汉文 ىلە اقپارات تورابىنا حوش كەلدىڭىزدەر!
ەلىمىزدەگى ەڭ ۇلكەن تابيعي گاز قامباسىنان بيىل قىسقى گاز الۋ جۇمىسى باستالدى
2022-11-25 15:17:00     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

انار بۇلت \ شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى شۋە مەي 11 - ايدىڭ 23 - كۇنى ۇرىمجىدەن حابارلايدى. جۇڭگو مۇناي - تابيعي گاز توبى شەكتى جارنا سەرىكتەستىگى شينجياڭ مۇناي الابى سەرىكتەستىگىنەن ۇعىسۋىمىزشا، 11 - ايدىڭ 19 - كۇنى جۇڭگو مۇناي - تابيعي گاز توبى شەكتى جارنا سەرىكتەستىگى شينجياڭ مۇناي الابى سەرىكتەستىگى قۇتىبي تابيعي گاز قامباسى HUHWK4 ۇڭعىماسىنىڭ تابيعي گاز الۋ كلاپانى اشىلىپ، قازىرگى تاڭدا بۇكىل ەل بويىنشا ەڭ ۇلكەن وسى تابيعي گاز قامباسىندا 10 - اينالىمدىق تابيعي گاز الۋ جۇمىسى باستالىپ، رايونىمىزدىڭ سولتۇستىك شينجياڭ وڭىرىندەگى قالالاردى، سونداي - اق تابيعي گازدى باتىستان شىعىسقا جەتكىزۋ قۇبىر جەلىسى بويىنداعى قالالاردى بيىل قىس پەن كەلەر جىلى كوكتەمدە تابيعي گازبەن قامداۋعا بار كۇشپەن كەپىلدىك ەتىلگەن.

شينجياڭ مۇناي الابى تابيعي گاز قامباسى شەكتى سەرىكتەستىگىنىڭ باس گەولوگى لياۋ ۋيدىڭ تانىستىرۋىنشا، بيىل قىس پەن كەلەر جىلى كوكتەمدەگى قامداۋدى قامتاماسىز ەتۋ مەزگىلىندە جاڭا ۇڭعىمالاردىڭ كولەمىن بىرتىندەپ كەڭەيتىپ، وندىرىستىك دەڭگەيگە جەتكىزۋ، كونە ۇڭعىمالاردىڭ قىسىم پارقىن ساپالىلاندىرىپ، ءونىمدى ارتتىرۋ سياقتى شارالار ارقىلى تابيعي گاز قامباسىنىڭ تابيعي گازدان پايدالانۋداعى ەڭ قاۋىرت مەزگىلدى رەتتەپ، قامداۋدى قامتاماسىز ەتۋ قابىلەتىن جوعارىلاتىپ، تابيعي گاز قامباسىنىڭ ”ورنىقتىرعىشتىق“ رولىن شىن مانىندە ساۋلەلەندىرەدى ەكەن.

بيىل قىستا تابيعي گازبەن حاۋىپسىز، ورنىقتى قامداۋعا شىنايى كەپىلدىك ەتۋ ءۇشىن، قۇتىبي تابيعي گاز قامباسى بۇرىنعى كەزدەردەگى قىسقى قامداۋ تاجىريبەلەرىمەن ۇشتاستىرىپ، بيىل قىس پەن كەلەر جىلى كوكتەمدەگى تابيعي گازدان پايدالانۋ سۇرانىسىنا الدىن الا تۇجىرىم جاساپ، قىس ماۋسىمىنداعى تابيعي گاز الۋ جوباسىن، ەڭ قاۋىرت مەزگىلدى رەتتەپ، جۇمىس جۇرگىزۋ جوسپارىن جانە ناشار اۋا رايى جاعدايىندا شۇعىل جاعدايعا توتەپ بەرىپ، قامداۋدى قامتاماسىزداندىرۋ شاراسىن عىلمي جاسادى. شينجياڭ مۇناي الابى تابيعي گاز قامباسى شەكتى سەرىكتەستىگىنىڭ ديرەكتورى حۋ شياۋبو مىنانى ءبىلدىردى: ءوندىرىس ريتىمىن دالمە - ءدال يگەرىپ، جاڭا ۇڭعىمالاردا تابيعي گاز سىناعىن جاساۋ سياقتى وندىرىستىك قۋات قۇرىلىسىنىڭ اياق الىسىن جاپپاي جەدەلدەتىپ، تومەن ءتۇسىمدى، تومەن ءونىمدى ۇڭعىمالارعا قاراتا شارا قولدانىپ، جۇمىس جۇرگىزۋ جانە قىسقى ساقتىق، جىلىلىقتى ساقتاۋ سياقتى قىزمەتتەردى بەلسەنە ىلگەرىلەتەمىز.

تابيعي گاز قامباسى − تابيعي گازدىڭ ”استىق قامباسى“، جاز ماۋسىمىندا قامباعا تابيعي گاز تولتىرىلادى، قىس ماۋسىمىندا تابيعي گازدان پايدالانۋدىڭ ەڭ قاۋىرت كەزىندە قامداۋدى تولىقتاۋ ءۇشىن، قامبادان تابيعي گاز الىنادى. ساقتاۋعا ءتيىستىسىن ساقتاۋ، مۇمكىندىگىنشە كوپ ساقتاۋ پرينسيبى بويىنشا، بيىل جازدا قۇتىبي تابيعي گاز قامباسىنا تولتىرىلعان تابيعي گاز بىلتىرعىدان 580 ميلليون تەكشەمەتر كوپ بولىپ، تاريحتاعى ەڭ جوعارى ورەگە جەتىپ، بيىل قىس پەن كەلەر جىلى كوكتەمدە تابيعي گازبەن قامداۋدى قامتاماسىز ەتۋگە جەتكىلىكتى قور جينالدى.

قۇتىبي تابيعي گاز قامباسى 2013 - جىلى 6 - ايدا ىسكە قوسىلعاننان قازىرگە دەيىن قامباعا جالپى 18 ميلليارد 480 ميلليون تەكشەمەتر تابيعي گاز تولتىرىلىپ، 13 ميلليارد 80 ميلليون تەكشەمەتر تابيعي گاز الىندى.