انار بۇلت/شينجياڭ گازەتى حابارى (ءتىلشى سۋ لۋپيڭ). 10 - ايدىڭ 25 - كۇنى كەشتە ىلە قازاق اۆتونوميالى وبلىستىق حالىق ۇكىمەتىنىڭ اقپارات كەڭسەسى ىندەتتەن ساقتانۋ - تىزگىندەۋ جونىندە اقپار جاريالاۋ ءماجىلىسىن اشتى. ماجىلىستە ىلە وبلىستىق انالار مەن بالالاردىڭ دەنساۋلىعىن قورعاۋ شيپاحاناسى پارتكومىنىڭ مۇشەسى، ورىنباسار شيپاحانا باستىعى شۋە فىڭ ىلە وبلىستىق انالار مەن بالالاردىڭ دەنساۋلىعىن قورعاۋ شيپاحاناسىنىڭ بۇقارانىڭ ەمدەلۋىن قامتاماسىزداندىرۋ جاعدايىن حابارلادى.

ايەلدەر مەن بالالاردىڭ شيپاحاناعا كورىنۋى قيىن بولۋ ماسەلەسىن شىنايى شەشۋ ءۇشىن، ىلە وبلىستىق انالار مەن بالالاردىڭ دەنساۋلىعىن قورعاۋ شيپاحاناسى قىزمەت وتەۋ شارالارىن دەر كەزىندە رەتتەپ، كەمەلدەندىرىپ، ەمدەۋ قىزمەت وتەۋ دەڭگەيىن ۇزدىكسىز جوعارىلاتىپ، بۇقارانىڭ ەمدەلۋ قاجەتىن بار كۇشپەن قاناعاتتاندىردى.

ءبىرىنشى، ەمدەۋ بايلىعىن بىرىكتىردى. ىندەت كەزىندە ىلە وبلىستىق انالار مەن بالالاردىڭ دەنساۋلىعىن قورعاۋ شيپاحاناسىنىڭ امبۋلاتورياسى مەن بالنيتسا رايونى ناۋقاستاردى تۇراقتى قابىلداپ ەمدەدى. قازىر اشىق ۇستالعان امبۋلاتوريا بولىمدەرىنەن بوسانۋدان بۇرىنعى دياگنوز قويۋ ءبولىمى، ايەلدەر اۋرۋى امبۋلاتورياسى جانە جوسپارلى تۋىت امبۋلاتورياسى بار، اشىق ۇستالعان اۋرۋحانا رايونىنان تۋىت ءبولىمى، ايەلدەر اۋرۋى ءبولىمى جانە جاڭا تۋىلعان نارەستەلەر ءبولىمى بار، اۋرۋحانا رايونىندا 120 توسەك پايدالانۋعا بەرىلدى. اشىق ۇستالعان امبۋلاتوريالار مەن اۋرۋحانا رايوندارىندا كاسىپتىك تىرەكتىلەر ناۋقاس كورەدى، ايەلدەر اۋرۋى ءبولىمى ۇنەمى كەزدەسەتىن اۋرۋلارعا دياگىنوز قويۋ، ەمدەۋ، وپەراتسيا جاساۋ جانە بوساندىرۋ، اسىرەسە ناۋقاسى قاتەرلى جۇكتى ايەلدەردى ەمدەۋ - قۇتقارۋ جۇمىستارىن ورىنداي الادى. سونىمەن بىرگە، تۋىت ءبولىمى، جاڭا تۋعان نارەستەلەر ءبولىمى، ناركوز ءبولىمى، ۋلترا دىبىس تولقىنىمەن تەكسەرۋ ءبولىمى سياقتى كوپ ءپان بويىنشا 38 ادامنان قۇرالعان قىسىلتاياڭ جاعدايعا توتەپ بەرۋ قوسىنى قۇرىلىپ، بۇقارانىڭ ەمدەلۋ قاجەتىن مۇمكىندىكتىڭ بارىنشا قامتاماسىزداندىردى.

ەكىنشى، دياگنوز قويۋ مەن ەمدەۋدى عىلمي، ءتارتىپتى ورىستەتتى. شيپاحانانىڭ تۋىت ءبولىمى تاۋلىك بويى اشىق ۇستالادى، ناۋقاس شيپاحاناعا ەمدەلۋدە ازاماتتىق كۋالىگىن، 24 ساعات ىشىندەگى حىسۋان تەكسەرۋى بولىمسىزدىق مالىمەتىن، سالاماتتىق جاسىل كودىن جانە بۇرىنعى تۋىت تەكسەرۋىندەگى ماتەريالدارىن الىپ كەلۋى كەرەك. شيپاحاناعا بارعاننان كەيىن سالاماتتىق كودىن، ورىن كودىن تەكسەرتىپ، دەنە تەمپەراتۋراسىن ولشەتىپ، انتيگەن مەن حىسۋانىن تەكسەرتكەننەن كەيىن، الدىن الا تەكسەرىپ امبۋلاتورياعا بولەتىن قىزمەتكەرلەردىڭ باعالاۋى بويىنشا، اۋرۋ جاعدايىنا قاراي دياگنوز قويۋ امبۋلاتورياسىنا نەمەسە قىزعان ناۋقاستاردى ەمدەۋ امبۋلاتورياسىنا بارادى. قىزعان ناۋقاستاردى ەمدەۋ امبۋلاتورياسىنا تولعاق باسەيتۋ، تۋىت تەكسەرۋ بولمەسى، بوساندىرۋ بولمەسى قوسىلىپ، تۋىت ءبولىمىنىڭ شيپاگەرى، بوساندىرۋشى، ۋلترا دىبىس تولقىنىمەن تەكسەرۋ قىزمەتكەرى جانە كۇتۋشى قىزمەتكەر ورنالاستىرىلىپ، تيپتى ۋلترا دىبىس تولقىنى، ىشتەگى بالانىڭ جۇرەگىن باقىلاۋ سياقتى تۋىت بولىمىنە قاتىستى تەكسەرۋ جابدىقتارى كوبەيتىلىپ، بوسانۋ توسەگى ورنالاستىرىلدى. جۇكتى، بوسانعان ايەلدەرگە شۇعىل دياگنوز قويۋ ارناسى كەمەلدەندىرىلىپ، قاتەرلى، سالماقتى جۇكتى ايەلدەردى الدىن الا تەكسەرىپ، باعالاعاننان كەيىن، جاسىل ارنامەن تۋىت ءبولىمىنىڭ ناۋقاستار اۋماعىنا اپارىپ قۇتقارۋ - ەمدەۋ جۇرگىزىپ، ساقتانۋ - تىزگىندەۋ، ەمدەۋ سىندى «ەكى جاعىن دا اقساتپاۋعا» شىنايى كەپىلدىك ەتتى.

ءۇشىنشى، سان - سالالى قىزمەت وتەۋدى ويداعىداي ىستەدى. ىندەت تۋىلعاننان بەرى شيپاحانا جەلىدە ەمدەۋدى كۇشەيتىپ، جاقسى شيپاگەر، ءۇنحات شيپاگەرى سياقتى كوپتەگەن جەلى تۇرعىرلارىن اشىپ، بالالار ءبولىمى، بوسانۋدان بۇرىنعى امبۋلاتوريا، بالالار دەنساۋلىق ساقتاۋ ءبولىمى، ايەلدەر ءبولىمى، ومىراۋ بەزى، قالقانشا بەز سىرتقى اۋرۋلار ءبولىمى، تۋىت ءبولىمى، جاڭا تۋعان نارەستەلەر ءبولىمى سياقتى بولىمدەردىڭ جەلىدە دياگنوز قويۋ جانە تەلەفون ارقىلى قىزمەت وتەۋ كاسىبىن اشتى. 10 - ايدىڭ 20 - كۇنى شيپاحانا ىلە ءنول ارالىق ءۇنحات تەكشەسىندە 12 ماماننىڭ تەلەفون ءنومىرىن جانە 19 كلينيكالىق ءبولىم مەڭگەرۋشىسىنىڭ تەلەفون ءنومىرىن جاريالادى. سونىمەن بىرگە، ءار ۇلت بۇقاراسىنىڭ «ىلە وبلىستىق انالار مەن بالالاردىڭ دەنساۋلىعىن قورعاۋ شيپاحاناسى» الەۋمەتتىك ءنومىرى ارقىلى ىلە وبلىستىق انالار مەن بالالاردىڭ دەنساۋلىعىن قورعاۋ شيپاحاناسىنىڭ شيپاگەرلەرىمەن بايلانىس جاساپ، كەسكىن، دىبىس جانە سۋرەت ـ جازۋ سياقتى كوپ ءتۇرلى فورمالارمەن جەلىدە ەمدەلىپ، اقىل ـ كەڭەس الۋىنا بولادى.