汉文 ىلە اقپارات تورابىنا حوش كەلدىڭىزدەر!
ەلەكتر تاراتۋعا پايدالانىلاتىن كومىرمەن حاۋىپسىز، ورنىقتى قامداۋدى شىنايى قامتاماسىز ەتتى
2022-11-27 15:11:26     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

 اۆتونوميالى رايون 2023 - جىلعى ەلەكتر تاراتۋعا پايدالانىلاتىن كومىردىڭ ورتا، ۇزاق مەزگىلدىك توقتامىنا قول قويۋ، ۋادەنى ورىنداۋ قىزمەت باعدارناماسىن باسىپ تاراتتى

  ەلەكتر تاراتۋعا پايدالانىلاتىن كومىرمەن حاۋىپسىز، ورنىقتى قامداۋدى شىنايى قامتاماسىز ەتتى

انار بۇلت \ شينجياڭ گازەتىنىڭ ءتىلشىسى شى شين 11 - ايدىڭ 25 - كۇنى ۇرىمجىدەن حابارلايدى. مەملەكەتتىڭ قاتىستى تالاپتارىن دايەكتىلەندىرىپ، تياناقتاندىرىپ، تۇتاس رايوننىڭ 2023 - جىلعى ەلەكتر تاراتۋعا پايدالانىلاتىن كومىردىڭ ورتا، ۇزاق مەزگىلدىك توقتامىنا قول قويۋ، ۋادەنى ورىنداۋ قىزمەتىن ويداعىداي ىستەۋ ءۇشىن، اۆتونوميالى رايوندىق دامۋ جانە رەفورما كوميتەتى تاياۋدا «اۆتونوميالى رايوننىڭ 2023 - جىلعى ەلەكتر تاراتۋعا پايدالانىلاتىن كومىردىڭ ورتا، ۇزاق مەزگىلدىك توقتامىنا قول قويۋ، ۋادەنى ورىنداۋ قىزمەتى باعدارناماسىن» باسىپ تاراتىپ، ەلەكتر تاراتۋعا پايدالانىلاتىن كومىرمەن حاۋىپسىز، ورنىقتى، قامداۋدى شىنايى قامتاماسىز ەتىپ، مەملەكەتتىڭ ەنەرگيامەن قامداۋدى قامتاماسىز ەتۋ كەلەلى جاعدايىنا قىزمەت وتەدى.

«قىزمەت باعدارناماسى» مىنالاردى ايقىندادى: ەلەكتر تاراتۋعا پايدالانىلاتىن كومىردىڭ ورتا، ۇزاق مەزگىلدىك توقتامىنداعى قامداۋشى جاق شينجياڭ ىشىندەگى بارلىق كومىر ءوندىرىپ وتىرعان ءوندىرىس كاسىپورىندارى؛ قاجەتسىنۋشى جاق شينجياڭ ىشىندەگى بارلىق كومىر جاعىپ ەلەكتر تاراتاتىن، جىلۋمەن قامداۋعا كومىر پايدالاناتىن كاسىپورىندار جانە جەرگىلىكتى ۇكىمەتتىڭ زاپاس كومىر ساقتاۋ مىندەتىن ارقالاپ وتىرعان كاسىپورىندار، سونداي - اق ءتۇيىندى ولكە، رايون، قالاداعى مەملەكەتتىڭ ءبىر تۇتاس ورنالاستىرۋى بويىنشا ەلەكتر تاراتاتىن، جىلۋمەن قامدايتىن كاسىپورىندار.

كومىر ساۋداسىن ىستەيتىن كاسىپورىندار ورتاداعى بۋىن رەتىندە، توقتامعا قول قويعاندا، توقتامدا، ءسوز جوق، كومىر قاينارى كاسىپورنى مەن كومىر پايدالاناتىن كاسىپورىندى ايقىن بەلگىلەپ، جوعارعى، تومەنگى بۋىنداعى كاسىپورىندارمەن بىرگە قول قويۋ كەرەك. جىلدىق كومىر پايدالانۋ مولشەرى 200 مىڭ تونناعا جەتپەيتىن، تىكەلەي توقتامعا قول قويۋى قيىنداۋ بولعان ورتا، شاعىن جىلۋمەن قامداۋ كاسىپورىندارىنا قاراتا، ءارقايسى ايماق، وبلىس، قالا قاتىستى مەملەكەت مەنشىگىندەگى كاسىپورىنداردى نەمەسە جەرگىلىكتى ۇكىمەتتىڭ زاپاس كومىر ساقتاۋ مىندەتىن ارقالاپ وتىرعان كاسىپورىنداردى ۇيىمداستىرىپ، توقتامعا ءبىر تۇتاس قول قويادى جانە اتقارادى.

«قىزمەت باعدارناماسى» كەلىسىم جاساۋ سانىن تياناقتاندىردى. پرينسيپتىك جاقتا ءاربىر كومىر كاسىپورنىنىڭ توقتام جاساسۋ مىندەت مولشەرى وزىندە بار بايلىق مولشەرىنىڭ %80ىنەن تومەن بولماۋ كەرەك. مۇنىڭ ىشىندە، 2021 - جىلى 9 - ايدان بەرى وندىرىستىك قۋاتىن تەكسەرىپ ارتتىرعان قامداۋدى قامتاماسىز ەتەتىن كومىر كەندەر تەكسەرىپ ارتتىرعان بولىگىنە ۋادە تالابى بويىنشا تۇگەلدەي ەلەكتر تاراتۋعا پايدالاناتىن كومىردىڭ ورتا، ۇزاق مەزگىلدىك توقتامىنا قول قويىسۋ كەرەك. قامداۋ، قاجەتسىنۋ ەكى جاعىن 2022 - جىلدىڭ سوڭعى جارتى جىلىندا كەلىسىم جاساسقان مولشەرى، باعاسى تولىق توقتامنىڭ 2 ەسە سانى بويىنشا تۇتاس جىلدىق توقتامعا قول قويۋعا جىگەرلەندىرەدى. 2023 - جىلى ءارقايسى كومىر كەننىڭ شينجياڭ ىشىندەگى كەلىسىم جاساۋ مولشەرى پرينسيپتىك جاقتا 2022 - جىلعى كەلىسىم جاساعان مولشەردىڭ %105ىنەن تومەن بولماۋى كەرەك، كومىر كەننىڭ ءوندىرىس قابىلەتىنەن اسىرىپ ورتا، ۇزاق مەزگىلدىك توقتامعا قول قويۋعا قاتاڭ تيىم سالىنادى. شينجياڭ ىشىندەگى كومىر جاعاتىن بارلىق ەلەكتر ستانسيالارىنىڭ (ءوزى دايىنداعان ەلەكتر ستانسياسىن قامتيدى)، جىلۋمەن قامداۋ كاسىپورىندارىنىڭ توقتامعا قول قويۋ مولشەرى 2023 - جىلعى مەجەلەنگەن تۇتىنۋ مولشەرىنىڭ %100ىنە جەتۋ كەرەك.

«قىزمەت باعدارناماسى» «باعا زاڭىنىڭ» جانە «مەملەكەتتىك دامۋ جانە رەفورما كوميتەتىنىڭ كومىر بازار باعاسىنىڭ قالىپتاسۋ مەحانيزمىن اناعۇرلىم كەمەلدەندىرۋ جونىندەگى حابارلاندىرۋىنىڭ» تالابىن قاتاڭ تياناقتاندىرىپ، قامداۋ مەن قاجەتسىنۋدى ۇشتاستىرۋ، زاپاس قابىلداۋ - جونەلتۋ، تاسىمالدى سايكەستىرۋ سياقتى شارالاردان جان - جاقتىلى پايدالانىپ، كومىر باعاسىنىڭ ۇيلەسىمدى ارالىقتاعى اينالىمىن جەبەدى. كومىر كاسىپورىندارى تاسىمال اقىسىن بەتالدى جوعارىلاتۋ نەمەسە ۇيلەسىمسىز وزگە اقى الۋ سياقتى تاسىلدەر ارقىلى كومىردىڭ ساتىلۋ باعاسىن قۇبىلتىپ جوعارىلاتۋىنا بولمايدى، 2023 - جىلعى ەلەكتر تاراتۋعا پايدالاناتىن كومىردىڭ ورتا، ۇزاق مەزگىلدىك توقتامىندا قول قويىلعان باعا پرينسيپتىك جاقتا بىلتىرعى جىلمەن قارايلاس بولۋى كەرەك. ۋاكىلاتان بايلىقتاردى جالعاستىرعان ءارى توقتامعا قول قويعان، ۋادەنى ورىندايتىن كومىر ساۋداسىمەن اينالىساتىن كاسىپورىنداردىڭ جىلۋمەن قامداۋعا پايدالانىلاتىن كومىردى ۋاكىلاتىن ساتىپ الاتىن بەلگىلەنگەن كاسىپورىنداردىڭ باسقا ساۋدا كاسىپورىندارى ارقىلى ەلەكتر تاراتۋ كاسىپورىندارىنا قايتادان ساتىپ بەرۋىنە بولمايدى.

اۆتونوميالى رايوننىڭ 2023 - جىلعى ەلەكتر تاراتۋعا پايدالاناتىن كومىردىڭ ورتا، ۇزاق مەزگىلدىك توقتامىندا تۇگەلدەي مەملەكەتتىڭ ءبىر تۇتاس «ەلەكتر تاراتۋعا پايدالاناتىن كومىردىڭ ورتا، ۇزاق مەزگىلدىك توقتامى ۇلگى نۇسقاسى» پايدالانىلىپ، سانى، ساپاسى، شەكتى ۋاقىتى، كومىر قاينارى، ەلەكتر ستانسياسى، ايلىق مولشەرى، باعا جانە ساپا پارقى بويىنشا ەسەپ جابۋ مەحانيزمى، تاسىمالداۋ ءتاسىلى سياقتى فاكتورلار ايقىندالعان. بارلىق كومىر، ەلەكتر قۋاتى كاسىپورىندارى تۇگەلدەي ”بىرەۋى كەم بولسا، ۇشەۋىن تولىقتاۋدى“ ورتا، ۇزاق مەزگىلدىك توقتام تارماقتارىنا ايقىن ەنگىزىپ، ءاربىر توقتامدا، ءسوز جوق، كەلىسىمدى ادال ورىنداۋ ۋادەناماسىنا قول قويادى، مەملەكەتتىك الەۋمەتتىك سەنىمدىلىك ورتالىعى قول قويۋعا كۋا بولادى ءارى ”سەنىمدى جۇڭگو“ سايتىندا شوعىرلى جاريالايدى، كەلىسىمگە قول قويۋ جانە كەلىسىمدى ورىنداۋ ارەكەتى سەنىمدىلىك باقىلاۋ - باسقارۋىن قابىلدايدى.