العا، داڭق پەن ارماننىڭ ۇزاق جورىعىندا
− باس شۋجي شي جينپيڭنىڭ جۇڭگو ارمانىن ورتاعا قويعاندىعىنىڭ 10 جىلدىعى ساتىندە
شينحۋا اگەنتتىگىنىڭ تىلشىلەرى
”جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى“.
باس شۋجي شي جينپيڭ ورتاعا قويعان جۇڭگو ارمانى جۇڭحۋا ۇلتىنىڭ جارقىن كەلەشەگىنە جەتەكشىلىك ەتتى.
جاڭا ءداۋىردىڭ 10 جىلىنداعى جۇڭحۋا ۇلتىنىڭ ۇلى گۇلدەنۋىنىڭ ايبىندى جورىعىندا كەرەمەت تاراۋلار جازىلدى.
ءبىر نيەتپەن ارماندى سومداپ، تىزە قوسا ارمانعا قۇلاش سەرمەپ، قول ۇستاسا ارماندى جۇزەگە اسىردى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىر ميلليارد 400 ميلليوننان استام جۇڭگو حالقى وزدەرىن وتباسى - وتانعا ارناپ، كۇرەس ارقىلى الەم جاراتىپ، بەرىك قۇرىش بولىپ ىنتىماقتاسىپ، تەلەگەي ۇلى كۇش قاۋلاتتى.
”جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى“
11 - ايدىڭ 12 - كۇنى ساعات 10نان 03 مينۋت وتكەندە، جەر - الەمدى ءدۇر سىلكىندىرگەن گۇرىلدەن كەيىن، چاڭجىڭ 7 - ءنومىرلى الىستان مەڭگەرىلەتىن 6 - تاسىمال راكەتاسى تيانجوۋ 5 - نومىرلى زات تاسىمالى الەم كەمەسىن الىپ، بۇلتتى جارىپ اسپانعا تىك كوتەرىلدى.
جۇڭگو كەڭىستىك بەكەتى سالىنىپ بولۋدىڭ الدىنداعى ەڭ سوڭعى ”جۇك كەمەسى“ رەسمي جولعا شىقتى.
ءبىزدىڭ ارمانىمىز − جۇلدىزدار الەمى!
ۇلى ءىس ەجەلدەن ۇلى ارماننان تۋعان.
”جۇڭگو ارمانى دەگەن نە؟ مەنىڭشە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ، ءدال جۇڭحۋا ۇلتىنىڭ تاياۋ زاماننان بەرگى ەڭ ۇلى جۇڭگو ارمانى. ول جۇڭحۋا ۇلتى مەن جۇڭگو حالقىنىڭ تۇتاس تۇلعالىق مۇددەسىن ايگىلەيدى، ول ءاربىر جۇڭحۋا پەرزەنتىنىڭ ورتاق ءۇمىت - تىلەگى“.
ۋاقىتتى 2012 - جىلى 11 - ايدىڭ 29 - كۇنىنە شەگەرەيىك. ەندى عانا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعان شي جينپيڭ «گۇلدەنۋ جولى» كورمەسىن ەكسكۋرسيالاعاندا ماڭىزدى ءسوز سويلەپ، ەل ءىشى - سىرتىنداعى جۇڭحۋا پەرزەنتتەرىنىڭ ورتاق تاريحي ەستەمەلەرىن جاڭعىرتىپ، ءداۋىردىڭ كۇشتى ورتاق ءۇنىن تاسقىنداتتى.
تاياۋ زاماننان بەرگى ۇزاق تاريحي ۇردىستە، جۇڭگو حالقى تالايلاعان ميحىنات شەكتى، تالايلاعان قۇرباندىق بەردى، تالايلاعان شايقاستار جۇرگىزدى.
100 نەشە جىلدىڭ الدىندا، جۇڭگو كوممۋنيستىك پارتياسى ۇلت قاتەردە قالعان مەزەتتە دۇنيەگە كەلدى. سول كەزدەن باستاپ، پارتيامىز ادىلەت جولىندا العان بەتتەن قايتپاي، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ تاريحي بورىشىن ارقالادى.
قان كەشىپ، قۇرباندىقتار بەرگەن توڭكەرىس جولىنان قاجىرلىلىقپەن شارۋاشىلىق قۇرعان قۇرىلىس ورلەۋىنە دەيىن، ايبىنى اسقاق رەفورما جاساۋدان، ەسىك اشۋدان ەكپىندەي ىلگەرىلەگەن قۇدىرەتتى مەملەكەت قۇرۋ جولىنا دەيىن... جۇڭگو كوممۋنيستەرى نە ماقساتپەن اتتانعانىن، كىم ءۇشىن كۇرەس جۇرگىزگەنىن ەشقاشان ەستەن شىعارعان ەمەس.
جۇڭگوشا سوتسياليزم جاڭا داۋىرگە وتكەندە، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەت ىستەرىنىڭ دامۋىنا ءتىپتى دە عىلمي، تولىق ستراتەگيالىق ورنالاستىرۋ جاساپ، ەكونوميكانى ورنىقتىرىپ، دامۋدى جەبەدى، كەدەيلىكپەن شايقاسىپ، دوڭگەلەك داۋلەت ورناتتى، ىندەتتى تىزگىندەپ، اۋىر اپاتقا قارسى اتتاندى، وزگەرىسكە توتەپ بەرىپ، داعدارىستى جويدى، جۇڭحۋا ۇلتىنىڭ ۇلى گۇلدەنۋى اتتى الىپ كەمە ارماندى بەتكە الىپ، تولقىن جارا العا تارتتى.
باتىلدىقپەن ارمان قۋعان ادامنىڭ شىقپايتىن شىڭى بولمايدى. ارمانعا قۇلاش سەرمەۋگە باتىلدىق ەتكەن ادامنىڭ كەشىپ وتپەس اساۋ اعىنى بولمايدى.
تاۋ مەن تەڭىز اراسىنداعى گۋاڭدۇڭ ولكەسى جۇڭشان قالاسىنىڭ سۇيحىڭ قىستاعىندا كوك اسپان استىندا ءموپ - ءمولدىر تاۋ سۋلارى سىلدىرلاي اعۋدا.
جالپى ۇزىندىعى 24 كيلومەتر كەلەتىن شىنجىن - جۇڭشان جولىندا قۇرىلىس قاۋىرت جۇرگىزىلۋدە. جولى ىسكە قوسىلعاننان كەيىن، شىنجىننان جۇڭشانعا اۆتوكولىكپەن نەبارى 20 مينۋتتا جەتۋگە بولادى، كەزىندەگى سۇن جۇڭشان مىرزا دۇنيەگە كەلگەن شاعىن بالىقشىلار قىستاعى ءبىر سەكىرىپ گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ وزەكتى وڭىرىنە اينالماق.
”سۇن جۇڭشان مىرزانىڭ ارمانى جۇڭحۋانى گۇلدەندىرۋ ەدى“، - دەدى سۇن جۇڭشاننىڭ شوپشەگى سۇن يالي، - جاڭا ءداۋىردىڭ 10 جىلىندا، جۇڭگو ارمانى بارشا جۇڭحۋا پەرزەنتتەرىنىڭ ورتاق ارمانىنا اينالىپ، ەڭ ۇلكەن تىلەكتەستىك شەڭبەرىن سىزدى.
10 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، تاريح سەنىمىن بەكەمدەپ، تاريحي ىرىقتىلىقتى نىعايتىپ، جۇڭگونىڭ دامۋ، العا باسۋ تاعدىرىن ءوز قولىندا مىقتاپ ۇستاپ، تالاي - تالاي الىنباستاي كورىنگەن قيىن وتكەلدەردى، قاتەرلى كەدەرگىلەردى الىپ، ەلدى جالت قاراتقان تالايلاعان ءومىر كەرەمەتتەرىن جاراتتى.
اۋىل - قىستاقتارداعى قازىرگى ولشەمدەگى 98 ميلليون 990 مىڭ كەدەي حالىق تۇگەلدەي كەدەيلىكتەن ارىلدى؛ بۇكىل ەلدەگى تۇرعىنداردىڭ جان باسىندىق قولداعى تابىسى 2021 - جىلى 2012 - جىلداعىدان ناقتى ％78 ارتتى؛ 10 جىلدا، قالا - قالاشىقتاردان جيىنى 130 ميلليون ادام تىڭنان جۇمىستانىپ، نەگىزگى ەمدەۋ، زەينەتكەرلىك قامسىزداندىرۋىنىڭ قامتىمى جەكە - جەكە ءبىر ميلليارد 360 ميلليون ادامنان، ءبىر ميلليارد 40 ميلليون ادامنان استى؛ الەمدىك جاڭالىق اشۋ كورسەتكىشى قاتارىنداعى ورنى زور مولشەردە جوعارىلادى؛ كومىر قىشقىل گازىن شىعارۋ كۇشەمەلىلىگى ％4. 34 تومەندەدى...
جۇڭگو ارمانى ءبىر ميلليارد 400 ميلليوننان استام حالىقتىڭ ءۇمىت - تىلەگىن ارقالاپ، جۇرەك اڭساۋىن حالىقتىڭ ورتاق يگىلىگىنە اينالدىردى. ىشەر اس، كيەر كيىم تاقارشىلىعىنان جاپپاي دوڭگەلەك داۋلەتتىلىككە قادام تاستاۋعا دەيىنگى، ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى العان جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانىنىڭ ۇشقىنى جالىن بولىپ قاۋلادى.
”مىندەت اۋىر، جول الىس، ءاربىرىمىزدىڭ ۇزدىكسىز قاجىرلى ەڭبەك ەتۋىمىزدى جانە جاپالى قۇلشىنىس جاساۋىمىزدى قاجەت ەتەدى“
”جاڭا داۋىردەگى ۇلى تابىستارعا پارتيا مەن حالىق بىرگە قۇلشىنۋ ارقىلى قول جەتكىزگەن، ەڭبەك ەتۋ ارقىلى قول جەتكىزگەن، كۇرەس جۇرگىزۋ ارقىلى قول جەتكىزگەن“! پارتيا 20 - قۇرىلتايىنىڭ اشىلۋ ماجىلىسىندە، باس شۋجي شي جينپيڭنىڭ جالىندى دا ارىندى سوزدەرى ءبىر ميلليارد 400 ميلليوننان استام جۇڭگو حالقىنىڭ كۇرەس جىگەرىن ۇيىستىردى.
ورتا جازىقتىڭ بايتاق دالاسىنداعى اتىزدارعا بارىپ، ءبيداي ماساعىن الاقانىنا سالىپ داندەنۋىن كورىپ، اۋىلداستارعا ”ءبىز بارلىعىمىز ەگىنشىدەن شىققامىز“ دەپ كۇلىمسىرەدى؛ حۋنان شياڭشيدەگى تسيترۋس ورمانىنا بارىپ، قىستاق تۇرعىندارىنىڭ تسيترۋس ۇزۋىنە ەپپەن جاردەمدەستى؛ گانسۋ بابۋشا ورمان الاڭىنا بارىپ، شونەك تىرمانى قولىنا الىپ، ورمان الاڭىنىڭ جۇمىسشى - قىزمەتكەرلەرىمەن بىرگە ارىق قازدى...
”حالىقتىڭ تاماشا تۇرمىسقا دەگەن تالپىنىسى ءبىزدىڭ كۇرەس نىسانامىز“. 10 جىلدا، باس شۋجي شي جينپيڭ ءىس جۇزىندىك ارەكەتى ارقىلى حالىققا ايتقان وسى شىنايى سىرىن امالياتتا ۇزدىكسىز ايگىلەدى.
”مەملەكەتىمىز وسىنشاما ۇلكەن، جاۋاپكەرشىلىك توتەنشە اۋىر، قىزمەت توتەنشە جاپالى. مەن وزىممەن ساناسپاي، حالىقتىڭ ءۇمىتىن اقتايمىن. مەن ’وزىممەن ساناسپاعان‘ كۇيدە جۇڭگونىڭ دامۋىنا ءوزىمدى ارناۋعا پەيىلمىن“.
باس شۋجي شي جينپيڭنىڭ ”وزىمەن ساناسپاۋ“ ىنتا - ىقىلاسى مەن جاۋاپكەرشىلىگى، ميللياردتاعان حالىقتى ارمانعا قۇلاش سەرمەۋدىڭ جارىس جولىندا جۇيتكۋگە شابىتتاندىرۋدا.
”كۇرىش اراسىندا كولەڭكەلەگەن“ تاباندىلىعىنىڭ ارقاسىندا، يۋان لۇڭپيڭ بۋدان كۇرىشتىڭ تۇسىمىندە ۇزدىكسىز سەرپىلىس جاساپ، ءبىر ءىرى ەلدىڭ اس كەسەسىن مىقتاپ ۇستادى.
عىلىم - تەحنيكا ارقىلى وتان ءۇمىتىن اقتايتىن مىزعىماس سەنىمى بولعاندىقتان دا، حۋاڭ دانيان ۋاقىتپەن جارىسىپ، ەرلىكپەن قامال الىپ، ەل ىشىندەگى كوپتەگەن تەحنيكالىق اقتاڭداقتى تولتىردى.
كورىكتى تاۋ - سۋدى جانىنداي سۇيگەندىكتەن دە، چي فاباۋ مەن جاۋىنگەر سەرىكتەرى ولىسپەي - بەرىسپەي كۇرەسۋگە انت ەتىپ، وتاننىڭ ايبىندى شەكارا بەلگىسى بولىپ قاسقايىپ تۇردى.
...
جۇڭگو ارمانى − ەلدى قۇدىرەتتەندىرۋ ارمانى، ارميانى قۇدىرەتتەندىرۋ ارمانى ءارى عارىش ارمانى، تەڭىز - مۇحيت ارمانى، ونان دا ماڭىزدىسى، ەكونوميكانى گۇلدەندىرۋ ارمانى، ساياسي دەموكراتيا ارمانى، ەكولوگيالىق وركەنيەت ارمانى... سام جامىراعان جۇلدىزداردان قۇرالعان قۇس جولى تامشى سۋدان قالىپتاسقان الىپ تولقىن ءتارىزدى. سانسىزداعان ارمان توعىسىپ، جاڭا داۋىردەگى ەڭ ايبىندى كورىنىستى كەسكىندەدى.
باس شۋجي شي جينپيڭ ايتقانداي: ”ارمان بولسا، وراي بولسا، كۇرەس بولسا، بارلىق تاماشا نارسەنى جاراتۋعا بولادى“.
”95 - جىلدىڭ تۇلەگى“up يەگەرى ”ليۋ شياۋبەي“ ءتۇرلى - ءتۇستى بوياۋ ماتەريالدارىن اۋىلىنا الا بارىپ، اينىتپاي تۇسىرگەن الەۋمەتتىك يگىلىك قابىرعا سىزبامەن بۇرىنعى قابىرعا بەتىن اشەكەيلەپ، اۋىل - قىستاقتى گۇلدەندىرۋدىڭ تاماشا كارتيناسىن كەسكىندەدى.
شارۋا جۇمىسكەردەن شىققان زوۋ بين دۋال جيۋ ”ەرەكشە ونەرىنىڭ“ ارقاسىندا، دۇنيە جۇزىلىك شەبەرلىك ۇلكەن جارىسىنىڭ دۋال جيۋ ءتۇرى جارىسىندا جەڭىمپازدىق سيلىقتى ەنشىلەپ، ەلىمىزدىڭ دۋال جيۋ تۇرىندە سيلىق الماۋ جاعدايىن وزگەرتتى.
...
داۋىرمەن جارىسىپ، كۇرەسپەن ارمان قۋدى، ارماندى جۇزەگە اسىردى. ارمانى رەالدىققا اينالعان ءاربىر قۋانىشتى بەينەلەردىڭ بارلىعىنا ءداۋىردىڭ اسەم بوياۋى ورنەكتەلگەن.
”وقيتىن كىتاپ بولۋدان جاقسى كىتاپ وقۋعا جەتتىك، ەندىگارى تاۋ قويناۋىنداعى بالالاردىڭ ءبىلىم الۋ اياق الىسىنا ەشتەڭە كەدەرگى بولا المايدى“. پارتيا 20 - قۇرىلتايىنىڭ ۋاكىلى، يۇننان ليجياڭ حۋاپيڭ قىزدار جوعارى دارەجەلى ورتا مەكتەبىنىڭ باستىعى جاڭ گۇيمەي، وراي بولا قالسا، جەرگىلىكتى ورىنداعى كادرلار مەن بۇقاراعا ءوزىنىڭ 20 - قۇرىلتاي رۋحى جونىندە العان اسەرىن باياندايدى.
قازىرگى تاڭدا، حۋاپيڭ قىزدار جوعارى دارەجەلى ورتا مەكتەبىنەن 2000نان استام وقۋشى داشۋەگە ءوتتى، مەكتەپ بىتىرگەننەن كەيىن، ولار وزدەرى بۇرىن ارمانداعان وقىتۋشى، شيپاگەر، اسكەر، ساقشى بولدى...
”ءبىز بارلىعىمىز قۇلشىنا ۇمتىلىپ كەلەمىز، ءبىز بارلىعىمىز ارمانعا قۇلاش سەرمەۋشىلەرمىز“. ارىسى مەملەكەتكە، بەرىسى جەكە باسقا دەيىن، كۇرەس − ارماندى رەالدىققا اينالدىراتىن بىردەن - ءبىر ءتاسىل. جۇڭحۋا ۇلتىنىڭ ۇلى گۇلدەنۋى استە جەڭىل - جەلپى، قۇر ايعاي - سۇرەنمەن جۇزەگە اسا سالمايدى، ءاربىر ارماننىڭ بارلىعى وڭاي - وسپاق، قالاي بولسا سولاي رەالدىققا اينالا سالمايدى.
ءبىز جەكەنىڭ تاماشا تۇرمىسقا دەگەن تالپىنىسىن، ومىردە ءوز كەرەمەتىن ايگىلەۋ تىلەگىن جۇڭگو ارمانىن بىرگە تۇلعالاۋ تاريحي جورىعىمەن قابىستىرىپ، حالىق اراسىنداعى قوردالى شەكسىز كۇشتى قاۋلاتاتىن، ۇيىستىراتىن بولساق، مەيلى قيىن - قىستاۋ كەزەڭگە، داۋىلدى تولقىندارعا جولىقساق تا، المايتىن قامالىمىز بولمايدى، بارلىق ىستە جەڭىسكە جەتەمىز!
”جۇڭگو ارمانىن جۇزەگە اسىرۋدا، ءسوز جوق، جۇڭگو رۋحىن اسقاقتاتۋ كەرەك“
حۋنان شياڭشي شىبادۇڭ قىستاعىنىڭ ليزىجايى، كولبەپ جاتقان ۋليڭشان تاۋى ”كەدەيلەردى دالمە - ءدال سۇيەمەلدەۋدى“ تۇڭعىش دارىپتەگەن جەردىڭ زور وزگەرىسىنە كۋا.
10 جىلدىڭ الدىندا، شى باسان قاريا سول باياعى قىستاقتاعى ”ءۇن - ءتۇنسىز جۇرگەندەردىڭ“ ءبىرى ەدى، بەلى بۇكىرەيىپ، ادامدار اراسىندا كورىنبەي قالاتىن.
”ءسىز اپايسىز“، ”مەن حالىق قىزمەتكەرىمىن“. 2013 - جىلى 11 - ايدىڭ 3 - كۇنى باس شۋجي شي جينپيڭ شىبادۇڭ قىستاعىندا شى باساننىڭ ۇيىنە باردى.
ىقىلاستى سالەم كوكتەم سامالىنداي بەتتى ءوبىپ، بار الاپتى جادىراتىپ، جۇرتتى جەلپىندىردى.
ال، قازىر شىبادۇڭ قىستاعىنىڭ ۇيلەرى شىت جاڭا بەينەگە ەندى، ادام ءنوپىرى دە كوپ. شى باسان ءتور ءۇيىنىڭ ورتاسىندا تۇرىپ، باسىن كوتەرە كۇلىمسىرەي ساياحاتشىلاردى اشىق - جارقىن بەينەمەن قابىلدادى.
”ءبىر ۇلتتىڭ گۇلدەنۋى قۋاتتى ماتەريالدىق كۇشتى قاجەت ەتەدى، قۋاتتى رۋحاني كۇشتى دە قاجەت ەتەدى“. تىنباي كۇرەس جاساعان ءبىر ساياسي پارتيا تاريحي دامۋ زاڭدىلىعىن يگەرگەندە، گۇلدەنۋدى مۇرات تۇتقان ءبىر ۇلت اناعۇرلىم بەرىك يدەيالىق كوورديناتاعا، اناعۇرلىم مايەكتى ءمورالدىق نارگە، اناعۇرلىم اسقاق رۋحاني قاسيەتكە يە بولادى.
پارتيا 18 - قۇرىلتايىنان بەرى، شي جينپيڭ جاڭا ءداۋىر جۇڭگوشا سوتسياليزم يدەياسى ماركسيزمدى بايىتۋ مەن دامىتۋعا كەلەلى ءتول جاسامپازدىق ۇلەس قوستى، جۇڭحۋانىڭ تاڭداۋلى ءداستۇرلى مادەنيەتىنىڭ ومىرشەڭدىك كۇشىن قاۋلاتۋعا تاريحي سيپاتتى ۇلەس قوستى، ادامزات وركەنيەتىنىڭ العا باسۋىنا الەمدىك سيپاتتى ۇلەس قوستى، ۇلى گۇلدەنۋ سىندى جۇڭگو ارمانىنا قۋاتتى قۇن جاعىنان جەتەكتەۋ كۇشىن، مادەنيەت جاعىنان ۇيىستىرۋ كۇشىن، رۋحاني جاقتان ىلگەرىلەتۋ كۇشىن ازىرلەدى.
جۋشي باقشاسىندا، باس شۋجي شي جينپيڭ تەبىرەنە ”ەگەر جۇڭحۋانىڭ 5000 جىلدىق وركەنيەتى بولماسا، جۇڭگوشا ەرەكشەلىك قايدان كەلسىن؟ ەگەر جۇڭگوشا ەرەكشەلىك بولماسا، ءبىزدىڭ بۇگىنگى وسىنشاما تابىستى جۇڭگوشا سوتسياليزم جولىمىز قايدان بولسىن؟“ دەدى؛ سانسۋسىدا، باس شۋجي ”جۇڭحۋانىڭ تاڭداۋلى ءداستۇرلى مادەنيەتىنەن ەل باسقارۋ ۇستانىمى مەن ويىن قابىلداۋعا شەبەر بولۋ كەرەك“ دەپ باسا دارىپتەدى؛ موگاۋ ۇڭگىرىنىڭ الدىندا، باس شۋجي ”تەك وزىنە كامىل سەنگەن وركەنيەت عانا ءوز ۇلتىنىڭ ەرەكشەلىگىن ساقتاۋمەن بىرگە، تۇرلىشە وركەنيەتتەرمەن سيىسىمدى بولىپ، ۇلگى الىپ، ولاردى قابىلدايدى“ دەپ اتاپ كورسەتتى...
شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جۇرت جۇرەگىنە تەرەڭ ۇيالاۋى، سوتسياليستىك وزەكتى قۇن كوزقاراسىنىڭ كەڭ تارالۋى، جۇڭحۋانىڭ تاڭداۋلى، ءداستۇرلى مادەنيەتىنىڭ جاسامپازدىقپەن كادەگە جاراۋى، جاسامپازدىقپەن دامۋى، مادەنيەت ىستەرىنىڭ كۇن سايىن گۇلدەنۋى، ينتەرنەت ەكولوگياسىنىڭ ءۇرتىس جاقسارۋعا بەت الۋى، يدەولوگيا سالاسى جاعدايىندا جالپى جاعدايلىق، تۇبىرلىك بۇرىلىستىڭ تۋىلۋى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم ىرىقتى رۋحاني كۇش ۇستەدى.
ۇلكەندى - كىشىلى كوشەلەردە «مەن جانە مەنىڭ وتانىم» اتتى كونە ءاننىڭ اسەم اۋەنى شارىقتاۋدان پارتيا قۇرىلعاندىعىنىڭ 100 جىلدىعىن سالتاناتپەن قۇتتىقتاعان جالپى حالىقتىق شاتتانۋعا دەيىن، ساتىلار بويىنشا كەدەيلىكتەن ارىلتۋدان قامال الۋ جاۋاپكەرشىلىك حاتىنا قول قويىپ، جوعارىدان تومەنگە دەيىن تىلەكتەس بولۋدان بۇكىل ەلدەگى ەمدەۋ - كۇتىمدەۋ قىزمەتكەرلەرىنىڭ ۋحانعا كومەككە بارىپ، قيىندىققا وكىنىشسىز قارسى اتتانۋىنا دەيىن، ”اۋەلگى ماقساتتى ۇمىتپاي، بورىشتى ەستە بەرىك ساقتاۋ“ ايبىندى ۋادەسىنەن ”پارتيا الاڭسىز بولسىن، وتاندى قۇدىرەتتەندىرۋدە مەن بارمىن“ دەگەن اسقاق سەرتكە دەيىن، وتانشىلدىقتى وزەك ەتكەن ۇلت رۋحى باستان - اياق ارمان بەتالىسىنا جەتەكشىلىك ەتىپ كەلەدى.
گۋاڭدۇڭ - شياڭگاڭ - اۋمىن ۇلكەن شىعاناق رايونىنداعى سىرتقى ساۋدامەن اينالىساتىن ساۋداگەرلەردەن شيۇڭان جاڭا رايونىنداعى قۇرىلىس جۇمىسكەرلەرىنە دەيىن؛ ”بەيجيڭ − شاڭحاي − گۋاڭجوۋعا“ بارىپ قۇلشىنۋدى تاڭداعان اۋىل - قىستاق بالالارىنان شەت - شالعاي، جاپالى وڭىرگە تامىر تارتقان قىزمەت اترەتتەرىنە دەيىن؛ ۇلى ءداۋىردى جىرلاعان ادەبيەت - كوركەمونەر قىزمەتكەرلەرىنەن ءۇش كەز ساباق مىنبەسىندە رۋح سومداعان حالىق وقىتۋشىلارىنا دەيىن، رەفورما جاساۋدى، ەسىك اشۋدى وزەكتى ەتكەن ءداۋىر رۋحى باستان - اياق ارمانعا قۇلاش سەرمەۋشىلەردىڭ كوكىرەگىندە تۋلاپ كەلەدى.
پارتيا 20 - قۇرىلتايىنىڭ ۋاكىلى، ورتالىق ۇلتتار داشۋەسى تاريح - مادەنيەت شۋەيۋانىنىڭ پروفەسسورى مىڭ مان باس شۋجي شي جينپيڭنىڭ ونەگە كورسەتۋى مەن دەمەۋىندە، جاڭا داۋىردەگى جۇڭگولىقتاردىڭ تامىردى جەتىلدىرىپ، رۋحتى سومداپ، جىگەرىن، تەبىنىن، ارىنىن ۇزدىكسىز ارتتىرعاندىعىن تەرەڭ سەزىندى.
مادەنيەت ەسكەرتكىشتەرى − مۇراجاي الاڭ - سارايلارىندا كوكتەم مەرەكەسىن وتكىزۋ، بەيزاتتىق مادەنيەت مۇرالارى ۇلكەن بازارىنان مەرەكەلىك زاتتار ساتىپ الۋدان گۋگۇڭ IPى دوستار شەڭبەرىن دۋمانداتقانعا، جۇڭگو ەجەلگى سالتىنىڭ ەل ءىشى - سىرتىنا تەگىس جەتۋىنە دەيىن، ونان جۇڭگو كەڭىستىك بەكەتىندە «موليحۋانىڭ» شىرقالۋىنا دەيىن... تەرەڭ دە تەبىندى مادەنيەت سەنىمى، گۇلدەنىپ - كوركەيگەن مادەنيەت جاسامپازدىعى، ءوز كوركەمدىگى مەن باسقالاردىڭ كوركەمدىگىن توعىستىرعان وركەنيەت اۋىس - كۇيىسى، ءوزارا ۇلگى الۋى جاڭا داۋىردەگى جۇڭگونىڭ ايقىن بەلگىسىنە اينالدى.
”70 - جىلداردىڭ تۇلەكتەرى، 80 - جىلداردىڭ تۇلەكتەرى، 90 - جىلداردىڭ تۇلەكتەرى، 2000 - جىلداردىڭ تۇلەكتەرى سىرتقا شىعىپ دۇنيەنى كورۋدەن بۇرىن، جۇڭگو دۇنيەگە تىكە قاراي الاتىن بولدى“. 2021 - جىلى 3 - ايدا، باس شۋجي شي جينپيڭ مەملەكەتتىك ساياسي كەڭەسكە قاتىناسقان ەمدەۋ، ءدارى - دارمەك، دەنساۋلىق ساقتاۋ سالاسىنىڭ، وقۋ - اعارتۋ سالاسىنىڭ مۇشەلەرىنە امانداسا بارعاندا سويلەگەن وسى ءسوزى ادامداردى ايرىقشا ءسۇيىندىردى، شەكسىز ۇندەستىك تۋدىردى.
جۇڭگو ارمانى جولى بارعان سايىن ايقىندالدى، جۇڭگو ارمانى ساحناسى كۇن سايىن كەڭەيدى.
ىلگەرگى ءۇمىت ينجەنەرياسىنىڭ ”بوتاكوزدى بويجەتكەنى“ سۋ ميڭجۋان الەۋمەتتىك يگىلىك نىسانىنىڭ باستاۋشىسىنا اينالىپ، اناعۇرلىم كوپ بالالاردىڭ ”مەن مەكتەپتە وقيمىن“ ارمانىن جۇزەگە اسىرۋىنا كومەكتەستى.
ەكى اياعى كەسىپ تاستالعان شيا بويۇي 40 نەشە جىل تىنباي جاتتىعىپ، اقىرىندا دۇنيە ءجۇزىنىڭ جوتاسى اتالعان شىڭعا شىعىپ، ەكى اياعى جوق كۇيدە چومولاڭما شىڭىنا شىققان تۇڭعىش جۇڭگولىققا اينالدى.
اۋەلگى ماقساتتى ۇمىتپايتىن تاباندىلىق بار، قامال بۇزىپ، اسۋدى الاتىن باتىلدىق بار، قايقاڭعا شىعىپ، ويپاڭداردان وتەتىن توزىمدىلىك بار، شەكسىز ادال بولىپ، وتانعا قىزمەت ەتەتىن ىستىق ىنتا بار...
”جۇڭگو حالقىنىڭ العا باسۋىنداعى قوزعاۋشى كۇش ونان ارى نىعايىپ، كۇرەسكەرلىك رۋحى ءتىپتى دە اسقاقتاپ، ءسوزسىز، جەڭىسكە جەتۋ سەنىمى اناعۇرلىم بەكەمدەلىپ، اناعۇرلىم كۇشتى تاريحي سانالىلىق پەن ىرىقتىلىق رۋحى تاسقىندادى، جۇڭگو كوممۋنيستىك پارتياسى مەن جۇڭگو حالقى جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋىن بەرىك سەنىممەن ىلگەرىلەتۋدە“. باس شۋجي شي جينپيڭ جاڭا ءداۋىردىڭ ەڭ كۇشتى ءۇنىن شىعانداتتى.
”جاڭا جورىققا ارشىندى قادام تاستاپ، جاڭا كۇرەس نىساناسىنا قاراي اتتانايىق!“
يرەلەڭدەي كوسىلگەن حۇڭچي توعانى ءزاۋلىم تايحاڭشان تاۋ سىلەمىنە شوككەن الىپ ايداعار ىسپەتتى.
ءوز كەزىندە جاڭحى وزەنىنىڭ سۋىن تايحاڭشان تاۋى بەتكەيىنەن اسىرىپ اعىزىپ اكەلۋ قول جەتپەس ارمان بولاتىن. بۇگىنگى تاڭدا توعاندى 30 نەشە جىل قاراعان يۋان يۇڭلين حۇڭچي توعانى ەسكەرتكىش سارايىندا تۇرىپ، ءوزى سىزىپ ەستەلىككە العان ارماندى جۇزەگە اسىرۋ كەرەمەتىن شەكسىز ماقتانىشپەن كورسەتتى.
كوممۋنيستەر باتىلدىقپەن ارمان قۋادى، ونان دا ماڭىزدىسى، باتىلدىقپەن ارمانىن جۇزەگە اسىرادى. پارتيا 20 - قۇرىلتايىنىڭ جابىلعانىنا ءبىر اپتا بولماي جاتىپ، باس شۋجي شي جينپيڭ حۇڭچي توعانىنا باردى. ول تەبىرەنە ”ەكىنشى 100 جىلدىق كۇرەس نىساناسىن جۇزەگە اسىرۋ، اتاپ ايتقاندا، ءبىر - ەكى ۇرپاقتىڭ ءىسى، ءبىز ءدال وسى شاققا تۋرا كەلدىك، ءۇمىتتى اقتاپ، ءبىز وسى ۇرپاقتىڭ ۇلەسىن قوسۋىمىز كەرەك“ دەدى.
بۇل − ارمان ءارى ساپار.
”بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىنىڭ ارقاسىندا، ءبىز جاپپاي دوڭگەلەك داۋلەتتى قوعامدى ءدال ۋاعىندا ورناتتىق، ءبىرىنشى 100 جىلدىق كۇرەس نىساناسىن جۇزەگە اسىردىق. قازىر ءبىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا تاسقىنداعان جىگەرمەن ارشىندى قادام تاستاپ، ەكىنشى 100 جىلدىق كۇرەس نىساناسىنا قاراي جورىق جاساپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدەمىز“. باس شۋجي شي جينپيڭ جاڭا كەزەكتى جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ مۇشەلەرىمەن بىرگە جۇڭگولىق، شەتەلدىك تىلشىلەرمەن كەزدەسكەندە وسىنى ايبىنمەن جاريالادى.
بۇل − جوبا ءارى دابىل.
ارمانعا ۇمتىلۋ قادامى بارعان سايىن نىعايا ءتۇستى: 2035 - جىلعا بارعاندا سوتسياليستىك وسىزامانداندىرۋدى نەگىزىنەن جۇزەگە اسىرۋ؛ 2035 - جىلدان وسى عاسىردىڭ ورتاسىنا دەيىن تاعى 15 جىل كۇرەس جۇرگىزىپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ.
ارماندى ورىنداۋدىڭ جولى بارعان سايىن ايقىندالا ءتۇستى: جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ − حالىق سانى وراسان زور كولەمدەگى وسىزامانداندىرۋ، جالپى حالىق بىرگە باييتىن وسىزامانداندىرۋ، ماتەريالدىق وركەنيەت پەن رۋحاني وركەنيەتتى ءوزارا سايكەستىرەتىن وسىزامانداندىرۋ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، بەيبىت دامۋ جولىمەن جۇرەتىن وسىزامانداندىرۋ.
بۇل − سەنىم، ونان دا ماڭىزدىسى، نانىم.
”ەكونوميكانىڭ جوعارى ساپالى دامۋىندا تىڭ سەرپىلىسكە قول جەتكىزۋ“، ”رەفورما جاساۋ، ەسىك اشۋدا تىڭ قادامدار باسۋ“، ”جالپى بارىستىق حالىق دەموكراتياسىنىڭ تۇزىمدەنۋ، ارنايىلانۋ، تارتىپكە ءتۇسۋ ورەسىن ونان ارى جوعارىلاتۋ“، ”تۇرعىندار كىرىسىنىڭ ارتۋى مەن ەكونوميكالىق ارتۋدى نەگىزىنەن بىردەيلەندىرۋ“، ”قالا مەن اۋىلدىڭ قونىس ورتاسىن كورنەكتى جاقسارتۋ“... الداعى 5 جىلدا، جاڭا جورىقتاعى ءاربىر نىسانا حالىقتىڭ تىلەگىن ارقالاپ وتىر.
گۋاڭشي جۋاڭزۋ اۆتونوميالى رايونى ساڭۋ اۋدانى ليۋباۋ قالاشىعى شانپيڭ قىستاعىنداعى ياۋزۋ جۇرتشىلىعى ارايلى كۇننىڭ شۇعىلاسى استىندا شاي باقشاسىنداعى الاڭقايعا جينالدى. پارتيا 20 - قۇرىلتايىنىڭ ۋاكىلى، قىستاق پارتيا ياچەيكاسىنىڭ شۋجيى جۋ شۋەلان بەيجيڭنەن قايتىپ كەلگەن سوڭ، دەرەۋ اۋىلداستارعا پارتيا 20 - قۇرىلتايىنىڭ رۋحىنان ۇگىت لەكسيا جاسادى.
ول باس شۋجي شي جينپيڭنىڭ شايلى اۋىلداعى بۇقاراعا كوڭىل ءبولىپ وتىرعاندىعىن ايتتى ءارى ءوزىنىڭ جۇڭگو ۇلگىسىندەگى وسىزامانداندىرۋ جونىندەگى تۇسىنىگىن باياندادى. ”ءبىز، ءسوز جوق، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، باس شۋجي شي جينپيڭ نۇسقاعان بەتالىسپەن العا ىلگەرىلەپ، اۋىل - قىستاقتى گۇلدەندىرۋدى اناعۇرلىم جاقسى ىلگەرىلەتىپ، بىرگە بايۋدى جۇزەگە اسىرۋىمىز كەرەك“.
كونۆەرتتەن، پوچتا جولىنان، بەكەتتەن توعىسۋعا، جاسىل بولۋعا، ەنەرگيا ۇستەۋگە دەيىن، ”90 - جىلداردىڭ تۇلەگى“ اقىن ۋاڭ ىردۇڭ جەدەل جولداما تاقىرىبىنداعى العاشقى «جەدەل جولداما جۇڭگو» دەگەن ولەڭدەر جيناعى ارقىلى داۋىرگە دەگەن قۇرمەتىن بىلاي ءبىلدىردى: ”ءداۋىردىڭ اسقاق ۇنىمەنەن، نىق باسىپ كەلەد قادامىمىز، تەزدەتسەك سول قارقىندى، وتاننىڭ سامعار قاناتى ءبىز“.
سانشي تايگاڭ توبى تاتتانباس بولاتتى سۋىتىپ شىڭاۋ زاۆودىنىڭ ۇلاستىرىپ شىڭاۋ جۇمىس اۋماعىندا، پارتيا 20 - قۇرىلتايىنىڭ ۋاكىلى، بانجاڭ نيۋ گودۇڭ قىزمەتتەستەرىن باستاپ، كۇندى تۇنگە جالعاپ تەحنيكادان قامال الۋ جۇمىسىن ورىستەتۋدە.
”جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، حالىقتىڭ جاسامپازدىق ۇلى كۇشىن تولىق ساۋلەلەندىرۋ كەرەك“. نيۋ گودۇڭ بىلاي دەدى: ”ءبىز پارتيا 20 - قۇرىلتايىنىڭ ورنالاستىرۋى بويىنشا، تۋراشىلدىقتان اينىماي، جاڭالىق اشىپ، اسقاق جىگەرمەن قايراتتانا ۇمتىلىپ، جۇڭگو ۇلگىسىندەگى وسىزامانداندىرۋعا ۇلەسىمىزدى قوسامىز“!
بەيجيڭدە پارتيانىڭ 20 - قۇرىلتايىنا قاتىناسىپ جاتقان كەزىندە، ول ۋاكىلدەرگە تايگاڭدىقتاردىڭ ماقتان تۇتقان جوعارى، نازىك، وزىق ءونىمى − قالىڭدىعى نەبارى 0.02 ميلليمەتر كەلەتىن، قولمەن جىرتۋعا بولاتىن بولاتتى كورسەتتى، بۇل ءونىمدى وندىرۋدە 700 نەشە رەت تاجىريبە جاسالدى، 452 تەحنولوگيالىق قيىن ماسەلەدەن، 175 جابدىق قيىن ماسەلەسىنەن قامال الىندى.
جاي كوزگە قاراپايىم كورىنگەنىمەن، كەرەمەتى ەرەك - تى، ىسكە اسىرۋ وڭاي سەزىلگەنىمەن، ماشاقاتى بولەك - تى. باس شۋجي شي جينپيڭ بىلاي دەپ تەرەڭ اتاپ كورسەتتى: ”جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسى مەن جۇڭگو حالقىنىڭ ۇزاق ۋاقىتتىق امالياتتىق ىزدەنىسىنىڭ جەمىسى، ۇلى دا جاپالى ءىس. جاپالى بولعاندىعى سەبەپتى ۇلى، جاپالى بولعاندىعى سەبەپتى اناعۇرلىم داڭقتى“.
وزگەشە ايرىقشا 10 جىلداعى تاريحي تابىستاردى، تاريحي وزگەرىستەردى كوزىمىزبەن كورە وتىرىپ، ءبىز پارتيانىڭ شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىرۋى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرۋى بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەگەندىگىن، مۇنىڭ جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋىنىڭ تاريحي ۇدەرىسىن ىلگەرىلەتۋدە شەشۋشى مانگە يە ەكەندىگىن شىن مانىندە تانىدىق.
دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا، ءبىز تاعى دا اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنان وتۋگە دايىندالۋىمىز كەرەك.
”تەك پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيانىڭ باسشىلىعىن پارتيا مەن مەملەكەت ىستەرىنىڭ ءار سالاسىندا، ءار جاعىندا، ءار بۋىنىندا تياناقتاندىرعاندا عانا، جۇدىرىقتاي جۇمىلعان، مىزعىماس بەرىك مىعىم نەگىزگە يە بولا الامىز“. جۇڭگو قوعامدىق عىلىمدار اكادەمياسى ساياسي ءىلىم زەرتتەۋ ورنىنىڭ باستىعى، جۇڭگو ساياسي ءىلمي قوعامىنىڭ ۇنەمىلىك ىستەرگە جاۋاپتى ورىنباسار باستىعى جاڭ شۋحۋا بىلاي دەدى: ءبىز سانالى تۇردە شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانامىزدى قارۋلاندىرىپ، امالياتقا جەتەكشىلىك ەتىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ ادالدىقپەن امالياتتا ايگىلەپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىمىز كەرەك.
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىندە «گۇلدەنۋ جازبالار قامباسىنىڭ» كورمە سورەسى الدىندا، ادامدار كوپكە دەيىن ايالداپ، ەندى عانا باسپادان شىققان وسى كولەمدى تاريحي حۇجاتتار جيناعىن زەر سالا كوردى.
”گۇلدەنۋ جولىن جاپپاي ەستەلىككە الىپ، گۇلدەنۋ جولىنا شىنايى كۋا بولدى“. 90 جاستان اسقان، «گۇلدەنۋ جازبالار قامباسىنىڭ» باس نەگىزگى رەداكتورى جين چۇڭجي: جاڭا داۋىردەگى جاڭا جورىقتا ءبىز تاريحتان اقىل - پاراسات جانە كۇش - قۋات قابىلداۋدى اناعۇرلىم قاجەت ەتەمىز، - دەدى.
”جاڭا جورىق داڭق پەن ارمانعا تولى ۇزاق جورىق“. بۇگىنگى ارقىلى وتكەندى ەسكە العاندا، باس شۋجي شي جينپيڭنىڭ ءسوزى ايبىندى بولدى: ”ءبىز اسقاق جىگەرمەن قايراتتانا ۇمتىلىپ، ەرلىكپەن العا ىلگەرىلەپ، اناعۇرلىم شۇعىلالى بولاشاق جاراتۋعا قۇلشىنۋىمىز كەرەك“.
اسقاق سەزىممەن جاڭا تاريحي باستامادا تۇرعان ءبىزدىڭ مىناعان سەنىمىمىز كامىل −
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى باردا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ شۇعىلالى جەتەكشىلىگى باردا، جۇڭگو ارمانىنىڭ بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق ەركى مەن رۋحاني كۇشىن كەڭىنەن ۇيىستىرۋى باردا، ءبىز، ءسوز جوق، اناعۇرلىم ۇلى جەڭىسكە جانە داڭققا قول جەتكىزە الامىز، ءسوز جوق، جاپپاي سوتسياليستىك وسىزاماندانعان مەملەكەت قۇرۋ سىندى تاريحي ۇلى ارماندى ورىنداي الامىز، ءسوز جوق، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرا الامىز!
(تىلشىلەر ۋ جيڭ، رىن چينچين، شۇي جۋاڭ، دۇڭ بوتيڭ)
(شينحۋا اگەنتتىگىنىڭ 11 - ايدىڭ 28 - كۇنى بەيجيڭنەن بەرگەن حابارى)