومەن، قىستاق «ەكى كوميتەتى» القاسى تولىق سەپتەلمەي كەلگەن، پارتيا ىستەرىنىڭ، قىستاق ىستەرىنىڭ جۇرگىزىلۋى ارناعا تۇسپەگەن ەدى...
اۆتونوميالى رايوندىق ٴتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ وسى قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى مەن قىستاق «ەكى كوميتەتىنىڭ» بىرگە قۇلشىنۋىندا، قىستاق پارتيا ۇيىمىنىڭ ۇيىسۋ قۋاتى، جاۋىنگەرلىك قۋاتى كۇن سايىن كۇشەيىپ، بۇكىل قىستاقتىڭ ٴتۇرلى ىستەرىنىڭ جەدەل دامۋىنا جەتەكشىلىك ەتتى. قىستاق پارتيا ياچەيكاسىنىڭ شۋجيى احمەتجان ايسا: قازىر قىستاقتىڭ بەت - بەينەسى ٴبىر جولاتا جاڭارىپ، قىستاق تۇرعىندارىنىڭ كىرىسى ۇزدىكسىز ارتىپ، كوپشىلىكتىڭ تۇرمىسى بارعان سايىن تابىستى بولا ٴتۇستى، - دەدى.
پارتيانىڭ كۇش - قۋاتى ۇيىمنان كەلەدى، ۇيىمدىق قۇرىلىس پارتيا قۇرىلىسىنىڭ ماڭىزدى نەگىزى. جاڭا داۋىردەگى پارتيانىڭ ۇيىمدىق لۋشيانىنا تاباندى بولعاندا عانا پارتيامىزدى ويداعىداي قۇرىپ شىعا الامىز، قۋاتتى ەتىپ قۇرىپ شىعا الامىز.
پارتيا 18 - قۇرىلتايىنان بەرى، اۆتونوميالى رايوندىق پارتكوم ٴبىر تۇتاس جوسپارلاپ ىلگەرىلەتۋگە تاباندى بولىپ، ٴالسىز تۇيىندەردەن، ولقى تۇيىندەردەن باستاپ ىسكە كىرىسىپ، ۇيىمدىق انتەننانى ۇزدىكسىز ۇزارتىپ، ياچەيكانى ورگانداردا، مەكتەپتەردە، اۋىل - قىستاقتاردا، الەۋمەتتىك اۋماقتاردا، شەت - شالعاي مال شارۋاشىلىعى فەرمالارىندا قۇرىپ، نىسان الدىڭعى شەبىندە، كەن رايوندارىنداعى كاسىپورىنداردا، عيماراتتاردا، ساۋدا دۇكەندەرىندە قۇرىپ، پارتيا ىستەرى دامىپ قايدا بارسا، ۇيىمدىق جۇيە قۇرىلىسى سول جەرگە ىلەسە بارۋدى شىن مانىندە ورىنداپ، تۇتاس رايونداعى نەگىزگى ساتى پارتيا ۇيىمدارىنىڭ جاپپاي العا باسۋىن، جاپپاي شىڭدالۋىن ىلگەرىلەتىپ، پارتيا تۋىن نەگىزگى ساتى شەبىندە اسقاق جەلبىرەتتى.
شينجياڭ قىزمەتىن ويداعىداي ىستەي الۋ - الماۋدىڭ ەڭ ٴتۇبىرلى نەگىزى − پارتيا باسشىلىعىنىڭ باتىل، پارمەندى بولۋ - بولماۋىندا.
مەيلى كەدەيلىكتەن ارىلتۋدان قامال الۋ شايقاسى، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ بولسىن، الدە بۇقارانى باستاپ، لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قورعانىن سوعۋ بولسىن، قىسىلتاياڭ ساتتەردە كوممۋنيستەر قاشان دا ەڭ الدا اتويلاپ ٴجۇردى؛ شەشۋشى كەزدەردە كوممۋنيستەر قاشان دا ەڭ سوڭىنا دەيىن تاباندىلىق كورسەتتى. بۇل پارتيامىزدىڭ باتىل دا پارمەندىلىگىنىڭ ناقتى بەينەسى.
تاياۋدا شينجياڭنىڭ سىرتقا جاريالاعان ٴبىرتالاي كورنەكتى ساندى مالىمەتتەرى ادامداردىڭ كوڭىلىن كولدەي تولقىتتى: تىنىش شينجياڭ قۇرىلىسى تەرەڭدەپ، بۇقارانىڭ حاۋىپسىزدىك سەزىمى 2012 - جىلعى %58. 87 تەن 2021 - جىلى %14. 99 كە جوعارىلادى؛ ٴار ۇلتتىڭ ىنتىماعىن، العاباسارلىعىن ىلگەرىلەتىپ، مەملەكەتتىك ۇلتتار ىنتىماعى، العاباسارلىعىنداعى ۇلگى كورسەتۋ رايونىنان، ۇلگى كورسەتۋ ورنىنان 81ى قۇرىلدى؛ ەكونوميكانىڭ جالپى مولشەرى ٴۇرتىس ارتىپ، بيىلعى العاشقى جارتى جىلدىڭ وزىندە ٴوندىرىس جالپى ٴونىم قۇنى 827 ميلليارد 900 ميلليون يۋانعا جەتىپ، 2012 - جىلعى تۇتاس جىلدىق ٴوندىرىس جالپى ٴونىم قۇنىنان اسىپ ٴتۇستى؛ حالىق تۇرمىسىنىڭ ىرىس - قۇتى كورنەكتى كۇشەيىپ، قالا، اۋىل تۇرعىندارىنىڭ ادام باسىنا شاققانداعى ورتاشا قولداعى تابىسى 2012 - جىلداعى 12 مىڭ 151 يۋاننان 2021 - جىلى 26 مىڭ 75 يۋانعا ارتىپ، جىلىنا ورتا ەسەپپەن %9. 8 ارتتى...
شينجياڭ قىزمەتى قول جەتكىزگەن ٴاربىر ناتيجە، ىسكە اسىرعان ٴاربىر قارىشتاۋ، تيانشان الابىندا تۋىلعان وراسان زور وزگەرىس، تۇپتەپ كەلگەندە، باس شۋجي شي جينپيڭنىڭ جول باستاپ، رول ۇستاۋىنىڭ ارقاسى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى بولىپ تابىلادى.
شينجياڭداعى ٴار ۇلت حالقى الداعى جەردە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «ەكىنى تۇراقتاندىرۋدى» باتىل قورعاپ، «ەكىنى قورعاۋدى» باتىل ورىنداپ، اۆتونوميالى رايوندىق پارتكومنىڭ ىنتىماقتاستىرا باستاۋىندا العىس ايتا ەكپىندەي ىلگەرىلەپ، جاۋاپكەرشىلىك ارقالاپ، تىڭعىلىقتى ىستەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازادى.
جالپى بارىستىق حالىق دەموكراتياسىن ىلگەرىلەتتى
2022 - جىلعى اۆتونوميالى رايوندىق ەكى ٴماجىلىس كەزىندە، اۆتونوميالى رايوندىق حالىق قۇرىلتايى ۋاكىلدەرى مەن اۆتونوميالى رايوندىق ساياسي كەڭەس مۇشەلەرىنىڭ قايتا - قايتا قاراپ تالقىلاۋى، قايتا - قايتا داۋىسقا سالىپ ماقۇلداۋى، پارتيانىڭ دارىپتەمەلەرى مەن حالىقتىڭ جۇرەك ٴۇنىنىڭ وسكەلەڭ بىرلىككە كەلۋى شينجياڭ تاريحىنداعى ٴبىر - بىرلەگەن ماڭگىلىك ٴسات بولىپ ورنەكتەلدى.
پارتيا 18 - قۇرىلتايىنان بەرى، رايونىمىزدىڭ دەموكراتيالىق سايلاۋى، دەموكراتيالىق كەڭەسۋى، دەموكراتيالىق شەشىم جاساۋى، دەموكراتيالىق باسقارۋى، دەموكراتيالىق باقىلاۋى جاپپاي ىلگەرىلەتىلىپ، حالىقتىڭ ساياسيعا زاڭ بويىنشا، ٴتارتىپتى ات سالىسۋى ۇزدىكسىز كەڭەيتىلىپ، حالىقتىڭ دەموكراتيالىق تۇرمىسى باي مازمۇندى بولىپ، جالپى بارىستىق حالىق دەموكراتياسى ۇزدىكسىز دامىپ، كەمەلدەنىپ، سوتسياليستىك دەموكراتيالىق ساياسي جالىندى ومىرشەڭدىك كۇشىن مازداتتى.
اۆتونوميالى رايوننىڭ ساياحاتتى جەبەۋ ەرەجەسى، اۆتونوميالى رايوننىڭ اۋىل - قىستاقتى گۇلدەندىرۋدى جەبەۋ ەرەجەسى... تاياۋ جىلداردان بەرى، رايونىمىز نازاردى ٴتۇيىندى سالالاردا زاڭ شىعارۋعا شوعىرلاندىرىپ، ىلگەرىندى - كەيىندى 104 جەرگىلىكتى زاڭ - ەرەجە جاساپ، وزگەرىس ەنگىزىپ، ەكونوميكانىڭ جوعارى ساپالى دامۋىن قامتاماسىز ەتۋگە، قوعامدى جوعارى ونىمدىلىكپەن باسقارۋعا دەم بەرۋگە، بۇقارانىڭ جوعارى ساپالى تۇرمىسىن ساقتاۋعا زاڭمەن باسقارۋ قامتاماسىزدىعىن ازىرلەدى. ال، جاڭا جاعدايلاردىڭ، جاڭا تاقىرىپتاردىڭ جارىققا شىعۋىنا ىلەسە، جاڭادان گۇلدەنگەن سالالاردا زاڭ شىعارۋ كۇن سايىن كوبەيدى.
باقىلاۋ قىزمەتى بارىسىندا فورمادا ۇزدىكسىز جاڭالىق اشتى. بيىل اۆتونوميالى رايوندىق حالىق قۇرىلتايى تۇراقتى كوميتەتى تۇڭعىش رەت ينتەرنەت جەلىسىنەن تىس پىكىر الۋ، ينتەرنەت جەلىسىندەگى بەينە ەكراندىق بايلانىس ٴتاسىلىن اۋداندىق، قالالىق، رايوندىق حالىق قۇرىلتايى تۇراقتى كوميتەتتەرىنە دەيىن كەڭەيتىپ، اۆتونوميالى رايوننىڭ كاسىپتىك وقۋ - اعارتۋ قىزمەتى جونىندە ارناۋلى تاقىرىپتىق پىكىر الدى. بۇعان قوسا، اۆتونوميالى رايوندىق حالىق قۇرىلتايى تاعى ٴۇرتىس 3 جىل «زاڭنىڭ اتقارىلۋىن تەكسەرۋ + رەتتەپ - تۇزەتۋگە قۋزاۋ + سوڭىنا ٴتۇسىپ كوزدەن كەشىرۋ + ارنايى باعالاۋ + ارناۋلى تاقىرىپتىق كەڭەس الۋ + ريزا بولۋ دەڭگەيىن ساراپتاۋ» ارقىلى جۇمىستاندىرۋ قىزمەتىنە باقىلاۋ جۇرگىزىپ، رايونىمىزدىڭ اناعۇرلىم جوعارى ساپالى، اناعۇرلىم تولىق جۇمىستاندىرۋىن ىلگەرىلەتتى.
9 - ايدىڭ 14 - كۇنى اشىلعان اۆتونوميالى رايوننىڭ «مىندەتتى حالىق ٴۇشىن وتەپ، دامۋعا كۇش ۇستەۋ» اتىنداعى 100 حالىق قۇرىلتايى ۋاكىلىنىڭ اڭگىمە ٴماجىلىسى قوعامداعى ٴار سالانىڭ نازارىن كەڭ كولەمدە اۋداردى. بۇل اۆتونوميالى رايوندىق پارتكومنىڭ باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن جانە شينجياڭدى كوزدەن كەشىرگەندەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرۋدەگى ماڭىزدى شاراسى.
يوپۇرعا اۋدانى، جەكسەنبى بازار قالاشىعى سىندى ەكى دارەجەلى حالىق قۇرىلتايى ۋاكىلى جوۋ ليانحۋا وسى رەتكى قيمىلعا قاتىناسقاننان كەيىن بىلاي دەدى: «الداعى جەردە مەن حالىق قۇرىلتايى ۋاكىلى رولىمدى اناعۇرلىم ويداعىداي ساۋلەلەندىرىپ، اناعۇرلىم مۇقيات تەكسەرۋ - زەرتتەۋ جۇرگىزىپ، ماسەلەگە اناعۇرلىم تەرەڭىرەك وي جۇگىرتىپ، شينجياڭنىڭ ەكونوميكالىق، قوعامدىق دامۋىنا كوبىرەك جوعارى ساپالى ۇسىنىس قويامىن».
كەڭەسۋ ارقىلى ورتاقتىققا ۇمتىلۋعا، سەلبەسۋ ارقىلى ٴىس بىتىرۋگە بولادى. «جۇمىس بولسا كەڭەسىپ شەشۋ» دەگەن جۇڭگونىڭ ٴداستۇرلى مادەنيەتىنىڭ مايەگى، ونان دا ماڭىزدىسى، كەڭەستىك دەموكراتيانىڭ ەڭ جاندى بەينەلەنۋ فورماسى.
«ٴۇرىمجى حالىقارالىق قۇرلىقتىق پورت اۋماعى قۇرىلىسىن كۇش سالا ىلگەرىلەتىپ، ٴۇرىمجىنىڭ وزەكتى رايون قۇرىلىسىنداعى جەتەكتەۋ رولىن جوعارىلاتۋ»، «<زەردەلى كەدەن، زەردەلى شەكارا، زەردەلى ۇلاستىرۋ، تۇتاستىرۋدان يگىلىكتەنۋ> قۇرىلىسىن اتقارۋدى ىلگەرىلەتۋ»... 5 - ايدىڭ 24 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 21 - رەتكى تۇراقتى كوميتەت ماجىلىسىندە اۆتونوميالى رايوندىق ساياسي كەڭەستىڭ تۇراقتى مۇشەلەرى، مۇشەلەرى جانە ماماندار، وقىمىستىلار «جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتىپ، شينجياڭنىڭ ەكونوميكاسىنىڭ جوعارى ساپالى دامۋىنا دەم بەرۋ» كەڭەستىك تاقىرىبىن ارقاۋ ەتە وتىرىپ، بەلسەنە اقىل - كەڭەس بەردى.
پارتيا 18 - قۇرىلتايىنان بەرى، اۆتونوميالى رايوندىق ساياسي كەڭەس اۆتونوميالى رايوندىق پارتكومنىڭ وزەكتى قىزمەتىمەن تىعىز بايلانىستىرىپ، حالىق ساياسي كەڭەسىنىڭ سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەس قۇرىلىمى رەتىندەگى رولىن تولىق ساۋلەلەندىردى. ارناۋلى تاقىرىپتىق ۇكىمەت ٴىسىن كەڭەسۋ سيپاتتى تۇراقتى كوميتەت ٴماجىلىسىن اشۋدان سىرت، اۆتونوميالى رايوندىق ساياسي كەڭەس تاعى نازاردى قوعامدىق باسقارۋ، مادەنيەت - ساياحاتتى توعىستىرۋ، جاڭا ەنەرگيا كاسىپ سالاسى، اۋىل - قىستاق زات اينالىمى سياقتى سالالارعا شوعىرلاندىرىپ، ايلىق كەڭەس اڭگىمە ٴماجىلىسىن اشتى.
بىلتىردان بەرى، اۆتونوميالى رايوندىق ساياسي كەڭەس مامانداردىڭ كەڭەستىك اڭگىمە ٴماجىلىسىن، سالالاردىڭ كەڭەستىك اڭگىمە ٴماجىلىسىن، ارناۋلى تاقىرىپتىق كەڭەس ٴماجىلىسىن تۇڭعىش رەت اشتى... ساياسي كەڭەس فورماسى ۇزدىكسىز بايىتىلدى.
ەڭ ۇلكەن ورتاق بولگىشتى قاراستىرىپ، ەڭ ۇلكەن سەنترلەس شەڭبەردى سىزىپ شىقتى. رايونىمىزدىڭ بىرلىكسابى وتانشىلدىق، سوتسياليزم تۋىن بيىك ۇستاپ، ۇلى ىنتىماق، ۇلى بىرلىك نەگىزگى تاقىرىبىن مىقتاپ يگەرىپ، اۆتونوميالى رايوندىق پارتكومنىڭ وزەكتى قىزمەتىن مىقتاپ ارقاۋ ەتىپ، ساياسي پارتيالار قاتىناسىنىڭ، ۇلتتار قاتىناسىنىڭ، دىندەر قاتىناسىنىڭ، جىكتەر قاتىناسىنىڭ، ەل ٴىشى - سىرتىنداعى باۋىرلاستار قاتىناسىنىڭ جاراسىمدىلىعىن ۇزدىكسىز جەبەپ، بىرلىكساپتا ىنتىماقتى، ەكپىندەي ىلگەرىلەيتىن، ٴورىس اشقان، تەبىندەگەن تاماشا جاعداي جارىققا شىقتى.
زاڭمەن باسقارىلاتىن شينجياڭ قۇرىلىسى جاڭا قادام تاستادى
«شينجياڭدى زاڭمەن باسقارۋدا باسشى كادرلار سىندى <شەشۋشى ازشىلىقتى> مىقتى ۇستاۋ كەرەك»، «قالالاردى باسقارۋ جۇيەسى مەن باسقارۋ قابىلەتىن وسىزامانداندىرۋدى جەدەل ىلگەرىلەتۋ»، «بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن جاراتۋ»...
پارتيا 18 - قۇرىلتايىنان بەرى، رايونىمىز شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، شينجياڭدى زاڭمەن باسقارۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى بىرگە ىلگەرىلەتۋگە، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ٴبىر تۇلعالى قۇرۋعا تاباندى بولىپ، مەملەكەتتى جاپپاي زاڭمەن باسقارۋ تالابىن شينجياڭ قىزمەتىنىڭ ٴار سالاسىندا تياناقتاندىرىپ، ىزگى زاڭمەن شەبەرلىكپەن باسقارۋ ارقىلى ٴار ۇلت بۇقاراسىنىڭ جوعارى ساپالى تۇرمىسىن ساقتاپ، زاڭمەن باسقارىلاتىن شينجياڭ قۇرىلىسى ۇزدىكسىز جاڭا قادام تاستادى؛ لاڭكەستىككە قارسى تۇرۋ مەن ۇشقارىلىقتى الاستاۋ كۇرەسىن زاڭ بويىنشا ورىستەتىپ، زورلىقتى كۇش لاڭكەستىك ارەكەتتەرىنىڭ كوپ تۋىلۋ، ٴجيى تۋىلۋ جاعدايىن وڭاپ، ٴار ۇلت بۇقاراسىنىڭ تىنىشتىققا، ورنىقتىلىققا دەگەن ٴۇمىتى مەن تىلەگىن جۇزەگە اسىردى؛ اكىمشىلىك زاڭ اتقارۋ ٴتۇزىلىسى رەفورماسىن، ٴادىليا ٴتۇزىلىسى رەفورماسىن تەرەڭدەتىپ، بۇقارانىڭ زاڭدى ۇقىق - مۇددەسى مەن قوعامدىق ادىلدىكتى، تۋراشىلدىقتى قورعادى...
2 - ايدىڭ 24 - كۇنى اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ 2022 - جىلعى 2 - رەتكى ٴماجىلىسى جانە زاڭنان ەسەپ بەرۋ قىزمەتى ٴماجىلىسى اشىلعاننان باستاپ 3 - ايدىڭ سوڭىنا دەيىن، اۆتونوميالى رايون، ايماق (وبلىس، قالا)، اۋدان (قالا، رايون) ٴۇش دارەجەلى ورىندار زاڭنان ەسەپ بەرۋ ٴماجىلىسىن جالپى 128 رەت اشتى، ٴار دارەجەلى پارتيا، ۇكىمەت ورىندارىنىڭ نەگىزگى جاۋاپتىلارى «شەشۋشى ازشىلىق» رەتىندە زاڭنان ەسەپ بەرۋ قىزمەتى ارقىلى زاڭمەن باسقارىلاتىن شينجياڭ قۇرىلىسىنا «كۇش ۇستەدى».
شينجياڭدى زاڭمەن باسقارۋدى جاپپاي ىلگەرىلەتۋدە زاڭمەن باسقارىلاتىن ۇكىمەت قۇرىلىسى ٴتۇيىندى مىندەت جانە نەگىزگى تۇلعالىق ينجەنەريا سانالادى. بيىل اۆتونوميالى رايوندىق حالىق ۇكىمەتى كەڭسەسى اۆتونوميالى رايوننىڭ زاڭمەن باسقارىلاتىن ۇكىمەت قۇرىلىسىنىڭ 2022 - جىلعى قىزمەت تۇيىندەرىن باسىپ تاراتىپ، زاڭمەن باسقارىلاتىن ۇكىمەت قۇرىلىسىنىڭ تۇتاس جىلدىق ٴتۇيىندى قىزمەت مىندەتتەرىن ايقىنداپ، شينجياڭدى زاڭمەن باسقارۋ تالابىن ۇكىمەت قىزمەتىنىڭ ٴار تارابىندا، جالپى بارىسىندا دايەكتىلەندىرىپ، تياناقتاندىرىپ، زاڭمەن باسقارۋ جاعدايىندا ماسەلەنى ويلادى، شەشىم شىعاردى، ٴىس ٴبىتىردى. كادرلاردىڭ زاڭمەن باسقارۋ ويىن جانە زاڭمەن باسقارۋ ٴتاسىلىن قولدانىپ، حاۋىپ - قاتەردەن ساقتانۋ، قىلمىسقا سوققى بەرۋ، ماسەلەنى ٴبىر جاقتى ەتۋ، قايشىلىقتى شەشۋ قابىلەتى ۇزدىكسىز جوعارىلادى.
«قولايلى اۆتوكولىككە تەگىن وتىرامىن دەپ جارالانىپ قالدىم، شوفەر تولەم تولەي مە؟ بالام مەرەكەلىك اقشاسىن ٴوزى ساقتاسا بولا ما، جوق پا؟ ازاماتتىق زاڭنامانى بىزبەن بىرگە ۇيرەنىڭىز!»، بيىلعى «ازاماتتىق زاڭنامانى ۇگىتتەۋ ايىندا» رايونىمىزدىڭ جەر - جەرى، تاراۋلارى، ورىندارى نەگىزگى تاقىرىپتىق ۇگىت قيمىلىن كەڭ كولەمدە ورىستەتىپ، ازاماتتىق زاڭنامانىڭ بۇقاراعا جەتۋىنە، بۇقارانىڭ جۇرەگىنە ۇيالاۋىنا مۇمكىندىك جاسادى.
ازاماتتىق زاڭناما عانا ەمەس، نەگىزگى زاڭ، زاڭدار، الدامشىلىققا قارسى تۇرۋ بىلىمدەرى سياقتى زاڭ جالپىلاستىرۋ ۇگىت قيمىلدارى دا بۇكىل شينجياڭدا تەڭ قادامدا ورىستەتىلدى. حالىققا تۇسىنىكتى جاندى مىسالدار ارقىلى زاڭدى ٴتۇسىندىردى، ٴار ۇلت بۇقاراسى اناعۇرلىم زاڭدى ٴبىلىپ، زاڭدى ٴتۇسىنىپ، زاڭنان پايدالانىپ، تۇتاس قوعامدا ٴىس بىتىرۋدە زاڭعا نەگىزدەلۋ، ىسكە جولىققاندا زاڭدى ىزدەۋ، ماسەلەنى شەشۋدە زاڭنان پايدالانۋ، قايشىلىقتى شەشۋدە زاڭعا سۇيەنۋ ۇستانىمى كۇن سايىن كۇشەيدى.
زاڭمەن باسقارۋ كوركەيسە مەملەكەت كوركەيەدى، زاڭمەن باسقارۋ كۇشەيسە مەملەكەت كۇشەيەدى. بۇگىنگى شينجياڭدا زاڭمەن باسقارۋ رايى اناعۇرلىم قويۋ، زاڭمەن باسقارۋ تانىمى اناعۇرلىم كۇشتى، عىلمي زاڭ شىعارۋ، زاڭدى قاتاڭ اتقارۋ، ٴادىليانى ٴادىل جۇرگىزۋ، جالپى حالىق زاڭعا بويسۇنۋ جاپپاي ىلگەرىلەتىلۋدە.
كۇرەس تاريحتى جاراتادى، ناقتى ىستەۋ بولاشاقتا جەتىستىككە جەتكىزەدى. جاڭا تاريحي باستامادا تۇرعان شينجياڭداعى ٴار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ٴبىر جاعادان باس، ٴبىر جەڭنەن قول شىعارىپ، ارشىنداي قادام باسىپ، دەموكراتيالىق باسقارۋدىڭ تىڭ ٴورىسىن ۇزدىكسىز اشادى.