汉文 ىلە اقپارات تورابىنا حوش كەلدىڭىزدەر!
«ينتەرنەت كەڭىستىگى تاعدىرلاس ورتاق تۇلعاسىن قول ۇستاسا قۇرايىق» اتتى اق تىستى كىتاپ جاريالادى
2022-11-09 17:34:17     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

مەملەكەتتىك كەڭەستىڭ اقپارات كەڭسەسى

  «ينتەرنەت كەڭىستىگى تاعدىرلاس ورتاق تۇلعاسىن قول ۇستاسا قۇرايىق» اتتى اق تىستى كىتاپ جاريالادى

شينحۋا اگەنتتىگىنىڭ 11 - ايدىڭ 7 - كۇنى بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى 11 - ايدىڭ 7 - كۇنى «ينتەرنەت كەڭىستىگى تاعدىرلاس ورتاق تۇلعاسىن قول ۇستاسا قۇرايىق» اتتى اق تىستى كىتاپ جاريالادى. اق تىستى كىتاپ جاڭا داۋىردەگى جۇڭگونىڭ ينتەرنەتتى دامىتۋ جانە باسقارۋ ۇستانىمى مەن امالياتىن تانىستىرىپ، جۇڭگونىڭ ينتەرنەت كەڭىستىگى تاعدىرلاس ورتاق تۇلعاسىنىڭ قۇرىلۋىن ىلگەرىلەتۋدەگى بەلسەندى جەتىستىكتەرىن ءبولىسىپ، ينتەرنەت كەڭىستىگى حالىقارالىق سەلبەستىگىنىڭ بولاشاعىنا كوز جىبەردى.

اق تىستى كىتاپتا مىنالار اتاپ كورسەتىلدى: جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ جىلدام ىلگەرىلەۋىنە ىلەسە، ينتەرنەت دۇنيە ءجۇزىن ”جەر شارى قىستاعىنا“ اينالدىردى، حالىقارالىق قوعام بارعان سايىن ءبىر - بىرىمەن بىتە قايناسقان تاعدىرلاس ورتاق تۇلعاعا اينالۋدا. ينتەرنەتتى ويداعىداي دامىتىپ، ويداعىداي پايدالانىپ، ويداعىداي باسقارىپ، ينتەرنەت ارقىلى ادامزاتتى اناعۇرلىم ويداعىداي باقىتقا كەنەلتۋ − حالىقارالىق قوعامنىڭ ورتاق جاۋاپكەرشىلىگى.

اق تىستى كىتاپتا بىلاي دەپ تانىستىرىلدى: بۇكىل الەمدەگى ەڭ ۇلكەن وركەندەپ كەلە جاتقان ەل جانە ينتەرنەت پايدالانۋشىلار سانى ەڭ مول مەملەكەت رەتىندە، جۇڭگو ينفورماتسيا ءداۋىرىنىڭ دامۋ اۋقىمىنا ۇيلەسىپ، حالىقتى وزەك ەتكەن دامۋ يدەياسىنا تاباندى بولىپ، بىرگە اقىلداسۋ، بىرگە قۇرۋ، بىرگە يگىلىكتەنۋ سىندى الەمدىك باسقارۋ كوزقاراسىنان جازباي، ينتەرنەت كەڭىستىگى تاعدىرلاس ورتاق تۇلعاسىنىڭ قۇرىلۋىن ىلگەرىلەتەدى.

اق تىستى كىتاپتا بىلاي دەلىندى: جۇڭگو جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ينتەرنەتتە قۇدىرەتتى ەلدى، سيفرلى جۇڭگونى قۇرىپ، سيفرلى ەكونوميكانىڭ ومىرشەڭدىگىن قاۋلاتۋ، سيفرلى ەكولوگيا قۇرىلىسىن ىلگەرىلەتۋ، كىرشىكسىز ينتەرنەت كەڭىستىگىن قالىپتاستىرۋ، ينتەرنەت حاۋىپسىزدىگى حاۋىپ - قاتەرىنەن ساقتانۋ سياقتى جاقتاردا ۇزدىكسىز تىڭ ناتيجەلەرگە قول جەتكىزىپ، جوعارى ساپالى دامۋعا پارمەندى قىزمەت وتەپ، تىرەك جانە قامتاماسىزدىق ازىرلەپ، ينتەرنەت كەڭىستىگى تاعدىرلاس ورتاق تۇلعاسىن قۇرۋعا بەرىك نەگىز ازىرلەدى.

اق تىستى كىتاپتا بىلاي دەلىندى: جۇڭگو ينتەرنەت كەڭىستىگى حالىقارالىق اۋىس - كۇيىسىن، سەلبەستىگىن ۇزدىكسىز تەرەڭدەتىپ، سيفرلى ەكونوميكا سەلبەستىگىن كەڭەيتىپ، ينتەرنەت كەڭىستىگىنىڭ حاۋىپسىزدىگىن بىرگە قورعاپ، الەمدىك ينتەرنەتتى باسقارۋ جۇيەسىنىڭ رەفورماسى مەن قۇرىلىسىنا بەلسەنە ات سالىسىپ، ينتەرنەتتىڭ جالپىعا ءتيىمدى، سيىسىمدى دامۋىن جەبەپ، ينتەرنەت كەڭىستىگى تاعدىرلاس ورتاق تۇلعاسىنىڭ قۇرىلۋىن حالىقارالىق قوعاممەن قول ۇستاسا ىلگەرىلەتتى.

اق تىستى كىتاپتا مىنالار اتاپ كورسەتىلدى: ينتەرنەت − ادامزاتتىڭ ورتاق مەكەنى، وسى مەكەندى اناعۇرلىم گۇلدەندىرۋ، اناعۇرلىم تازارتۋ، اناعۇرلىم حاۋىپسىز ەتۋ − حالىقارالىق قوعامنىڭ ورتاق جاۋاپكەرشىلىگى. جۇڭگو دۇنيە جۇزىندەگى ءارقايسى ەلدەرمەن بىرگە اناعۇرلىم ءادىل دە ۇيلەسىمدى، اشىق تا سيىسىمدى، حاۋىپسىز دە ورنىقتى، تىڭ تىنىسقا، ومىرشەڭدىككە باي ينتەرنەت كەڭىستىگىن بىرگە قۇرىپ، ينتەرنەت كەڭىستىگى تاعدىرلاس ورتاق تۇلعاسىن قول ۇستاسا قۇرىپ، ادامزاتتىڭ اناعۇرلىم كوركەم بولاشاعىن اشۋدى قالايدى.