پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسىنىڭ بايانداما جاساۋ ءماجىلىسى بەيجيڭدە وتكىزىلدى

　　لي شۋلەي العاشقى باياندامانى جاسادى

شينحۋا اگەنتتىگىنىڭ 10 - ايدىڭ 31 - كۇنى بەيجيڭنەن بەرگەن حابارى. ورتالىق كوميتەت ۇگىت ءبولىمى، ورتالىق جانە مەملەكەت ورگاندارى قىزمەت كوميتەتى، وقۋ - اعارتۋ مينيسترلىگى، ورتالىق اسكەري ىستەر كوميتەتىنىڭ ساياسي قىزمەت ءبولىمى، جۇڭگو كوممۋنيستىك پارتياسى بەيجيڭ قالالىق كوميتەتى 10 - ايدىڭ 31 - كۇنى جۇڭگو كوممۋنيستىك پارتياسى تاريحى كورمە سارايىندا پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسىنىڭ العاشقى بايانداما جاساۋ ءماجىلىسىن وتكىزدى. ورتالىق ۇگىت لەكسيا ۇيىرمەسىنىڭ مۇشەسى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى لي شۋلەي بايانداما جاسادى.

لي شۋلەي بايانداماسىندا پارتيا 20 - قۇرىلتايىنىڭ كەلەلى ءمانىن ەگجەي - تەگجەيلى بايانداپ، وتكەن 5 جىلداعى قىزمەتتەر مەن جاڭا ءداۋىردىڭ 10 جىلىنداعى ۇلى وزگەرىستەردى بايىمداپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن جانە جاڭا ءداۋىردىڭ جاڭا جورىعىنداعى پارتيانىڭ بورىشىن، مىندەتىن ءتۇسىندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ نىسانا - مىندەتتەرىن جانە وزىنە - ءوزى توڭكەرىس جاساۋ ارقىلى قوعامدىق توڭكەرىسكە جەتەكشىلىك ەتۋدىڭ ماڭىزدى تالابىن اشالاپ ءتۇسىندىردى. ول بىلاي دەپ اتاپ كورسەتتى: جاڭا داۋىردەگى ۇلى وزگەرىسپەن تىعىز بايلانىستىرا وتىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىنتىماقتاسا ەكپىندەي ىلگەرىلەۋ رۋحاني كۇيى ارقىلى جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تاريحي بارىسىنا ات سالىسۋ كەرەك.

بايانداما فاكتتى العا قويۋ، قيسىنىن ءتۇسىندىرۋ ءتاسىلى ارقىلى تىڭدارمانداردىڭ قۇرىلتاي رۋحى جونىندەگى تۇسىنىگىن تەرەڭدەتتى. كوپشىلىك مىنالاردى ءبىلدىردى: پارتيا ورتالىق كوميتەتىنىڭ تالابى بويىنشا، جان - جاقتىلى ۇيرەنۋ، يگەرۋ، تياناقتاندىرۋ جاعىندا كۇش سالىپ، ءىس جۇزىندىك ارەكەت ارقىلى قۇرىلتايدا العا قويىلعان نىسانا - مىندەتتەردى ناقتى تياناقتاندىرامىز.

بايانداما جاساۋ ءماجىلىسىن ورتالىق جانە مەملەكەت ورگاندارى قىزمەت كوميتەتىنىڭ كۇندەلىكتى قىزمەتكە جاۋاپتى ورىنباسار شۋجيى ۋ حانشىڭ باسقاردى. بەيجيڭدەگى پارتيا، ۇكىمەت، ارميا ورگاندارىنداعى كادرلاردان، ورتالىق كاسىپورىندارىنىڭ جانە جوعارى مەكتەپتەردىڭ جاۋاپتىلارىنان، نازاريا قىزمەتكەرلەرى جانە ءار سالا بۇقارا ۋاكىلدەرىنەن 800دەي ادام قاتىناستى.