汉文 ىلە اقپارات تورابىنا حوش كەلدىڭىزدەر!
قۇلجا اۋدانىنىڭ 100 ميلليارد يۋان ۇرشىق دارەجەلىتوقىماشىلىق كاسىپ باقشا رايونىنىڭ دۇنيەگە كەلۋى جونىندە
2022-10-16 11:06:29     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

لي جيان (ٴوز ٴتىلشىمىز)

تۇرسىنجان ماحات جونىنەن العاندا، قۇلجا اۋداندىق توقىماشىلىق كاسىپ باقشاسى رايونى ونىڭ ەكىنشى ۇيىنە اينالعان ەدى. ول ايەلى ەكەۋى 2 جىلدىڭ الدىندا باقشا رايونىنداعى ۋەيلۇن توقىماشىلىق كاسىپورنىنىڭ ماشينا - جابدىق كۇتىمدەۋشىسى بولعان، باقشا رايونىندا جاتاق، اسحانا بار، ولار وسىندا تاماقتانىپ، وسىندا تۇرادى.

قازىر ەرلى - زايىپتى ەكەۋى ايىنا ەڭ جوعارى بولعاندا 17 مىڭ يۋان كىرىس كىرگىزەدى. ەكى جىل ىستەپ، اقشا جيعان تۇرسىنجان قازىر جاڭا ٴۇيدىڭ جوسپارىن جاساپ وتىر. «قىستاقتان جاڭا ٴۇي سالامىز با، الدە اۋدان ورتالىعىنان جاڭا ٴۇي ساتىپ الامىز با؟ بۇل ٴىستى ايەلىممەن جاقسىلاپ اقىلداسۋىم كەرەك» دەيدى ول.

قازىر قۇلجا اۋدانىنىڭ توقىماشىلىق كاسىبى باقشا رايونى 6 ميليارد يۋاننان استام قارجى قوسىپ، اۋماعى ٴبىر ميلليون شارشى مەتر كەلەتىن ولشەمدەنگەن زاۆود ۇيلەرى مەن سايكەستى قۇرىلعىلاردى سالدى، ۋەيلۇن توقىماشىلىعىنان سىرت، تاعى حۋاشۋ توقىماشىلىعى، جيانحۋا توقىماشىلىعى، داشىڭ توقىماشىلىعى، ي - چىڭ توقىماشىلىعى، جوۋان كيىم كەشەگى، دامو چۋانچي وتباسى بۇيىمدارى سياقتى 20 دان ارتىق كاسىپورىن ىرگە تەپتى، جىلدىق ٴونىم قۇنى 5 ميلليارد يۋاننان اسادى، جەرگىلىكتى تۇرعىنداردان 5 مىڭنان استام ادامدى وسىندا جۇمىستاندىردى.

 5 مىڭنان استام قىزمەتكەر قۇلجا اۋدانىنداعى بارلىق تۇرعىندارمەن بىرگە بۇگىنگى كۇندە 100 ميلليارد يۋان ۇرشىق دارەجەلى وسى توقىماشىلىق كاسىپ باقشاسى رايونىنىڭ 10 جىل بويى قۇلجا اۋدانىندا تامىر تارتىپ، قارىشتاپ دامۋىنا كۋا بولدى.

     ٴبىر رەتكى جاسامپازدىق ويى

2013 - جىلدىڭ سوڭىندا شينجياڭعا 8 - توپتا كومەككە كەلگەن كادر جاڭ حۋا جياڭسۋ ولكەسىنىڭ نانتۇڭ قالاسىنان قۇلجا اۋدانىنا كەلىپ، قۇلجا اۋداندىق پارتكومنىڭ ورىنباسار شۋجيى، نانتۇڭنىڭ شينجياڭعا باعىتتامالى كومەكتەسۋ قىزمەت گرۋپپاسىنىڭ باستىعى بولىپ، قۇلجا اۋدانىنىڭ ەكونوميكا جانە وقۋ - اعارتۋ قىزمەتىنە جاۋاپتى بولدى. جان - جاقتى تەكسەرۋ - زەرتتەۋ ارقىلى جاڭ حۋا قۇلجا اۋدانىنىڭ سولتۇستىك شينجياڭداعى حالىق سانى بويىنشا ٴبىرىنشى ۇلكەن اۋدان ەكەنىن، 100 مىڭنان استام بوس ەڭبەككۇشى بار ەكەنىن ۇعىستى. ەگەر وسىنشاما كوپ ادامنىڭ رولى تولىق ساۋلەلەندىرىلسە، وراسان زور ەكونوميكالىق ونىمدىلىك جاراتۋعا بولار ەدى.

        جاڭ حۋا قۇلجا اۋدانىنىڭ ٴار دارەجەلى باسشىلارىمەن بىرگە كەدەيلىكتەن ارىلتۋدان قامال الۋ بولسىن، الدە اۋىل - قىستاقتى گۇلدەندىرۋ بولسىن، ٴبارى دە كاسىپ سالاسىنىڭ تىرەك بولۋىنا مۇقتاج ەكەنىن قايتا - قايتا دالەلدەيدى. نانتۇڭ − ەل ىشىندەگى ەڭ ۇلكەن ٴۇي توقىماسى كاسىبىنىڭ شوعىرلانعان - تاراتىلاتىن جەرى، ٴۇي توقىما بۇيىمدارى كاسىبىنىڭ ساتىلى اۋىسۋى − تابيعي بەتالىس. ىلە شيكىزات، ەڭبەككۇش، جەر، ەلەكتر قۋاتى سياقتى جاقتاردا ابزالدىققا يە، مەملەكەت تە توقىماشىلىق كاسىبىنىڭ دامۋىن قولدايتىن كوپ ٴتۇرلى سۇيەمەلدەۋ ساياساتىن شىعاردى.

«ەندەشە، نانتۇڭنىڭ توقىماشىلىق كاسىبىن قۇلجا اۋدانىنا كوشىرىپ، قۇلجا اۋدانىندا توقىماشىلىق كاسىپ باقشا رايونىن قۇرۋعا بولا ما؟» 2016 - جىلى جاڭ حۋانىڭ ۇسىنىسى قۇلجا اۋداندىق پارتكومنىڭ بار كۇشپەن قولداۋىنا يە بولدى. ٴبىر رەتكى جاسامپازدىق ويى، بەينە، ٴبىر ٴتۇپ اعاشتى ەككەن سياقتى، بىرتىندەپ ىسكە اسىرىلا باستادى.

قۇلجا اۋدانىندا ٴبىر توپ ادام باقشا رايونىنىڭ ورنىن تاڭداي باستادى، ىلە - شالا جوبالاۋ، قارجى قۇراۋ، قۇرىلىس جۇرگىزۋ، ساۋداگەر شاقىرۋ، جۇمىسشى قابىلداۋ، تاربيەلەۋ، تيجارات جۇرگىزۋ سياقتى قىزمەتتەر جاپپاي ورىستەتىلدى.

باقشا رايونى العاش قۇرىلعان كەزدە ساتسىزدىككە ۇشىرادى. جياڭسۋدان ساۋداگەر شاقىرماق بولعان كەزدە، ٴبىر ساۋداگەر: «ىلە سونشاما الىس، اقشانى كۇرەپ الاتىن ٴىس بولسا دا، مەن بارا المايمىن!» دەدى. جۇمىسشى قابىلداۋ باستالعاندا، 150 ادام كەلدى، كۋرس اياقتالعاندا 3 ادام عانا قالدى. ٴبىر ماڭىزدى باسشى كەلىپ تەكسەرۋ - زەرتتەۋ جۇرگىزىپ، باقشا رايونىن ٴبىر اينالىپ شىققاننان كەيىن: «باقشا رايونى قۇرىلىسى قۇراما قوبديشا ەمەس، بۇل ارانىڭ قاڭىراپ قالماۋىن ٴۇمىت ەتەمىن!» دەدى.

ٴبىر ٴتۇپ اعاشتى ەگۋ قيىن ەمەس. قيىنى ونى قاتارعا قوسۋ.

قۇلجا اۋدانىنىڭ توقىماشىلىق كاسىپ باقشاسى رايونى سىندى وسى ۇلكەن اعاشتى قاتارعا قوسۋعا بولا ما؟

     ماشاقاتپەن ساۋداگەر شاقىرۋ

2019 - جىلدىڭ سوڭىندا شينجياڭعا 10 - توپتا كومەككە كەلگەن كادر جاڭ يىڭچۇن قۇلجا اۋدانىنا بارىپ، قۇلجا اۋداندىق پارتكومنىڭ تۇراقتى مۇشەسى، ي - دۇڭ ونەركاسىپ باقشا رايونى پارتيا قىزمەت كوميتەتىنىڭ ورىنباسار شۋجيى، باسقارۋ كوميتەتىنىڭ مەڭگەرۋشىسى، نانتۇڭنىڭ شينجياڭعا باعىتتامالى كومەكتەسۋ قىزمەت گرۋپپاسىنىڭ ورىنباسار باستىعى بولدى. ول ۇيىمنىڭ ٴوزىن وسى اراعا تاڭداپ جىبەرۋدەگى ماقساتىن ابدەن بىلەدى، ول: « كەلگەننەن كەيىن مەنىڭ نەگىزگى قىزمەت ٴتۇيىنىم توقىماشىلىق كاسىپ باقشاسى رايونىنىڭ قۇرىلىسى بولدى» دەدى.

سول كەزدە قۇلجا اۋدانى توقىماشىلىق كاسىپ باقشاسىنىڭ 1 - مەرزىمدەگى توقىما رايونىندا جالپى 8 زاۆود ٴۇيى بار ەدى، ۋەيلۇن توقىماشىلىعى 2019 - جىلى ٴبىر سەحقا كىرىپ، 108 ماشينا - جابدىقتى ىسكە قوسۋدان سىرت، قالعان زاۆود ۇيلەرى تۇگەلدەي بوس بولاتىن.

جاڭ يىڭچۇن قابىلداعان باستى مىندەت باقشا رايونىنداعى زاۆود ۇيلەرىن تولتىرۋ بولدى. سونىمەن ول ساۋداگەر شاقىرۋ قوسىنىن باستاپ دۇنيە جۇزىندەگى ٴۇش ۇلكەن ٴۇي توقىما بۇيىمدارى ساۋدا ورتالىعىنىڭ ٴبىرى بولعان نانتۇڭعا كەلىپ، تانىستىرۋ ٴماجىلىسىن اشتى. ٴۇي توقىما بۇيىمدارى كاسىپورىندارىنىڭ ىلەگە كەلىپ قارجى قوسقىسى كەلەتىنىن ەستىسە بولدى، ولار دەرەۋ كاسىپورىنعا امانداسا باردى. جيانحۋا توقىماشىلىعى ولاردىڭ وسى رەت ساۋداگەر شاقىرىپ ەنگىزگەن تۇڭعىش كاسىپورنى بولدى.

«سول كەزدە جيانحۋا توقىماشىلىق سەرىكتەستىگىنىڭ جاۋاپتىسى شينجياڭعا قارجى قوسپاقشى بولىپ جاتىر دەگەندى ەستىپ، دەرەۋ حابارلاستىق. ولاردىڭ شىنىندا كەلۋ ويى بار، ٴبىراق وڭتۇستىك شينجياڭ مەن سولتۇستىك شينجياڭنىڭ قايسىسىنا بارۋدى تۇراقتاندىرماعان ەكەن. امالىن تاۋىپ ولاردى باۋراپ، ساۋداگەر شاقىرىپ، قارجى ەنگىزۋدە زور قامال الۋىمىزعا تۋرا كەلدى». سونىمەن جاڭ يىڭچۇن جيانحۋا توقىماشىلىعىنىڭ جاۋاپتىسىن قۇلجا اۋدانىنا كەلىپ زاۆود ۇيلەرىن، ساۋدا ورتاسىن تەكسەرۋگە ۇسىنىس ەتىپ، ولاردى شينجياڭعا باعىتتامالى كومەكتەسۋ بويىنشا قۇلجا اۋدانىنا كەلگەن ٴار سالا كادرلارىمەن ىشكەرىلەي سويلەستىرىپ، ولارعا سوناۋ شالعايدان كەلگەن كوپتەگەن اۋىلداستىڭ قۇلجا اۋدانىندا ىستەپ جاتقانىن ۇعىندىرىپ، پسيحيكالىق جاقتان قۇلجا اۋدانىن تاڭداۋىنا جەبەۋ بولادى.

جاڭ يىڭچۇن تاعى دا جيانحۋا توقىماشىلىعىنىڭ جاۋاپتىلارىمەن بىرگە وڭتۇستىك شينجياڭدا قىزمەت تەكسەرەدى، تەكسەرۋ اياقتاعاننان كەيىن قۇلجا اۋداندىق پارتكومعا مالىمەت بەرەدى. قۇلجا اۋداندىق پارتكوم ساۋداگەر شاقىرۋ ساياساتىنا لايىقتى رەتتەۋ جۇرگىزىپ، جيانحۋا توقىماشىلىعىنىڭ وسى ارادا ىرگە تەبۋىنە شارت - جاعداي جاراتاتىن بولادى.

اقىرى 2020 - جىلدىڭ سوڭىندا جيانحۋا توقىماشىلىعى قۇلجا اۋدانىنىڭ توقىماشىلىق كاسىپ باقشا رايونىنا كىرىپ، ەكى زاۆود ۇيىنە تاپسرىس بەرىپ، 576 توقۋ ماشيناسىنا قارجى قوسادى. كەلەسى جىلى 7 - ايدا جيانحۋا توقىماشىلىعىنىڭ 7 - ٴنومىرلى زاۆود ٴۇيى كەلىسىمگە ساي جاپپاي ىسكە قوسىلىپ، 288 ماشينا - جابدىق ٴبىر ۋاقىتتا جۇمىس ىستەي باستايدى.

سونىمەن نەگىزدىك قۇرىلعى ازىرلەنىپ، جەتەكشى كاسىپورىندى ىرگە تەبۋگە باۋرايدى. قازىر قۇلجا اۋدانى توقىماشىلىق كاسىپ باقشاسى رايونىنىڭ توقىماشىلىق باقشاسىنىڭ 1 - مەرزىمدىك قۇرىلىسى سالىنىپ بولدى، 6 زاۆود ٴۇيى ىسكە قوسىلدى، تاعى 2 زاۆود ٴۇيى دە بيىل جىل سوڭىندا ىسكە قوسىلادى.

              ٴبىر ۇستانىم

باقشا رايونى العاشقى قادامدا كولەم قالىپتاستىردى، كاسىپورىنداردىڭ ۇزاق بولاشاقتىق دامۋىن ىلگەرىلەتۋ كەرەك بولدى، كاسىپورىنداردىڭ جۇمىسشى ىستەتۋ ماسەلەسى كەزەك كۇتتىرمەيتىن مىندەتكە اينالدى. 9 - توپتا شينجياڭعا كومەككە كەلگەن كادر، قۇلجا اۋداندىق پارتكومنىڭ تۇراقتى مۇشەسى، ورىنباسار اۋدان اكىمى، نانتۇڭنىڭ شينجياڭعا باعىتتامالى كومەكتەسۋ قىزمەت گرۋپپاسىنىڭ ورىنباسار باستىعى جوۋ يۇڭ كىلەڭ قوعامعا سۇيەنىپ جۇمىسشى قابىلداۋدىڭ كاسىپورىنداردىڭ جۇمىسشى ىستەتۋ قاجەتىن قاناعاتتاندىرا المايتىندىعىن تانىپ جەتتى، ول: «ٴبىز دە جۇمىسشى ىستەتۋ ۇستانىمىندا بۇرىلىس جاساۋىمىز كەرەك» دەيدى.

2019 - جىلى جوۋ يۇڭ گرۋپپا باستاپ نانتۇڭعا بارىپ قىزمەت تەكسەرىپ، سول جەردەگى وقىتۋشى - وقۋشىلارمەن ىشكەرىلەي پىكىر اۋىستىردى. قايتىپ كەلگەننەن كەيىن، جوۋ يۇڭ باستاعان گرۋپپا: توقىماشىلىق كاسىبىن دامىتۋ ٴۇشىن، ٴسوز جوق، كاسىپتىك وقۋ - اعارتۋدى دامىتۋ كەرەك دەگەن قورىتىندى شىعاردى. «نانتۇڭدا كاسىپتىك وقۋ - اعارتۋ جاقسى جۇرگىزىلۋدە، وقۋشىلاردىڭ قابىلداۋ قابىلەتى كۇشتى، ۇيرەنۋى تەز، يگەرۋى جاقسى». جوۋ يۇڭ: «ٴبىز جۇمىسشى قابىلداعاندا كاسىپتىك تاربيە العان وقۋشىلاردى نەگىزگى تۇلعا ەتۋىمىز كەرەك» دەيدى.

سونىمەن قۇلجا اۋدانى كاسىپتىك وقۋ - اعارتۋدى زور كۇشپەن دامىتا باستادى. 2021 - جىلى قۇلجا اۋدانى نانتۇڭنان 8 كاسىپتىك وقۋ - اعارتۋ مۇعالىمىن قۇلجا اۋداندىق كاسىپتىك ورتا مەكتەپتىڭ وقۋشىلارىنا ساباق وتۋگە ۇسىنىس ەتىپ، وقۋشىلاردى جۇمىستانۋ ۇستانىمىندا بۇرىلىس جاساۋعا جەتەكتەدى. سونىمەن بىرگە، قۇلجا اۋداندىق كاسىپتىك ورتا مەكتەپتىڭ توقىماشىلىق كاسىبىن اشۋىن بەلسەنە ىلگەرىلەتتى.

«بيىل كاسىپتىك ورتا مەكتەپتىڭ توقىماشىلىق كاسىبىن اشۋى بەكىتىلدى. توقىماشىلىق كاسىبى اشىلعاننان كەيىن، ٴبىز كاسىپورىنداردى جۇمىسشى - قىزمەتكەرلەرىن باعىتتامالى باۋلۋعا قاتىناستىرۋعا شابىتتاندىرىپ، كاسىپورىنداردىڭ اتى بويىنشا كلاس اشىپ، وقۋ سيلىق اقشاسىن بەرىپ، ٴتىپتى دە كوپ وقۋشىنى توقىماشىلىق كاسىبىنە ەمتيحان بەرۋگە باۋرادىق». جوۋ يۇڭ بىلاي دەدى: سونىمەن بىرگە، قۇلجا اۋدانى ىلە جىبەك جولى كاسىپتىك شۋەيۋانىمەن (دايىندىق)، ىلە كاسىپتىك - تەحنيكا شۋەيۋانىمەن بەلسەنە سەلبەستىك جاساپ، شۋەيۋاننىڭ وقىتۋشى - وقۋشىلارىن باقشا رايونىن تەكسەرۋگە، پراكتيكا جاساۋعا ۇسىنىس ەتتى.

ىلەنىڭ وسى 2 كاسىپتىك شۋەيۋانىندا 10 مىڭنان استام  وقۋشى بولعاندىقتان قۇلجا اۋدانىنىڭ توقىماشىلىق كاسىپ باقشاسى رايونىنداعى كاسىپورىندار كاسىپورىننىڭ دامىپ زورايۋى قىرۋار تەحنيك جۇمىسشىلاردى قاجەت ەتەتىن ماسەلەدەن ەندىگارى الاڭدامايتىن بولدى؛ ال قۇلجا اۋدانىنىڭ توقىماشىلىق كاسىپ باقشاسى رايونىنىڭ دامىپ زورايۋى دا كاسىپتىك مەكتەپ بىتىرگەن وقۋشىلارعا قىرۋار جۇمىستانۋ ورنىن ازىرلەپ بەردى. وتكەن جىلى جازعى دەمالىستان باستاپ، كاسىپتىك شۋەيۋاننىڭ كوپتەگەن وقۋشىلارى قۇلجا اۋدانىنىڭ توقىماشىلىق كاسىپ باقشا رايونىنا بارىپ پراكتيكا جاسادى، پراكتيكا مەرزىمى اياقتاعاننان كەيىنگى جۇمىسشى - قىزمەتكەر قابىلداۋ مولشەرى قوعامنان جۇمىسشى قابىلداۋدان الدەقايدا جوعارى بولدى.

          ارماندى ىسكە اسىرۋ

«وسى بىرنەشە جىلدا باقشا رايونى قۇرىلىسى 1 -، 2 - مەرزىمدەردەن 3 - مەرزىمگە ٴوتتى، زاۆود ۇيلەرىنىڭ اۋماعى ٴبىر ميلليون شارشى مەتردەن استى. باقشا رايونىنا تەكسەرۋ جۇرگىزۋگە كەلگەن باسشىلار مەن ساۋداگەرلەر بارعان سايىن كوبەيىپ، تۇراقتاندىرۋ جانە القاۋ ٴۇنى دە بارعان سايىن كوبەيىپ، ارمان اقىرى ىسكە استى» دەدى جاڭ حۋا.

قازىر قۇلجا اۋدانىنىڭ توقىماشىلىق كاسىپ باقشاسى «ەكى قورعاس، ەكى قۇلجانى» ٴبىر تۇلعالاندىرىپ، قورعاستىڭ باتىسقا ەسىك اشۋىن دەمەۋدەگى ماڭىزدى تۇعىرعا اينالدى ٴارى اۆتونوميالى رايوننىڭ «14 - بەسجىلدىق» جوباسىنا ەنگىزىلدى. سونىمەن بىرگە، ىلە وبلىستىق پارتكوم مەن ۇكىمەت قۇلجا اۋدانىنىڭ توقىماشىلىق كاسىپ باقشا رايونىن ىلە وبلىسىنا توتە قاراستى اۋدان، قالالارداعى 100 ميلليارد يۋان دارەجەلى 3 - كاسىپ باقشا رايونى ەتىپ بەلگىلەدى.

ماڭىزدى ەڭبەككۇش شوعىرلانعان كاسىپ تۇعىرى رەتىندە، قۇلجا اۋدانىنىڭ توقىماشىلىق كاسىپ باقشاسى رايونى تۇگەلدەي وندىرىسكە قوسىلعاننان كەيىن، جىلىنا 350 مىڭ توننا ٴجىپ، 2 ميلليارد مەتر كەزدەمە ٴوندىرۋ قۋاتىن قالىپتاستىرىپ، 80 مىڭنان استام ادامدى جۇمىستاندىرادى. «ٴبىز جۇڭگو توقىماشىلىق بىرلەستىگى كاسىپ زەرتتەۋ ورنىنان باقشا رايونىمىزعا كاسىپ جوسپارىن جاساپ بەرۋدى وتىندىك. بولاشاقتا باقشا رايونى ٴۇي توقىما بۇيىمدارىن نەگىزگى لەنيا ەتىپ، ٴجىپ ٴيىرۋ، بوياۋ، دايار ٴونىم شىعارۋ جۇمىستارىن ىستەپ، تۇتاس ٴۇي توقىما بۇيىمدارى كاسىپ تىزبەگىنىڭ قالىپتاسۋىن ىلگەرىلەتەدى» دەدى جاڭ يىڭچۇن.

«قۇلجا اۋدانى ەنەرگيا ابزالدىعىنا، وڭىرلىك ابزالدىققا، بازار ابزالدىعىنا يە. گۇل باسۋ، بوياۋ كاسىبى باقشا رايونىنا ىرگە تەپكەننەن كەيىن بۇل ارادا تۇتاس ٴۇي توقىما بۇيىمدارى كاسىپ تىزبەگى قالىپتاسىپ، ٴتۇيىن ارقىلى كولەمدى جەتەكتەيدى، توقىماشىلىق كاسىبى، ٴسوز جوق، قۇلجا اۋدانىنىڭ سايكەستى كاسىپ سالاسىنىڭ دامۋىن جەبەيدى» دەدى ۋەيلۇن توقىماشىلىق سەرىكتەستىگىنىڭ باس ديرەكتورى جوۋ چياڭ.

نانتۇڭنىڭ كاسىپ سالاسى بويىنشا شينجياڭعا باعىتتامالى كومەكتەسۋ نىسانىندا قۇلجا اۋدانىنداعى توقىماشىلىق كاسىپ باقشاسى توقىما باقشاسىنا ىرگە تەپكەن تۇڭعىش كاسىپورىن رەتىندە ۋەيلۇن توقىماشىلىعى 2 جىلدان استام ۋاقىت دامۋ ارقىلى توقىما ماشيناسىنىڭ سانىن 108 دەن 158 گە جەتكىزدى. «بيىل جىل سوڭىنا دەيىن ٴبىز تاعى دا كولەمىن ۇلعايتىپ، توقىما ماشيناسىن 200 گە جەتكىزەمىز» دەدى جوۋ چياڭ قۇلجا اۋدانىنىڭ توقىماشىلىق كاسىبىنىڭ بولاشاعىنا كامىل سەنىم ارتىپ.

قازىر قۇلجا اۋدانىنىڭ توقىماشىلىق كاسىپ باقشاسى بۇرىن بولىپ كورىلمەگەن دامۋ ورايىنا يە بولدى. توقىلىپ شىققان كەزدەمە نانتۇڭ حالىقارالىق ٴۇي توقىما بۇيىمدارى كاسىپ باقشاسى مەن قۇلجا اۋدانى توقىماشىلىق كاسىپ باقشاسى رايونى سىندى وتانىمىزدىڭ شىعىس پەن باتىستاعى ەكى ۇلكەن باقشاسىن تۇتاستىرۋمەن بىرگە، باتىسقا قاراي دۇنيە جۇزىمەن تۇتاسىپ، اناعۇرلىم ٴىرى بازارلاردىڭ دامۋ ارناسىمەن توعىسادى. «بۇدان بىلاي نانتۇڭ قالاسىنداعى ٴۇي توقىما كاسىبى مەن قۇلجا اۋدانىنداعى ٴۇي توقىما كاسىبى ٴوزارا سايكەسىپ، ٴوزارا سەلبەسكەن ەكى ۇلكەن بازار قالىپتاستىرادى. ەڭ سوڭىندا ٴبىز قۇلجا اۋدانىن ورتا ازيا رايونىنداعى ەڭ ىقپالدى ٴۇي توقىما بۇيىمدارىن ٴوندىرۋ - مانەرلەۋ ساۋدا ورتالىعى ەتىپ قۇرىپ شىعۋعا قۇلشىنامىز» دەدى جاڭ يىڭچۇن.