汉文 ىلە اقپارات تورابىنا حوش كەلدىڭىزدەر!
”قاتىناس نىساندارىنىڭ ءساتتى بىتۋىنە بار كۇشپەن كەپىلدىك ەتەمىز“
2022-11-29 16:54:57     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

انار بۇلت \شينجياڭ گازەتىنىڭ ءتىلشىسى لۋ فىڭباۋ

11 - ايدىڭ 27 - كۇنى سۋىق اعىس شينجياڭعا ىقپال جاساپ، دالادا ءتۋ دەگەن تۇكىرىك جەرگە تۇسپەيتىن اياز ءجۇردى، اۆتونوميالى رايوندىق قاتىناس - تاسىمال مەڭگەرمەسى قۇرىلىس باسقارماسىنىڭ باستىعى سۇن شيانكۇي تەرەزەدەن سىرتتاعى جاۋعان قالىڭ قارعا قاراپ تۇرىپ ”بىرنەشە ءتۇيىندى قاتىناس نىسانىنىڭ قۇرىلىسى ءالى جۇرگىزىلىپ جاتىر ەدى، ىقپالعا ۇشىراعان - ۇشىراماعاندىعىن ۇعىسايىن“ دەپ الاڭداي باستادى.

جۇمىس ۇستەلىندەگى تەلەفوننىڭ ترۋبكاسىن قولىنا العان سۇن شيانكۇي بىرنەشە نىسان جاۋاپتىلارىنان سۇراستىرىپ، قۇرىلىستىڭ قالىپتى جۇرگىزىلىپ جاتقاندىعىن ەستىگەندە بارىپ كوڭىلى جاي تاپقانداي بولدى، ولارعا ”توڭىپ قالماڭدار، قيىنشىلىق بولسا دەر كەزىندە اڭىس ەتىڭدەر“ دەپ قاداعالاي تاپسىردى.

”پارتيا 20 - قۇرىلتايىنىڭ بايانداماسىندا، قاتىناستا قۋاتتى ەل قۇرۋدى جەدەلدەتۋ العا قويىلدى“. سۇن شيانكۇي بىلاي دەدى: ”مەنىڭشە، قىزمەتتە كوبىرەك قاداعالاپ، كوبىرەك ىستەپ، بار كۇشتى سالىپ قاتىناس نىساندارىنىڭ ءساتتى ورىندالۋىن قامتاماسىز ەتۋدىڭ ءوزى ءىس جۇزىندىك ارەكەت ارقىلى پارتيا 20 - قۇرىلتايىنىڭ رۋحىن دايەكتىلەندىرۋ، تياناقتاندىرۋ بولىپ تابىلادى“.

پارتيا 18 - قۇرىلتايىنان بەرى، رايونىمىزدىڭ تاس جول قۇرىلىسى كۇن سايىن جاڭاردى، 10 جىلدا، بۇكىل رايونداعى تاس جولدىڭ جاڭادان ارتقان ۇزىندىعى 62 مىڭ 200 كيلومەتر بولىپ، تاس جولدىڭ جالپى ۇزىندىعى 217 مىڭ 300 كيلومەترگە جەتىپ، بارلىق ايماق، وبلىس، قالالارعا جوعارى قارقىندى تاس جول تۇتاستى.

شينجياڭنىڭ تاس جولىن دامىتۋ جونىندە سۇن شيانكۇي ءالى دە كوپ ءىس تىندىرۋعا بولادى دەپ قارادى. ول بىلاي دەدى: ”پارتيا 20 - قۇرىلتايىنىڭ بايانداماسىندا، جوعارى ساپالى دامۋدى كۇش سالا ىلگەرىلەتۋ العا قويىلدى، شينجياڭدا، ءتىپتى دە كوپ اۋداندارعا جوعارى قارقىندى تاس جول تۇتاستىرۋ، ءىشىنارا مەملەكەت، ولكە تاس جولدارى نەگىزگى جەلىلەرىنىڭ دارەجەسىن جوعارىلاتۋ، وڭتۇستىك - سولتۇستىك شينجياڭنىڭ ءوزارا ۇلاسۋ، تۇتاسۋ قابىلەتىن كۇشەيتۋ سياقتىلار قاتىناس قۇرىلىسى ىستەرىنىڭ جوعارى ساپالى دامۋىن ىلگەرىلەتۋ ەسەپتەلەدى“.

بيىل رايونىمىز 82 قاتىناس قۇرىلىسى نىسانىن اتقاردى، S254 جەلىسى لوپنۇر - چەرشەن تاس جولى، يىتىمبۇلاق − چارقىلىق جوعارى قارقىندى تاس جولى سياقتى كوپتەگەن نىساندار سالىنىپ بولىپ اۆتوكولىك قاتىناپ، بۇكىل رايونداعى جوعارى قارقىندى (1 - دارەجەلى) تاس جولدىڭ ۇزىندىعى 10 مىڭ كيلومەتردەن استى، مۇنىڭ ىشىندە، جوعارى قارقىندى تاس جولدىڭ ۇزىندىعى 7500 كيلومەتردەن اسىپ، وڭتۇستىك - سولتۇستىك شينجياڭ مەن شينجياڭعا كىرەتىن - شىعاتىن ارنالىق قابىلەتى ۇزدىكسىز كۇشەيدى.

وسى رەتكى ىندەت تۋىلعاننان بەرى، تاس جول قۇرىلىسىنا قاجەتتى زاتتىق ماتەريال، ماشينا بولشەكتەرى سياقتىلاردى تاسۋ قيىنشىلىعى بەلەڭ بەرىپ، نىسان قۇرىلىسىن جۇرگىزۋگە بەلگىلى ىقپال جاسادى. اۆتونوميالى رايوندىق قاتىناس - تاسىمال مەڭگەرمەسى كوپتەگەن جەرگىلىكتى ۇكىمەتتەرمەن دەر كەزىندە بايلانىس جاساپ، تاس جول قۇرىلىسىن قولداۋ تەبىنىن ارتتىرۋدى تالاپ ەتتى ءارى اۆتونوميالى رايوندىق زات اينالىمىنىڭ ىركىلىسسىزدىگىن قامتاماسىز ەتۋ قولباسشىلىق شتابىنىڭ رولىن تولىق ساۋلەلەندىرىپ، ءتۇيىندى تاس جول نىساندارىن شيكىزاتپەن قامداۋدى ىركىلىسسىزدەندىرۋگە كەپىلدىك ەتۋدى ءتۇيىندى قىزمەت مازمۇنى ەتىپ، نىسانداردىڭ جۇمىسى توقتاماۋىنا شىنايى كەپىلدىك ەتتى.

سۇن شيانكۇيدىڭ جۇمىس ۇستەلىندە قىزمەت ورنالاستىرۋلارى جازىلعان ءبىر داپتەر بار: وندا ءتۇيىندى نىسان قۇرىلىستارىنىڭ جۇرگىزىلۋ اياق الىسى، قىسقى قۇرىلىس جۇرگىزۋ زاتتىق ماتەريالدارى زاپاسى، بەينە ەكران ماجىلىستەرى، جاڭادان قۇرىلىس باستايتىن نىسانداردىڭ قۇرىلىس چەرتوجى سۋرەتىن بەكىتۋ اياق الىسى... سياقتىلار جازىلعان.

”گۋان شياڭ، اۋماقتاردا جاڭادان مەردىگەرلىك ناتيجەسى جاريالانعان بىرنەشە نىساننىڭ ەڭ جاڭا اياق الىسىن ۇعىسىپ، قۇرىلىس باستاۋعا دايىندالۋ قىزمەتىن ىشكەرىلەي ۇشتاستىر“. داپتەردى اشىپ قىزمەت ورنالاستىرۋىن كورگەننەن كەيىن، سۇن شيانكۇي قىزمەتتەسى گۋان شياڭعا وسىلاي دەدى.

گۋان شياڭ دەرەۋ سولتۇستىك شينجياڭداعى، شىعىس شينجياڭداعى، وڭتۇستىك شينجياڭداعى نىسان اۋماقتارى جاۋاپتىلارىنا ۇقتىردى ءارى جاڭادان قۇرىلىس باستايتىن نىسانداردىڭ قۇرىلىس ورىندارىمەن ءبىر - بىردەن حابارلاسىپ، نىسان قۇرىلىسىن باستاۋدىڭ دايىندىق جاعدايى مەن قاجەتتى سايكەستىرۋ ىستەرىن ەگجەي - تەگجەيلى ەستەلىككە الدى.

پارتيا 20 - قۇرىلتايىنىڭ بايانداماسىندا، دامۋعا جاڭالىق اشۋ ارقىلى دەم بەرۋ ستراتەگياسىن جەدەل اتقارۋ العا قويىلدى. ىندەت كەزىندە، اۆتونوميالى رايوندىق قاتىناس - تاسىمال مەڭگەرمەسى مەردىگەرلىك ناتيجەسىن جاريالاۋ، مەردىگەرلىك حۇجاتتارىن باعالاۋ ۇلگىسىندە جاڭالىق اشىپ، ولكە اتتاپ الىس ارالىقتا باسقا جەردە مەردىگەرلىك ناتيجەسىن جاريالاۋ، مەردىگەرلىك حۇجاتتارىن باعالاۋ جۇرگىزىپ، G219 جەلىسىنىڭ موڭعۇلكۇرەدەن ونسۋعا دەيىنگى، G680 جەلىسىنىڭ تايكەشكەننەن شاكۇرتىگە دەيىنگى بولىگى سىندى 5 نىساننىڭ 12 توقتام بولىگىندە قۇرىلىس جۇرگىزۋدى باقىلاۋدىڭ مەردىگەرلىك ناتيجەسىن جاريالاۋ، مەردىگەرلىك حۇجاتتارىن باعالاۋ قىزمەتتەرىن ورىنداپ، جاڭا نىسانداردىڭ ورنىقتى ىلگەرىلەۋىنە مۇمكىندىك جاسادى.

”ءبىز كۇشتى جاۋاپكەرشىلىك سەزىممەن، بورىشتىلىق سەزىممەن جانە كوكەي تەستىلىك سەزىممەن قيىندىققا قاسقايا قارسى اتتانىپ، حالىقتىڭ قالاۋىنان شىعاتىن قاتىناستى قۇرۋعا قۇلشىنامىز“، - دەدى سۇن شيانكۇي.