汉文 ىلە اقپارات تورابىنا حوش كەلدىڭىزدەر!
نارات - بالعىنتاي تاس جولى نىسانىندا قىس ماۋسىمىندا تاباندىلىقپەن قۇرىلىس جۇرگىزۋگە شارت - جاعداي ازىرلەندى
2022-11-30 10:44:43     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

شينجياڭ گازەتىنىڭ حابارى.  (ٴتىلشى لۋ پيڭباۋ). مەملەكەت تاس جولى 218 - لەنياسىنىڭ ناراتتان بالعىنتايعا دەيىنگى تاس جول نىسانىندا قىس ماۋسىمىندا تاباندىلىقپەن قۇرىلىس جۇرگىزۋگە شارت - جاعداي ازىرلەنىپ، كەلەسى جىلعى قۇرىلىس مىندەتىن ورىنداۋعا بەرىك نەگىز قالاندى.

11 - ايدىڭ 26 - كۇنى مەملەكەت تاس جولى 218 - لەنياسىنىڭ ناراتتان بالعىنتايعا دەيىنگى تاس جولداعى اعىن تۋنەلىندە قوپارىلىسسىز تۋنەل قازاتىن ماشينا تاۋدى ۇڭگىر ىشىنەن از - ازدان بۇرعىلاپ، قازۋ ماشيناسى ۇيىلگەن شاعىل تاستاردى اۆتوموبيلگە تيەپ جونەلتىپ جاتتى.

قىس كىرگەن سوڭ شينجياڭنىڭ كليماتى سۋىق بولادى دا، تاس جول نىساندارىنىڭ دالاداعى جۇمىس بولەكتەرىندە قۇرىلىس جۇرگىزۋگە قولايسىزدىق تۋدىراتىندىقتان، نىسان ۋاقىتشا توقتاتىلىپ، كەلەر جىلى كۇن جىلىنعاندا جۇمىس باستايدى. الايدا نىساننىڭ تۋنەل قۇرىلىسى تاۋ ىشىندە بولىپ،تەمپەراتۋرا وزگەرىسىنىڭ ىقپالىنا ٴبىرشاما از ۇشىرايتىندىقتان، جىل بويى قۇرىلىس جۇرگىزۋگە بولادى.

«قىس تۇسۋدەن بۇرىن، تۋنەل ينجەنەرياسىن تەزدەتىپ، ۇڭگىرىن قازۋعا كۇش سالىپ، قىسقى قۇرىلىس جۇرگىزۋ ورنىن دايىندادى». شينجياڭ نارات - بالعىنتاي جوعارى قارقىندىق تاس جولىن دامىتۋ شەكتى جاۋاپكەرشىلىك سەرىكتەستىگى پارتيا ياچەيكاسىنىڭ ورىنباسار شۋجيى، باس ديرەكتورى لي جيە بىلاي دەدى: «قازىر نىسانداعى ٴىشىنارا كوپىردىڭ تاعان قۇرىلىمى مەن تۋنەل ينجەنەرياسىندا قۇرىلىس جۇمىستارى توقتاۋسىز جۇرگىزىلۋدە».

قىس ماۋسىمىنداعى قۇرىلىس ساپاسىنا كەپىلدىك ەتۋ ٴۇشىن، نارات - بالعىنتاي تاس جول نىسانى ماتەريالدارىن جىلى ساقتاۋ جانە ارالاستىرۋ پۋنكتىنىڭ جىلۋلىعىن ساقتاۋ شاراسىن كۇشەيتىپ، بەتون ارالاستىرۋ پۋنكتىنە جىلۋ ساقتايتىن ٴتۇستى بولات تاقتا ىستەتسە، جىلۋمەن قامداۋ جۇيەسىنە جوعارى قىسىمدى پار قازانى مەن پار قۇبىرىن ىستەتۋ ارقىلى ارالاستىرۋ پۋنكتىنىڭ ىشكى تەمپەراتۋراسىنىڭ ۇيلەسىمدى بولۋىنا كەپىلدىك ەتتى. بۇل نىسان تاعى جىلۋ ساقتاۋ قامباسىن سالىپ، سالەركا، قاتىرمايتىن سۇيىقتىق سياقتى سۇيىق ماتەريالداردى قىس ماۋسىمىندا قۇرىلىس جۇرگىزۋ تالابىنا جەتكىزۋگە كەپىلدىك ەتتى.

تۋنەل قۇرىلىسىنا بەتون كوپ ىستەتىلەدى، نارات - بالعىنتاي تاس  جول نىسانىندا بەتون تاسىمال كولىگى مەن تاسىمال ناسوسىنىڭ سىرتىنا كورپە وراپ جىلۋلىق ساقتادى ٴارى بەتوننىڭ تاسىمال ۋاقىتىن قىسقارتقان. بەتون قۇيۋدان بۇرىن تەحنيكتەر قاتاڭ تەكسەرىپ، بەتوننىڭ تەمپەراتۋراسىن ولشەپ، بەتوننىڭ ولشەمگە جەتۋىنە كەپىلدىك ەتكەن.

نارات - بالعىنتاي تاس جول نىسانى كۇنەس اۋدانىنىڭ نارات قالاشىعىنان حىجيڭ اۋدانىنىڭ بالعىنتاي قالاشىعىنا دەيىن. جالپى ۇزىندىعى 215.391 كيلومەتر، 1 - دارەجەلى تاس جول ولشەمى بويىنشا سالىنادى. ۇستەگى جىلى نارات - بالعىنتاي تاس جول نىسانىنا 3 ميلليارد 565 ميلليون يۋان قارجى قوسىلىپ، جىلدىق قارجى قوسۋ جوسپارى ارتىعىمەن ورىندالعان. كەلەر جىلى بۇل نىساندا 6 ميلليارد 100 ميلليون يۋاننان استام ٴونىم قۇنى نىسانىن ورىنداۋ جوسپارلانعان. لي جيە بىلاي دەدى: «بيىل كوبىرەك ىستەپ، كەلەر جىلى قۇرىلىس مىندەتىن تاعى دا اسىرا ورىنداۋعا قۇلشىنىپ، شينجياڭنىڭ جوعارى ساپالى دامۋىنا ەسە قوسامىز».