汉文 ىلە اقپارات تورابىنا حوش كەلدىڭىزدەر!
دوۋ ۋانگۇي، پۋ شۋەمەي، ەلشات تۇرسىنباي ۇلى جەكە - جەكە قاتىستى اۋدان - قالالارعا بارىپ، ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتتى
2022-11-30 10:49:54     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

ٴتىلشىمىز حۋاڭ جيڭ حابارلايدى. تاياۋدا اۆتونوميالى رايوندىق قۋزاۋ - جەتەكشىلىك ەتۋ گرۋپپاسىنىڭ باستىعى، ساياسي كەڭەستىڭ ورىنباسار ٴتوراعاسى دوۋ ۋانگۇي جانە ىلە وبلىستىق پارتكومنىڭ شۋجيى پۋ شۋەمەي، وبلىس باستىعى ەلشات تۇرسىنباي ۇلى قۇلجا قالاسى، قورعاس قالاسى، قورعاس اۋدانى، كۇنەس اۋدانى، توعىزتاراۋ اۋدانى، قۇلجا اۋدانى، نىلقى اۋدانى، كۇيتۇن قالاسى سياقتى نەگىزگى ساتىنىڭ ٴبىرىنشى شەبىنە بارىپ، ىندەتتەن ساقتانۋ - تىزگىندەۋ جانە ٴوندىرىس حاۋىپسىزدىگى قىزمەتىنە سول جەردىڭ وزىندە تەكسەرۋ - زەرتتەۋ جۇرگىزىپ، جەتەكشىلىك ەتىپ، مىنالاردى باسا دارىپتەدى: پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن جانە جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ٴماجىلىسىنىڭ، مەملەكەتتىك جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى تەلەۆيزور - تەلەفون ٴماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 10 - كەزەكتى پارتكوم 6 - جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارىنا، تالاپتارىنا ساي، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ جوباسى (9 - باسىلىمى) جانە ساقتانۋ، تىزگىندەۋدىڭ 20 تارماقتى ساپالىلاندىرۋ شاراسى بويىنشا ولشەمگە، ۇلگىگە تۋرالانىپ، ىندەتتەن ساقتانۋ - تىزگىندەۋدىڭ ٴتۇرلى قىزمەتىن عىلمي، دالمە - ٴدال جاقسى ىستەپ، ٴار ۇلت بۇقاراسىنىڭ باس اماندىعى مەن دەنساۋلىعىن ەڭ جوعارى دەڭگەيدە قورعاپ، ىندەتتىڭ ەكونوميكانىڭ، قوعامنىڭ دامۋىنا جاسايتىن ىقپالىن ەڭ جوعارى شەكتە ازايتۋ كەرەك.

دوۋ ۋانگۇي ىلگەرىندى - كەيىندى قاتىستى اۋدان، قالالاردىڭ ٴبىر ٴبولىم اۋىل - قالاشىقتارىنا (قىستاق - اترەتتەر)، فاڭساڭ شيپاحاناسىنا، شوعىرلى اۋاشالاۋ ورنىنا، قالانىڭ شىعىسىنداعى جالپىلىق تولايىم ساتۋ بازارىنا، جوعارى قارقىندى تاس جولدىڭ ٴۇشۇن قىزمەت وتەۋ رايونىنا بارىپ، ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتتى. بارعان جەرىندە ول قاتىستى جاۋاپتىلاردان ىندەتتەن ساقتانۋ - تىزگىندەۋ تاكتيكاسىن رەتتەۋ، ساپالىلاندىرۋ، ساقتانۋ - تىزگىندەۋ شارالارىن اشالاۋ، تياناقتاندىرۋ، دالمە - ٴدال ەپيدەميولوگيالىق تەكسەرۋ جۇرگىزىپ، تەگىن انىقتاۋ، اۋاشالاۋعا اپارۋ، جوعارى قارقىندى تاس جول مەن ولكە تاس جولىنىڭ قىزمەت وتەۋ رايونىنداعى قىزمەتكەرلەر مەن اۆتوكولىكتەردى تۇيىق اينالىم بويىنشا باسقارۋ، بازاردى، ٴوندىرىستى، تيجاراتتى قالپىنا كەلتىرۋ، وقۋدى، ساباقتى قالپىنا كەلتىرۋ سياقتى جاعدايلاردى ەگجەي - تەگجەيلى سۇراپ ۇعىستى. ول مىنالاردى باسا دارىپتەدى: اۆتونوميالى رايوندىق پارتكومنىڭ دۇرىس باسشىلىعىندا، ٴار جاقتاعى كۇشتەردىڭ بارىنشا قولداۋىندا، قالىڭ پارتيالى كادرلاردىڭ ۇزدىكسىز كۇرەس جۇرگىزۋىندە جانە ٴار ۇلت بۇقاراسىنىڭ زور كۇشپەن سايكەسۋىندە، ىلە وبلىسىنىڭ ىندەتتەن ساقتانۋ - تىزگىندەۋ قىزمەتىندە كورنەكتى ونىمدىلىككە قول جەتتى، اۋدان، قالالار قالىپتى ٴوندىرىس، تۇرمىس ٴتارتىبىن جاپپاي، تارتىپپەن قالپىنا كەلتىرۋدە. ىلە وبلىسىنداعى ٴار دارەجەلى پارتيا ۇيىمدارى ساقتانۋ - تىزگىندەۋ قىزمەتىنىڭ ورنالاستىرۋلارىن، شارالارىن تولىق، جان - جاقتى، دۇرىس ٴتۇسىنىپ جانە يگەرىپ، 20 تارماقتى ساپالىلاندىرۋ شاراسىن تياناقتاندىرۋمەن ۇشتاستىرىپ، شەشۋشى بۋىنداردى مىقتى يگەرىپ، تاكتيكانى ۇزدىكسىز ساپالىلاندىرىپ، حىسۋاندى سارالاپ تەكسەرۋ، دالمە - ٴدال ەپيدەميولوگيالىق تەكسەرۋ، اۋاشالاۋعا اپارۋ، حاۋىپ - قاتەردى تۇجىرىمداۋ، قوعامدىق باسقارۋ - مەڭگەرۋ سياقتى قىزمەتتەردى اناعۇرلىم عىلمي، جوعارى ونىمدىلىكپەن ويداعىداي ىستەپ، ساقتانۋ - تىزگىندەۋ قىزمەتىنىڭ اناعۇرلىم جۇيەلىلەنۋىن، عىلميلانۋىن، ەگجەي - تەگجەيلىلەنۋىن ىلگەرىلەتۋ كەرەك. ەپيدەميولوگيالىق تەكسەرۋ قوسىنىن تولىق، قۋاتتى سەپتەپ، كاسىپتىك بىلىمدەر بويىنشا باۋلۋدى كۇشەيتىپ، ٴار كۇنگى ەپيدەميولوگيالىق تەكسەرۋ جيىنىندا كەڭەسۋ، تۇجىرىمداۋ مەحانيزمىنە تاباندى بولىپ، ەپيدەميولوگيالىق تەكسەرۋ قىزمەتىن دالمە - ٴدال، تەز ويداعىداي ىستەۋ كەرەك. قازىرگى فاڭساڭ شيپاحانالارىنىڭ، اۋاشالاۋ تۇيىندەرىنىڭ بايلىعىن رەتتەپ - بىرىكتىرىپ، ساپالىلاندىرىپ، قىزمەت وتەۋدى، قامتاماسىزداندىرۋدى كۇشەيتىپ، ٴتۇيىندى وڭىرلەردىڭ، ٴتۇيىندى ورىنداردىڭ، ٴتۇيىندى ادامداردىڭ ساقتانۋ - تىزگىندەۋ ساپا ونىمدىلىگىن ۇزدىكسىز جوعارىلاتۋ كەرەك. ٴار كۇنى كاسىپورىنداردىڭ، بازارلاردىڭ جانە ساۋدا دۇكەندەرىنىڭ، ەرەن بازارلاردىڭ ٴوندىرىس - تيجارات قىزمەتكەرلەرىنە حىسۋان تەكسەرۋدى دەن قويا ورىستەتۋگە تاباندى بولىپ، كاسىپورىنداردى، ساۋداگەرلەردى سەنىمدى ونان ارى بەكەمدەپ، قاتىستى تاراۋلارمەن ىرىقتىلىقپەن سايكەسىپ، ىندەتتەن ساقتانۋ قىزمەتىن ويداعىداي ىستەپ، تاماشا ٴوندىرىس - تيجارات ورتاسىن بىرگە جاراتۋعا شابىتتاندىرۋ كەرەك. جوعارى قارقىندى تاس جول مەن ولكە تاس جولىنىڭ قىزمەت وتەۋ رايونىنداعى اۆتوكولىك جولدارى مەن اۆتوكولىك توقتاتۋ ورىندارىن عىلمي ورنالاستىرىپ، قىزمەت وتەۋ رايونىنا كىرگەن ادامدارعا ٴتۇرلى ىندەتتەن ساقتانۋ شارالارىن قاتاڭ تياناقتاندىرىپ، شوفەرلەر مەن اۆتوكولىكتەگىلەرگە دەمالۋ، اۆتوكولىك توقتاتۋ، تاماقتانۋ، دارەتكە وتىرۋ، ماي، گاز قۇيۋ، قاجەتتى ىندەتتەن ساقتانۋ بۇيىمدارىمەن قامداۋ سياقتى جاقتاردان قىزمەت وتەۋدى دەن قويا جاقسى ىستەپ، ىندەتتىڭ قايتالاي كىرۋىنەن جانە سىرتقا جايىلىپ، ورشۋىنەن قاتاڭ ساقتانۋ كەرەك. بۇقارالىق قىزمەتتى دەن قويا، سۇيىسپەنشىلىكپەن، كۇش سالا ويداعىداي ىستەپ، بۇقارا كوڭىل ٴبولىپ وتىرعان ىستەرگە بەلسەنە جاۋاپ بەرىپ، قيىنشىلىق، تالاپ - تىلەكتەرىن دەركەزىندە شەشىپ، يدەيالىق جاقتان ٴجون سىلتەۋ مەن پسيحيكالىق جاقتان جەتەكتەۋدى زەر سالا، ويداعىداي ىستەپ، بۇقارالىق قىزمەتتى ويداعىداي ىستەۋ قابىلەتى مەن قىزمەت وتەۋ ورەسىن ۇزدىكسىز جوعارىلاتۋ كەرەك. تۇتاس وبلىس «ٴبىر تۇتاس جۇيە»، «بيڭتۋان مەن جەرگىلىكتى ورىن بىرلەسىپ قيمىلداۋ» تانىمىنا تاباندى بولىپ، «تازالاۋ» قيمىلىن ۇزدىكسىز، ىشكەرىلەي جۇرگىزىپ، قالا مەن اۋىلدىڭ تۇيىلىسكەن بولەگى، بيڭتۋان مەن جەرگىلىكتى ورىننىڭ جانە اۋىل مەن قالاشىقتىڭ شەكارالاسقان جەرى، شەت، شالعاي، بىتىراندى قونىستانعان رايوندار سياقتى وڭىرلەرگە «جاپپاي» اداقتاۋ جۇرگىزىپ، حىسۋاننان ۇلگى الىپ تەكسەرۋدە بىردە - ٴبىر ادامدى قاعىس قالدىرماي، تەكسەرۋدە بايقالعان حاۋىپتى ادامداردى دەرەۋ ورىن اۋىستىرىپ اۋاشالاۋعا اپارۋ كەرەك. زەينەتتى كۇندە بەينەتتى كۇننىڭ بولارىن ويلاپ، قاي - قاشاندا ساقتىقتى كۇشەيتىپ، بۇقارانى بۇقارالىق ساقتانۋدى، بۇقارالىق تىزگىندەۋدى كۇشەيتۋگە تولىق جەتەكتەپ، اتتانىسقا كەلتىرىپ، وڭاي - وسپاق قولعا كەلمەگەن ىندەتپەن «شايقاستىڭ» جەتىستىكتەرىن بارىنشا قاستەرلەپ، ٴتۇرلى ىندەتتەن ساقتانۋ - تىزگىندەۋ شارالارىن جاپپاي ويداعىداي تياناقتاندىرىپ، ىندەتتىڭ قايتا بەلەڭ بەرۋىنەن باتىل ساقتانۋ كەرەك.

پۋ شۋەمەي، ەلشات تۇرسىنباي ۇلى جەكە - جەكە قاتىستى اۋدان، قالالارداعى ٴبىر ٴبولىم اۋىلدارعا، قالاشىقتارعا، مال وتارىنا جانە ىلە بولات - تەمىر، جيڭكى ەنەرگياسى، يمۋشين ٴسۇت كاسىبى، حۋاديان ىلە كومىر - ەلەكتر كاسىبى سياقتى كاسىپورىندارعا، جوعارى قارقىندى تاس جول مەن ولكە تاس جولىنداعى قىزمەت وتەۋ رايوندارىنا بارىپ تەكسەرۋ - زەرتتەۋ جۇرگىزدى جانە قاتىستى جاقتاردىڭ اڭگىمە ٴماجىلىسىن باسقارىپ اشتى. بارعان جەرلەرىندە اۋدان - قالالاردىڭ، تاراۋلاردىڭ، مەكتەپتەردىڭ ىندەتتەن ساقتانۋدى بوساڭسىتپاي، حاۋىپسىزدىكتە بەيعامدىققا سالىنباي، ٴوندىرىستى توقتاتپاي، ەكونوميكانى ورنىقتىرۋعا اناعۇرلىم زور ۇلەس قوسۋىن باسا دارىپتەدى. كاسىپورىنداردىڭ تۇلعالىق جاۋاپكەرلىگىن قاتاڭداستىرىپ، كاسىپورىنداردىڭ ىندەتتەن ساقتانۋ - تىزگىندەۋدىڭ ٴتۇرلى شارالارىن شىنايى، مۇقيات تياقتاندىرۋىنا باقىلاۋ - قۋزاۋ، جەتەكشىلىك ەتۋ، قاتىستى تاراۋلار كاسىپورىنداردىڭ ٴىس جۇزىندىك قيىنشىلىعىن شەشۋىنە كۇش سالا كومەكتەسىپ، كاسىپورىنداردىڭ ٴوندىرىستى ارتتىرىپ، قامداۋمەن قامتاماسىزداندىرۋعا ويداعىداي قىزمەت وتەۋىن ىلگەرىلەتۋ كەرەك. فاڭساڭ شيپاحاناسى، اۋاشالاۋ ورىندارى، تۇرعىندار وزدەرى سالعان ۇيلەر سياقتى وڭىرلەر مەن ماي، گاز، سۋ، ەلەكتر، جىلۋمەن قامداۋ سياقتى قالانىڭ جان تامىرىنا حاۋىپسىزدىك تەكسەرۋ جۇرگىزۋدى كۇشەيتىپ، جۇمىستى، ٴوندىرىستى، ساۋدا ورىندارى مەن بازارلاردى، وقۋ مەن ساباقتى قالپىنا كەلتىرۋدىڭ ٴوندىرىس حاۋىپسىزدىگى وتكەلىن قاتاڭ مىقتى يگەرىپ، ٴتۇرلى حاۋىپسىزدىك كومەسكى قاتەرلەرىن باتىل جويۋ كەرەك. بۇراتالا موڭعۇل اۆتونوميالى وبلىسىنداعى قاتىستى اۋدان - قالالارمەن، تاراۋلارمەن بايلانىس جاساۋدى، سايكەسۋدى كۇشەيتىپ، ىندەتتەن ساقتانۋ - تىزگىندەۋ قىزمەتىن ويداعىداي ىستەۋ العى شارتىندا مالشىلاردىڭ كوشى - قون قىزمەتىن حاۋىپسىز، ٴتارتىپتى، ويداعىداي ىستەۋ كەرەك. كۇيتۇن قالاسى اۆتونوميالى رايوننىڭ ورنالاستىرۋلارى مەن تالاپتارىنا ساي تۇلعالىق جاۋاپكەرشىلىگىن باتىل، ويداعىداي ادا ەتىپ، توڭىرەگىندەگى تۋىسقان اۋدان - قالالارمەن، بيڭتۋاننىڭ شى - قالالارىمەن بەلسەنە سەلبەستىك ورناتىپ، وڭىرلىك سايكەسۋدى، بىرلەسىپ ارەكەتتەنۋدى، بىرلەسىپ ساقتانۋ مەن بىرلەسىپ تىزگىندەۋدى كۇشەيتىپ، جوعارى قارقىندى تاس جول مەن ولكە تاس جولىنداعى قىزمەت وتەۋ رايونىن باسقارۋ قىزمەتىن بىرلىكتە شىنايى، ويداعىداي ىستەپ، شينجياڭعا كىرىپ - شىعاتىن جۇك اۆتوكولىكتەرىنىڭ شوفەرلەرى مەن اۆتوكولىكتەگىلەرگە «كەلگەن بويدا تەكسەرۋ»، «كۇنىنە سىناما الىپ تەكسەرۋ، ٴبىر ادامعا ٴبىر تۇتىكشەمەن سىناما الىپ تەكسەرۋ» سياقتى شارالاردى قاتاڭ تياناقتاندىرىپ، جۇك اۆتوكولىك شوفەرلەرى مەن اۆتوكولىكتەگىلەرگە قىزمەت وتەۋدى كۇشەيتىپ، ادامداردىڭ حاۋىپسىز بولۋىنا، تاسىمالدىڭ ىركىلىسسىز بولۋىنا كەپىلدىك ەتۋ كەرەك. جەلىدەگى جانە جەلى سىرتىنداعى قوعام كوڭىل ٴبولىپ وتىرعان ماسەلەلەرگە بەلسەنە جاۋاپ قايتارىپ، بۇقارانىڭ اسىققان، قينالعان، ٴزارۋ بولعان ماسەلەلەرىن دەن قويا، سۇيىسپەنشىلىكپەن، كۇش سالا ويداعىداي شەشىپ، ىندەتتەن ساقتانۋ - تىزگىندەۋدەگى بۇقارالىق ساقتانۋدىڭ، بۇقارالىق تىزگىندەۋدىڭ بىرىككەن كۇشىن ەڭ جوعارى شەكتە ۇيىستىرۋ كەرەك. ٴتارتىپ پەن قاعيدانى قاتاڭداستىرۋدا بۇكىل وبلىستاعى ٴار دارەجەلى پارتكوم مەن ۇكىمەتتەگى نەگىزگى جاۋاپتى جولداستار ٴبىرىنشى جاۋاپتى ادامنىڭ قىزمەت جاۋاپكەرشىلىگىن ويداعىداي ادا ەتىپ، سالالارعا جاۋاپتى باسشىلار تۇلعالىق جاقتان مىقتى يگەرۋدى كۇشەيتىپ، قىزمەتتى تياناقتاندىرماعانداردىڭ جاۋاپكەرشىلىگىن زاڭ بويىنشا قاتاڭ قۋزاستىرىپ، شىنايى ستيلمەن، قاتاڭ تارتىپپەن ىلە وبلىسىنىڭ ىندەتتەن ساقتانۋ - تىزگىندەۋدەن قامال الۋ شايقاسىنىڭ جاپپاي جەڭىسىنە قول جەتكىزۋدى پارمەندى كەپىلمەن قامتاماسىز ەتۋ كەرەك.

سەرجان ۇعىباي ۇلى، ما ميڭحۇي، ليۋ شينلي، كۇلان سەيپىلقان قىزى، حاۋ جيانمين، رازبەك قامزا ۇلى، تاۋ چيڭسۇڭ، اقجول انەس ۇلى، لي ۋي، جوۋ ليشين قاتارلىلار تەكسەرۋ - زەرتتەۋگە قاتىناستى.