汉文 ىلە اقپارات تورابىنا حوش كەلدىڭىزدەر!
رايونىمىزدىڭ فينانس كاسىبى قارجى قوسۋ مەن قارىز بەرۋدى ۇشتاستىرىپ، ءىرى نىسان قۇرىلىستارىنا قولداۋ كورسەتتى
2022-11-26 22:38:50     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

انار بۇلت \ شينجياڭ گازەتىنىڭ ءتىلشىسى ۋاڭ يۇڭفي 11 - ايدىڭ 24 - كۇنى ۇرىمجىدەن حابارلايدى. حالىق بانكەسى ءۇرىمجى ورتالىق تارماق بانكەسىنەن ۇعىسۋىمىزشا، نەگىزدىك قۇرىلعى قورىنان قارجى قوسۋ + ساياساتتىق قارىز اقشا بەرۋ + ساۋدالىق قارىز اقشا بەرۋ بويىنشا، بيىل 6 - ايدان بەرى، رايونىمىزدىڭ فينانس قۇرىلىمدارى ءۇش جاقتان قاتار كۇش جۇمساپ، ءىرى نىسانداردىڭ كاپيتال قورى جەتكىلىكسىز بولۋ مەن قۇرىلىس قارجىسى جەتكىلىكسىز بولۋ سياقتى قيىن ماسەلەلەردى ءبىر جولدا شەشىپ، بۇكىل رايونداعى ءىرى نىسان قۇرىلىستارىن ءونىمدى تۇردە جەبەگەن. بيىل 10 - ايدىڭ سوڭىنا دەيىن رايونىمىزدىڭ نەگىزدىك قۇرىلعىلارعا بەرىلگەن قارىز اقشا قالدىق سوماسى 695 ميلليارد 790 ميلليون يۋان بولىپ، سايكەس مەزگىلدەگىدەن %7. 13 ارتقان.

بيىل 6 - ايدا مەملەكەتتىك كەڭەستىڭ ۇنەمىلىك ىستەر ءماجىلىسى ىلگەرىندى - كەيىندى ساياساتتىق، وركەندەتۋ سيپاتىنداعى بانكە قۇرىلىمدارىنىڭ سەنىمدى قارىز نورماسىن 800 ميلليارد يۋان ارتتىرىپ، ساياساتتىق، وركەندەتۋ سيپاتىنداعى فينانس قۇرالدارىن دايىنداپ، ءىرى نەگىزدىك قۇرىلعىلار نىسانى قۇرىلىسىن قولداۋدى ۇيعارعان بولاتىن. بۇل ساياسات شىعارىلعاننان كەيىن، حالىق بانكەسىنىڭ ءۇرىمجى ورتالىق تارماق بانكەسى ساياسات ورايىن مىقتى يگەرىپ، الدىن الا ورنالاستىرۋ جاساپ، الدىعا قاراي كۇش سالىپ، ساياساتتىق فينانستىڭ شينجياڭعا دەگەن ەڭ ۇلكەن قولداۋىنا بەلسەنە قول جەتكىزدى.

مۇنىڭ ىشىندە، ساياساتتىق، وركەندەتۋ سيپاتىنداعى فينانس قۇرالىندا مەملەكەتتىك وركەندەتۋ بانكەسى، جۇڭگو اۋىل شارۋاشىلىعىن دامىتۋ بانكەسى، جۇڭگو يمپورت - ەكسپورت بانكەسى سىندى ءۇش ساياساتتىق بانكە نەگىزدىك قۇرىلعى قورى تاسىلىمەن ءىرى نىساندارعا قارجى قوسىپ،ءىرى نىسانداردىڭ كاپيتال قورى جەتكىلىكسىز بولۋ ماسەلەسىن شەشتى. 11 - ايدىڭ 14 - كۇنىنە دەيىن، ءۇش ساياساتتىق بانكە شينجياڭ ىشىندەگى 158 نىسان يەسىمەن قوردان 29 ميلليارد 493 ميلليون يۋان قارجى سالۋ كەلىسىمىن جاساسىپ، 151 نىسانعا، ءىس جۇزىندە، 27 ميلليارد 837 ميلليون يۋان قارجى سالىپ، قاتىناس، ەنەرگيا، سۋ يگىلىگى، كاسىپ سالاسىنىڭ دارەجەسىن جوعارىلاتۋ سياقتى سالالارداعى ءىرى نەگىزدىك قۇرىلعى نىساندارىنىڭ كاپيتال قورىن پارمەندى تولىقتادى.

ساياساتتىق، وركەندەتۋ سيپاتىنداعى بانكەلەردىڭ امانات - قارىز نورماسىن 800 ميلليارد يۋان ارتتىرۋدا ساياساتتىق بانكەلەردىڭ نەگىزدىك قۇرىلعىلار سالاسىنا قارىز اقشا تاراتۋ قۋاتىن جوعارىلاتۋىنا جەتەكشىلىك ەتۋ كوزدەلدى. 11 - ايدىڭ 14 - كۇنىنە دەيىن، ءۇش ساياساتتىق بانكە شينجياڭداعى 218 نىسانعا 33 ميلليارد 644 ميلليون يۋان قارىز اقشا تاراتتى.

وسى ەكى ساياساتتىڭ شينجياڭدا تياناقتانۋىنا كەپىلدىك ەتۋ ءۇشىن، حالىق بانكەسىنىڭ ءۇرىمجى ورتالىق تارماق بانكەسى قاراستى رايونداعى بانكە قۇرىلىمدارىنىڭ ءتۇيىندى نىسانداردى اقىلداسۋ مەحانيزمى، سەنىمدى قارىز كاسىبىن سايكەستىرۋ مەحانيزمى، بىرلەسىپ قيمىلداپ وتكىزۋ - ساتۋ مەحانيزمى سياقتى نىسانداردى ۇشتاستىرۋ، قامتاماسىز ەتۋ مەحانيزمىن ورناتۋىن ىلگەرىلەتىپ، ”حالىق بانكەسى + ۇكىمەت تاراۋى + فينانس قۇرىلىمى“ جوعارى ءونىمدى سەلبەستىك مەحانيزمىن قالىپتاستىرىپ، ىندەت كەزىندەگى ءىرى نىسانداردى ىلگەرىلەتۋ، تياناقتاندىرۋ قىزمەتىنىڭ ءۇزىلىپ قالماۋىن پارمەندى قامتاماسىز ەتتى. سونىمەن بىرگە، قاتىستى تاراۋلارمەن بىرلەسىپ مەملەكەتتىڭ 8 ۇلكەن ءتۇر بويىنشا 22 ۇسىنىلىم سالاسىن كوزدەپ، ءتۇيىندى نەگىزدىك قۇرىلعى نىساندارىنىڭ جاڭالانىپ تۇراتىن تىزىمدىگىن بەلگىلەپ، ساياساتتىق، وركەندەتۋ سيپاتىنداعى ءۇش بانكەنىڭ نىساندارمەن ۇشتاسۋىن جانە ونى تياناقتاندىرۋدى كۇشەيتۋىن ىلگەرىلەتتى.

ساياساتتىق بانكەلەردىڭ ”قارجى قوسۋ مەن قارىز اقشا بەرۋدە بىرلەسە قيمىلداۋ“ ءتاسىلى ارقىلى ءىرى نىساندار قۇرىلىسىن قولداۋىن ىلگەرىلەتۋمەن بىرگە، حالىق بانكەسىنىڭ ءۇرىمجى ورتالىق تارماق بانكەسى ساۋدا بانكەلەرىنىڭ نىسانداردىڭ سايكەستى قارجى قۇراۋىن قادامداس تۇردە قاداعالاۋىنا جەتەكشىلىك ەتتى، قازىرگە دەيىن ساۋدا بانكەلەرى فينانس قۇرالدارى قولداۋ كورسەتەتىن نىساندارعا بەرگەن جالپى سەنىمدىلىك نەسيە سوماسى 110 ميلليارد يۋاننان استى.

بيىل سانجى وبلىسى تيڭجوۋ ەنەرگيا قارجى قوسۋ (توبى) شەكتى سەرىكتەستىگى موري قازاق اۆتونوميالى اۋدانىندا، شونجى اۋدانىندا ءۇش جاڭا ەنەرگيا نىسانىنىڭ قۇرىلىسىن باستاپ، اۋىل شارۋاشىلىعىن وركەندەتۋ بانكەسىنىڭ نەگىزدىك قۇرىلعى قورى فورماسىمەن قوسقان ءبىر ميلليارد 520 ميلليون يۋان كاپيتال قورىنا قول جەتكىزدى. ”كاپيتال قورى تياناقتانعاننان كەيىن، اۋىل شارۋاشىلىعى بانكەسى، قاتىناس بانكەسى، جۇڭگو بانكەسى، شيڭيە بانكەسى ىركەس - تىركەس ىلەسىپ، بىزگە شامامەن 12 ميلليارد يۋان ساۋدا قارىز اقشاسىن بەرىپ، نىسان اياق الىسىن بارىنشا تەزدەتتى“، - دەدى وسى سەرىكتەستىكتىڭ القا باستىعى جاڭ جىن.