汉文 ىلە اقپارات تورابىنا حوش كەلدىڭىزدەر!
شي جينپيڭ لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇنمەن كەڭەس وتكىزدى
2022-12-02 10:44:03     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

  11 - ايدىڭ 30 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭ حالىق سارايىندا لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇنمەن كەڭەس وتكىزدى.

   سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن

11 - ايدىڭ 30 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭ حالىق سارايىندا لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇنمەن كەڭەس وتكىزدى.

   سۋرەتتى شينحۋا اگەنتتىگىنىڭ ءتىلشىسى جاڭ ليڭ تۇسىرگەن

شينحۋا اگەنتتىگىنىڭ 11 - ايدىڭ 30 - كۇنى بەيجيڭنەن بەرگەن حابارى. 11 - ايدىڭ 30 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حالىق سارايىندا لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇنمەن كەڭەس وتكىزدى. ەكى جاق مىنالاردى باسا دارىپتەدى: ”ۇزاق ۋاقىت ورنىقتى، تاتۋ كورشى بولۋ، ءوزارا سەنۋ، جان - جاقتى سەلبەسۋ“ باعىتىن جانە ”جاقسى كورشى، جاقسى دوس، جاقسى جولداس، جاقسى سەرىك“ رۋحىن ۇستانىپ، ساياسي جاقتا ءوزارا قۇرمەتتەپ، ءوزارا سەنىپ، ەكونوميكالىق جاقتا ءوزارا تيىمدىلىك، پايدا جەتكىزىپ، گۋمانيتارلىق جاقتا ءوزارا ءتۇسىنىسىپ، ەتەنە بولىپ، جۇڭگو مەن لاوستىڭ تاعدىرلاس ورتاق تۇلعاسى قۇرىلىسىن ۇزدىكسىز تەرەڭدەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەندى قۇلشىنىس جاساۋ جانە ۇلەس قوسۋ كەرەك.

شي جينپيڭ، اۋەلى، مىنالاردى ءبىلدىردى: جياڭ زىمين جولداس اۋرۋ سەبەبىنەن قۇتقارۋ ءونىم بەرمەي، بۇگىن شاڭحايدا قايتىس بولدى. جياڭ زىمين جولداس جۇڭگو پارتياسى، ارمياسى جانە ءار ۇلت حالقى جاپپاي مويىنداعان اسقاق بەدەلگە يە ۇزدىك باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ىستەرىنىڭ تاڭداۋلى باسشىسى، جۇڭگو كوممۋنيستىك پارتياسىنىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيتقىسى، ”ۇشكە ۋاكىلدىك ەتۋ“ ماڭىزدى يدەياسىنىڭ باستى جاراتۋشىسى. ءبىز جياڭ زىمين جولداسقا قايعىلى ازا بىلدىرەمىز، قايعىنى قايراتقا جەڭدىرىپ، جۇڭگو كوممۋنيستىك پارتياسى 20 - قۇرىلتايىنىڭ ورنالاستىرۋى بويىنشا، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەمىز.

تۇڭلۇن جياڭ زىمين جولداستىڭ قايتىس بولعاندىعىنا قايعىلى ازا ءبىلدىردى. ول مىنالاردى ءبىلدىردى: بۇل جۇڭگو پارتياسى مەن حالقىنىڭ وراسان زور جوعالتۋى، لاوس پارتياسى مەن حالقى دا بۇعان قايعىرادى. جياڭ زىمين جولداس پارتيا مەن مەملەكەتتىڭ نەگىزگى باسشىسى بولعان مەزگىلدە جۇڭگو حالقىن باستاپ، ماڭىزدى دامۋ جەتىستىكتەرىنە قول جەتكىزىپ، جۇڭگوشا سوتسياليزم ىستەرىنە ماڭىزدى ۇلەس قوستى. جياڭ زىمين جولداس لاوس پارتياسى مەن حالقىنىڭ جاقىن دوسى، 2000 - جىلى لاوسقا ساپارلاي بارعان كەزىندە ”16 ارىپتىك باعىتتى“ العا قويىپ، لاوس - جۇڭگو قارىم - قاتىناسىنىڭ دامۋىندا ماڭىزدى جەتەكشىلىك رول اتقاردى. لاوس پارتياسى، ۇكىمەتى جانە حالقى جۇڭگولىق جولداستارمەن بىرگە، لاوس پەن جۇڭگونىڭ دوستىق ىستەرىن ۇزدىكسىز العا ىلگەرىلەتەدى.

شي جينپيڭ مىنالاردى ءبىلدىردى: بىلتىردان بەرى مەن باس شۋجي تۇڭلۇن جولداسپەن كوپ ءتۇرلى ءتاسىل ارقىلى ءجيى سويلەسىپ، جۇڭگو − لاوس قارىم - قاتىناسىن دامىتۋ جانە تاعدىرلاس ورتاق تۇلعا قۇرىلىسى جونىندە كوپتەگەن ماڭىزدى ورتاق تانىمعا كەلدىك. مەن باس شۋجي تۇڭلۇن جولداسپەن بىرگە جۇڭگو - لاوس تاعدىرلاس ورتاق تۇلعا قۇرىلىسىنىڭ تەرەڭدەۋىنە، ناقتىلانۋىنا، ورنىقتى قاداممەن الىسقا جەتۋىنە جەتەكشىلىك ەتىپ، ەكى ەل حالىقتارىن اناعۇرلىم ويداعىداي باقىتقا كەنەلتىپ، وسى ءوڭىردىڭ بەيبىتشىلىگىن، ورنىقتىلىعىن، دامۋىن، گۇلدەنۋىن جەبەۋدى قالايمىن.

شي جينپيڭ جۇڭگو كوممۋنيستىك پارتياسى 20 - قۇرىلتايىنىڭ نەگىزگى جاعدايىن تانىستىرىپ مىنالاردى ءبىلدىردى: جۇڭگو كوممۋنيستىك پارتياسىنىڭ 20 - قۇرىلتايى ماركسيزمنىڭ جۇڭگوشالانۋىنىڭ، زامانالانۋىنىڭ تىڭ ءورىسىن اشۋ سياقتى كەلەلى ماسەلەلەردى بايانداپ، جاڭا ءداۋىردىڭ جاڭا جورىعىنداعى جۇڭگو كوممۋنيستىك پارتياسىنىڭ بورىشى مەن مىندەتىن العا قويىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ كەرەكتىگىن باسا دارىپتەدى. جۇڭگو كوممۋنيستىك پارتياسى 100 جىلدىق كۇرەس بارىسىن باستان كەشىردى، ەندى تاعى جاڭا ەمتيحان تاپسىرۋ جولىنا قادام قويدى. بىزدە تىڭ دا اناعۇرلىم زور تابىس جاراتىپ، جۇڭگو كوممۋنيستىك پارتياسىنىڭ 20 - قۇرىلتايى تۇراقتاندىرعان نىسانالار مەن مىندەتتەردى ءساتتى جۇزەگە اسىراتىن سەنىم دە، قابىلەت تە بار.

شي جينپيڭ مىنالاردى ءبىلدىردى: لاوس حالىق توڭكەرىستىك پارتياسىنىڭ 11 - قۇرىلتايىنان بەرى، كۇردەلى دە الماعايىپ حالىقارا، ەل ءىشى جاعدايى الدىندا، لاوس حالىق توڭكەرىستىك پارتياسى ورتالىق كوميتەتى ءوز قۇرىلىسىن كۇش سالا كۇشەيتىپ، ءوز ەرەكشەلىگىنە ۇيلەسەتىن سوتسياليزم جولىمەن جۇرۋگە تاباندى بولىپ، ساياسيدىڭ، قوعامنىڭ ورنىقتىلىعىن جانە ەكونوميكانىڭ ۇزدىكسىز دامۋىن قۇلشىنا قورعادى، سونىمەن بىرگە ءوڭىردىڭ بەيبىتشىلىگىن، ورنىقتىلىعىن قورعاۋعا، وركەندەپ كەلە جاتقان ەلدەردىڭ ورتاق مۇددەسىن قورعاۋعا ۇلەس قوستى. باس شۋجي تۇڭلۇننىڭ باسشىلىعىنداعى لاوس حالىق توڭكەرىستىك پارتياسى ورتالىق كوميتەتىنىڭ پارمەندى باسشىلىعىندا، لاوس حالقىنىڭ، ءسوز جوق، لاوس حالىق توڭكەرىستىك پارتياسىنىڭ 11 - قۇرىلتايى العا قويعان نىسانالار مەن مىندەتتەردى جۇزەگە اسىرا الاتىندىعىنا سەنەمىز. جۇڭگو كوممۋنيستىك پارتياسى لاوس حالىق توڭكەرىستىك پارتياسىمەن ىنتىماقتى، سەلبەستىكتى، اۋىس - كۇيىستى، ءوزارا ۇلگى الۋدى كۇشەيتىپ، حالىقتى وزەك ەتكەن دامۋ يدەياسىنا تاباندى بولىپ، سوتسياليزم جولىمەن ءجۇرۋ سەنىمىن بەكەمدەپ، ادامزاتتىڭ وسىزاماندانۋىنىڭ جاڭا جولىن بىرگە قاراستىرۋدى قالايدى.

شي جينپيڭ بىلاي دەپ باسا دارىپتەدى: جۇڭگو مەن لاوس ەكى ەلدىڭ تاۋى جۇلگەلەس، سۋى قاينارلاس، ەجەلدەن بەرى جاقىن دوستار، تاتۋ كورشىلەر. 2019 - جىلى 4 - ايدا جۇڭگو - لاوس تاعدىرلاس ورتاق تۇلعاسىن قۇرۋ ارەكەت جوسپارىنا قول قويىلعاننان بەرى، جۇڭگو - لاوس ەكى جاق زەيىن - زەردەنى، كۇش - قۋاتتى ۇيىستىرىپ، جۇڭگو - لاوس تاعدىرلاس ورتاق تۇلعاسى قۇرىلىسىنىڭ سۇبەلى تابىستارعا قول جەتكىزۋىن ىلگەرىلەتتى، اسىرەسە، جۇڭگو - لاوس تەمىر جولىن جۇڭگو مەن لاوس حالىقتارىنىڭ دامۋ جولى، باقىت جولى، دوستىق جولى ەتىپ قۇرىپ شىعىپ، ەكى ەل حالىقتارىن وراسان زور قۇت - ىرىسقا كەنەلتۋمەن بىرگە، ”ءبىر بەلدەۋ، ءبىر جولدى“ بىرگە قۇرۋعا جانە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە دە ۇلگى ازىرلەدى. جاڭا جاعدايدا، ەكى جاق ەكى ەل قارىم - قاتىناسىنىڭ دۇرىس بەتالىسىن مىقتاپ يگەرىپ، جۇڭگو - لاوس تاعدىرلاس ورتاق تۇلعاسى قۇرىلىسىنىڭ باعداردان اۋىتقىماۋىنا، جىلدامدىقتى باياۋلاتپاۋىنا شىنايى كەپىلدىك ەتۋى؛ حاۋىپسىزدىك نەگىزىن ۇزدىكسىز بەكەمدەپ، ساياسي حاۋىپسىزدىكتى بىرگە قورعاپ، زاڭ اتقارۋ حاۋىپسىزدىگى مەن قورعانىس ىستەرى سەلبەستىگىن ىلگەرىلەتۋى؛ مۇددەلەردى توعىستىرۋدى جانە دامۋ ستراتەگيالارىن ۇشتاستىرۋدى تەرەڭدەتىپ، وسى ءوڭىردىڭ ءوزارا ۇلاسۋىن، تۇتاسۋىن جانە سايكەستى دامۋىن ىلگەرىلەتۋى كەرەك؛ ەكونوميكا - ساۋدا، قارجى قوسۋ بارىس - كەلىسىن تەرەڭدەتۋدە جۇڭگو جاق اناعۇرلىم كوپ جۇڭگو كاسىپورىندارىن لاوسقا بارىپ قارجى قوسۋعا شابىتتاندىرادى، لاوس جاقتىڭ اناعۇرلىم كوپ ساپالى ونىمدەرىنىڭ جۇڭگو بازارىنا كىرۋىن قارسى الادى، جۇڭگو جاق لاوس جاقتىڭ كەزەكتە ءدوپ كەلىپ وتىرعان قيىنشىلىقتارىن شەشۋىنە ۇزدىكسىز كومەك كورسەتەدى؛ عىلىم - تەحنيكا، وقۋ - اعارتۋ، مادەنيەت، ساياحات، دەنساۋلىق ساقتاۋ، جاستار سياقتى سالالارداعى اۋىس - كۇيىستى، سەلبەستىكتى ۇزدىكسىز كەڭەيتىپ، حالىقتار تىلەگىن توعىستىرۋدى نىعايتادى. جۇڭگو جاق لاوس جاقپەن لانساڭ - مەكونگ سەلبەستىگى، جۇڭگو - شىعىس وڭتۇستىك ازيا ەلدەرى وداعى سەلبەستىگى اياسىنداعى ىستەستىكتى، سايكەسۋدى تەرەڭدەتىپ، بۇكىل ادامزاتتىڭ ورتاق قۇندىلىقتارىن اسقاقتاتىپ، دۇنيە ءجۇزىنىڭ بەيبىتشىلىگىن، ورنىقتىلىعىن جانە دامۋىن، گۇلدەنۋىن بىرگە قورعاۋدى قالايدى.

تۇڭلۇن مىنالاردى ءبىلدىردى: جۇڭگو كوممۋنيستىك پارتياسىنىڭ 20 - قۇرىلتايى جۇڭگونىڭ جاڭا داۋىرىندەگى كەلەلى ءىس، دۇنيە ءجۇزىنىڭ دامۋى جونىنەن ماڭىزدى ىقپالعا يە. دۇنيە ءجۇزى كۇردەلى دە الماعايىپ جاعدايدى باستان كەشىرىپ وتىرعاندا، جۇڭگو دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋداعى مىزعىماس تىرەك بولىپ، ادامزاتتىڭ بىرگە دامۋىن جەبەۋگە جانە ادامزاتتىڭ تاعدىرلاس ورتاق تۇلعاسىن قۇرۋعا كۇش سالدى. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ باسشىلىعىندا، جۇڭگونىڭ، ءسوز جوق، جۇڭگو كوممۋنيستىك پارتياسى 20 - قۇرىلتايىنىڭ رۋحىن جانە 20 - قۇرىلتاي تۇراقتاندىرعان نىسانالار مەن مىندەتتەردى جاپپاي دايەكتىلەندىرىپ، تياناقتاندىرىپ، ەكىنشى 100 جىلدىق كۇرەس نىساناسىن ۋاعىندا جۇزەگە اسىراتىندىعىنا سەنەمىن.

تۇڭلۇن جۇڭگو جاقتىڭ ۇزاق ۋاقىتتان بەرى لاوستىڭ ەكونوميكالىق، قوعامدىق دامۋىنا كورسەتكەن قىمباتتى قولداۋى مەن كومەگىنە العىس ايتا كەلىپ مىنالاردى ءبىلدىردى: لاوس پەن جۇڭگونىڭ ءداستۇرلى دوستىعى ۋاقىت وتكەن سايىن جاڭارىپ، ساياسي ءوزارا سەنىمدىلىگى ۇزدىكسىز تەرەڭدەدى، اسىرەسە، 2019 - جىلى لاوس - جۇڭگو تاعدىرلاس ورتاق تۇلعاسى ارەكەتى جوسپارىنا قول قويىلعاننان بەرى، ەكى جاق بۇل جوسپاردى مۇقيات تياناقتاندىرىپ، ءار سالاداعى سەلبەستىكتى ۇزدىكسىز كەڭەيتتى، تەرەڭدەتتى، جۇڭگو جاقتىڭ لاوسقا كومەكتەسىپ سالعان ءىرى نىساندارى ءساتتى ىلگەرىلەدى، اسىرەسە، لاوس - جۇڭگو تەمىر جولىنىڭ سالىنۋى لاوستىڭ ەكونوميكالىق دامۋىندا ماڭىزدى ىلگەرىلەتۋ رولىن اتقاردى. ەكى پارتيانىڭ، ەكى ەلدىڭ قاتىستى تاراۋلارى مەن قۇرىلىمدارىنىڭ ءوزارا بارىس - كەلىستى جانە ەل باسقارۋ جاعىنداعى اۋىس - كۇيىستى كۇشەيتىپ، ەكى ەلدىڭ اماندىق، مەملەكەت قورعانىسى سەلبەستىگىن بەكەمدەپ، تەرەڭدەتىپ، ەكونوميكا - ساۋدا، قارجى قوسۋ ناقتى سەلبەستىكتەرىن كۇشەيتىپ، ”ءبىر بەلدەۋ، ءبىر جول“ باستاماسى مەن لاوستىڭ ”قۇرلىقتا تۇيىقتالعان ەلدەن قۇرلىقتى بايلانىستىراتىن ەلگە اينالۋ“ ستراتەگياسىن اناعۇرلىم ورگانيكالى ۇلاستىرىپ، ەكى ەل حالىقتارىنىڭ ءوزارا ءتۇسىنىسۋىن جانە گۋمانيتارلىق اۋىس - كۇيىستى كۇشەيتىپ، لاوس - جۇڭگو قارىم - قاتىناسىنىڭ اناعۇرلىم زور دامۋدى جۇزەگە اسىرۋىن جەبەۋىن ءۇمىت ەتەمىن.

كەڭەستەن كەيىن، شي جينپيڭ مەن تۇڭلۇن ەكى جاقتىڭ ساياسي پارتيا، ەكونوميكا - ساۋدا، فينانس، مادەنيەت، وقۋ - اعارتۋ، جەرگىلىكتى ورىندار سياقتى سالالارداعى سەلبەستىك حۇجاتتارىنا قول قويىلۋىنا بىرگە كۋا بولدى.

ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.