«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

　　20 - كەزەكتى ورتالىق كوميتەتى ساياسي بيۋروسى تۇراقتى كوميتەتىنىڭ مۇشەلەرى جۇڭگولىق، شەتەلدىك تىلشىلەرمەن كەزدەسكەندە سويلەنگەن ءسوز

شينحۋا اگەنتتىگىنىڭ 11 - ايدىڭ 15 - كۇنى بەيجيڭنەن بەرگەن حابارى. 11 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 22 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «20 - كەزەكتى ورتالىق كوميتەتى ساياسي بيۋروسى تۇراقتى كوميتەتىنىڭ مۇشەلەرى جۇڭگولىق، شەتەلدىك تىلشىلەرمەن كەزدەسكەندە سويلەنگەن ءسوز» اتتى ماڭىزدى ماقالاسىن جاريالايدى.

ماقالادا مىنالار باسا دارىپتەلدى: بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىنىڭ ارقاسىندا، ءبىز جاپپاي دوڭگەلەك داۋلەتتى قوعامدى ءدال ۋاعىندا ورناتتىق، ءبىرىنشى 100 جىلدىق كۇرەس نىساناسىن جۇزەگە اسىردىق. قازىر ءبىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا تاسقىنداعان جىگەرمەن قادام تاستاپ، ەكىنشى 100 جىلدىق كۇرەس نىساناسىنا قاراي جورىق جاساپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدەمىز.

ماقالادا مىنالار اتاپ كورسەتىلدى: جاڭا جورىقتا ءبىز اسقاق بەينەمەن ەكپىندەي ىلگەرىلەيتىن رۋحاني كۇيدى باستان - اياق ساقتاۋىمىز كەرەك. جاپپاي سوتسياليستىك وسىزاماندانعان مەملەكەت قۇرۋ جۇڭحۋا ۇلتىنىڭ اسىل ارمانى مەن تىلەگىن ارقالاعان، وعان جۇڭگو حالقىنىڭ كۇرەسى مەن ماڭداي تەرى سىڭگەن. جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسى مەن جۇڭگو حالقىنىڭ ۇزاق ۋاقىتتىق امالياتتىق ىزدەنىسىنىڭ جەمىسى، ۇلى دا جاپالى ءىس. ءبىز قاجىرلىلىقپەن ىستەپ، جاۋاپكەرشىلىك ارقالاپ، ىسكەرلىك كورسەتىپ، اناعۇرلىم كۇشتى تاريحي ىرىقتىلىق رۋحىمەن ماركسيزمنىڭ جۇڭگوشالانۋىن، زامانالانۋىن ىلگەرىلەتىپ، جاڭا داۋىردەگى جۇڭگوشا سوتسياليزمنىڭ جاڭا تاراۋىن ۇزدىكسىز جازىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇلشىنۋىمىز كەرەك. جاڭا جورىقتا ءبىز بارلىعىن حالىق ءۇشىن ىستەۋگە، بارلىعىندا حالىققا سۇيەنۋگە باستان - اياق تاباندى بولۋىمىز كەرەك. العا باسۋ جولىندا مەيلى اساۋ تولقىندار بولسىن، الدە داۋىلدى تولقىندار بولسىن، حالىق ماڭگى ءبىزدىڭ ەڭ بەرىك سۇيەنىشىمىز، ەڭ قۇدىرەتتى تىرەگىمىز. ءبىز باستان - اياق حالىقپەن قيىن - قىستاۋ شاقتاردى بىرگە وتكەرىپ، حالىقپەن تىلەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرۋىمىز كەرەك. جاڭا جورىقتا ءبىز پارتيانىڭ وزىنە - ءوزى توڭكەرىس جاساۋىن باستان - اياق ىلگەرىلەتۋىمىز كەرەك. سان ساناقسىز وزگەرىستى باستان كەشسە دە، اۋەلگى ماقساتتان اينىماعان پارتيا عانا، نەگىزى مىعىم بولىپ، مىزعىماي تۇرا الادى؛ شۇعىلالى ناتيجە جاراتسا دا، جۇرەكتىلىكپەن وزىنە - ءوزى توڭكەرىس جاساعان پارتيا عانا، المايتىن قامالى بولمايتىن جەڭىمپاز بولا الادى. جاڭا جورىقتاعى جاڭا سايىس، جاڭا سىناقتار الدىندا، ءبىز، ءسوز جوق، اسا قىراعى بولىپ، ەمتيحان تاپسىراتىن سەرگەكتىك پەن بايسالدىلىقتى ماڭگى ساقتاپ، پارتيانى جاپپاي قاتاڭ باسقارۋدى قاجىماي - تالماي ىلگەرىلەتىپ، 100 جىلدىق ءىرى پارتيانى وزىنە - ءوزى توڭكەرىس جاساۋ بارىسىندا ومىرشەڭدىگىن ۇزدىكسىز تاسقىنداتىپ، باستان - اياق جۇڭگو حالقىنىڭ ەڭ سەنىمدى، ەڭ بەرىك تىرەگىنە اينالدىرۋىمىز كەرەك. جاڭا جورىقتا ءبىز بۇكىل ادامزاتقا ورتاق قۇندىلىقتى باستان - اياق اسقاقتاتۋىمىز كەرەك. ءبىز ادامزاتتىڭ بولاشاعى مەن تاعدىرىن دۇنيە جۇزىندەگى ءار ەل حالقى يگەرۋى جانە بەلگىلەۋى كەرەك دەگەندى ەجەلدەن دارىپتەپ كەلەمىز. ءبىز ءار ەل حالقىمەن بىرگە، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتقا ورتاق قۇندىلىقتى اسقاقتاتىپ، دۇنيە ءجۇزىنىڭ بەيبىتشىلىگىن قورعاپ، دۇنيە ءجۇزىنىڭ دامۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز ىلگەرىلەتەمىز.

ماقالادا مىنالار اتاپ كورسەتىلدى: جۇڭگونىڭ دامۋى دۇنيە جۇزىنەن قول ۇزە المايدى، دۇنيە ءجۇزىنىڭ دامۋى دا جۇڭگونى قاجەت ەتەدى. جۇڭگو ەكونوميكاسىنىڭ سەرپىمدىلىگى كۇشتى، كومەسكى كۇشى جەتكىلىكتى، مۇمكىندىكتەرى كەڭ، ۇزاق ۋاقىت جاقسارعان نەگىزگى جاعدايى وزگەرمەيدى. جۇڭگونىڭ اشىلعان ەسىگى تەك بارعان سايىن ايقارا اشىلادى. ءبىز رەفورما جاساۋدى، ەسىك اشۋدى بۇلجىماستان جاپپاي تەرەڭدەتىپ، جوعارى ساپالى دامۋدى بۇلجىماستان ىلگەرىلەتىپ، ءوزىمىزدىڭ دامۋىمىز ارقىلى دۇنيە جۇزىنە اناعۇرلىم كوپ وراي جاراتامىز.

ماقالادا مىنالار باسا دارىپتەلدى: جاڭا جورىق − داڭق پەن ارمانعا تولى ۇزاق جورىق. ۇلى جوبا جاسالدى، دابىل الدەقاشان قاعىلدى. ءبىز اسقاق جىگەرمەن قايراتتانا ۇمتىلىپ، ەرلىكپەن العا ىلگەرىلەپ، ءتىپتى دە شۇعىلالى بولاشاق جاراتۋعا قۇلشىنۋىمىز كەرەك.