汉文 ىلە اقپارات تورابىنا حوش كەلدىڭىزدەر!
10 - ايدىڭ سوڭىندا شينجياڭنىڭ قاتىناس زات اينالىمى كاسىبىنىڭ قارىز اقشا قالدىق سوماسى 50 ميلليارد يۋاننان استى
2022-11-27 15:26:24     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

10 - ايدىڭ سوڭىندا شينجياڭنىڭ قاتىناس زات اينالىمى كاسىبىنىڭ قارىز اقشا قالدىق سوماسى 50 ميلليارد يۋاننان استى

  بۇل 11 مىڭ بازار تۇلعاسىنا سايادى

انار بۇلت \ شينجياڭ گازەتىنىڭ ءتىلشىسى ۋاڭ يۇڭفي 11 - ايدىڭ 25 - كۇنى ۇرىمجىدەن حابارلايدى. حالىق بانكەسى ءۇرىمجى ورتالىق تارماق بانكەسىنەن ۇعىسۋىمىزشا، ىندەتتىڭ ىقپالىنا قاراتا، حالىق بانكەسى ءۇرىمجى ورتالىق تارماق بانكەسى اقشا ساياساتى قۇرالى سياقتى شارالاردان پايدالانىپ بانكە كاسىبى فينانس قۇرىلىمدارىن قارىز اقشا بوساتۋ تەبىنىن كۇشەيتۋگە جەتەكتەگەن ءارى بانكە كاسىبى فينانس قۇرىلىمدارىن اقشاسىن قايتارىپ، ءوسىمىن تولەۋ ۋاقىتىن ۇزارتۋ تەبىنىن كۇشەيتۋگە جەتەكتەپ، قاتىناس زات اينالىمى سالاسى بازار تۇلعاسىنىڭ قارجى قىسىمىن ءونىمدى باسەڭدەتكەن.

حالىق بانكەسىنىڭ باقىلاۋ - تەكسەرۋ ساندى مالىمەتىندە كورسەتىلۋىنشە، 10 - ايدىڭ سوڭىنا دەيىن قاراستىلىعىنداعى بانكە كاسىبى فينانس قۇرىلىمدارىنىڭ قاتىناس زات اينالىمى كاسىبىن قولداۋ امانات - قارىز قالدىق سوماسى 54 ميلليارد 439 ميلليون يۋانعا جەتىپ، 11 مىڭ 95 بازار تۇلعاسىنا سايىپ، سايكەس مەزگىلدەگىدەن جەكە - جەكە %83. 5 جانە %69. 20 ارتقان.

بيىل 1 - ايدان 10 - ايعا دەيىن 2141 زات اينالىمى، تاسىمال كاسىپورنى مەرزىمىن ۇزارتۋ ساياساتىنان يگىلىكتەندى، اقشا مەن ءوسىم مەرزىمىن ۇزارتۋ كولەمى 645 ميلليون 555 مىڭ 900 يۋان، ورتاشا ۇزارتىلعان ۋاقىتى 29. 13 اي بولىپ، 10 - ايدا جاڭادان تاراتىلعان قارىز اقشانىڭ ۇستەمە ورتاشا ءوسىم شاماسى %51. 4 بولىپ، ادەتتەگى قارىز اقشا ءوسىم مولشەرىنەن 23. 0 پايىز تومەن بولدى.

بيىل جىل باسىنان بەرى، حالىق بانكەسى ءۇرىمجى ورتالىق تارماق بانكەسى فينانس جۇيەسىن قاتىناس، زات اينالىمى كاسىبىن فينانستىق قولداۋ تەبىنىن كۇشەيتۋگە جەتەكشىلىك ەتىپ، قاتىناس، زات اينالىمى سالاسىنا ارناۋلى قايتالاي قارىز اقشا بەرۋ ساياساتىنىڭ تۇسىندىرمە ۇزىن سۋرەتىن بەلسەنە جاساپ، كاسىپورىندارعا اشىق حات جولداپ، ”فينانس ونىمدەرى توپتاماسى − زات اينالىمى، تاسىمال تاراۋىن“ دايىنداپ تاراتىپ، بازار تۇلعالارىنىڭ قاتىناس، زات اينالىمى سالاسىن قيىنشىلىقتان ارىلتۋ ساياساتىن تولىق تۇسىنۋىنە جانە پايدالانۋىنا مۇمكىندىك جاساپ، اناعۇرلىم كوپ فينانستىق بايلىققا يە بولدى.

سونىمەن بىرگە، بۇل بانكە قاتىناس - تاسىمال تاراۋلارىمەن بايلانىس - سەلبەستىكتى كۇشەيتىپ، كاسىپورىن تىزىمدىگىن شىعارىپ بەرۋ مەحانيزمىن ورناتتى، قازىر بانكە قۇرىلىمدارىنا ءتىزىمىن شىعارىپ بەرگەن كاسىپورىن جانە جەكە ونەركاسىپشىلەر 46 مىڭعا جەتتى.

حالىق بانكەسى ءۇرىمجى ورتالىق تارماق بانكەسى قايتالاي قارىز اقشا بەرۋ، قايتالاما ديسكونت سياقتى كوپ ءتۇرلى اقشا ساياساتى قۇرالىن جاپپاي پايدالانىپ، فينانس قۇرىلىمدارىن قاتىناس - تاسىمال، قامبادا ساقتاۋ، زات اينالىمى سياقتى كاسىپ سالالارىندا ىندەتتىڭ ىقپالىنا ۇشىراعان شاعىن، ۇساق كاسىپورىنداردى، جەكە ونەركاسىپشىلەردى امانات - قارىزبەن قولداۋ تەبىنىن كۇشەيتۋگە باستادى.

بيىل جىل باسىنان بەرى، رايونىمىزدىڭ بانكە كاسىبى فينانس قۇرىلىمدارى شاعىن كاسپورىنداردى قولداۋعا بەرىلگەن قايتالاي قارىز اقشادان پايدالانىپ قاتىناس - تاسىمال كاسىپورىندارى مەن جەكەلەرگە جيىنى 770 ميلليون يۋان قارىز اقشا تاراتىپ، 120 بازار تۇلعاسىنا پايدا جەتكىزدى، قايتالاما ديسكونتتان پايدالانىپ قاتىناس - تاسىمال كاسىپورىندارىنا 720 ميلليون يۋان ديسكونت ءبىتىرىپ، 98 كاسىپورىننىڭ قارجى قۇراۋ ۆەكسەلىنە يە بولۋىن قولدادى.

زات اينالىمى، تاسىمال كاسىپورىندارىنىڭ جالپىلاما قارجىسى از، كەپىل بولاتىن، كەپىلگە قوياتىن زاتى كەمشىل بولۋ ەرەكشەلىگىنە باعىتتاي وتىرىپ، شينجياڭنىڭ ىشىندەگى بانكە كاسىبى فينانس قۇرىلىمدارى قارجى قۇراۋ ونىمدەرىندە جاڭالىق اشىپ، كاسىپورىنداردىڭ جاعدايىنا قاراي جالپىلىق فينانستىق قىزمەت وتەۋ جوباسىن ازىرلەدى. باجى ىستەرى قارىز اقشاسى، شۇنفىڭ قارىز اقشاسى، زات اينالىمى e قارىز اقشاسى سياقتى كوپ نەگىزدەنگەن، كوپ ساتىلى فينانس ونىمدەرى قاتىناس، زات اينالىمى كاسىپورىندارىنىڭ ۇقساماعان قارجى قۇراۋ قاجەتىن قاناعاتتاندىردى.

سونىمەن بىرگە، حالىق بانكەسى ءۇرىمجى ورتالىق تارماق بانكەسى بانكە كاسىبى فينانس قۇرىلىمدارىن زات اينالىمى، تاسىمال كاسىپورىندارىنا وسىمدە تيىمدىلىك جاساپ قارجى قۇراۋ وزىندىك قۇنىن تومەندەتۋگە باستاپ، مەرزىمىن كەشەۋىلدەتۋ سياقتى قيىنشىلىقتى باسەڭدەتۋ شارالارى ارقىلى قارىز اقشانىڭ باسىن قايتارۋ مەن ءوسىمىن تولەۋ ۋاقىتىن ۇزارتۋ قىزمەتىن ويداعىداي ىستەپ، قارىز اقشا بەرۋدى توقتاتپاۋدى، قارىز اقشانى باسىپ قويماۋدى، قارىز اقشانى مەرزىمىنەن بۇرىن قايتارىپ الماۋدى ورىندادى.