汉文 ىلە اقپارات تورابىنا حوش كەلدىڭىزدەر!
كورىكتى شينجياڭنىڭ ىلە تاراۋىن جازۋعا قۇلشىندى
2022-12-01 11:09:47     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

− ىلە وبلىستىق پارتكومنىڭ قىزمەت ماجىلىسىنەن ەستەلىك

لۋ جۇڭ (ٴوز ٴتىلشىمىز)

ومىرشەڭدىك تاسقىنداعان ىلەنىڭ بايتاق دالاسىندا ارشىندى قاداممەن العا باسۋدىڭ تەلەگەي كۇشى تاسقىنداپ، گۇلدەنىپ دامۋدىڭ شەكسىز ٴۇمىتى تۇلعالاندى. 

ىلە وبلىسىندا جوعارىدان تومەنگە دەيىن پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ قىزۋ ورلەۋىن كوتەرگەن تۇستا، 11 - ايدىڭ 29 - كۇنى ىلە وبلىستىق پارتكومنىڭ قىزمەت ٴماجىلىسى اشىلدى. 

سول كۇنى ماجىلىسكە قاتىناساتىن جولداستار ٴماجىلىس زالىنا ەرتەمەن كەلىپ، ماتەريالدارعا مۇقيات كوز جۇگىرتىپ، ٴوز قىزمەت سالالارىنا ساياتىن مازمۇنداردى كورگەندە قالاممەن بەلگىلەپ وتىردى. 

ٴماجىلىس الاڭىنان قايراتتانا العا باسىپ، قۇلشىنا ىسكەرلىك كورسەتەتىن جىگەر - قايرات تاسقىندادى.

ماجىلىستە وبلىستىق پارتكومنىڭ شۋجيى پۋ شۋەمەي قىزمەتتەن بايانداما جاسادى، ماجىلىسكە قاتىناسقان جولداستار ٴبىر جاعىنان دەن قويا وي جۇگىرتىپ، ەندى ٴبىر جاعىنان باياندامانىڭ ٴتۇيىندى ورىندارىن سىزىپ وتىردى. كوپشىلىك ٴبىر اۋىزدان بىلاي دەپ قارادى: وبلىستىق پارتكومنىڭ قىزمەت ٴماجىلىسى − پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندە جۇيەلى جوبا، جالپى تۇلعالىق ورنالاستىرۋ جاساپ، جاپپاي اتتانىسقا كەلتىرىپ، يدەيانى ونان ارى بىرلىككە كەلتىرىپ، تانىمدى جوعارىلاتىپ، سەنىمدى بەكەمدەپ، كۇش - قۋاتتى ۇيىستىردى. وبلىستىق پارتكوم قىزمەت ٴماجىلىسىنىڭ رۋحىن تەز ارادا پارتيا 20 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ ناقتى شاراسىنا اينالدىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاستىرا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكانى، قوعامدى دامىتۋدى، دامۋدى جانە حاۋىپسىزدىكتى ٴبىر تۇتاس جوسپارلاپ، ىلەنىڭ باياندى تىنىشتىعىنا ساياتىن ٴتۇبىرلى، نەگىزدىك، ۇزاق بولاشاقتىق قىزمەتتەردى تىڭعىلىقتى ىلگەرىلەتىپ، پارتيا 20 - قۇرىلتايى رۋحىنىڭ ىلەدە تامىر تارتىپ، ونىمدىلىك كورسەتۋىن ىلگەرىلەتۋ كەرەك.  

پارتيا 20 ـ قۇرىلتايى − بۇكىل پارتيانىڭ، بۇكىل ەلدەگى ٴار ۇلت حالقىنىڭ جاپپاي سوتسياليستىك وسىزاماندانعان مەملەكەت قۇرۋدىڭ تىڭ جورىعىنا قادام تاستاعان، ەكىنشى 100 جىلدىق كۇرەس نىساناسىنا شەرۋ تارتقان شەشۋشى ساتتە اشىلعان، توتەنشە ماڭىزدى قۇرىلتاي بولىپ، پارتيا مەن مەملەكەتتىڭ دامۋى بارىسىندا توتەنشە كەلەلى تاريحي مانگە يە. پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ كەزەكتەگى جانە بۇدان بىلايعى ٴبىر مەزگىلدەگى ماڭداي الدى ساياسي مىندەت. «ەكىنى تۇراقتاندىرۋ» − پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى، پارتيانىڭ بارلىق تۇراقسىزدىققا توتەپ بەرۋىندەگى ەڭ ۇلكەن تۇراقتىلىعى، ەڭ ۇلكەن سەنىمى، ەڭ ۇلكەن كەپىلى. ماجىلىسكە قاتىناسقان جولداستار يدەيانى، قادامدى بىرلىككە كەلتىرۋى كەرەك. ٴبىز ساياسي ورەنى شىنايى جوعارىلاتىپ، پارتيا 20 ـ قۇرىلتايىنىڭ كەلەلى ٴمانىن جەتە تانىپ، پارتيا 20 ـ قۇرىلتايىنىڭ رۋحىمەن يدەيانى، ەرىك ـ جىگەردى، ارەكەتتى ٴبىر تۇتاس بىرلىككە كەلتىرۋىمىز كەرەك.

 «بۇل − ٴبىر جولعى قايراتتى تاسقىنداتقان، بەتالىستى ايقىنداعان، تياناقتاندىرۋدى يگەرگەن ٴماجىلىس. ٴماجىلىس پارتيا 20 ـ قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندە جان ـ جاقتى، ىشكەرىلەي ورنالاستىرۋ جاسادى، ٴبىز <ەكىنى تۇراقتاندىرۋدىڭ> شەشۋشى ٴمانىن تەرەڭ ٴتۇسىنىپ، <ەكىنى قورعاۋدى> ناقتى ارەكەتتە باتىل ايگىلەپ، ساياسي تۇجىرىم جاساۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن ۇزدىكسىز كۇشەيتۋىمىز كەرەك. وبلىستىق پارتكوم پارتيا مەكتەبى وزىندىك ابزالدىلىقتى ساۋلەلەندىرىپ، ۇگىت - لەكسيا ۇيىرمەسىن ۇيىمداستىرىپ، وبلىسقا توتە قاراستى اۋدان - قالالارعا بارىپ، پارتيا 20 - قۇرىلتايىنىڭ رۋحى جونىندە ۇگىت - لەكسيا جاساپ، پارتيا 20 - قۇرىلتايىنىڭ رۋحىن ناقتى ۇعىندىرىپ، بارشا پارتيالى كادرلار مەن ٴار ۇلت بۇقاراسىن سەنىمدى بەكەمدەۋگە، ٴبىر نيەت، ٴبىر تىلەكتە بولىپ، قاجىرلىلىقپەن ىستەۋگە، ەرلىكپەن العا باسۋعا جەبەدى» دەدى ىلە وبلىستىق پارتكوم پارتيا مەكتەبىنىڭ (اكىمشىلىك شۋەيۋانى) ۇنەمىلىك ىستەرگە جاۋاپتى ورىنباسار باستىعى چاي گۇيپيڭ.

ىلە وبلىستىق پارتكومنىڭ قىزمەت ماجىلىسىندە بىلاي دەپ اتاپ كورسەتىلدى: ورىننىڭ، بايلىقتىڭ، ساياساتتىڭ جالپىلىق ابزالدىلىعىن تولىق ساۋلەلەندىرىپ، ازيا - ەۆروپا التىن ارناسىن جانە باتىسقا ەسىك اشۋدىڭ ماڭىزدى تەرەزەسىن، جىبەك جولى ەكونوميكالىق بەلدەۋى وزەكتى رايونىنداعى ماڭىزدى ٴتۇيىندى كۇش سالا قالىپتاستىرىپ، شينجياڭنىڭ ەنەرگيا بايلىعىن جاسىل، جوعارى ٴونىمدى اشىپ پايدالاناتىن ماڭىزدى بازانى، مەملەكەت بويىنشا وسىزاماندانعان اۋىل شارۋاشىلىعىنان ۇلگى كورسەتۋ رايونىن جانە مەملەكەت بويىنشا جاسىل، ورگانيكالى مال شارۋاشىلىق ونىمدەرىن ٴوندىرۋ بازاسىن، دۇنيە جۇزىلىك دەڭگەيدەگى ساياحات كوزەۋلى ورنىن، شينجياڭنىڭ باتىس بولەگىنىڭ وڭىرلىك حاۋىپسىزدىگىن جانە وتاننىڭ باتىس سولتۇستىك بولەگىنىڭ ەكولوگيالىق حاۋىپسىزدىگىن قورعايتىن ستراتەگيالىق قالتقىنى قالىپتاستىرۋ كەرەك...

ورنالاستىرۋ ٴبىر ۇلەس بولسا، توعىز ۇلەسى تياناقتاندىرۋدا. ۇلى جوبا جاسالىپ بولدى، ماڭىزدىسى، ىسكە كىرىسۋدى ماڭداي الدى ورىنعا قويىپ، جوبانى بىرتىندەپ رەالدىققا اينالدىرۋدا.

«ٴماجىلىس ادامدى جەلپىندىرىپ، ەكپىندەي ىلگەرىلەۋگە جىگەرلەندىرىپ، ٴبىزدىڭ بولاشاققا دەگەن سەنىمىمىزدى نىعايتتى». وبلىستىق وداق كوميتەتى پارتيا باسشىلىق گرۋپپاسىنىڭ مۇشەسى، وداق كوميتەتىنىڭ ورىنباسار شۋجيى پاريدا ابىلبەك قىزى بىلاي دەدى: «ٴبىز وبلىستىق پارتكومنىڭ قىزمەت ماجىلىسىندە العا قويىلعان جاڭا ورنالاستىرۋ، جاڭا تالاپتارىنا ساي، بورىش پەن جاۋاپكەرشىلىك ارقالاۋدى، جۇڭحۋا ۇلتى ورتاق تۇلعا تانىمىن ٴار ۇلت جاستارى مەن ورەندەرىنىڭ جۇرەگىنە تەرەڭ ۇيالاتامىز».

جوبا جاسالدى، دابىل قاعىلدى، جاڭا جورىق − داڭق پەن ارمانعا تولى ۇزاق جورىق. كوپشىلىك جارىسا مىنالاردى ٴبىلدىردى: دەرەۋ اتتانىسقا كەلىپ، پارتيانىڭ 20 - قۇرىلتايىندا جاسالعان كەلەلى شەشىمدەر مەن ورنالاستىرۋلاردى نىق قاداممەن ارەكەتتە ايگىلەپ، ونىمدىلىك كورسەتىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، تىنىش ٴومىر، شات - شادىمان تىرشىلىك كەشىرگەن، ەكولوگياسى تاماشا شينجياڭنىڭ ىلە تاراۋىن قۇلشىنا جازامىز.