رۋحتى ۇيرەنىپ، بەتالىستى ايقىنداپ، سەنىمدى نىعايتىپ، بورىشتى ارقالايىق

ناقتى ٴىس، ناقتى ناتيجەلەر ارقىلى پارتيا 20 ـ قۇرىلتايى رۋحىنىڭ تياناقتانۋىن، تامىر تارتۋىن ىلگەرىلەتەيىك

ىلە وبلىستىق ورگان ىستەرىن باسقارۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى لي شياۋحۇي

پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ كەزەكتەگى جانە بۇدان كەيىنگى ٴبىر مەزگىلدەگى ماڭىزدى ساياسي مىندەت، ول پارتيا مەن مەملەكەت ىستەرىندە الدىڭعىلاردىڭ ٴىزىن باسىپ، بولاشاققا جول اشۋعا، جۇڭگوشا سوتسياليزم ىستەرىنىڭ بولاشاعى مەن تاعدىرىنا، جۇڭحۋا ۇلتىنىڭ ۇلى گۇلدەنۋىنە سايادى. بۇكىل ەلدەگى ٴار ۇلت حالقىن جاپپاي سوتسياليستىك وسىزاماندانعان مەملەكەت قۇرۋعا جىگەرلەندىرۋ جانە جۇمىلدىرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ، پارتيانىڭ ەكىنشى 100 جىلدىق كۇرەس نىساناسىن قۇلشىنا جۇزەگە اسىرۋ جونىنەن كەلەلى دە تەرەڭ تاريحي مانگە يە.

ىلە وبلىستىق ورگان ىستەرىن باسقارۋ مەكەمەسى پارتيا ورتالىق كوميتەتىنىڭ ورنالاستىرۋىنا، اۆتونوميالى رايوندىق پارتكوم مەن وبلىستىق پارتكومنىڭ تالابىنا ساي، پارتيا 20 - قۇرىلتايىنىڭ رۋحىمەن يدەيانى، ەرىك - جىگەردى، ارەكەتتى سانالى تۇردە بىرلىككە كەلتىرىپ، «ەكىنى تۇراقتاندىرۋدىڭ» شەشۋشى ٴمانىن تەرەڭ ٴتۇسىنىپ، «ەكى جالپى جاعدايدى» كوكەيدە ساقتاپ، «مەملەكەتتىڭ زور ىسىنە» تىلەكتەس بولىپ، «رۋحتى ۇيرەنۋ، بەتالىستى ايقىنداۋ، سەنىمدى نىعايتۋ، بورىشتى ارقالاۋدى» باستى تاقىرىپ ەتكەن ۇيرەنۋ، امالياتتا ايگىلەۋ قيمىلىن زور كۇشپەن ورىستەتىپ، پارتيا 20 - قۇرىلتايىندا ورتاعا قويىلعان ماڭىزدى شەشىمدەردى ٴىس - ارەكەتتە ايگىلەپ، ونىمدىلىك جاراتۋ كەرەك.

ٴبىرىنشى، ىشكەرىلەي ۇيرەنۋگە، تۇسىنۋگە بارىنشا كۇش سالۋ كەرەك. «اۆتونوميالى وبلىستىق ورگان ىستەرىن باسقارۋ مەكەمەسىنىڭ پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ قىزمەت جوباسىن» جاساپ، نازاردى ويداعىداي ۇيرەنۋ، ٴتۇسىنۋ، ويداعىداي ۇگىت - لەكسيا جاساۋ، ويداعىداي تياناقتاندىرۋ، كادەگە جاراتۋ سىندى «ٴۇش ويداعىداي بولۋ» نىساناسىنا شوعىرلاندىرىپ، باسشى كادرلار الدىمەن ۇيرەنۋ، ىشكەرىلەي ۇيرەنۋ، جوعارى ارقىلى تومەنگە جەتەكشىلىك ەتۋدە ونەگەلىك رول اتقارىپ، ٴار دارەجەلى پارتيا ۇيىمدارى مەن پارتيالى كادرلاردى جاپپاي ۇيرەنۋگە، جاپپاي يگەرۋگە، جاپپاي تياناقتاندىرۋعا جەتەكتەۋ كەرەك. جاڭا داۋىردەگى 10 جىلدىق ۇلى وزگەرىستىڭ تەرەڭ ٴمانى مەن بەلەستىك ٴمانىن، ماركسيزمنىڭ جۇڭگوشالانۋىن، وسىزاماندانۋىن ىلگەرىلەتۋدىڭ جاڭا تالابىن، جاڭا داۋىردەگى جۇڭگو كوممۋنيستىك پارتياسىنىڭ بورىشى مەن مىندەتىن، پارتيانىڭ 20 - قۇرىلتايىندا جاسالعان ٴتۇرلى ستراتەگيالىق ورنالاستىرۋلاردى دۇرىس يگەرىپ، ۇيرەنۋدىڭ، ۇگىتتەۋدىڭ، دايەكتىلەندىرۋدىڭ قىزۋ ورلەۋىن ۇزدىكسىز كوتەرىپ، ۇيرەنۋ جەتىستىگىن كادەگە جاراتۋدى، تياناقتاندىرۋدى جەدەلدەتۋ كەرەك. ورگان ىستەرىن باسقارۋ تاراۋلارى پارتكومنىڭ، ۇكىمەتتىڭ وزەكتى قىزمەتىن جونگە سالۋ جۇيەسى مەن جونگە سالۋ قابىلەتىن وسىزامانداندىرۋ سياقتى ماسەلەلەرگە قايتكەندە اناعۇرلىم ويداعىداي قىزمەت وتەۋگە بولادى دەگەنگە مۇقيات وي جۇگىرتىپ، دۇرىس ساياسي ناتيجە كوزقاراسىن ورناتىپ، بارلىق ٴىستى ۇنەمشىلدىكپەن ىستەۋگە تاباندى بولىپ، دەڭگەيدى شىنايى جوعارىلاتىپ، ورنىن ٴدال تاۋىپ، ەڭ جوعارى ولشەممەن، ەڭ قاتاڭ ستيلمەن، ەڭ شىنايى قايراتپەن پارتيا 20 ـ قۇرىلتايىنىڭ رۋحىن ويداعىداي ۇيرەنۋ، ٴتۇسىنۋ، ۇگىتتەۋ، تياناقتاندىرۋ كەرەك.

ەكىنشى، نازاردى فۋنكتسيالىق ورىندى تۇراقتاندىرۋعا شوعىرلاندىرۋعا بارىنشا كۇش سالۋ كەرەك. باس شۋجي شي جينپيڭ العا قويعان «ٴۇش ٴسوز جوق» تالابىن ەستە بەرىك ساقتاپ، جاڭا داۋىردەگى ورگان ىستەرى قىزمەتى ٴدوپ كەلگەن جاڭا جاعدايدى، جاڭا مىندەتتى، جاڭا تالاپتى شىنايى ايقىن تانىپ، جاڭا داۋىردەگى ورگان ىستەرى قىزمەتى مەن ورگان ىستەرى تاراۋىنىڭ «ٴبىر ماڭىزدى قۇرامداس بولەك، ٴۇش ورگان، ٴتورت تاراۋ، بەس ۇلكەن رول» سىندى داۋىرلىك ورنىن دۇرىس يگەرىپ، «التى كۇش - قۋاتتى ۇيىستىرۋدى» تەرەڭدەتىپ، «زاڭمەن باسقارۋ ارقىلى قامتاماسىزداندىرۋ + بەستەندىرۋدى تىرەك ەتۋ»، «ٴبىر تۇلعالاندىرۋ، ۇشتەندىرۋ + قوس باعىتتى باسقارۋ» سىندى جاڭا دامۋ جاعدايىن جەدەل قالىپتاستىرىپ، «ادال، شىنايى بولۋ، جاۋاپكەرشىلىك ارقالاۋ، ٴوزىن الۋەتتەندىرۋ» سىندى ورگان ىستەرى كاسىپ سالاسى رۋحىن امالياتتا ايگىلەۋدى ٴتۇيىن ەتىپ، ۇكىمەت ىسىنە پايدالاناتىن اۆتوكولىك، قىزمەتكە ىستەتىلەتىن ٴۇي، الەۋمەتتىك قۇرىلىمداردا ەنەرگيا ۇنەمدەۋ، قىزمەت كورسەتۋ، قامتاماسىز ەتۋ سياقتى ٴتۇيىندى قىزمەتتەردىڭ تياناقتانۋىن تىڭعىلىقتى ىلگەرىلەتىپ، ۇدەرە العا تارتقان جاڭا جورىقتىڭ تاماشا اۋانىن قۇلشىنا قالىپتاستىرىپ، ورگان ىستەرى قىزمەتى دامۋىنىڭ تىڭ داستانىن جازۋعا كۇش سالۋ كەرەك.

ٴۇشىنشى، جاۋاپكەرشىلىك ارقالاۋدى، ىسكەرلىك كورسەتۋدى نىعايتۋعا بارىنشا كۇش سالۋ كەرەك. نازاردى پارتيا 20 - قۇرىلتايىنداعى  ستراتەگيالىق ورنالاستىرۋعا شوعىرلاندىرىپ، وبلىستىق پارتكومنىڭ، ۇكىمەتتىڭ وزەكتى قىزمەتىن مىقتى يگەرىپ، مىندەت اتقارۋدىڭ، جاۋاپكەرشىلىكتى ادا ەتۋدىڭ كىرىسۋ ٴتۇيىنىن ٴداپ باسىپ تاۋىپ، ورگان ىستەرى قىزمەتىن جالپى جاعداي تۇرعىسىنان وي جۇگىرتۋگە، جوسپارلاۋعا شەبەر بولىپ ٴارى باتىل بولىپ، ورگان ىستەرى قىزمەتىنىڭ باياندى، ٴتۇبىرلى، نەگىزدىك قىزمەتتەرىن ىلگەرىلەتۋگە كوپتەپ كۇش سالۋ، كۇش - قۋاتتى ارناۋ كەرەك. ساياسي وي - جۇيەنى، زاڭمەن باسقارۋ وي - جۇيەسىن، ستراتەگيالىق وي - جۇيەنى جانە تومەنگى شەك وي - جۇيەسىن بەرىك ورناتىپ، تەكسەرۋ - زەرتتەۋ جۇرگىزۋ، قيىندىقتان قامال الۋ، شىنشىل بولىپ، ناقتى ٴىس ىستەۋ جانە ۇزدىك بولۋعا تالپىنۋ سىندى قىزمەت ستيلىن امالياتتا ايگىلەپ، «ەڭبەك ماعان جازىلماسا دا بولادى» دەيتىن رۋحاني دەڭگەيدى جانە «ەڭبەك سىڭىرۋدە مەن بولماسام بولمايدى» دەيتىن بورىشتى، جاۋاپكەرشىلىكتى باستان - اياق ساقتاپ، ورگان ىستەرى قىزمەتىندەگى ۇزاق ۋاقىتتىق، ٴتۇبىرلى، نەگىزدىك قىزمەتتەردى ىلگەرىلەتۋگە كۇش سالىپ، كوپتەپ  كۇش شىعارۋ كەرەك. ۇنەمشىل بولۋ تالابىن باستاماشىلدىقپەن تياناقتاندىرىپ، قىزمەتكە ىستەتىلەتىن ۇيگە، ۇكىمەت ىسىنە پايدالانىلاتىن اۆتوكولىككە، ۇكىمەت جۇمىسىمەن كۇتىپ الۋعا ساياتىن ٴتۇرلى ەرەجە - تۇزىمدەردى قاتاڭ اتقارىپ، ازىق - تۇلىك ىسىراپشىلدىعىنا قارسى تۇرۋ قىزمەتىن بەلسەنە ورىستەتىپ، ۇنەمشىل ورگان قۇرۋ جاعىندا شىنايى ونەگە كورسەتۋ كەرەك.

ٴتورتىنشى، پارتيا قۇرىلىسىن نىعايتۋعا بارىنشا كۇش سالۋ كەرەك. پارتيا قۇرىلىسى قىزمەتى مەن كاسىپتىك قىزمەتتى بىرگە جوسپارلاۋعا، بىرگە ورنالاستىرۋعا، بىرگە ىلگەرىلەتۋگە، بىرگە باعالاۋعا تاباندى بولىپ، مەكەمە پارتيا باسشىلىق گرۋپپاسىنىڭ بەتالىستى يگەرۋ، جالپى جاعدايدى باسقارۋ، تياناقتاندىرۋعا كەپىلدىك ەتۋدەگى باسشىلىق رولىن شىنايى ساۋلەلەندىرۋ كەرەك. پارتيا تاريحىن ۇيرەنۋدىڭ، تاربيەلەۋدىڭ باياندى مەحانيزمىن ورناتىپ جانە كەمەلدەندىرىپ، شينجياڭدى مادەنيەتپەن نارلەندىرۋدى ىشكەرىلەي ورىستەتىپ، «بەستە جاقسى» ولشەمدەنگەن، جۇيەلىلەنگەن پارتيا ياچەيكاسىن قۇرۋدى، «تورتتە تولىمدى» پارتيا مۇشەلەرى قوسىنىن قۇرۋدى دانەكەر ەتىپ، پارتيا ياچەيكاسىنىڭ «تورتتە الدىڭعى لەكتە جۇرۋدە» ۇلگى كورسەتۋ، جەتەكشىلىك ەتۋ قيمىلىن جانە پارتيا مۇشەلەرىنىڭ «ٴۇشتى ۇيرەنۋ، ۇشتە ايقىن پوزيتسيا ٴبىلدىرۋ، ٴۇشتى سالىستىرۋدا» اتويشى بولۋ قيمىلىن ورىستەتىپ، پارتيا تۋىن ورگان ىستەرىن باسقارۋ شەبىندە باستان - اياق بيىك جەلبىرەتۋ كەرەك. پارتيانى جاپپاي قاتاڭ جونگە سالۋ ماڭگى جالعاسادى، پارتيانىڭ وزىنە - ٴوزى توڭكەرىس جاساۋى ماڭگى جالعاسادى دەيتىن ساياسي سەرگەكتىكتى باستان ـ اياق ساقتاپ، تۇلعالىق جاۋاپكەرشىلىكتى، ٴبىرىنشى جاۋاپكەرشىلىكتى جانە «ٴبىر قىزمەت ورنىندا قوس جاۋاپكەرشىلىك ارقالاۋدى» مۇقيات اتقارىپ، ورتالىقتىڭ «سەگىز ٴتۇرلى بەلگىلەمەسى» جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىن قاجىماي ـ تالماي تياناقتاندىرىپ، قىزمەتتىڭ تىڭ ناتيجەلەرى ارقىلى پارتيا 20 ـ قۇرىلتايىنىڭ رۋحىن ۇيرەنۋ، دايەكتىلەندىرۋدە جاڭا ىسكەرلىك تانىتۋ كەرەك.