汉文 ىلە اقپارات تورابىنا حوش كەلدىڭىزدەر!
وبلىسقا توتە قاراستى ورىنداردا جۇگەرى ساپالى تۇقىمىن جەتىلدىرۋ كاسىپ سالاسىن جوعارى ساپالى دامىتۋدىڭ بولاشاعى زور
2022-11-30 11:11:05     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

جەرگىلىكتى ورىننىڭ ابزالدىعىن ساۋلەلەندىرىپ، تيجارات ـ ساۋدا ورتاسىن ساپالىلاندىرىپ، كاسىپ سالاسى كولەمىن كەڭەيتتى

وبلىسقا توتە قاراستى ورىنداردا جۇگەرى ساپالى تۇقىمىن جەتىلدىرۋ كاسىپ سالاسىن جوعارى ساپالى دامىتۋدىڭ بولاشاعى زور

20221125000327_4db152387a992df43b75ea8959aca3f815ce280e.jpg

سۋرەتتە: 11 - ايدىڭ 24 - كۇنى شاندۇڭ دىڭحاي تۇقىم شارۋاشىلىعى شەكتى جارنا سەرىكتەستىگىنىڭ جۇگەرى ارشۋ سەحىندا بۇكىلدەي اۆتوماتتاستىرىلعان ٴوندىرىس جەلىسى جۇمىس ىستەۋدە.

تيان نا فوتوسى 

ٴتىلشىمىز دۋ لەي، ەرىكتى ٴتىلشى تيان نا حابارلايدى. 11 ـ ايدىڭ 24 ـ كۇنى توعىزتاراۋ اۋدانى توعىزتاراۋ قالاشىعىنا ورنالاسقان شاندۇڭ دىڭحاي تۇقىم شارۋاشىلىعى شەكتى جارنا سەرىكتەستىگى ىلە بولىمشە سەرىكتەستىگىنىڭ قامباسىندا جۇمىسشىلار جاڭادان مانەرلەنگەن 105 توننا جۇگەرى تۇقىمىن 3 ٴىرى جۇك اۆتوموبيلىنە تيەدى. «بۇل توپتاعى جۇگەرى تۇقىمى شاندۇڭ ولكەسىنە جونەلتىلەدى. كاسىپورىنىمىز جىلىنا 40 مىڭ توننا جۇگەرى تۇقىمىن مانەرلەپ، بۇكىل ەل كولەمىندە ساتادى، ٴونىم قۇنى 350 ميلليون يۋانعا جەتەدى» دەدى شاندۇڭ دىڭحاي تۇقىم شارۋاشىلىعى شەكتى جارنا سەرىكتەستىگى ىلە بولىمشە سەرىكتەستىگىنىڭ مەڭگەرۋشىسى شۇي فۋشىڭ. 

وبلىستىق تۇقىم باسقارۋ باس پۋنكتىنىڭ باستىعى سۇن چۋانچياۋ بىلاي دەپ تانىستىردى: بيىل وبلىسقا توتە قاراستى ورىندار 327 مىڭ مۋ جەرگە اۋىل شارۋاشىلىق داقىلدارىنىڭ ساپالى تۇقىمىن جەتىلدىردى، مۇنىڭ ىشىندە تۇقىمدىق جۇگەرى ەگىلگەن اۋماق 242 مىڭ 300 مۋ بولىپ، شينجياڭ بويىنشا 2 - ورىندى يەلەدى. وبلىسقا توتە قاراستى ورىنداردا تۇقىمدىق جۇگەرىنىڭ جالپى ٴونىم مولشەرى 115 مىڭ 300 تونناعا جەتىپ، شينجياڭنان سىرت جەرلەرگە 110 مىڭ 500 توننا تۇقىمدىق جۇگەرى ساتۋ جوسپارلانعان، قازىر 68 مىڭ 400 توننا جۇگەرى جونەلتىلدى. 

ىلە وزەنى اڭعارىنىڭ جاعراپيالىق ورنى دۇنيە جۇزىندەگى جۇگەرى وندىرىلەتىن ٴۇش ٴىرى التىن بەلدەۋدىڭ ەندىگىمەن قارايلاس كەلەدى، جۇگەرى ەگۋگە ۇيلەسەتىن التىن القاپ، ىلە اڭعارىنداعى ۇقساماعان وڭىرلەر جۇگەرىنىڭ ەرتە، ورتا، كەش پىساتىن ۇقساماعان سورتتارىمەن قامتاماسىز ەتەدى، مۇنداي ۇيلەسىمدىلىك بۇكىل ەل كولەمىندە ىلۋدە ٴبىر ۇشىرايدى. وسىزاماندانعان ەگىس داقىلدارىنىڭ ساپالى تۇقىمىن جەتىلدىرۋ بازاسىن قۇرۋدى جەدەلدەتۋ ٴۇشىن، بۇكىل شينجياڭ بويىنشا ەڭ ٴىرى، مەملەكەت بويىنشا بىرەگەي بۋدانداستىرىلعان جۇگەرى جەتىلدىرۋ بازاسىن قۇرۋدى نىسانا ەتكەن، وبلىسقا توتە قاراستى ورىندار ىلە اڭعارىندا جۇگەرىنىڭ وسى زامانعى تۇقىم شارۋاشىلىعىن دامىتۋ بەلدەۋىن ٴتۇيىندى تۇردە ورناتىپ، كاسىپ سالاسىن جەتەكشى، كاسىپورىندى نەگىزگى تۇلعا، بازانى سۇيەنىش ەتكەن «جەتىلدىرۋ، كوبەيتۋ، جالپىلاستىرۋ ٴبىر تۇلعالانعان» وسى زامانعى تۇقىم شارۋاشىلىعى جۇيەسىن جالپىلاستىرماقشى.

شۇي فۋشىڭ تىلشىگە بىلاي دەدى: «شاندۇڭ دىڭحاي تۇقىم شارۋاشىلىعى سەرىكتەستىگى ىلە بولىمشە سەرىكتەستىگى 2003 - جىلى توعىزتاراۋ اۋدانىنا ىرگە تەپكەن، نەگىزىنەن جۇگەرى تۇقىمىن ٴوندىرۋ، مانەرلەۋ، ساتۋمەن شۇعىلدانادى، قازىر تۇقىمدىق جۇگەرىنىڭ تاپسىرىسپەن ەگىلەتىن اۋماعى 100 مىڭ مۋعا جەتەدى، توعىزتاراۋ اۋدانىن نەگىز ەتىپ، چاپچال سىبە اۆتونوميالى اۋدانى، كۇنەس اۋدانى، قۇلجا اۋدانى، قورعاس اۋدانى سياقتى توڭىرەكتەگى اۋدانداردىڭ، تۇقىمدىق جۇگەرى شارۋاشىلىعىن دامىتۋىنا دەم بەرىپ، جەتەكشىلىك ەتتىك».

قۇلجا اۋدانى ۇيعۇر ٴۇشون اۋىلى جوعارعى اسانيۇزى قىستاعىنداعى ەگىمشىلىكپەن شۇعىلداناتىن ٴىرى وتباسى لي جيانگاڭنىڭ شاندۇڭ دىڭحاي تۇقىم شارۋاشىلىعى سەرىكتەستىگى ىلە بولىمشە سەرىكەستىگىمەن سەلبەستىك ورناتقانىنا 3 جىل بولدى، ٴار جىلى 5000 مۋدان استام جەرگە جۇگەرى ەگەدى. لي جيانگاڭ بىلاي دەدى: «بۇرىن نەگىزىنەن ادەتتەگى جۇگەرى ەگەتىنمىن. الدىڭعى جىلى مەن دىڭحاي تۇقىم  شارۋاشىلىعى سەرىكتەستىگىمەن تۇقىمدىق جۇگەرى ەگۋ توقتامىنا قول قويدىم. ٴار مۋدان كىرەتىن كىرىستى 2950 يۋاننان تومەندەتپەۋگە كەپىلدىك ەتتى، سەرىكتەستىكتىڭ تەحنيكتەرى تۇتاس بارىستا جەتەكشىلىك ەتىپ، قىزمەت وتەپ، تۇقىمدىق جۇگەرىنىڭ ساپاسىنا كەپىلدىك ەتتى. مەنشە جۇگەرى ساپالى تۇقىمىن جەتىلدىرۋ كاسىپ سالاسىنىڭ بولاشاعى زور، بۇدان بىلاي ەگىمشىلىكتى باپتاپ باسقارۋدى جالعاستى مىقتى ۇستاپ، كىرىسىمدى ارتتىرۋعا، اۋقاتتانۋعا قۇلشىنامىن». 

ۇعىسۋعا قاراعاندا، 2021 - جىلى اۆتونوميالى رايون ىلە وبلىسىنا توتە قاراستى ورىنداردان 620 مىڭ مۋ ساپالى تۇقىم جەتىلدىرۋ بازاسىن بەلگىلەگەن، مۇنىڭ ىشىندە جۇگەرى ساپالى تۇقىمىن جەتىلدىرۋ بازاسى 555 مىڭ 700 مۋ. كەزەكتە وبلىسقا توتە قاراستى ورىندارداعى 8 اۋدان - قالادا زەرتتەۋ مالىمەتىن جاساۋ قىزمەتى ورىستەتىلدى ٴارى جوعارى ولشەمدى اتىز قۇرىلىسى مەن ساپالى تۇقىم جەتىلدىرۋ بازاسى قۇرىلىسى ورگانيكالى ۇشتاستىرىلىپ، جوعارى ولشەمدى ەگىنجاي نىسانى ارقىلى ساپالى تۇقىم جەتىلدىرۋ بازا قۇرىلىسىنا قولداۋ كورسەتۋ اناعۇرلىم كۇشەيتىلگەن. 

بيىل 6 ـ ايدا جيۋشىڭحى جارنا مەڭگەرۋ توبى شەكتى سەرىكتەستىگى ىلەدە 100 ميلليون يۋان قارجىمەن ىلە جيۋشىڭحى سايتۇڭ اۋىل شارۋاشىلىعىن دامىتۋ شەكتى سەرىكتەستىگىن ٴوتىنىش ەتىپ قۇردى، چاپچال سىبە اۆتونوميالى اۋدانى، قۇلجا اۋدانى سياقتى جەرلەردە 10 مىڭ مۋ جەردى اينالىمعا سالۋعا، تۇقىم شارۋاشىلىعىن دامىتۋعا قارجى قوسپاقشى.