ٴماجىلىس مايدانىنان كورىنىس.                                        ليۋ چىڭگاڭ فوتوسى

تىلشىلەرىمىز حۋاڭ جيڭ، ليۋ چىڭگاڭ حابارلايدى. 11 - ايدىڭ 29 - كۇنى ىلە وبلىسى پارتكومنىڭ قىزمەت ٴماجىلىسىن اشىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دۇرىس دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ٴۇشىنشى، بەسىنشى، التىنشى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ جاڭا جورىعىندا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ٴومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭنىڭ ىلە تاراۋىن جازۋعا كۇش سالدى.

وبلىستىق پارتكومنىڭ شۋجيى پۋ شۋەمەي ماجىلىسكە قاتىناستى ٴارى ٴسوز سويلەدى. وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى ٴماجىلىستى باسقاردى.

ماجىلىستە بىلاي دەپ اتاپ كورسەتىلدى: پارتيا 20 - قۇرىلتايى − تۋدى بيىك ۇستاپ، كۇش - قۋاتتى شوعىرلاندىرعان، ىنتىماقتاسا ەكپىندەي ىلگەرىلەگەن قۇرىلتاي، پارتيا مەن مەملەكەت ىستەرىنىڭ دامۋ ۇردىسىندە اسا ماڭىزدى تاريحي مانگە، بەلەستىك مانگە يە. اۆتونوميالى رايوندىق پارتكوم پارتيا 20 - قۇرىلتايىنىڭ رۋحىن ۇيرەنۋگە، ۇگىتتەۋگە، دايەكتىلەندىرۋگە وسكەلەڭ ٴمان بەرىپ، اۆتونوميالى رايوندىق 10 - كەزەكتى پارتكومنىڭ التىنشى جالپى ٴماجىلىسىن ارناۋلى اشىپ، جاپپاي ورنالاستىرۋ جاسادى. بۇكىل وبلىستاعى ٴار دارەجەلى پارتيا ۇيىمدارى مەن بارشا پارتيالى كادرلار ساياسي دەڭگەيدى شىنايى جوعارىلاتىپ، اۆتونوميالى رايوندىق 10 - كەزەكتى پارتكوم التىنشى جالپى ٴماجىلىسىنىڭ ورنالاستىرۋلارى مەن تالاپتارى بويىنشا پارتيا 20  - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى ماڭداي الدى ساياسي مىندەت ەتىپ، جان - جاقتى، جۇيەلى ۇيرەنۋ، يگەرۋ، كەڭ كولەمدە ىشكەرىلەي ۇگىتتەۋ، ۇگىت - لەكسيا جاساۋ، ٴىس جۇزىندىكپەن ۇشتاستىرىپ دايەكتىلەندىرۋ، تياناقتاندىرۋ جاعىنا ۇزدىكسىز كۇش سالىپ، ۇيرەنۋدى، وي جۇگىرتۋدى، قولدانۋدى ساباقتاستىرىپ، تانىمدى، سەنىمدى، ارەكەتتى بىرلىككە كەلتىرىپ، پارتيا 20 - قۇرىلتايى رۋحىنىڭ ىلەدە تياناقتانىپ تامىر تارتۋىن، جاقسى ونىمدىلىك جاراتۋىن ۇزدىكسىز ىلگەرىلەتۋى كەرەك.

ماجىلىستە بىلاي دەپ باسا دارىپتەلدى: پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋدە ەڭ ٴتۇبىرلىسى − «ەكىنى تۇراقتاندىرۋدى» باتىل قولداۋ، «ەكىنى قورعاۋدى» باتىل ورىنداۋ. «ەكىنى تۇراقتاندىرۋ» − پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى، پارتيا مەن مەملەكەت ىستەرىندە تاريحي تابىستارعا قول جەتكىزۋدى ىلگەرىلەتىپ، تاريحي وزگەرىستەر تۋدىراتىن شەشۋشى فاكتور، پارتيانىڭ بارلىق تۇراقسىزدىقتارعا توتەپ بەرۋىندەگى ەڭ ۇلكەن تۇراقتىلىعى، ەڭ ۇلكەن سەنىمى، ەڭ ۇلكەن كەپىلى. ٴبىز «ەكىنى تۇراقتاندىرۋدىڭ» شەشۋشى ٴمانىن تەرەڭ ٴتۇسىنىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى باستان - اياق ساقتاۋىمىز كەرەك.

ماجىلىستە بىلاي دەپ اتاپ كورسەتىلدى: پارتيا 20 - قۇرىلتايىندا ورنالاستىرىلعان ٴتۇرلى ستراتەگيالىق مىندەتتەر مەن كەلەلى شارالاردى جاپپاي تياناقتاندىرىپ، اۆتونوميالى رايوندىق 10 - كەزەكتى پارتكومنىڭ التىنشى جالپى ماجىلىسىندە عىلمي بەلگىلەنگەن نەگىزگى نىسانا - مىندەتتەر بويىنشا ىلەنىڭ بۇكىل شينجياڭداعى ستراتەگيالىق ورنىن اناعۇرلىم ايقىنداپ، ازيا − ەۆروپا التىن ارنا تورابىن جانە باتىسقا ەسىك اشۋداعى ماڭىزدى تەرەزەنى، جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەگىن، شينجياڭنىڭ ەنەرگيا بايلىعىن جاسىل، جوعارى ٴونىمدى اشۋداعى، پايدالانۋداعى ماڭىزدى بازانى، مەملەكەتتىڭ وسى زامانعى اۋىل شارۋاشىلىعىنان ۇلگى كورسەتۋ رايونىن جانە مەملەكەتتىڭ جاسىل، ورگانيكالى مال شارۋاشىلىق ونىمدەرىن ٴوندىرۋ بازاسىن، الەمدىك ساياحاتتىڭ كوزەۋلى ورنىن، شينجياڭنىڭ باتىس بولەگىنىڭ وڭىرلىك حاۋىپسىزدىگى مەن وتانىمىزدىڭ باتىس سولتۇستىگىندەگى ەكولوگيا مەن حاۋىپسىزدىگىن قورعايتىن ستراتەگيالىق قالتقىسىن بار كۇشپەن قالىپتاستىرۋ كەرەك.

ٴبىرىنشى، مەملەكەتتى جاپپاي زاڭمەن باسقارۋ جانە شينجياڭدى زاڭمەن باسقارۋ تالابىن ىشكەرىلەي تياناقتاندىرىپ، زاڭمەن باسقارىلاتىن ىلەنى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ٴبىر تۇلعالاندىرىپ قۇرۋدى ىلگەرىلەتىپ، زاڭ - ەرەجەنى عىلمي شىعارۋدى، زاڭدى قاتاڭ اتقارۋدى، ٴادىليادا ٴادىل بولۋدى، جالپى حالىق زاڭعا بويسۇنۋدى ىلگەرىلەتىپ، ٴار دارەجەلى باسشى كادرلار باستاماشىلدىقپەن زاڭدى قۇرمەتتەۋدى، زاڭدى ۇيرەنۋدى، زاڭعا بويسۇنۋدى، زاڭدى قولدانۋدى ىلگەرىلەتىپ، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ٴتيىمدى بولۋ سىندى قامتاماسىزدىق رولىن اناعۇرلىم ويداعىداي ساۋلەلەندىرۋ كەرەك.

ەكىنشى، جالپى تۇلعالىق مەملەكەت حاۋىپسىزدىگى كوزقاراسىن بۇلجىتپاي دايەكتىلەندىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتىپ، زاڭ بويىنشا قاتاڭ سوققى بەرۋدىڭ تەگەۋرىندى كۇيىن مىزعىماي ساقتاپ، ورنىقتىلىقتى قورعاۋ شارالارىن جەرگىلىكتى جاعدايعا قاراي، تۇرگە ٴبولىپ، تارتىپپەن ساپالىلاندىرىپ، ەلەۋلى حاۋىپ - قاتەرلەر مەن جۇيەلى حاۋىپسىزدىك حاۋىپ - قاتەرلەرىنەن ساقتانۋ جانە ونى جويۋدى ٴبىر تۇتاس جوسپارلاپ، شينجياڭ حيكاياسىن، ىلە حيكاياسىن باتىلدىقپەن ويداعىداي اڭگىمەلەپ، مەملەكەتتىڭ حاۋىپسىزدىگى مەن ىلەنىڭ قوعامدىق جالپى جاعدايىنىڭ ورنىقتىلىعىن باتىل قورعاۋ كەرەك. 

ٴۇشىنشى، جۇڭحۋا ۇلتى ورتاق تۇلعا تانىمىن جاندى، اسەرلى، ٴونىمدى بەرىك ورناتىپ، ٴار ۇلت بۇقاراسىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، ٴولىم مەن ٴومىردى تەڭ كورەتىن تاعدىرلاس ورتاق تۇلعا تانىمىن بەرىك ورناتۋعا تاربيەلەپ، جەتەكتەپ، جاستار مەن وسپىرىمدەردىڭ «نەگىز قالاۋ» ينجەنەرياسىن جان - جاقتى، ىشكەرىلەي ىلگەرىلەتىپ، مەملەكەتتە ٴبىر تۇتاس قولدانىلاتىن ٴتىل - جازۋ تاربيەسىن جانە ونى جالپىلاستىرىپ قولدانۋدى جاپپاي ىلگەرىلەتىپ، ٴار ۇلتتىڭ ٴوزارا كىرىكپەلى قوعامدىق قۇرىلىم مەن الەۋمەتتىك اۋماق ورتاسىن قالىپتاستىرۋدى جەدەلدەتىپ، ۇلتتاردىڭ ارالاسۋىن، ىشتەسۋىن، توعىسۋىن ۇزدىكسىز تەرەڭدەتىپ، ۇلتتار ىنتىماعى، العاباسارلىعى ىستەرىن جاپپاي ىلگەرىلەتۋ كەرەك.

ٴتورتىنشى، شينجياڭدا ٴىسلام ٴدىنىن جۇڭگوشالاندىرۋدى ورنىقتى قاداممەن ىلگەرىلەتىپ، پارتيا، ۇكىمەت كادرلار قوسىنىن، ٴدىن سالاسىنداعى ۋاكىل - قايراتكەرلەر قوسىنىن، ٴدىن ٴىلىمىن زەرتتەۋشىلەر قوسىنىن ويداعىداي قۇرىپ، ٴسىلام ٴدىنىن جۇڭگوشالاندىرۋ بويىنشا ٴدىن تاعىلىمدارىن ٴتۇسىندىرۋ، بايانداۋ قىزمەتىن كۇشەيتىپ، زاڭ بويىنشا، بەلگىلەمە بويىنشا ٴدىن ىستەرىن باسقارۋ قابىلەتىن جوعارىلاتىپ، ٴدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك.

بەسىنشى، پارتيانىڭ يدەولوگيا قىزمەتىندەگى باسشىلىق ۇقىعىن، ىرىقتىلىق ۇقىعىن، ٴسوز  سويلەۋ ۇقىعىن مىقتاپ يگەرىپ، شىنايى مويىنداۋدى نىعايتۋدى نىسانا ەتىپ شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، جۇڭحۋا ۇلتتارىنا ورتاق رۋحاني مەكەن قۇرىپ، ٴار ۇلت كادرلارى مەن بۇقاراسىنىڭ ىنتىماقتاسا كۇرەس جۇرگىزەتىن ورتاق يدەيالىق نەگىزىن بەكەمدەۋ كەرەك.

التىنشى، جاڭا دامۋ ۇستانىمىن تولىق، دالمە - ٴدال، جان - جاقتى دايەكتىلەندىرىپ، ىلەنىڭ بايلىق قاسيەتىن جانە رايون ورنى ابزالدىعىن تياناق ەتىپ، كومىر، كومىر - ەلەكتر، كومىر - حيميا ونەركاسىبى، مۇناي، مۇناي - حيميا ونەركاسىبى، جاسىل كەن كاسىبى، توقىماشىلىق، كيىم - كەشەك، زالالسىز جەمىس - جيدەك، كوكونىس، ورگانيكالى استىق - ماي، ساپالى مال شارۋاشىلىق ونىمدەرى، ستراتەگيالىق جاڭادان گۇلدەنگەن كاسىپتەر سياقتى 8 ٴىرى ابزالدىققا يە كاسىپ سالاسى شوعىرىن كۇش سالا دامىتىپ، ونەركاسىپتىڭ نەگىزىن كۇشەيتۋدى، ونىمدىلىگىن ارتتىرىپ، تيپىن وزگەرتۋدى، دارەجەسىن جوعارىلاتۋدى ىلگەرىلەتىپ، ساپالى دا جوعارى ٴونىمدى وسى زامانعى قىزمەت وتەۋ كاسىبىن دامىتىپ، وسىزاماندانعان نەگىزدىك قۇرىلعى جۇيەسىن قالىپتاستىرىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، ادامدى وزەك، اۋداندى ماڭىزدى دانەكەر ەتكەن قالا - قالاشىقتاندىرۋدى جەدەل ىلگەرىلەتىپ، جاڭا دامۋ جاعدايىن قالىپتاستىرۋ بارىسىندا جوعارى ساپالى دامۋدى ىلگەرىلەتۋ كەرەك.

جەتىنشى، جوعارى دەڭگەيدەگى سىرتقا ەسىك اشۋدى كۇش سالا ىلگەرىلەتىپ، «ەكى ٴتۇرلى بايلىق، ەكى بازاردان» ويداعىداي پايدالانىپ، اناعۇرلىم ىرىقتى ەسىك اشۋ ستراتەگياسىن اتقارىپ، جۇڭگو (شينجياڭ) ەركىن ساۋدا سىناق رايونىنىڭ قورعاس شاعىن رايونىن قۇرۋدى ٴوتىنىش ەتۋ قىزمەتىن بار كۇشپەن ىلگەرىلەتىپ، اۆتونوميالى رايوننىڭ «بەس ٴىرى ورتالىق» قۇرىلىسىمەن بەلسەنە توعىسىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالاپ، جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەكتىك قۇرىلىسىن جەدەل ىلگەرىلەتۋ كەرەك.

سەگىزىنشى، عىلىم - تەحنيكا، وقۋ - اعارتۋ ارقىلى وبلىستى گۇلدەندىرۋ ستراتەگياسىن ىشكەرىلەي اتقارىپ، وقۋ - اعارتۋدىڭ جوعارى ساپالى دامۋىن كۇش سالا ىلگەرىلەتىپ، جاڭالىق اشۋ ارقىلى دامۋعا دەم بەرۋ ستراتەگياسىن جەدەل اتقارىپ، وبلىستى دارىندىلار ارقىلى قۇدىرەتتەندىرۋ ستراتەگياسىن ىشكەرىلەي اتقارىپ، وقۋ - اعارتۋدىڭ، عىلىم - تەحنيكانىڭ، دارىندىلاردىڭ نەگىزدىك، ستراتەگيالىق تىرەكتىك رولىن ساۋلەلەندىرىپ، ىلەنىڭ جوعارى ساپالى دامۋىنا جاڭا قوزعاۋشى قۋات توپتاۋ كەرەك. 

توعىزىنشى، حالىقتى بارىنەن جوعارى قويۋعا تاباندى بولىپ، جۇمىستاندىرۋدى قولداۋ جۇيەسىن، نەگىزگى الەۋمەتتىك قىزمەت وتەۋ جۇيەسىن، قوعامدىق قامتاماسىزداندىرۋ جۇيەسىن، ەمدەۋگە قىزمەت وتەۋ جۇيەسىن، الەۋمەتتىك حاۋىپسىزدىك جۇيەسىن اقاۋسىزداندىرىپ، كەمەلدەندىرىپ، حالىق تۇرمىسىنىڭ  قۇت - ىرىسىن ارتتىرۋ بارىسىندا ٴار ۇلت بۇقاراسىنىڭ تاماشا تۇرمىسقا دەگەن  تالپىنىسىن جۇزەگە اسىرۋ كەرەك. 

ونىنشى، تاۋ، سۋ، ورمان، اتىز، كول، جايلىم، قۇمدىقتى ٴبىر تۇلعالاندىرىپ قورعاۋعا جانە جۇيەلى باسقارۋعا تاباندى بولىپ، سۋ ۇنەمدەۋ، سۋ ساقتاۋ، سۋ بايلىعىن جايعاستىرۋدى ويداعىداي ىستەپ ٴبىر تۇتاس جوسپارلاپ، لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزىپ، ەكولوگيانى قورعاۋ مەن قالپىنا كەلتىرۋدى جۇيەلى كۇشەيتىپ، دامۋ ٴتاسىلىنىڭ جاسىل  تيپكە ويىسۋىن جەدەلدەتىپ، اسپانى اشىق، تاۋى جاسىل، سۋى تۇنىق كورىكتى ىلە قۇرۋ كەرەك.

ون ٴبىرىنشى، ٴار دارەجەلى ۇيىمدار مەن قۇرىلىمداردى قۇرۋدى جانە فۋنكتسيالىق ورنالاستىرۋدى ساپالىلاندىرىپ، قوعامدىق باسقارۋ جۇيەسى مەن نەگىزگى ساتىنى باسقارۋ قىزمەتىنىڭ اينالىم مەحانيزمىن كەمەلدەندىرىپ، باسقارۋ جۇيەسى مەن باسقارۋ قابىلەتىن وسىزامانداندىرۋدى بەلسەنە ىلگەرىلەتۋ كەرەك. 

ون ەكىنشى، جالپى بارىستىق حالىقتىق دەموكراتيانى بەلسەنە دامىتىپ، ٴار ۇلت، ٴار سالا قايراتكەرلەرىنىڭ ٴىس تىندىرۋ، ناتيجە جاراتۋ ىرىقتىلىعىن، جاسامپازدىعىن تولىق اتتانىسقا كەلتىرىپ، ساۋلەلەندىرىپ، ىلەنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ قۋاتتى بىرىككەن كۇشىن ۇيىستىرۋ كەرەك. 

ماجىلىستە بىلاي دەپ باسا دارىپتەلدى: جاڭا داۋىردەگى پارتيا قۇرىلىسىنىڭ جالپى تالابىن تياناقتاندىرىپ، «پارتيانى جاپپاي قاتاڭ باسقارۋ ماڭگى جالعاسادى، پارتيانىڭ وزىنە توڭكەرىس جاساۋى ماڭگى جالعاسادى» دەگەندى ەستە بەرىك ساقتاپ، پارتيانى ٴتۇزىم ارقىلى باسقارۋعا، پارتيانى ەرەجە ارقىلى باسقارۋعا تاباندى بولىپ، پارتيانىڭ ساياسى قۇرىلىسى ارقىلى پارتيا قۇرىلىسىنىڭ ٴتۇرلى قىزمەتتەرىنە ٴبىر تۇتاس باسشىلىق ەتىپ، پارتيانىڭ ساياسي ٴتارتىبى مەن ساياسي قاعيداسىن، اسىرەسە، بولشەكتەۋشىلىككە قارسى تۇرۋ كۇرەسىنىڭ ٴتارتىبىن قاتايتىپ، پارتيا ىشىندەگى ساياسي ەكولوگيانى ۇزدىكسىز تازارتۋ كەرەك. پارتيانىڭ يدەولوگيالىق قۇرىلىسىن جاپپاي كۇشەيتىپ، قالىڭ پارتيالى كادرلاردى پارتيانىڭ جاسامپاز نازارياسىمەن يدەيانى، ەرىك جىگەردى، ارەكەتتى بىرلىككە كەلتىرۋگە تاباندى بولۋعا تاربيەلەپ، جەتەكتەپ، ادال، كىرشىكسىز، جاۋاپكەرشىلىك ارقالايتىن، جوعارى ساپالى، ماماندانعان ٴار ۇلت كادرلار قوسىنىن كۇش سالا سومداۋ كەرەك. نەگىزگى ساتىنى مىقتى يگەرۋ مەن ادام تاڭداۋدىڭ، ادام ىستەتۋدىڭ دۇرىس، ايقىن بەتالىسىنا تاباندى بولىپ، نەگىزگى ساتى پارتيا قۇرىلىسى قىزمەتى جاۋاپكەرلىك ٴتۇزىمىن قاتاڭ تياناقتاندىرىپ، ٴار دارەجەلى پارتيا ۇيىمدارىنىڭ ساياسي يقۋاتى مەن ۇيىمدىق يقۋاتىن كۇشەيتىپ، نەگىزگى ساتى پارتيا ۇيىمدارىن پارتيانىڭ باسشىلىعىن ٴونىمدى جۇزەگە اسىراتىن بەرىك جاۋىنگەر قورعان ەتىپ قۇرىپ شىعۋ كەرەك. قاتاڭ بولۋ نەگىزگى اۋەنىنەن اۋىتقىماۋعا تاباندى بولىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالاندىرىپ ىلگەرىلەتۋگە تاباندى بولىپ، «ٴتورت ٴتۇرلى كۇيدى» جاپپاي پايدالانىپ، ورتالىقتىڭ 8 ٴتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ اتقارىپ، ستيل قۇرىلىسىنىڭ ۇدايىلانۋىن، ۇزاق ۋاقىت ٴونىمدى بولۋىن  ىلگەرىلەتۋ كەرەك.

ٴماجىلىس مىناعان ۇندەدى: شي جينپيڭ جولداستى ۇيىقتى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ دۇرىس باسشىلىعىندا، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال دايەكتىلەندىرىپ، تيتتەي دە بوساڭسىمايتىن رۋحاني كۇيمەن جانە العان بەتتەن قايتپايتىن كۇرەسكەرلىك بەينەمەن بىلەك سىبانا قايراتتانا ىستەپ، ٴبىر نيەتپەن ىنتىماقتاسىپ، العا باسىپ، ىلەنىڭ قوعام ورنىقتىلىعى مەن باياندى تىنىشتىعىنىڭ جاڭا جاعدايىن ۇزدىكسىز اشىپ، كورىكتى شينجياڭ قۇرۋدى جەدەلدەتۋگە، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە ىلەنىڭ اقىل - پاراساتى مەن كۇش - قۋاتىن ارنايىق. 

جاۋ تيانجيە، نياز اشىم، جياۋ ي - مين، سەرجان ۇعىباي ۇلى، ليۋ شينلي، كۇلان سەيپىلقان قىزى، حاۋ جيانمين، جۋ بين، شيە چياڭ، رازىبەك قامزا ۇلى، جياۋ شياۋفان، ٴنابيجان يبىرايىم، چىن شياڭ، ياڭ شينپيڭ قاتارلى وبلىس باسشىلارى، سونداي - اق وبلىسقا توتە قاراستى تاراۋلاردىڭ، ىلەدە تۇراتىن ورىنداردىڭ جاۋاپتىلارى ماجىلىسكە قاتىناستى. ٴماجىلىس تەلەۆيزور ـ تەلەفون ٴماجىلىسى فورماسىندا اشىلدى، ٴارقايسى اۋدان - قالادا  (شەكارا وتكەلى) بولىمشە ٴماجىلىس الاڭى ورنالاستىرىلدى.