− شينجياڭ پارتيا 20 - قۇرىلتايىنىڭ رۋحىن جاپپاي ىشكەرىلەي ۇيرەندى، ۇگىتتەدى، دايەكتىلەندىردى
«اۆتونوميالى رايوندىق 10 - كەزەكتى پارتكومنىڭ التىنشى جالپى ٴماجىلىسى 11 - ايدىڭ 20 - كۇنى اشىلادى». 11 - ايدىڭ 16 - كۇنى اۆتونوميالى رايوندىق پارتكوم تۇراقتى كوميتەتى ٴماجىلىس اشىپ، ۇيعارىم جاساپ، ٴماجىلىستىڭ باستى تاقىرىبىن ايقىندادى: پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال دايەكتىلەندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ جاڭا جورىعىندا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ٴومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋعا قۇلشىنۋ.
رۋحىن ۇيرەنىپ، دامۋدى ٴسوز ەتىپ، بولاشاقتى تىلگە تيەك ەتتى... بىرنەشە كۇننەن بەرى بۇكىل رايونىمىزدا جوعارىدان تومەنگە دەيىن پارتيا 20 - قۇرىلتايىنىڭ رۋحىن ىشكەرىلەي ۇيرەنۋدى، كەڭ كولەمدە ۇگىتتەۋدى، جاپپاي دايەكتىلەندىرۋدى ماڭداي الدى ساياسي مىندەت ەتىپ، جەدەل قيمىلداپ، دەن قويا ورنالاستىرۋ جاساپ، ۇيرەنۋ، ۇگىتتەۋ، دايەكتىلەندىرۋ ورلەۋىن ۇزدىكسىز كوتەردى.
تۋدى بيىك ۇستاپ، داڭعىل جولدا العا تارتتى. پارتيا 20 - قۇرىلتايى رۋحىنىڭ جەتەكشىلىگىندە، تۇتاس رايونىمىزداعى قالىڭ پارتيا مۇشەلەرى مەن كادرلار، بۇقارا جىگەرلەنە ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە شينجياڭ ۇلەسىن قوسۋعا قۇلشىندى.
جاپپاي ورنالاستىرۋ جاساپ، يدەيا مەن ارەكەتتى بىرلىككە كەلتىردى
«ساياسي سانالىلىقتى شىنايى كۇشەيتىپ، پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ماڭداي الدى ٴىرى ٴىس رەتىندە قاراۋعا، ەرەكشە ماڭىزدى ورىنعا قويۋعا تاباندى بولىپ، يدەيانى بىرلىككە كەلتىرىپ، ەرىك - جىگەردى بىرلىككە كەلتىرىپ، ارەكەتتى بىرلىككە كەلتىرىپ، پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ورلەۋىن جەدەل كوتەرۋ كەرەك». پارتيا 20 - قۇرىلتايى جەڭىسپەن جابىلعاننان كەيىن، 10 - ايدىڭ 24 - كۇنى اۆتونوميالى رايوندىق پارتكوم تۇراقتى كوميتەتى دەرەۋ كەڭەيتىلگەن ٴماجىلىس اشىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتى ٴبىرىنشى جالپى ٴماجىلىسىنىڭ رۋحىن جەتكىزىپ، ۇيرەنىپ، دايەكتىلەندىرىپ، بۇكىل رايوننىڭ ۇيرەنۋ، ۇگىتتەۋ، دايەكتىلەندىرۋ قىزمەتىن اقىلداستى، ورنالاستىردى.
ىشكەرىلەي زەرتتەيتىن، ەگجەي - تەگجەيلى تۇسىنەتىن ٴبىر رەتكى كولەمدى ۇيرەنۋ شىمىلدىعى اشىلىپ، پارتيا 20 - قۇرىلتايىنىڭ رۋحىن جارىسا ۇيرەنۋ، الدىمەن ۇيرەنۋ، ىشكەرىلەي ۇيرەنۋ ورلەۋى ۇزدىكسىز كوتەرىلدى.
اۆتونوميالى رايوندىق پارتكوم تۇراقتى كوميتەتىنىڭ كەڭەيتىلگەن ٴماجىلىسى، بۇكىل رايوننىڭ پارتيا 20 - قۇرىلتايىنىڭ رۋحىن جەتكىزۋ، ۇيرەنۋ، دايەكتىلەندىرۋ جونىندەگى كادرلار ٴماجىلىسى، اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسىنىڭ ارناۋلى تاقىرىپتىق ۇيرەنۋ ٴماجىلىسى... ٴبىر ايعا جۋىق ۋاقىتتا اۆتونوميالى رايوندىق پارتكوم پارمەندى ساياسي اتقارۋ قۋاتى ارقىلى ۇيرەنۋ، ۇگىتتەۋ، دايەكتىلەندىرۋ قىزمەتىنىڭ بارعان سايىن ورىستەتىلۋىن، بىرتىندەپ ىشكەرىلەۋىن، ۇزدىكسىز تەرەڭدەۋىن ىلگەرىلەتىپ، رۋحاني ٴمانىن جەتە ۇعىنۋعا، وزەكتى ٴتۇيىنىن دۇرىس يگەرۋگە شىنايى كەپىلدىك ەتىپ، پارتيا ورتالىق كوميتەتىنىڭ «ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ» ماڭىزدى تالابىن تياناقتاندىرىپ، «ەكىنى ٴبىر تۇتاس جوسپارلاۋدى» جوعارى ونىمدىلىكپەن ورىنداپ، شينجياڭنىڭ رەفورماسىن، دامۋىن، ورنىقتىلىعىن تىڭعىلىقتى ىلگەرىلەتتى.
اۆتونوميالى رايوندىق حالىق ۇكىمەتى پارتيا باسشىلىق گرۋپپاسى، اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسى، اۆتونوميالى رايوندىق ساياسي كەڭەس پارتيا باسشىلىق گرۋپپاسى، شينجياڭ ٴوندىرىس - قۇرىلىس بيڭتۋانى پارتكومى قاتارلىلار دا دەرەۋ تۇرلىشە فورماداعى ۇيرەنۋ، دايەكتىلەندىرۋ قيمىلدارىن ورىستەتۋدى ۇيىمداستىرىپ، باياندامانى ويداعىداي ۇيرەنۋ، يدەياسىن ىشكەرىلەي ۇيرەنۋ، رۋحىن جەتە يگەرۋ جاعىنا كۇش سالىپ، قىزمەتتىڭ ٴىس جۇزىندىك جاعدايىمەن ۇشتاستىرىپ، ٴبىر تۇلعالى دايەكتىلەندىردى، تياناقتاندىردى.
ولكە دارەجەلى باسشى كادرلار باستاماشىلدىقپەن ۇلگى بولىپ، ۇيرەنۋدى باستاماشىلدىقپەن ويداعىداي يگەرىپ، الدىمەن ۇيرەندى، تەرەڭدەي ۇيرەندى؛ جەر - جەر، تاراۋلار رۋحاني ٴمانىن تەرەڭ ۇعىنىپ، وزەكتى ٴتۇيىنىن دۇرىس يگەرىپ، تەرەڭدەي ۇيرەنىپ جەتە ٴتۇسىنىپ، قانىق ٴبىلىپ تولىق ۇعىندى؛ بۇكىل رايونداعى قالىڭ پارتيا مۇشەلەرى مەن كادرلار كەڭ كولەمدە ۇيرەنىپ، ىشكەرىلەي ۇعىنىپ، ساناعا ٴسىڭىرىپ، كوڭىلگە ۇيالاتۋعا شىنايى كەپىلدىك ەتتى. ٴۇرتىس جان - جاقتى ۇيرەنۋ، ۇگىتتەۋ ارقىلى بۇكىل رايوندا جوعارىدان تومەنگە دەيىن يدەيا مەن ارەكەتتى پارتيا 20 - قۇرىلتايىنىڭ رۋحىمەن ونان ارى سانالى تۇردە بىرلىككە كەلتىرىپ، پارتيا 20 - قۇرىلتايىندا بەلگىلەنگەن مىندەتتەردى شينجياڭنىڭ بايتاق دالاسىندا بۇلجىتپاي تياناقتاندىردى.
11 - ايدىڭ 5 - كۇنى پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسىنىڭ ۇگىت - لەكسيا بايانداما ٴماجىلىسى جانە اۆتونوميالى رايوندىق پارتكوم باسقاراتىن كادرلاردىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ ارناۋلى تاقىرىپتىق كۋرسىنىڭ ساباق باستاۋ سالتى ۇرىمجىدە وتكىزىلدى. بۇل ٴبىر رەتكى اناعۇرلىم تەرەڭ نازاريالىق پىسىقتاۋ ٴارى ٴبىر رەتكى اناعۇرلىم پارمەندى يدەيالىق جۇمىلدىرۋ بولىپ، ۇگىت - لەكسيانى تىڭداعان پارتيا مۇشەلەرىنىڭ، كادرلاردىڭ رۋحىن اناعۇرلىم سەرپىلتىپ، سەنىمىن اناعۇرلىم نىعايتىپ، نانىمىن اناعۇرلىم بەكەمدەدى.
جاڭا جورىققا ارشىندى قادام تاستاپ، كوڭىلدەر كولدەي تولقىدى. قالىڭ پارتيا مۇشەلەرى مەن كادرلار پارتيا 20 - قۇرىلتايىندا جاسالعان ٴتۇرلى شەشىمدەردى شىن ىقىلاسپەن قولداپ، «ەكىنى تۇراقتاندىرۋدى» شىن جۇرەكتەن قولداپ، «ەكىنى قورعاۋدى» ادالدىقپەن امالياتتا ايگىلەپ، پارتيا 20 - قۇرىلتايى رۋحىنىڭ تيانشان الابىندا تياناقتانىپ، تامىر تارتۋىن بار كۇشپەن ىلگەرىلەتتى.
زەيىن - زەردەنى شوعىرلاندىرىپ، كۇش - قۋاتتى ۇيىستىرىپ، تەرەڭدەۋىن، جۇرەككە ۇيالاۋىن ىلگەرىلەتتى
ورگاندار، ورىندار، زاۆودتار، سەحتار، ەگىنجايلار، مال شارۋاشىلىق رايوندارى...
ٴبىر - بىرلەگەن ۇگىت - لەكسيالار، ٴبىر - بىرلەگەن ورتاقتاسۋلار، ٴوزارا ىقپالداستىقتار...
پارتيا 20 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ قويۋ اۋانىن قالىپتاستىرۋ ٴۇشىن، اۆتونوميالى رايوندىق پارتكومنىڭ ورنالاستىرۋلارى مەن تالاپتارى بويىنشا جەر - جەر، تاراۋلار، ورىندار ٴتۇرلى فورماداعى ۇگىتتەۋ، ٴتۇسىندىرۋ قيمىلدارىن ورىستەتىپ، پارتيا 20 - قۇرىلتايىنىڭ رۋحىن ٴار قىرىنان، جان - جاقتى ۇگىتتەپ، ۇيرەنۋدىڭ، ۇگىتتەۋدىڭ باعىتتامالىلىعىن، ونىمدىلىگىن، باۋراۋ قۋاتى مەن اسەرلەندىرۋ قۋاتىن شىنايى كۇشەيتتى.
اقسۋ ايماعىنىڭ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار جۇيەسى پارتيا 20 - قۇرىلتايىنىڭ رۋحىن جاپپاي، ىشكەرىلەي ۇيرەنۋ، ۇگىتتەۋ، دايەكتىلەندىرۋ ارقىلى مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىنداردىڭ جوعارى ساپالى دامۋىن ىلگەرىلەتۋگە كۇش سالدى.
«پارتيا 20 - قۇرىلتايىنىڭ رۋحىن ٴىس تىندىرىپ، ناتيجە شىعارۋدىڭ قۋاتتى قوزعاۋشى كۇشىنە اينالدىرىپ، مەملەكەت مەنشىگىندەگى كاسىپورىندار رەفورماسى، مەملەكەت مەنشىگىندەگى مال - مۇلىكتى باقىلاۋ - باسقارۋ جانە مەملەكەت مەنشىگىندەگى كاسىپورىنداردىڭ پارتيا قۇرىلىسى سياقتى ٴتۇيىندى قىزمەتتەردى ٴبىر تۇتاس جوسپارلاپ ىلگەرىلەتىپ، مەملەكەت مەنشىگىندەگى كاسىپورىنداردىڭ ناقتى قۋاتىن، ومىرشەڭدىك قۋاتىن، ىقپال كۇشىن جانە حاۋىپ - قاتەرگە توتەپ بەرۋ قابىلەتىن جاپپاي جوعارىلاتامىز» دەدى اقسۋ ايماقتىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ مەڭگەرۋشىسى سۇن چىڭجياڭ.
ماناس اۋداندىق پارتكوم پارتيا مەكتەبىنىڭ بارلىق وقىتۋشى، جۇمىسشى - قىزمەتشىلەرى توپتىق ۇيرەنۋ، شوعىرلى زەرتتەۋ - تالقىلاۋ، ارناۋلى تاقىرىپتا اۋىس - كۇيىس ورىستەتىپ، پارتيا 20 - قۇرىلتايىنىڭ رۋحىن تىڭعىلىقتى ويداعىداي ۇيرەندى، ۇگىتتەدى، دايەكتىلەندىردى.
ماناس اۋداندىق پارتكوم پارتيا مەكتەبىنىڭ وقىتۋشىسى سۇن جيالين مىنالاردى ٴبىلدىردى: پارتيا مەكتەبىنىڭ نەگىزگى شەپ رولىن ويداعىداي ساۋلەلەندىرىپ، پارتيا 20 - قۇرىلتايىنىڭ رۋحىن ويداعىداي، تەرەڭ، جاندى تۇردە بايانداپ، «پارتيا ٴۇنىن» بۇقاراعا ىقىلاستى اۋىل اۋەنىمەن جەتكىزىپ، پارتيا 20 - قۇرىلتايى رۋحىنىڭ نەگىزگى ساتىعا ىشكەرىلەي بويلاۋىن، جۇرت جۇرەگىنە تەرەڭ ۇيالاۋىن ىلگەرىلەتەمىز.
پارتيا مۇشەلەرى مەن كادرلار ۇيرەنۋدە، ٴار ۇلت بۇقاراسى دا ۇيرەنۋدە.
«پارتيا تىلەگى مەن حالىق تىلەگى ۇيىسقاندا عانا وزگەشە كەرەمەت ىستەر جاراتۋعا بولادى». بۇل كۇندەرى شاعانتوعاي اۋدانى جانكىسى اۋىلى جانكىسى قىستاعى پارتيا ياچەيكاسىنىڭ شۋجيى حاۋ شياڭلي پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ارقاۋ ەتىپ، يكەمدى، الۋان ٴتۇرلى ۇگىت - لەكسيا، ۇيرەنۋ قيمىلدارىن ۇيىمداستىرىپ جانە ورىستەتىپ، ٴار ۇلت كادرلارى مەن بۇقاراسىن جاڭا جورىقتا جاڭا جاۋاپكەرشىلىك ارقالاۋعا، جاڭا ىسكەرلىك كورسەتۋگە تاربيەلەپ، جەتەكتەپ، قىستاق تۇرعىندارىنىڭ اۋىل - قىستاقتى گۇلدەندىرۋگە ات سالىسۋ بەلسەندىلىگىن، ىرىقتىلىعىن، جاسامپازدىعىن تولىق قاۋلاتتى، جۇمىلدىردى.
بىرنەشە كۇننەن بەرى اراسان اۋدانى شاعانتۇڭگە اۋىلى ماليچىك قىستاعىندا «اتتىلار ۇگىت - لەكسيا اترەتى» قىستاۋلىقتا ۇگىت - لەكسيا جاساپ، پارتيا 20 - قۇرىلتايىنىڭ رۋحىن جانە حالىققا تيىمدىلىك جاساۋ ساياساتتارىن ٴاربىر مالشى وتباسىنا دەيىن ۇگىتتەپ، جۇرتتىڭ قىزۋ قارسى الۋىنا بولەندى.
«ٴبىز مال شارۋاشىلىق رايونىندا ٴجۇرىپ پارتيانىڭ قامقورلىعىن ٴاردايىم سەزىنىپ جاتىرمىز»! مالشى باتەن تۇرسىن تەبىرەنە بىلاي دەدى: «10 جىلدان بەرى مالشىلاردىڭ تۇرمىسى بارعان سايىن جاقسارىپ كەلەدى، مەن جاڭا باسپاناعا يە بولىپ قالماستان، جاڭا اۆتوموبيل دە ساتىپ الدىم». باتەن دە پارتيا 20 - قۇرىلتايى رۋحىنىڭ «ۇگىتشىسى» بولىپ، كەزىككەننىڭ بارىنە ۇگىتتەپ، اناعۇرلىم كوپ مالشىنى بۇلجىماستان پارتيانىڭ سوزىنە قۇلاق اسىپ، پارتيانىڭ مەيىرىنە العىس ايتىپ، پارتياعا ىلەسىپ، قاجىرلى ەڭبەكتەرىنە سۇيەنىپ ٴتىپتى دە تاماشا تۇرمىس جاراتۋعا جەتەكتەدى.
ىنتىماق ورتاق تانىمنىڭ ۇيىسۋىنان كەلەدى، ورتاق تانىم كۇرەس جاساۋدىڭ كۇش - قۋاتىن تاسقىنداتادى.
پارتيا 20 - قۇرىلتايى رۋحىنىڭ جىگەرلەندىرۋى مەن شابىتتاندىرۋىندا، قالىڭ پارتيا مۇشەلەرىنىڭ جانە كادرلاردىڭ، بۇقارانىڭ العا باسۋ جولىنداعى رۋحى الاۋداي لاۋلاپ، مىزعىماس سەنىم ورنادى.
ۇيرەنۋ ارقىلى قولدانۋدى جەبەپ، ناقتى ىستەۋدىڭ قىزۋ ورلەۋىن كوتەردى
ىشكەرىلەي ۇيرەنۋ تەرەڭ تولعانىسقا جەتەلەپ، ارەكەت بەتالىسىن ٴتىپتى دە ايقىنداپ، شينجياڭنىڭ بايتاق دالاسىندا ناقتى ىستەۋدىڭ قىزۋ ورلەۋى كوتەرىلدى.
پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قوزعاۋشى كۇش ەتىپ، بۇكىل رايونداعى ٴار ۇلت كادرلارى مەن بۇقاراسى پارتيا ورتالىق كوميتەتىنىڭ «ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ» ماڭىزدى تالابىن باتىل تياناقتاندىرىپ، «ەكىنى ٴبىرتۇتاس جوسپارلاۋدى» جوعارى ونىمدىلىكپەن ورىنداپ، ٴتۇرلى قىزمەتتەردى تىڭعىلىقتى ىلگەرىلەتىپ، شينجياڭنىڭ رەفورما جاساۋ، دامۋ، ورنىقتىلىق جاڭا جاعدايىن اشۋعا قۇلشىندى.
ٴبىر جاعىنان ىندەتتى تىزگىندەپ، ٴبىر جاعىنان سىرتقى ساۋدانى ورنىقتىردى. قىس باسىنداعى قاشقار كەشەندى باجىسىز اۋماعىندا جۇك تاسىعان اۆتوكولىكتەر قايشالىسىپ، وزگەشە قاربالاستىق مەن مۇندالايدى. بيىل الدىڭعى 10 ايدا قاشقار كەشەندى باجىسىز اۋماعىنىڭ يمپورت - ەكسپورت سوماسى 20 ميلليارد 50 ميلليون يۋانعا جەتىپ، شينجياڭداعى تۇڭعىش يمپورت - ەكسپورت سوماسى 20 ميلليارد يۋاننان اسقان كەشەندى باجىسىز اۋماققا اينالدى.
«قاشقار ايماعى پارتيا 20 - قۇرىلتايىنىڭ رۋحىن دايەكتىلەندىرۋدى، تياناقتاندىرۋدى قوزعاۋشى كۇش ەتىپ، <ٴبىر بەلدەۋ، ٴبىر جول> قۇرىلىسىمەن اناعۇرلىم بەلسەندىلىكپەن، ىرىقتىلىقپەن توعىسادى». قاشقار ايماقتىق پارتكومنىڭ شۋجيى نيە جۋاڭ بىلاي دەدى: وزگەشە ورىن باسىمدىعىن جانە ساياسات ابزالدىلىعىن تولىق ويداعىداي ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى تىرەكتىك قۇرىلىسىن زور كۇشپەن ىلگەرىلەتىپ، جوعارى دەڭگەيدە سىرتقا ەسىك اشۋدى جەدەل ىلگەرىلەتىپ، جاڭا دامۋ ارناسىنا قىزمەت وتەۋ جانە ونىمەن توعىسۋ جاعىندا ۇزدىكسىز تىڭ ىسكەرلىك كورسەتىپ، قاشقار ايماعىن شينجياڭنىڭ سىرتقا ەسىك اشۋداعى الدىڭعى شەبىنە اينالدىرامىز.
11 - ايدىڭ 17 - كۇنى تۇستەن بۇرىن كوكتوعاي حالىقارالىق شاڭعى تەبۋ، دەمالىس رايونىندا 2022 − 2023 - جىلعى قارلى ماۋسىمدا «شاڭعى تەبۋ باستالدى»، ىندەتتەن ساقتانۋ تالابىن ويداعىداي تياناقتاندىرۋ نەگىزىندە شاڭعىشى دوستاردى ىركەس - تىركەس قابىلدادى. «پارتيا 20 - قۇرىلتايىنىڭ بايانداماسى التاي ايماعىنىڭ قار - مۇز كاسىپ سالاسىنىڭ جوعارى ساپالى دامۋىنا ايقىن بەتالىس كورسەتىپ بەردى، ٴبىز ناقتى شارالار شىعارىپ، تىڭعىلىقتى ىلگەرىلەتىپ، جاڭا جورىقتا تىڭ ٴورىس اشامىز». التاي ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ٴۋاليى جەڭىس قادىس ۇلى مىنالاردى ٴبىلدىردى: بولاشاقتا التاي قار - مۇز ساياحات - دەمالىس ماركاسىن سومداپ، قار - مۇز كاسىپ سالاسى مەن كاسىپ كۇيىن مولايتىپ، ساياحات كەڭ ارناسى، جوعارى قارقىندى تاس جول سياقتى كەلەلى قاتىناس نەگىزدىك قۇرىلعىلار قۇرىلىسىن زور كۇشپەن ىلگەرىلەتىپ، قار - مۇز ساياحاتى الەۋمەتتىك قاتىناس تورى جۇيەسىن كەمەلدەندىرىپ، قار - مۇز كاسىپ سالاسىن جوعارى ساپالى دامىتۋ ارقىلى حالىقتىڭ قۇت - ىرىسىن ۇزدىكسىز مولايتىپ، حالىقتى بىرگە بايىتۋدى ىلگەرىلەتەدى.
بولاتتاي بەرىك بولىپ، ۋاقىت ۇتاتىن، سەنىم - قايراتپەن جۇرەكتىلىكپەن، شەبەرلىكپەن ىستەپ، ناقتى ٴىس ىستەۋدى تياناقتاندىرىپ، بۇكىل رايونداعى قالىڭ پارتيا مۇشەلەرى مەن كادرلار، بۇقارا بىردەن ىسكە كىرىسەتىن ەڭبەكشى بولۋعا تالپىندى.
ٴۇرىمجى گانچۋانپو ەكونوميكالىق، تەحنيكالىق اشۋ رايونى (ونەركاسىپ رايونى) «كولەمدى ساۋداگەر شاقىرۋ»، «ٴىرى ساۋداگەر شاقىرۋ» جاعىنا كۇش سالىپ، قاتىستى ورىندارمەن ٴبىرسىپىرا سەلبەستىك نيەتناماسىنا قول قويىستى.
«پارتيا 20 - قۇرىلتايى جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى دەپ ايقىن كورسەتتى». گانچۋانپو ەكونوميكالىق، تەحنيكالىق اشۋ رايونى پارتيا قىزمەتى كوميتەتىنىڭ شۋجيى تاڭ شان بىلاي دەدى: «ٴبىز پارتيا 20 - قۇرىلتايىنىڭ رۋحىن قىزمەتتەردى ىلگەرىلەتۋدەگى ٴىس جۇزىندىك ارەكەتكە، ناقتى شاراعا شىن مانىندە اينالدىرىپ، ٴتىپتى دە كوپ جوعارى جىكتەگى، كولەمدى، تەحنيكالىق ورەسى جوعارى باستاماشى كاسىپورىنداردى باۋراپ، ۇزدىكسىز تىزبەكتى كۇشەيتىپ، تىزبەكتى ۇزارتىپ، تىزبەكتى تولىقتاپ، جاڭا كاسىپ سالاسىن، جاڭا كاسىپ كۇيىن جەتىلدىرۋدى، ۇلعايتۋدى جەدەلدەتىپ، باقشا رايونى ٴتۇيىندى نىسانىن، ماڭىزدى ينجەنەريالىق قۇرىلىستى ىلگەرىلەتەمىز».
ٴراشيدام اسەن باي اۋدانى مىچىح اۋىلى كۋراتوعىراق قىستاعىنداعى بايۋ باستاماشىسى، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ جەتەكشىلىگىندە، كومەكتەسۋىندە كورشىسىمەن بىرگە سۇرلەنگەن جەم - ٴشوپ مانەرلەۋ زاۆودىن قۇرىپ، 11 قىستاق تۇرعىنىن جارنا قوسىپ، شارۋالار كاسىپتىك سەلبەستىك كووپەراتيۆىن قۇرۋعا قابىلداپ، جان باسىندىق ورتاشا جىلدىق ارتقان كىرىسىن 16 مىڭ يۋانعا جەتكىزدى.
«مۇنىڭ ٴبارىن پارتيانىڭ ابزال ساياساتى اپەردى». ٴراشيدام بىلاي دەدى: «مەن پارتيا 20 - قۇرىلتايىنىڭ رۋحىن، ٴسوز جوق، ىشكەرىلەي ۇيرەنىپ، ويداعىداي ۇعىنىپ، <اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولۋ> تالابى بويىنشا ٴتىپتى دە كوپ قىستاق تۇرعىندارىن كىرىستەرىن ارتتىرىپ، بايۋعا باستاپ، اۋىلدى دامىتۋ قۇرىلىسىن ىلگەرىلەتۋدەگى قاتىناسۋشى، يگىلىكتەنۋشى جانە كۇش قوسۋشى بولامىن».
«جوسپار جاسالدى، بورىشتى ارقالادىق، تەك جىگەرلەنە العا باسىپ، بارىن سالا ىسكە كىرىسۋ كەرەك»! جاڭا جورىقتا بۇكىل رايونداعى قالىڭ پارتيا مۇشەلەرى مەن كادرلار، بۇقارا ٴبىر نيەتپەن جۇمىلىپ، ماڭگى قاجىمايتىن رۋحاني كۇيمەن جانە العان بەتىنەن قايتپايتىن كۇرەسكەرلىك بەينەمەن داڭق پەن ارماندى بەتكە الىپ، تاعى دا تىڭ ساپارعا اتتاندى.
شينجياڭ گازەتىنىڭ ٴتىلشىسى ليۋ شياڭ